Mikha 5:6 - ASII LAKDAP Bible (BSI)

⁶ Ningkun ajong maq tsangshiq raq Asiria mung ka mijii wan. Nimrod mung tan ka mitang wan. Kiimaq Asiria mung raq namung khatki tlaq kiiwa, nashiq mitiichhii kuq wan.

Hawa Naga Bible 2001

⁶ Tsuingshiq rueq koz vlaq hungc maq Nimrod ghaq vraungx Asiria kuex khvt taungx gay shuex, tsuingshiq rueq naungshiq ghaq vraungx nuex nyuip khvt shuex nuex, kvruex walaungx bix rueq naungshiq kuex Asiria kox wawc palc wvnc phuex.

Mikha 5:6 Referencias Cruzadas

2 HOKHVMX 15:29

Peka ka hokham jatlaq pat na, Asiria mung Ajong Pinthum Hokhamwe ka kiraüta Israil mung ka khatto. Raüta Ijon, Abel Beth Maaka, Janoa, Kedesh, kiimaq Hajor chela thun, kiimaq Gilead wang binjü thun, Gelili wang, kiimaq Naphtali chela thun kra khatto. Raüta arthun chela wa mungmaiqse ka munglu shumwi ma Asiria mung na tsuq wanto.

1 KAÜWA WERAÜ 1:10

(Kush se ashi riito. Apaiq mang ka Nimrod. Apaiq ka mangjong hiq na apha shaq shaq rekhat na nolajong ma jato.)

2 KAÜWA WERAÜ 33:11

Kra ningkhan she Tatiwe raq Asiria mungti phentubi ka tsangshiq phen phung kra sheaho raüta Juda mung ka tiikhatto. Tsangshiq raq Manase ka lapto. Raüta adü na jinkom kharii maq khato. Kiimaq jinraü kharii maq banto. Raüta apaiq ka Bebilon mung na shumwi ma shea wanto.

YOBA 29:22

ngi raq ibom chong lot jai tsangshiq raq tiitsuq chang ahüshe riito; Ibomtsi ka rajun kham asa ikha nyam wanto.

Tvtsvmc 110:3

Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.

Tvtsvmc 72:6

Hokhamwe ka wak ram na rajuntlaq ikha miraq, hiqshong na rajun rakraqtlaq ikha mirlaq.

ISAIA 14:2

Maiq mung thun pahea raq Israilnok ka Tati raq tsangshiq ma akuq tsangmung na laü wan nong miitu mikhrumkuq. Kiimaq kiijaq maiq mung thun pahea raq Israilnok dikong ma ja raüta Israilnok ka mishli wan. Man na junok riiwa Israilnok kra khat raüta ji maq nishishi jamsha wantaq nok thun ka ümchaü Israilnok riishe mijamsha wan.

ISAIA 14:25

Ngi raq Asiria mungti ka ihiq shong Israil mung na mitiithen baiqha. Kiimaq tsangshiq ka ipum thun thaq kiijaq iji maq nishishi minyat baiqha. Ngi raq isenginok ka Asirianok kharü mong wa adü she mirbaiqha. Kiimaq tsangshiq ma holai jonghea tiihokuqtlaq kriiwa midok dawanha.

ISAIA 33:1

Naishiq renok ka miqto she! Tsangshiq raq nanok ka thiimeaq ma jaraüta tekto. Kiimaq nanok ka tiishaübaiqto. Shatmaq tsangshiq ka jurmin tek mak dea. Kiimaq jurmin tiishaübaiq mak dea. Shatmaq tsangshiq raq maiq tektlaq kra nanok tiishaübaiqtlaq akhing ka athum mirki. Tsangshiq maiqmii klishe thiimeaq raq mitek wan. Kiimaq tsangshiq kli she maiq raq mitiishaü baiq.

ISAIA 37:36

Tatiwe rase ashi ka Asirianok phentiip teitlaq kiijaq wawanto. Raüta phenlabi ka 185,000 jiip baiqto. Anap ranap chu miishe, kra tsangshiq phentu piitiip na tsangshiq ka wiita miqchup amaa phongli she jiimto!

ISAIA 37:37

Kiijiishe Asiria hokham ajongwe Sennacherib raq Jerusalem ka khat mak she, tei thüto. Raüta apaiq ka Ninewi chela niishe jang wanto.

ISAIA 6:13

Armung na maiq roqshi phongwa weshi li she tiichongki raü min, apaiq kiimin mishthenbaiq wan. Apaiq ka ok pechong adaqbaiq rea jai na achongkhuk bu tiichongkitlaq ikha miraq.” (Kra achongkhuk kriika Shiikeawe senginok rilung anye misongpha wan nong kra nangnga ngutlo.)

JEREMIA 14:22

Pongmungti thun sumla phra kong raq ra tiijunlot mak; ra raq rakraqraq ra tiijunlot mak. Naishiq ran tsantsii ka ümniima thütiikai, O Tatiwe lei, naishiq Shiikeawe lei, jamkhano ngukla ümniiraq arthun jaqsham ara klotlaü.

NAHUM 2:11

Hangsikong sichang longsha ikha chela, ümchaü ümbano? Hangsi sekong dungchang longsha irchong? Hangsi liwe nai hangsikaü sichang irchong? kiimaq asetiim thüchang longsha?

JEPHANIA 2:13

Tatiwe raq apaiq ningkun, jonghea rümtlaq kiimaq, Asiria mung ka mijiip baiq. Apaiq raq Ninewi chela ka, shaqmii shinriiq kumtsaiphii ma mitiijabaiq; khu akham min ahü hiq ma mitiijabaiq.

JEPHANIA 3:12

Kiijaq ngi raq aran se ma ja raüta, sobsob bombom maq sitibi, iwokhong na khrum ritti ka, mitiisi wanha.

Luke 1:71

Apaiq raq nashiq ka chiq se rewe jaqkhon mong wa, mitiichhii kuqha nguto. Nashiq ngengseng wanti maklii wa, mikhup wongkuq wanha nguto.

Luke 24:27

Kra ngu raütiishe, Jesuq raq tsangnai ma, apaiq miitu, Asii bomtsi na Mosheq raq awaiq thü lakdap thun kiimaq pha wan raüta, shammibi raq awaiq lakdap thun na chong tlaq thun kra wiita phanchan kuqto.

TRI CHONGKE 32:2

Ngi traho bomtsi ka rajun kham ikha misa, raüta hiq raikhü na bang arok ikha miraq. Ibomtsi ka pe chamsetiim thaq na kham düsetiim ikha misa, sangphii champhasetiim thaq na rajun rak raq tlaq ikha misa.