Mikha 5:8 - Hawa Naga Bible 2001

⁸ Kvjungx yaq hez kuex miqphvnx htenc hvlwvl luingx vlak nuex, rvmuq ngoz ruiux ngac remc juing nuex phuiuz vsvy thuiyc khuyx yaq hangsic ikhoc yaungx tuex. Piq kuex khelbuenx phungc nuex nyuip vtueq puinthuing puinthaung juir gay shuex; kvruex baung wawc palc wvnc tvkoc thuinz tvluimc juing httax tuex rvmuq.

ASII LAKDAP Bible (BSI)

⁸ Israilnok pongmung na atiichongki thun ka, Rum na hangsi raq rum ngamse riimakla, skukong sangphii rü na atsam phaq wa, chaiham chaihiiq jom phaq wan tlaq ikha, tsangshiq tiichhii kewanti junim ahüshe miraq.

Mikha 5:8 Referencias Cruzadas

RAPHA HIQWA LAK 49:9

Yuda kuex hangsic ikhoc rvtueq, piq rueq ngvmx kuex kauk phauk kaz vtueq lungshaung nuex yek waung yaq, Hangsic ikhoc kvshunc bumx vtuiux. Piq kuex uraq muinz yurc lot muq.

Tvtsvmc 104:20

Mnoz rueq raungnyauk tvdungc sungc tvy ningkhvnc nuex yaruix ngvmx saz htenc raung-nyauk nuex dung vtueq khuemx wuez yaq.

Tvtsvmc 44:5

nuiyshiq rueq mnoz luimc vkawc maq ralx htenc kuex taungx gay tiq.

Tvtsvmc 50:22

“Ngvy lauk gay jix waz lex, vruex kvjaz htenc kuex tay tvtsuingc shuiuz, rvmuq ngoz ruiux ngaz rueq mnoz kuex tvbac gay phaungx, mnoz palc jix washiz muinz httax tuex rvmuq.

TAKSU LAK 30:30

hangsic, ngvmx saz lotlaz htauk nuex hungc vlaungc httaz hvlc rvtueq ukhaq muex muinz hiz muq;

ISAIA 5:29

Nolaungx bix kuex ngvmx vshiz kauk vtueq uraq muinz nyvlc lot muq juing baung nuex het taq wvnc tueq hangsic ikhoc thuiz yaq.

EJEKIEL 39:10

Tsuingshiq rueq janx muex juiuz tvkoc koz vlaq hup vsvmx htenc lvp yaq ningkhvnc nuex tvnx wawc janx htuimx muq, luingx vlak wawc pulx dauk muq. Tsuingshiq kox wawc yauk laungc yalawx nyvlc jix hez kox wawc tsuingshiq rueq khvt nyvlc wvnc shuex,” ngoz tueq jungx tueq. Johvlc Yehowa rueq jungx tueq.

Hosea 5:14

Ngaz rueq hangsic vshiz ikhoc Israel nuiyc Yuda miqsaz htenc kuex khvt shaungx. Ngvy pumz maq tsuingshiq kuex tv-phuinz tv-phux puinz gay yix maq tsuingshiq kuex gay shec shaungx. Ngaz rueq tsuingshiq kuex het laq shaungx nuex, uraq muinz tsuingshiq kuex palc wvnc lot muq.

Mikha 2:12

“Yuq muinz nuimshiq Israel miqsaz wawc kvjungx yaq lotlaz kuex ngaz rueq tvjomx vtueq tvtuimx shaungx. Khelbuenx htenc kuex tsuingshiq ruk mungx nuex yek waung tueq ikhoc, ngaz rueq nuimshiq kuex tvtuimx yek phaungx. Khelbuenx htenc mvrc yaq ngac remc juing baung ikhoc nuimshiq ghaq vraungx nuex miq paunghvlc laukshiz hulawx mvrc wvnc yek tuex.”

Mikha 4:13

Yehowa rueq, “Yerusalem miqsaz lex, mralx hez muex murx tvgurc kaz kuiuz! Yanx rungx htenc nuiyc nvyrvyx huk httuinc httax yaq manx pung ikhoc ngaz rueq mnoz kuex tvhung laungx phaungx. Mnoz rueq miqphvnx paunghvlc kuex tvbunx jek gay shuiux, tsuingshiq rueq yauk laungc yalawx maq vlvp tsak vnyvmx kuex mungkawx lotlaz Taungjix rvtauk, ngvy kox nuex kuq kaz wuez ruex,” ngoz tueq jungx tueq.

Mikha 4:7

Tsuingshiq kuex yaz kuix kaz vtueq yuimx maq vluz nuex httuiuc kaz wuez tueq, yuq muinz ngaz rueq kvjungx yaq jix htenc kuex vnyalx tvjvp guirx yek vtueq, tsuingshiq kuex miqphvnx yunghvlc yaungx wvnc tuex. Ngaz rueq tsuingshiq kuex Zion Kanx htauk nuex kvruex vkhing maq phaungc vtueq pattup guimz lawc shaungx,” ngoz tueq jungx tueq.

Mikha 5:3

Kvkhoc rvtueq wuic khic thuiuz yaq nyuiuz kuex nox jawc jauz nuex httuiuc laz Yehowa rueq vpiq miqsaz kuex tsuingshiq ralx hez yauk nuex lekuq gay shuex. Kvruex yimaq vthuq vruez laq miqsaz htenc kuex miqmac phuz vnox bix rulc vdvmz nuex rvromc wvnc yek tuex.

Mikha 7:18

O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.

JEKERIA 10:5

Yuda miqsaz htenc rueq lvmx laungx wawc bokbiq kvyuq ralx htenc kuex nyet nuiuz gay jix nolaungx bix rueq ikhoc khvt taungx gay shuex. Yehowa kuex tsuingshiq rulc vdvmz ningkhvnc nuex tsuingshiq rueq khvt vtueq, mvre nuex ngaungc jix ralx shvrvyx bix kuex khvt taungx gay shuex.

JEKERIA 11:6

(Yehowa rueq, “Ngaz rueq ghaq htauk wawc miq ukhaq muex muinz menjenc shaungx rvmuq. Ngvy shauk pumz maq miq lotlaz kuex tsuingshiq guimz lawc jix mungx walaungx bix muex lekuq gay shaungx. Mungx guimz lawc jix hez rueq ghaq kuex tvbac gay shuex, tsuingshiq luimc vkawc kvwawc ngaz rueq palc wvnc shaungx rvmuq,”) ngoz tueq jungx tueq.

JEKERIA 12:3

Yuq muinz kvkhoc raungnuiyq httuiuc tuex nuex, ngaz rueq Yerusalem kuex liz hvlc lung vshiz ikhoc tvyaungc shaungx, kvruex kawk gay tvkoc dvnc jix miqphvnx kuex vmac vtsac tvrvhumc shaungx. Mungkawx wawc miqphvnx htenc lotlaz rueq piq kuex tuimx khvt wuez shuex.

JEKERIA 14:18

Ejip miqsaz rueq Bulax Tap Moalx moalx muq tvlvlc ruiux yuq, tsuingshiq rueq kvkhoc khawx lvlx yaq jix htenc tvkoc Yehowa rueq tvkaz shuex thuimkux mac vtsac kuex rvhumc tuex.

JEKERIA 9:15

Tvphaungc Tvsuip Yehowa rueq vpiq miqsaz kuex tvkhup wungx shuex, tsuingshiq rueq tsuingshiq ralx htenc kuex tvbac gay shuex. Tsuingshiq kuex ralx khvt nuex joal pawc jix hez ikhoc guyc ramc vtueq tsuingshiq ralx htenc tvguiy kuex ruiuc gay shuex; kvruex kuex shomrawx htauk nuex httax yaq pantuimz wawc vruiuc gay shomc nawk juing tvguiy ikhoc svrc tuex.

MALAKI 4:3

Ngaz rueq shuimx shaungx raungnuiyq, nuimshiq rueq layx bac jix kuex puingc wvnc ruiux, tsuingshiq muinz nuimshiq yaz phac khung wawc bokkhuyx ikhoc yaungx wvnc wuez tuex.

WEAWEA 24:9

Kvruex miqphvnx htenc kuex hungc hvlc hangsic rulc rv-ngvlc yaq; Vkvtsoalx baunglaung uraq muinz tvtsvmc lot muq. Israel miqsaz muex ruimruimc kuy jix waz kuex, ruimruimc kuy rvhumc tuex, Israel miqsaz muex mvnhttonc jix waz kuex, httonc rvhumc tuex.”

Matthew 10:14

Nuimhez kuex malc wvnc muq maq nuimhez kvjaz kuex tay roc muq ngoz ruiux yuq, kvruex yuimx wawc, rvmuq ngoz ruiux kvruex baung kvwawc dung kaz wvnc vtueq nuimhez yaz nuex kop yaq bokkhuyx kuex nuiuc gay shec shuinz.

Acts 18:6

Kvkaq tsuingshiq rueq piq kuex khawc lvlc ngoc ngac lvy ningkhvnc nuex Polu rueq vsvmhung wawc bokkhuyx kuex nuiuc ruiux vkhoc ngoz tueq, “Nuimshiq batac rvhumc wvnc ruiux kuex nuimshiq mvrax dvyx rvtueq, ngvy mvrax kuex rvmuq! Majuiuc vmaq kuex Pungnuk miqsaz kox nuex shex kaz wvnc taungx,” ngoz tueq jungx tueq.

Hebrews 12:25

Nuimshiq kuex bomjungc kuy jix waz kvjaz kuex tay muit tvdux gay jix muex nauk yaungx wuez kaz, honc lvmz shuinz. Ghaq htauk nuex honc vtharc jix waz bomjungc kuex tay muq tvdux gay jix htenc kuex mvrax murx wawc luenx lot tuex rvmuq, kvkhoc rvtueq nuimshiq kuex, raungmungx maq jungx yaq waz muex yix tvnungx shung kuq ix ngoz ruiux yuq, mvrax murx wawc naungshiq luenx juing lvmx vguez rvtueq!

Hebrews 2:3

vtanc khvnc yungx luz yaq palc daungc wvnc lvmx kejux kuex naungshiq rueq wvlc guez tvyaungc ruiux yuq, naungshiq yvmx khoc maq lac mvrax khac phox shuex kvwawc dung wvnc lot tix? Kvruex palc daungc wvnc lvmx kuex vphaungc nuex Taungjix rueq jungphvnx kuq wvnc ruiux, vtay wvnc jix htenc rueq kvruex kvjaz kuex tsuingrux rvtueq lvmz hakhix tvkhic kuq wvnc phuex.