DANIEL 9:25 - ASII LAKDAP Bible (BSI)

²⁵ Ara bomtsi ara ümtsan na samhea tiitsang shaq laq. Laüta liichum ka tak laq: Jerusalem chela kra tiihea haiwan miitu, aming tat tlaq kra akhing maq phawan raüta, Shiikeawe raq asengi sheati wela weshi shong wan tlaq kra akhing na saüli ka, jang miishishi maq wiimiishi kra milea wan. Kra akhing leawan jai miishetiq, Jerusalem chela ka mitiihea hai wan. Chela mong wa lam thun nai chela trotam maq kiitelong ruk thun kra thepthep atang tingsang she mitiihea hai wan. Raüta kriika jang miishi maq wiiroqtrok ri wiinai misi wan. Shatmaq kra akhing bala ka pinthum litkot chamchao akhing miraq.

Hawa Naga Bible 2001

²⁵ Kvruex tvtsuingc taq vtueq tuiuz taq shec shuiuz: Yerusalem tvhvlc guirc tvkoc nvr shuex kvjaz dung tuex vkhing maq raz tueq Tishox rueq thvlc rvhumc jix walaungx httuiuc kaz tuex nuex httuiuc laz, lauk mvshix shix maq wawc mvshix kuex lvy wvnc tuex. Yerusalem kuex lvmx htenc nuiyc phaungx ngaungx hvlc palx ruk htenc guirx yek shuex kuex, lauk mvshix shix maq wawc 62 httvmx tuex, yuq muinz kvruex kuex jamjaux kuilc daz vkhing rvtuex.

DANIEL 9:25 Referencias Cruzadas

2 SAMUEL 15:25

Kiijiishe hokhamwe raq Jadok ma chongto, “Tongshong Tek ka chela na hali tiijang piwan nong laq. Tatiwe ngi raq ngi miitu ahea thapthi tlaq jiika, akhing ashi na apaiq raq ngi ka ara Tongshong Tek tochang hiqba kiijaq hali mitiijang shea wan nong. Raüta Tek sham liiwanong miitu kiimaq apaiq sichang hiq ba kra liiwa nong miitu akhing mikuq.

EJRA 4:24

Shomjam tiihea hai wan ka thaq baiqto. Krai mren, kra jaqsham ka thaqbaiq tlü she riito. Shatmaq Parsia mung rümti hokhamwe Derias raq hokham jaqsham wan li maq rawii wiinai she shamto angu niishetiq hali, kra jaqsham ka tiiphaho nongto.

EJRA 7:1

Arjai maq rawii luhea sijai niishe, Ajong hokhamwe Artajarses raq Parsia mung lang akhing na, Jehudinok phan wa maiq weshi, Ejra nguta asi riito. Apaiq raq ati awe raü manphan ka Aron pat na saüli konchonto. Apaiq ka ramwe jong pinthum Aron saüse phan wa. Apaiq ma atitiim weraü manphan ka akha: Ejra ka Seraia se; Seraia ka Ajaria se; Ajaria ka Hilkia se;

EJRA 7:8

Tsangshiq ka Bebilon maq rawii phawan jipi liiwa, jiha ranaiqshi na, laüwanto. Krai mren, Shiikeawe chi ara khong maq, kra rawii, jipi lübiingi angu na, jiha ranaiqshi ngoja na Jerusalem na saüto.

NEHEMIA 3:1

Riita, ara chongtiikai chela tro wa ruk thun kra, akha tiihea hai wankai. Ramwe ajong pinthumwe Eliashib nai apaiq kongtitiim riika, Sku Kilam ba kra tiiheato. Raüta kriiba ka Shiikeawe ma kiinong kuqto. Raüta kilü thun ka aheawiq she tiihongto. Tsangshiq raq khetuk long ruk Sku Kilam Chong maq phaho raüta, Shishi Longkham Tiipse nai Hananel Longkham Tiipse ba na saüli tiihea haito. Ruk kra tiihea hai lot jai she, tsangshiq raq kriiba long ruk ka achu jaü raüta Shiikeawe ma kiinong kuqto.

NEHEMIA 4:2

Apaiq kongtibi nai Samarianok man na, akha saisito. “Liirong laq! Ara manghü rahü Jehudinok ara! Tsangshiq ka jamlai tsangkati nguto tiimawi tla? Ngohea dea, ara ashthen arbaiq Jerusalem chela ruk ka, tsangshiq raq thongshi mitiihea hai wan lot rong i ngutiidea shea tankhan tla? Tsangshiq raq nyamse honglu, takuq raüta, ruk ka ranaiqshi niili tlothit mihai lot rong i ngutiisha tiimawi tla? Tsangshiq raq wakhiimbung sinchiitsap ikha long riiphongrong tlaq ka riichom raüta, ruk ka thongshiri mitiichap lot rong i ngutiisha tiimawi tla?”

NEHEMIA 4:8

Kra ningkhan she, tsangshiq wiita ka kiqshi maq ri raüta Jerusalem khat wa miitu, reshe shunto. Raüta naishiq ka tiimrurang lai nguta mat kha tanto.

NEHEMIA 6:15

Kra jaqsham ka raroqbiingi ri ranaiq nai ngoja na, ruk tro tiihea hai jaqsham ka kunkun she ngut kai. Kriika Elul jipi raroq nai ri rabiingi ngoja niishe tlotkai.

Tvtsvmc 71:10

Ijaqtinok raq ngi ka atseabaiq tankhantlo; tsangshiq riichong raüta ngi tsea ma mat tantlo.

THARC TVLUINGC 3:3

Atseabaiq akhing min tiihong je ami tiiheake akhing min tiihongje. Asiiqbaiq akhing min tiihongje; Ahaihun akhing min tiihongje.

ISAIA 55:4

Ngi raq apaiq ka wela ma shongkang, kiimaq mangjong tlotli thaq na phentuwe ma shongkang, kiimaq apaiq lümaq Ngi raq tsangshiq ma iningkun tiichhikuq kang.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

DANIEL 8:11

Kiimaq kriiraq ramungtan na siti Hokhamwese phenlabi thun kra dongdii min teimak khat wanto. Kiimaq Hokhamse ma ranaiqtek nyamse honglu takuqtlaq kriimin wiitashe tiithaq baiqto. Kiimaq Shomjam kra wiitashe tiishe baiqto.

DANIEL 8:25

Apaiq khonglaq mochii maq, laopha jaqsham jonghea mi ong wan. Apaiq ka ashkongtamli miraq, kiimaq achong aphan min ahü maq, maiqse pahea mitsat baiq wan. Apaiq raq hokham thaq na Hokhamwe kiimin, akhat riila nguta mingeng wan. Shatmaq apaiq ka mitsat baiq wan, Shatmaq maiqse jaq maq riimak.

DANIEL 9:23

Ümtiikiiwa ümniiraq Shiikeawe ma tiipaiq nea wan laü, apaiq raq ümnaq achu jaü ka treto. Apaiq raq ümnaq lungwiitlo. Kra ningkhan ngi ka ümniipha na kra bomtre liichum kra chongkekai saükikang. Riita ümchaü min riisham bomtsi liichum kra chongpha samhea tiitsang tailaq.

Mikha 5:1

O Jerusalem chelati lei, srea nolabi riichom ronglaq! Nashiq ha miqkai she! Chela trotam maq re raq kam wanto she. Tsangshiq raq Israilnok welawe khat wanto!

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

Matthew 13:23

Kiimaq tsamlai hiq win ba na arok kriika, maiq ümriiti riiwa Shiikeawe bomtsi ka tai raüta, atak riiwan tlaq, kriiti ka shiiton tlo. Raüta, kamasham rilung na atsi ango pahea dong man tlo. Raüta tsamnyam nyamshi niili tsamrai ka shishi shi, rairoq trok kiimaq rairoqtsam dong mantlo.”

Matthew 24:15

“Daniel shammi we raq, ‘Riiqkhiq Ashe Sumla Ka Shomjam Na Miraq,’ nguta chongthütaq bomtsi kra kupi wan ka namshiq riishe michhi han. Kriika Shomjam mong na Asii khok kiijaq chap raü michhi han.” (Aphat wanti raq ara liichum arka samhea maq tak rong laq!)

Mark 13:14

“Namshiq raq, ‘Shomjam Tiishechang Maiqphai Asi Sumla Kaü,’ ashi ka apaiq chapchang riimak ba kiijaq chap raü she michhihan.” (Aphatti ma: Ara liichum arka jamlai ngo wa chongtlaq kra riikhaqli tak rong laq!) “Kra chhanghang akhing ranaiq she la saüwa raüla, kra akhing na juwa Judia wang na siti, kriiti ka kin kiina tiipaü juwan chang miraq.

John 1:41

Apaiq ka aphu Petar rai kongkhu riihumsaq raüta, “Naphu loi nainai raq Messia rai riihumkai,” nguta apaiq ma bom ka chongto. (Messia ngutlaq kriika Khristo ngo nangnga riito.)

John 4:25

Kiijiishe, Jechak nyung raq Jesuq bom ka treto, “Ngi raq asap ha, Khristo ka misaüho she. Apaiq she saüki raüla, naishiq ma phanrap she michong kuq.”

Acts 3:15

Namshiq raq maiqse ma tsitsü raüchong tiichamketi we kriika, atsea riibaiq lan. Shatmaq, Shiikeawe raq apaiq ka amaa wiishe hali tiidong wan nongto. Kiimaq, apaiq ka amaa wa dong wantaq kra chhi wantibi hakhi ka naishiq sitiikai.

Acts 5:31

Raüta, Shiikeawe raq Jesuq ka, apaiq ma jaqtsi nü na, aki miikiim ngachang niishe tiinga wanto. Raüta, Jesuq ka maiqse Rümti nai maiqse Chhiiti miishe shongto. Arka, Israilnok raq, tsangshiq ngarai ka tiidii raüta, tsangshiq mra ka mitiisii laq nguta, lamlu jonghea tankuqto.

Acts 8:30

Krai mren, Philip ka juju she kito. Raüta, Ethiopia we raq Isaia lakdap phat rea kra taito. Philip raq, “Phuno we ümniiraq phat tlaü kra liichum ka tak wan tlaü sha?” nguta apaiq ma bom ka waito.

Ephesians 5:16

Akhing ahea ümchuwa lap tlan kra, jaqsham na khaqshkhaq shiitai ronglaq. Ümchaü liipan rahiq jipi ka abi.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”