Matthew 26:67 - ASII LAKDAP Bible (BSI)

⁶⁷ Kiijiishe maiq wiijamti raq Jesuq ka atheaphi na tho ariiq maq phong tsoktsok she thosiq wanto. Kiimaq wiijamti riika apaiq ka hot-hot she buk hoto. Kiimaq maiq wiijamti riika, jaq phi maq apaiq ka siiqsiiq she tsat hoto.

Hawa Naga Bible 2001

⁶⁷ Kvkaq tsuingshiq rueq vpiq htvlx nuex htawz maq htawz ruiux, yauk htuimx maq htuiuz tueq; wvyvmc rueq vhtvlx phawc nuex yauk phac maq wung vtueq,

Muklom

⁶⁷ Ethi jio ning aa usham tho thuk ta etho piq tha watta, etho miq dak eq bangwat ta,

Matthew 26:67 Referencias Cruzadas

1 HOKHVMX 22:24

Kiijiishe shammiwe Jedekia ka Mika tho na chap wa raüta, atheaphi na riisiiq tsatto. Raüta apaiq ma, “Riita Tatiwe wenyi ka ikhum wa ümtincho wa kihota, raüta ümniiphana wawan raüta, ümniima bom ka chongkuqta?”

ISAIA 50:6

Ngi raq itseati ma iraikhü chungkuqkang, Ngi raq tsangshiq ka tiiwin mang, tsangshiq raq ngi shummiito, tsangshiq raq inübin phaibaiqto, kiimaq itheaphi na tho maq thoto.

ISAIA 52:14

Maiqse pahea raq apaiq ka chhi raüta akiinyii rai riito; apaiq sham ka wiita athenkai wishe riito, asham ari ka maiqse sham ikha riimak she riito.

ISAIA 53:3

Nashiq raq apaiq ka shummii wan kai; kiimaq apaiq ka tiishaübaiqkai; apaiq raq riitsitsaitsiiq chamchao homa ninwanto. Maiqse raq jurmin apaiq theaphi na liikham mak riito, nashiq raq apaiq ka hiqtili sinchiitsap ikhli shipoq wan kai.

JEREMIA 20:2

apaiq raq ngi ka atea ronglaq nguta aming kuqto. Raüta ngi ka jinraü kharü maq khato. Raüta Shomjam na wachang lamthaq niiti Benjamin Kilamchong kiijaq banto.

AJONJÜ 3:30

Nashiq ma apaiq mo tiiho wanto, raüta shummiito. Shatmaq nashiq raq, arka jiqkai dea nguta, apaiq bom ka tre wan changli she.

AJONJÜ 3:45

Ümniiraq naishiq ka, mangjong maiqse maklii na, ashe ashi sinchiitsap, atsuqbaiq ikhli tiijabaiq laü.

Mikha 5:1

O Jerusalem chelati lei, srea nolabi riichom ronglaq! Nashiq ha miqkai she! Chela trotam maq re raq kam wanto she. Tsangshiq raq Israilnok welawe khat wanto!

WEAWEA 12:14

Kiijiishe Tatiwe raq treto, “Awe raq apaiq theaphi na tho maq tho raüla, apaiq raq apaiq jeasi kha tiichhit miitu ka ramiishi na saüli munjuk maq sichang miraq. Krai mren, apaiq ka piitiip mong wa dongho raüta kinphai na ramiishi na saüli bamsi kilaq. Kra jai miitiq apaiq ka piitiip mong na hali sheakai nong mimai.”

Matthew 26:68

Raüta, “Ümniika Messia ngori nya. Ümniika shammi. Ümchaü ümdü na jaqmiiqti ka juwa, kra naishiq ma riisham bom maq chongkuq liina!” ngutiishe slailiisiq wanto.

Matthew 27:30

Kra raütiishe hali, tsangshiq raq apaiq theaphi na, tho ariiq maq phong tsoktsok she thosiqto. Raüta, ajaq wa nyeakii kra nyea raütiishe akhupo kiijaq hot-hot she hali bukto.

Matthew 5:39

Shatmaq, ümchaü ngi raq namshiq ma chongpha: Jurwa namshiq ma shuttlaq, kra phuk ka naq lam rongkiq. Ashi ra raq namthea theatsi nü na riisiiq tsat raüla, theako nü kri chiim kuq ronglaq.

Mark 10:34

Tsangshiq raq apaiq ka mihaihii. Adü na tho maq mitho. Jinponyam chongwai maq mitsat. Raüta apaiq ka atsea mirbaiq. Shatmaq, ranaiqtsam jai maq, apaiq ka ama wa adong mirwan nong.”

Mark 14:65

Raütiishe, tsangshiq phong wa maiq wiijamti raq, Jesuq ka tho ariiq maq phong tsoktsok she thosiq wanto. Kiimaq amak ka khea maq jobto. Raüta, jaqtham maq thaüto. Raüta, “Ümnaq jaqtham maq thaüti ka juwa, chong liita!” nguta slailii siqto. Kiimaq hokranok raq, apaiq ka hitho raüta, atheaphi na siiqsiiq tsatto.

Mark 15:19

Raütiishe, tsangshiq raq akhupo na pekü maq, riisong riili she buksiqto. Kiimaq adü na tho ariiq maq phong tsoktsok she, thosiqto. Kiimaq tsangshiq ka lakü na ngahihi raüta, apaiq ka noqsiqto.

John 18:22

Jesuq raq ara bomtre ara tai raüta, Shomjam kheti peta weshi raq Jesuq ka atheaphi na riisiiq tsatto. Raüta, “Ümniiraq Ramwe Ajong Pinthum we ma akha bomke min sha mai ta?” nguta siato.

John 19:3

Kra raütiishe, tsangshiq ka apaiq tho na chapwa hihi raüta, “Jehudinok Hokham we lei, rilung alu maq siliilii!” nguta slailii noqsiq wanto. Kiimaq tsangshiq raq atheaphi na tiijangkiki she tsatsiqto.

1 Corinthians 4:13

Maiq raq naishiq ka ashummii riitlo; naishiq raq tsangshiq ma bomhea miili tre tiikai. Naishiq arka ara mangjong hiq wa sinchiitsap, atsuq baiq chang ikhiili sitiikai! Naishiq ka ümchaü ranaiq niitaq, mangjong hiq wa maiqpai tiisup, chhijaq nyiipji tsap ikhiili sitiikai!

TRI CHONGKE 25:9

anyi-chhi-nyung raq kra chelati rung welabi man na aphu-chhiwe tho na chap raüta, apaiq hok na patlaq sandal kiiwa ashi kra michhut baiq, raüta atheaphi na tho maq mitho. Raüta akha mingu, ‘Jurwa aphu ano ma alai tiichhan chhiro mak, kriiti jamkun ka akha miraq.’

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.