Mikha 5:7 - Hawa Naga Bible 2001

⁷ Tvraungx kvjungx yaq Israel miqsaz htenc kuex Yehowa tvdvy yaq buing ikhoc mungtan paunghvlc muex tvruip tvhemc kuq shuex, vkemc htenc htauk nuex yunx yaq raungyunc ikhoc yaungx tuex. Kvruex raq miqsaz nvr yaq kuex phvnx muq, Tishox rueq nvr yaq kvdvyx phvnx yaq.

ASII LAKDAP Bible (BSI)

⁷ Kra mungbrak jaimaq aso atiichong, Israilnok ka maiqphan pahea ma Tatiwe raq, waitsi atrok ikha hüphin hanphin miraq. Wak na tsam cham rü na, waitsi bangkham sattlaq ikha, tsamcham miitu ahea miraq. Tsangshiq raq maiq jaq ka liimak miraq. Tatiwe miilishe mikam wan.

Mikha 5:7 Referencias Cruzadas

2 SAMUEL 17:12

Dawid piq m-yuq lac httax yaq nguinx kuex naunghez rueq thuiyx humc ruiux yuq, yvmx lac yaungx yaq nguinx piq rueq max tuiuz shauk nuex piq kuex tvdung phok maq khvt shix. Kvkaq piq nuiyc piq miq htenc kuex washiz muinz luenx tuex rvmuq.

Tvtsvmc 110:3

Mralx htenc kuex mnoz rueq khvt shuiux raungnuiyq kvkaq, mmiqsaz htenc kuex miqmac thuinz maq romc khvt naungx kv-phux. Raungnvp nuex ruk yaq buing ikhoc m-yalxrox bix kuex mnoz httax vtuiux vsawc kanx nuex httuiuc kaz tuex.

Tvtsvmc 133:3

Kvruex kuex Hermon Kanx htauk nuex nuiyc Zion luimx khux nuex dvyyaq tsuik hek ikhoc rvtueq. Kvruex kuex mkaq muinz vhtumx kay vguez rullungx, Yehowa rueq bomkhvmc vkuq vpiq ruimrix kejux rvtueq.

Tvtsvmc 72:6

Tvnx vnax htauk nuex raungyunx yaq nuiyc ghaq htauk nuex raungyunc thuey svrc yaq ikhoc Hokhvmx waz muinz kvkhoc m-yaungx wvnc kueq.

TAKSU LAK 19:12

Hokhvmx thuinkhvy kuex hangsic gawx ikhoc rvtueq, piq kejux kuex renhttuingx htauk nuex dvy yaq buing ikhoc rvtueq.

ISAIA 32:15

Yuq muinz Tishox rueq lauk shiz hulawx vpiq siyac kuex naungshiq htauk nuex ruiuc kuq shuex. Kvkaq ghaqjvnc ghaqnac htenc kuex ghaqhvlx ghaqbur muex yaungx wvnc ruiux, wuik vnax htenc nuex vthuey vngoz tvdung kuq shuex.

ISAIA 44:3

“Ngaz rueq khvmx sac yaq ghaq vraungx muex yuix shvy kuq shaungx, htuiz rawk yaq ghaq htauk nuex yuix saz ruilx htenc tvkaz shaungx. Ngaz rueq nuimshiq sahez htauk nuex ngvy siyac kuex ruiuc htawc shaungx, msuiuz msaz htenc htauk nuex ngvy ruimrix ruiuc htawc kuq shaungx.

ISAIA 55:10

Ngvy kvjaz kuex ghaq nuex raungwawc yuix tvkaz yaq raungyunc nuiyc buing ikhoc rvtueq. Kvruex raq tuiz vtsvmz jungx tvkemz yaq vkhic vyuingc juing vlix htenc nuiyc phuiuz vsvy juing htenc kuex tvyaungc kuq yaq.

ISAIA 66:19

tsuingshiq muex murx tvgurc jix kuex ngaz rvtauk lvmz tuiuz wuez shuex. “Yuq muinz tsuingshiq wawc wvyvmc kuex ngaz rueq tvjungx taq ruiux, ngvy muingc jungc max tay shauk jix, ngaz yungx luz vtaungx nuiyc ngvy luimc vkawc max khiz jix, laq gap shvrvyx bix httax yaq Spain, Libya, Lidia, Tubal nuiyc Greek mungx htenc nuex httax yaq miqphvnx htenc nuiyc lvmx luz mungx miq htenc kox nuex muinz, tsuingshiq kuex ngaz rueq tvkaz shaungx. Tsuingshiq rueq kvruex mungx htenc kvyuq ngaz yungx luz vtaungx lvmz kuex jungphvnx kuq shuex.

JEREMIA 14:22

Miq phvnx htenc rueq nawk yaq phara yac yuimx rueq raungx kuex tvyunc lot muq; raungx kuex piq yunc yunc yunx lot yaq rvmuq; O Yehowa nuiyshiq Tishox lex, nuiyshiq rueq mnoz tvluimc wuez vphix, yvmx khoc lac ngoz ruiux lec mnoz rueq dvyx vruex htenc kuex shuimx wvnc toq.

EJEKIEL 14:22

Miq vshiz shiz rullungx vtvraungx shauk httax vtueq piq sahez kuex palc wvnc ruiux, nuimshiq kox nuex httuiuc kaz ruiux yuq, tsuingshiq kuex lawc shuinz. Tsuingshiq mtanc lac layx bac yaq nguinx kuex lawc shuiuz, kvruex lawc ruiux yuq Yerusalem htauk nuex ngaz rueq tvhttuiuc vshaungx vkuilc vdaz murx kuex tvrac vlvmz rvtueq tuiuz taq shuiuz;

EJEKIEL 47:1

Miq waz kvraq Shomc Yuimx kaluix daungx nuex ngaz kuex tvyez shvlx wvnc phuex. Yuix kuex kaluix daungx jungx yaz maq dung vtueq Shomc Yuimx htvlx tvmuiz yaq shaldungc kox nuex kaz yaq. Kvruex yuix kuex shomc yuimx ghaqyaz kox khung maq dung vtueq shomrawx maq ghaqyaz kox nuex kaz yaq.

EJEKIEL 5:5

Johvlc Yehowa rueq, “Yerusalem kuex lawc shuiuz. Ngaz rueq kvruex ghaq kuex mungkawx vmungx baung nuex taq vtueq vganc mungtan htenc lotlaz maq tvkomc taq tauk.

DANIEL 11:32

Tsuingshiq nawk palx htungx tuip gay shec jix hez kuex hokhvmx waz rueq rot kaq vtueq laulawc shuex, yuq muinz Tishox yix phvnx jix hez rueq tsuingshiq kuex tvyez khvt shuex.

Hosea 14:5

Httuiz rawk yaq baung nuex raungyunx yaq ikhoc ngaz kuex Israel miqsaz tvkoc yaungx taungx. Tsuingshiq kuex pulx puic htenc ikhoc puic wvnc vtueq; Lebanon pulx htenc ikhoc phaungx duingduing hvlc vruingx waungc tuex.

Hosea 6:3

Naungshiq rueq Yehowa kuex tuiuz laz juing hunglaungx ix. Vpiq kuex raungnvp raungwuic dung wvnc yaq ikhoc muinz, raungyunc yac ghaq htauk nuex raungyunx yaq ikhoc muinz naungshiq kox nuex vsuing httuiuc kaz ruex.”

Yoel 2:32

Yuq muinz romc kuy tvkoc Yehowa kox wawc thoz jix lotlaz kuex palc daungc wvnc rvhumc tuex. Yehowa rueq jungx tueq rulc rv-ngvlc, ‘Yerusalem wawc wvyvmc luenx wvnc tuex; kvruex hez kuex ngaz rueq vthvl shex hez ningkhvnc nuex tvraungx lvp tuex.’”

AMO LUIK DVP (AMOS) 5:15

Layx vbac kuex shuiuc ruiux, vlvmz kuex lungwawx shuinz, tvrac rungx htenc nuex tvrac vlvmz httaz tvkoc phvnx wuez shuinz. Yehowa rueq vruex miqphvnx vwawc tvraungx kvjungx yaq miq wvyvmc muex menjenc kuq ruiux kuq shuex wuez raz tvnx.

Mikha 2:12

“Yuq muinz nuimshiq Israel miqsaz wawc kvjungx yaq lotlaz kuex ngaz rueq tvjomx vtueq tvtuimx shaungx. Khelbuenx htenc kuex tsuingshiq ruk mungx nuex yek waung tueq ikhoc, ngaz rueq nuimshiq kuex tvtuimx yek phaungx. Khelbuenx htenc mvrc yaq ngac remc juing baung ikhoc nuimshiq ghaq vraungx nuex miq paunghvlc laukshiz hulawx mvrc wvnc yek tuex.”

Mikha 4:13

Yehowa rueq, “Yerusalem miqsaz lex, mralx hez muex murx tvgurc kaz kuiuz! Yanx rungx htenc nuiyc nvyrvyx huk httuinc httax yaq manx pung ikhoc ngaz rueq mnoz kuex tvhung laungx phaungx. Mnoz rueq miqphvnx paunghvlc kuex tvbunx jek gay shuiux, tsuingshiq rueq yauk laungc yalawx maq vlvp tsak vnyvmx kuex mungkawx lotlaz Taungjix rvtauk, ngvy kox nuex kuq kaz wuez ruex,” ngoz tueq jungx tueq.

Mikha 4:7

Tsuingshiq kuex yaz kuix kaz vtueq yuimx maq vluz nuex httuiuc kaz wuez tueq, yuq muinz ngaz rueq kvjungx yaq jix htenc kuex vnyalx tvjvp guirx yek vtueq, tsuingshiq kuex miqphvnx yunghvlc yaungx wvnc tuex. Ngaz rueq tsuingshiq kuex Zion Kanx htauk nuex kvruex vkhing maq phaungc vtueq pattup guimz lawc shaungx,” ngoz tueq jungx tueq.

Mikha 5:3

Kvkhoc rvtueq wuic khic thuiuz yaq nyuiuz kuex nox jawc jauz nuex httuiuc laz Yehowa rueq vpiq miqsaz kuex tsuingshiq ralx hez yauk nuex lekuq gay shuex. Kvruex yimaq vthuq vruez laq miqsaz htenc kuex miqmac phuz vnox bix rulc vdvmz nuex rvromc wvnc yek tuex.

Mikha 5:8

Kvjungx yaq hez kuex miqphvnx htenc hvlwvl luingx vlak nuex, rvmuq ngoz ruiux ngac remc juing nuex phuiuz vsvy thuiyc khuyx yaq hangsic ikhoc yaungx tuex. Piq kuex khelbuenx phungc nuex nyuip vtueq puinthuing puinthaung juir gay shuex; kvruex baung wawc palc wvnc tvkoc thuinz tvluimc juing httax tuex rvmuq.

Mikha 7:18

O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.

JEPHANIA 3:13

Kvjungx yaq Israel miqsaz htenc kuex mruex jix htauk nuex muinz vyaq yauk shuimc shuimx shuex rvmuq, vrot vkaq kvjaz jungx shuex rvmuq, vlauc vlawc phuiuz svy tvkoc hungc maq jungx shuex rvmuq. Tsuingshiq kuex ukhaq muex muinz hisungx rax muq, kvkhup wungx httax vtueq rungwanx wvnc wuez tuex,” ngoz tueq jungx tueq.

JEKERIA 14:8

Kvkhoc raungnuiyq httuiuc wvnc tuex nuex, rullungx yuix kuex Yerusalem maq kaz tuex, yuix kholak kuex Yuix Maungx Jumx nuex, vganc kholak kuex Mediteranean nuex rvtuex. Kvruex yuix kuex raungyux raunglawc wawc shiz tup kaz tuex.

JEKERIA 9:13

Ngaz rueq Yuda kuex nolaungx washiz laq ikhoc Israel kuex laqsvnz htenc ikhoc tvyaungc vtueq shuimx shaungx. Ngaz rueq Zion ghaq wuinz kuex yaung ikhoc shuimx vtueq, Greek waz hez kuex khvt shaungx.”

Matthew 28:19

Kvkhoc rvtueq nuimshiq kuex kaz wvnc vtueq miqphvnx ruip rawx kuex ngvy sangac muex tvyaungc shuinz, Vwaz, Vsaz, Vsawc Siyac muingc maq tsuingshiq muex yuix luip lvmz kuq shuinz;

Acts 11:15

Kvkaq ngaz rueq bomc dauz vtueq jungx phaungc wvnc koq tueq, Vsawc Siyac kuex kungkhux nuex nuiyhez htauk nuex httuiuc kaz tueq ikhoc, tsuingshiq htauk nuex muinz httuiuc kaz tueq.

Acts 13:46

Polu nuiyc Barnaba rueq khvmc thuinz maq jungx tueq kuex, “Nuiyshiq rueq Tishox bomjungc kuex nuimshiq muex kungkhux tvluing kuq vphix, yuq muinz nuimshiq rueq kvruex tvrac kuex tuip gay ruiux, miqmac shauk vgvnz kv-ngoc pattup rullungx rulc hungx htaungx muq jix ngoz tueq kv-ngoc vtuinx ningkhvnc nuex nuiyshiq kuex nuimshiq kox wawc dung wvnc vtueq, Pungnuk miqsaz kox nuex kaz wvnc vtix.

Acts 16:9

Polu rueq raungwvrx nuex siyac maq khiz tueq kuex, “Makedonia mungx nuex yanz wvnc vtueq nuiyshiq muex romc kuq wvnc loq,” ngoz tueq Makedonia mungx jix miq washiz jvp vtueq thoz yaq kuex khiz tueq.

Acts 9:15

Yuq muinz Taungjix rueq, “Kaz kuiuz, kvruex waz kuex Pungnuk miqsaz htenc, hokhvmx bix htenc nuiyc Israel miqsaz htenc muex ngvy muingc tvtuiuz tvkoc ngaz rueq vthvl taq waz rvtueq.

Romans 10:20

Kvmaq Esaia rueq pinhtumc tsanc hvlc thuinz maq, “Ngaz thuiyx muq jix rueq ngaz kuex humc phuex; ngvy lvmz wisoz muq jix htenc kox nuex ngaz kvkhic tauk,” ngoz tueq jungx tueq.

Romans 11:12

Yuda miqsaz htenc yaq gay tueq mvrax kuex mungkawx miqsaz tvkoc paunghvlc kejux yauk noalc tvyaungc tueq nuiyc, tsuingshiq siyac nuex htemc vrvmc rvhumc yaq kuex Pungnuk miqsaz htenc tvkoc paunghvlc kejux yauk noalc tvyaungc kuq ruiux kuex, Yuda miqsaz htenc hunglaz htaunglaz palc daungc wvnc kejux nuex tvlomx rvhumc ruiux kuex mtanc khvnc yungc kejux yauk noalc yaungc juing lac nyix!

Romans 9:30

Kvkhoc rvtueq naungshiq rueq jungc roc lvmx kuex vkhoc rvtueq, Tishox rueq tvtsuing tvrux kuy rvhumc wvnc tvkoc, hunglaungx muq Pungnuk miqsaz htenc kuex vpiq muex kvmluimx ningkhvnc nuex vpiq khaungkac nuex tsuingrux wvnc wuez tueq.

1 Corinthians 3:6

Ngaz rueq vlix dvyx yuingc tauk, Apollo rueq yuix maq shvy kuq tueq, vjungx tvkemc jix waz kuex Tishox rvtueq.

TRI CHONGKE 32:2

Ngaz rueq tvluing shaungx kvjaz kuex raungyunc thuey ikhoc svrc yaq, ghaq htauk nuex buing ikhoc yaungx tuex. Ngvy kvjaz kuex vkemc sahez htauk nuex yunx yaq raungyunc ikhoc, wuiljuit wuiljaungx httuingx htauk nuex dvy yaq raungruik rauk ikhoc yunx tuex.

PHOWEBI 6:36

Kvruex yimaq Gideon rueq Tishox muex ngoc, “Mnoz rueq ngaz vruex shuimx vtueq Israel miqsaz kuex palc wvnc tvkoc htvp htaz toq shec lvmz jungx toq.