Mikha 5:7 - ASII LAKDAP Bible (BSI)

⁷ Kra mungbrak jaimaq aso atiichong, Israilnok ka maiqphan pahea ma Tatiwe raq, waitsi atrok ikha hüphin hanphin miraq. Wak na tsam cham rü na, waitsi bangkham sattlaq ikha, tsamcham miitu ahea miraq. Tsangshiq raq maiq jaq ka liimak miraq. Tatiwe miilishe mikam wan.

Hawa Naga Bible 2001

⁷ Tvraungx kvjungx yaq Israel miqsaz htenc kuex Yehowa tvdvy yaq buing ikhoc mungtan paunghvlc muex tvruip tvhemc kuq shuex, vkemc htenc htauk nuex yunx yaq raungyunc ikhoc yaungx tuex. Kvruex raq miqsaz nvr yaq kuex phvnx muq, Tishox rueq nvr yaq kvdvyx phvnx yaq.

Mikha 5:7 Referencias Cruzadas

2 SAMUEL 17:12

Nashiq raq Dawit ka ümbano tiipaü tlaq, kra konchi koncha mirit rong i. Laita apaiq raq jam min tho miheshaq niili, nashiq raq apaiq ka mikhat rong i. Raüla, apaiq min kiimaq asenginok min lunlot mak she miraq.

Tvtsvmc 110:3

Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.

Tvtsvmc 133:3

Arka Harmon pum na diwin bangkham roktlaq ikha, Jajon hiqlam thun na roktlaq ikha. Kriijaq Tati raq shiiman kiqkham kuqto- kra rilung ka pattup pat-sa rilung.

Tvtsvmc 72:6

Hokhamwe ka wak ram na rajuntlaq ikha miraq, hiqshong na rajun rakraqtlaq ikha mirlaq.

TAKSU LAK 19:12

Hokham tsankhiq hangsi hok wa; Apaiq mangchan rajun khamsa.

ISAIA 32:15

Shatmaq jangshiri hali Shiikeawe raq apaiq asii wenyi nashiq ma mikuq nong. Kra wakram shamseahü amiimbaiq thun kra thongshiri hali hiqpo hiq win ma mija nong. Kiimaq kra ramsea binjü kiiwa tü atsam ka aheawiq aphok alok mihea nong.

ISAIA 44:3

“Ngi raq khamnyang tsitlaq mung na kham mikuqha, kiimaq shinriiqriiq hiqraikhü na jüseraisetiim mitiikiha. Ngi raq iwenyi ümsetiim khum na miraükuqha, kiimaq ümsaütiim ma ram miramkuqha.

ISAIA 55:10

“Ibomtsi ka tsakhiiq ikha kiimaq rajun ikha, ra maq mangjong hiq na deatlo, raüta hiqraikhü na nyuktlo. Raüta tü atsam kra tiijongtlo, kiimaq tsamlai tiidongtlo kiimaq aphaq sea chang tü atsam tiidongtlo.

ISAIA 66:19

Krai mren, tsangshiq raq Ngi riidea tsangshiq ma imo tiiho tiikang nguta misap. “Shatmaq Ngi raq tsangshiq phong wa maiq wiijam ka atiihang mirha. Lata tsangshiq ka maiq mung thun na kiimaq maiq mung thun luhea na siti thun kiina, jurwa imang chong tsaki taimak dea riimakla ngi jonglu kiimaq iningkun heng michhishaqtibi mung thun na mitiiwaha: Kriithun ka Spen mung, Libia mung, kiimaq Lidia mung, tsangmungti liq sreabi rai mitiiwaha. Kiimaq Tubal mung na kiimaq Gris mung na mitiiwaha. Armung thun na tsangshiq raq imang chong jonglu tsütsa kra chiiriim raüta michongkuq.

JEREMIA 14:22

Pongmungti thun sumla phra kong raq ra tiijunlot mak; ra raq rakraqraq ra tiijunlot mak. Naishiq ran tsantsii ka ümniima thütiikai, O Tatiwe lei, naishiq Shiikeawe lei, jamkhano ngukla ümniiraq arthun jaqsham ara klotlaü.

EJEKIEL 14:22

Maiq ashi ra raq akhum nai asetiim ka tiichhii wan lot raüla, tsangshiq ka namshiq phana wa raüla, tsangshiq ka liilaq. Tsangshiq ka ümtinkhan abi maiqsetiim wa, kiimaq laüta namtsan mong na, Ngi raq Jerusalem tiithenbaiq kang arka kappe maq riikhaqli shin lata dea kha ka phokuq kang nguta misap han.

EJEKIEL 47:1

Maiqwe raq ngi ka Shomjam kilamchong kiina hali tiijang shea wan nongto. Kilamchong takiq kriimaq kham ka dong raitlo. Raüta kham rai kok ka Shomjam rinkea shedong nü na kihoto. Kra khamrai ka Shomjam maq shemai nü siim kriimaq kiho raüta berong-wacha maq shemai nü siim maq kham ka kihoto.

EJEKIEL 5:5

Tati Rakaü Hiqwe raq nguto, “Liilaq Jerusalem ka. Ngi raq apaiq ka mangjong hiq na maiq mung thun ümchuwa diimtlaq kriima among tingting ba na shongkang.

DANIEL 11:32

Hokhamwe raq laopha monglap tsii maq, Shiikeawe shomnoq lamphan miimthütibi thun ka apaiq rai pongtibi miishe mitiija wan. Shatmaq Shiikeawe ma kamwantiiti thun raq rewebi ka mikhat wan.

Hosea 14:5

Tsamjang maimak longkaü ikha kealoklok. Ra mitiijun ha Israilnok ma. Khiqra wak tsamhea ikha Israilnok mijong wan. Lebanon pum wa pero ikha, arang phataqtaq micham wan.

Hosea 6:3

Nashiq raq apaiq tiima tsantsii, khonwan miitu shiichaq rong i. Apaiq nashiq phana, ranap rashe kii li ikha miki dongdii. Lamse sat ma rajuntsi paü pan ikha, apaiq nashiq phana misaüki. Raüta nashiq ma achu shiiman mikuq.”

Yoel 2:32

Kiijiishe jurwa Tatiwe mang chong tlaq, kriiti thun mitiichhii wan. Arka Tatiwe raq, ‘Jerusalem wa ngi raq tsea wan kang thun mitiichhii wan,’ ” ngutaq kra phanphan miraq.

AMO LUIK DVP (AMOS) 5:15

Ashut lamphan shummii laq, Tingting lamphan lungwii laq. Rung maq tingting kha pho laq. Jursap, Tati raq, Joseph saüse aso atiichong ma, tiihang mangchan lo tiichhi jiiq.

Mikha 2:12

Shatmaq Tatiwe raq ngutlo, “O Israilnok lei, Rejaq song ka ngi raq mirchomha. Namshiq wiita rü adam na mitriitamha. Skusekong akheti raq shea wantlaq ikha, Sku rümchang nyiimlung rüram na; Skukong atsamphaq haisiq tlaq ikha, Israil mung ka pahea ra ma hiq ma hali, mitiipu wan nong ha,” nguta Tatiwe raq ngutlo.

Mikha 4:13

Tatiwe raq ngutlo, “Jerusalem lei, tiido laq, laüta ümrewe ka nibaiq laq! Ngi raq ümniika minpongwe arong jinrong, kiimaq ahoksan ka miiki ngam, ikha honghea ningkun mikuq kang, ümniiraq maiqphan pahea mithaü baiq wan haü. Kiimaq tsangshiq tsiiq anyam, sepat lope atsuq wan ka, Ngi ma michom kuq wan haü, Ngi ka ra ahiq rümti Tatiwe.”

Mikha 4:7

Tsangshiq ka achuk akü luhea mung na. Shatmaq aso tiichong tlaq kiiwa, ngi raq mung anye tingsang niishe mitiichhan chhi wan ha. Tsang mung ka jonghea ashi miishe mija wan. Kra akhing miishe ngi raq, tsangshiq ka Jajon pum maq, ngalata pattup pat-sa miitushe mi peng wan ha.”

Mikha 5:3

Arningkhan ümchaü sanha, Tatiwe raq asenginok ka, chiqse rewe jaq mong niishe milikuqbaiq. Arka chongkai jechak nyung raq, nowüchhi akhing misaüshaq wiiwii. Kiijiishetiq aphu ano munglu asiwati kiimin, tsangmung niishe adam misi wan.

Mikha 5:8

Israilnok pongmung na atiichongki thun ka, Rum na hangsi raq rum ngamse riimakla, skukong sangphii rü na atsam phaq wa, chaiham chaihiiq jom phaq wan tlaq ikha, tsangshiq tiichhii kewanti junim ahüshe miraq.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

JEPHANIA 3:13

Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

JEKERIA 14:8

Kra akhing saü raüla, rilung khamrai khangririhea ka Jerusalem chela mong maq miphok. Kra khamrai wa khoko ka Amaa Khamjong Chum nü kiiniishe mikiho. Kiimaq khoko ka Mediterenian Khamjong nü na she mikiho. Kra khamrai ka raju ralii kiruqli she miki. Arü min rüki mak phan she miraq.

JEKERIA 9:13

Ngi raq Juda mungti, srea nolawe liq miishe mitiijaha. Kiimaq Israil mungti, liqsin chü miishe mitiijaha. Ngi raq Jajon chelati, i nep jasai miishe mitiijaha. Lata Grik mungti mikhat wan ha.”

Matthew 28:19

Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq.

Acts 11:15

Krai mren, ngi raq tsangshiq ma traho bomtsi kra chongkuq wan kangtiishe, Asii Wenyi ka man na aphaji na nashiq khum na jamkho satkitaq, ikhiisii hali tsangshiq khum niimin satkito.

Acts 13:46

Shatmaq, Paul nai Barnabas riika, kra thaq na achat raütiishe, chaqchaq miishe hali akha ngutiishe tra hokuqto: “Shiikeawe bomtsi ka namshiq ma kongkhu chongke chang akhek. Kriikha maq namshiq ma kongkhu chongkuq tiikai. Shatmaq, ümchaü namshiq raq, Shiikeawe bomtsi ka shipoq baiq tlan. Krai mren, namshiq ka pattup pat-sa tsitsü rilung lap wan chang wa, sinchiitsap jamkho tsuq baiq tlaq ikhli she, maiqmii nai maiqmii li she tiitsuq baiq wan tlan. Riita, ija ahea na. Ikhiijiika, ümchaü sanha, namshiq ka baiqthü laitiishe, naishiq raq Shiikeawe bomtsi ka Pongnok phan maiqse miishe michong kuq hai.

Acts 16:9

Kra rawa shaqshaq she, Paul raq rawa na riisham mak maq, Mesidonia wang wa maiq weshi ka, apaiq khaki na chap raüta, “Mesidonia wang na warong ra. Lanta naishiq ara khrum kuqwa rongkiq!” nguta apaiq ma tiipaiqnea bom chongrea chhito.

Acts 9:15

Kiijiishe Tatiwe raq treto, “Kilaq. Naqhai kiq. Ngi raq apaiq ka i khiiq wi ma nguta atsea wan wishe. Kiimaq, apaiq ka i mang ara, Pongnok phan ma, kiimaq honyung hokhambi ma, kiimaq Israilnok wiitarü ma tiisap wan miitu, tsea wan kang.

Romans 10:20

Kiimaq arthaq niimin, Shammi we Isaia riika, Shiikeawe mang na, bom ka atsin miishe hali, “Junok riiwa ngi miitu dadü wan mak dea, kra nok raq khoti ngi ka hum wanto. Junok riiwa ngi ka ritkot wan mak dea, kra nok rai ngi sham riichhi wan kang,” nguta, chongtlo.

Romans 11:12

Riita, ija, Jehudinok raq ngarai tang wan raüta, mangjong maiqse ma achu shiiman jonghea tiisaü wanto chhi wan tiikai. Kiimaq tsangshiq ka wenyi lamphan na miitsan miijan maiqse ma jawantaq kriikha na, Pongnok phan maiqse ma, asho awo achu shiiman she kuq wanto chhi wan tiikai. Riita, ikhiijiila, Israilnok phan ka wiimungtam miishe, Shiikeawe wokhong na siwan raü jiika, Shiikeawe raq mangjong maiqse miika, ümtinkhan achu shiiman showo wa mikuq riila!

Romans 9:30

Riita, ara chong wan tiikai bomtsi arka ara nangnga ngutiikai. Pongnok phan maiqse riika, Shiikeawe rai jam riidü wan chang sham nguta, jam min tiima wan mak nok raq khoti, ümchaü sanha, tsangshiq ka Shiikeawe raq, ajam mong niishe tiidii wanto. Arka tsangshiq raq, Shiikeawe ma kamtsantsii thü wan tlaq kra, lümiishe tiidii wanto. Raüta, Shiikeawe rai wehea miishe tiija wanto. Tsangshiq ka, Shiikeawe raq apaiq khoqramkii maq raikuq wanto she.

1 Corinthians 3:6

Ngi raq tsamlai ka jang kang. Apolo raq tsamcham ka kham maq nyukto. Shatmaq tsamlai tiichamti nai tsamcham kra tiijongluti ka Shiikeawe apaiq kli.

TRI CHONGKE 32:2

Ngi traho bomtsi ka rajun kham ikha misa, raüta hiq raikhü na bang arok ikha miraq. Ibomtsi ka pe chamsetiim thaq na kham düsetiim ikha misa, sangphii champhasetiim thaq na rajun rak raq tlaq ikha misa.

PHOWEBI 6:36

Kiijiishe Gideon raq Shiikeawe ma nguto, “Ümniiraq ngi lümaq Israilnok ka tiichhiike miitu bom ka thapthi wan laü she ngutlaü.