DANIEL 9:26 - ASII LAKDAP Bible (BSI)

²⁶ Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

Hawa Naga Bible 2001

²⁶ Kvruex vkhing maq tvsuip kox nuex Tishox rueq vthvl walaungx waz kuex tvrac muq maq thvy gay rvhumc tuex. Ghaqyungx nuiyc Shomc Yuimx muinz luimc vkawc yunghvlc maq guimz jix waz piq nolaungx bix nyuip vtueq khvt ruiux tvbac gay shuex. Tvsuip nuex kuex yuix buingc ikhoc httuiuc wvnc vtueq Tishox rueq vtvhungx ralx rvlungc nuiyc bac tac wvnc lvmz dung wvnc tuex.

DANIEL 9:26 Referencias Cruzadas

2 SAMUEL 21:5

Kiijiishe tsangshiq raq treto, “Saul raq naishiq ka jiipbaiq raüta Israil mung na chongthum ma tiijabaiq tanto.

Tvtsvmc 22:15

Irot chü botkhulai ikha shinriiqriiq, kiimaq itili ka inü nüthaq nü niishe khap wato. Ümniiraq ngi ka botkhulai thaq na amaashe sham nguta baiqthü laü.

ISAIA 28:2

Tatiwe raq maiq weshi ra, ningkun henghea jonghea riimti tsangshiq khatkai ma tiijeje she thütlo. Maiq weshi ra ka tsakhiiq rok nong nong maq rathaiq henghea saühotlaq ikha, pükhaükham raü rajuntlaq ikha, jüchhang jonghea lüm wantlaq ikha, saü wan raüta tsangmung ka wiita milüm wan.

ISAIA 28:22

Ngi raq namshiq ma jamlai honlam bom wa chongkuq tiikang, kra miitu naqnai rongkiq! Namshiq ka anaila riihan jiila, namshiq hangkai chang lamlu ka ahü she miraq. Ajong Pinthum Tatiwe raq armung ka tlotli tiithenbaiq miitu tri ka toqtanto she taikang.

ISAIA 53:8

Apaiq ka laphoto raüta rung maq tiishut baiqto, raüta atseabaiq kai chiiphaina sheahoto, kiimaq apaiq mra ka jurmin broriimak riito. Apaiq ka nashiqnok ngarai kha na tsatbaiqto.

ISAIA 8:7

Arkha na, Ngi Tati raq Asiria mung Hokham ajongwe nai aseng phenlabi thun kra tsuq walata Juda mung kra mitiikhatha. Tsangshiq ka Euphretis rai chhang wan raüta jüraikii tan thun tümlüm tümli lümwantlaq ikha milüm man.

JEREMIA 46:7

Riita Nail rai chhang wantlaq ikha ara juwa? jürai ashi chhang wan raüjaq jüraikii thun lüm wantlaq ikha?

JEREMIA 51:42

Khamjong chum ka blun phom wan raüta Bebilon ka lam wanto. Raüta khamphom blun wantlaq kriiraq wiita mawanto.

DANIEL 11:10

“Siria mung hokhamwe setiim thun raq rekhat kai miitu chiqchap rechap she misürii wan. Raüta phenlabi ka hiq ma rama pahea mirchom. Asetiim phong wa weshi ka, nolajong pinthum miraq. Apaiq raq maiqmung thun ka jüjong rai chhang saü wan tlaq ikha mikhat kiimaq rewe phong ka achhelot chang riimak kiitelong ruk ikha kriimin wiita mikhat wan.

DANIEL 11:17

“Siria mung hokhamwe raq apaiq phenlabi thun wiita shea raüta maiqmung ka mikhat. Kra raütiishe ajaqtiwe hokhamwe mungtan kra shiithen baiq miitu, apaiq raq kriiwe rai silu mirja. Raüta ase jechakse ka apaiq ma mitiiwa. Shatmaq apaiq raq thapthi wan tlaq kriika hongwa mak miraq.

DANIEL 11:22

Jurwa apaiq kiqkhii jiiq, kriiti ka apaiq raq tiikaiqshak lambaiq wansaq li miraq. Shiikeawe Ramwe Ajong Pinthum kriimin, wiita atsea mirbaiq wan.

DANIEL 11:36

“Siria mung hokhamwe raq, apaiq raq athithi kli miklo wan. Apaiq raq apaiq ka phra thun thaq niimin, ajong nguta mitiishom rasiq. Apaiq ka Ajong Thaq Na Ajong Shiikeawe thaq niimin ajong nguta mitsütsitsiq. Apaiq raq ara abi kiimung arka, Shiikeawe raq apaiq ma mo tiiho akhing ranaiq na saüli miklo wan. Shiikeawe riika apaiq raq jamkho thimi wantaq kra phanphan miklo wan.

DANIEL 9:27

Kra tuwe ka mangjong hiq na siti maiqmung pahea rai, rawii wiimiishi na saüli pharang rang maq silu mirja. Kra rahiq akhing ka wiijam she nyiwanto angu na, apaiq raq nyamse honglu takuq wan tlaq kra nai laihin honglu kuq wan tlaq jaqsham ka atiitsaq she mirbaiq. Raüta Riiqkhiq Phiiptsi Chang Sumla Kaü kriishe diilu pinthum ba asii thaq na asii Shomjam khok kriijaq mishong wan. Kra Shomjam tiisheshi wantiwe ka, Shiikeawe raq mitsat baiq wan shaq wiiwii, kra Riiqkhiq Phiiptsi Chang Sumla Kaü ka tiingashat li miraq.”

Hosea 1:9

Kiijiishe Tatiwe raq Hosea ma, “Ümse ka ‘Isengi Riimak’ nguta manglaq nguta chongto. Jamkhano ngukla Israilnok ka isengi riimak. Kiimaq ngi ka tsangshiq Shiikea riimak,” nguta chongto.

AMO LUIK DVP (AMOS) 8:8

Arningkhan tsangmung na hiqjong henghea, mitiimu ha. Tsangmung kunli na maaho manyi mihoq trang. Nail khamjong tiimliim tiimli mawan raüta, rükitaq ikha miraq.

AMO LUIK DVP (AMOS) 9:5

Jamkhano nguraüla, Ajong Thaq Na Ajong Pinthum Tatiwe raq mangjong hiqraikhü ka, ajaq maq sham raüta naüshaüshaü baitlo. Krai mren mangjong hiq ka atiikhai banban she muwanto. Mangjong maiqse kunli hoqsiitrang wantlo. Mangjong hiq raikhü tlotli ka Ejip mung wa, Nail jürai kham chhang wan tlaq ikha, ra ma hiq ma she mawantlo. Raüta tiishin riiq hali tiisii baiqto.

NAHUM 1:8

Apaiq raq ajaqti thun ka, jüchhang wa ikha, wiita tiithum tsat baiqtlo; Apaiq raq apaiq ngengti, maakhobok na tiidea baiqtlo.

Matthew 22:2

“Shiikeawe mungtan ngutlaq ka akha. Akhing ashi na hokham we raq ase ma maiqlamke kherüsea poi tiihongto.

Matthew 22:7

Kriikha miishe, hokham we ka pinthum walüwa ikhiishe khiqto. Kiimaq apaiq raq phenlanok tiiki raüta, matwe jawanti kong kra tiitsat baiqto. Raüta tsangshiq chela thun kra wa miishe tiichaq baiqto.

Matthew 23:38

Riita arkha na, ümchaü sanha ümchela ka Shiikeawe raq amiim she mirbaiq. Kiimaq üm Shomjam ka shaqmii she miraq.

Matthew 24:2

Kiijiishe, “Üm,” nguta apaiq raq treto. “Namshiq raq ara Shomjam kaü tsomwa arli liisiq tlan nya. Ngi raq chongtiikang arka tengteng: Arjam kaü ümchaü namshiq raq liisiq tlan arka, ranaiqshi akhing na namjaqti raq hiq maq barot raüta, wiita tiisii rai she mishthen baiq. Ara jam thun chhi wan tlan arka wiita mirun baiq.”

Mark 13:2

Kiijiishe, Jesuq raq apaiq bom ka treto, “Namshiq riika ara jamjong kaü tsom wa kriili dea chhi tlan nya? Ngi chongpha. Ara jam kaü arka wiita she mitiibun baiq. Raüta, ara jamkaü ara hai chang longkaü thun kra dongdii min hiq maq hutse wiita mirun baiq. Jam riikom kriimin ahü she miraq.”

Mark 13:7

Kiimaq ümtiikiiwa, ara chongtiikai chiqdong redong, reriikhat tsütsa arka aje niishe nai maiq bin alu na tsütsa kra mitai han, kra tai han jiila, namshiq ka tsaiji naq tran rongkiq. Kiikha mung brak shaq mra pin wan kriika, saü chang she dongdii miraq. Shatmaq, kra mra pin tlaq kra miili ka, Phangthum ranaiq ka saüki mak.

Mark 9:12

Apaiq raq treto, “Tengto. Elija ka sinkhu na phanrap tiijemeho kitlo. Shatmaq, Asii Bomtsi na Maiq Se ka pinthum mitiichamchao. Raüta maiqse raq apaiq ka ashleq mirbaiq ngutiika jaram wa ngu tla?

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

Luke 21:6

“Arthun ümchaü namshiq raq chhi tlan arka, akhing ashi saü wan raüjaq, bunlak buncha she mitiibun baiq. Ara jamhai chang longpen diim kaü thun arka, wiita hiq maq hutse botkhulai rai shot tlii mirun baiq.”

Luke 24:26

Riita, Khristo riika, arthun chamchao walü mong maq lun wan chang dongdii miraq ngutiika sapphaq man dea sha: Raüta, apaiq ka apaiq chhainyii ajong rilung kra lap wan chang dongdii nguta sap man sha riilan?”

Luke 24:46

Raütiishe, apaiq raq tsangshiq ma bom ka akha chongkuqto, “Asii Bomtsi na akha waiqto: Khristo ka tsai chang dongdii miraq. Raüta, ranaiqtsam jai maq, apaiq ka ama wa dong wan chang dongdii miraq.

John 14:30

Ngi ka ümchaü namshiq rai manphan riichan apa ka riibom lap mang she. Ara jamkhano chongtiikang ngukla, ara mangjong hiq ara rümti we ka saü wanto she. Apaiq raq ngi ka hupkhang wanlot mak.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

Galatians 3:13

Shatmaq, nashiq ara, Thungtri manson kharü mong wa daa wan miitu, Jesuq Khristo raq Thungtri manson homa kra howanto she. Ara jamkhano ngutiikai ngukla, Asii bomtsi na, “Juwa pechong na tübaiq tlaq, raüta tsai tlaq, kriiti ka Shiikeawe manson homa ho raüta tsaito ngushat,” nguta chong tlo.

1 Peter 2:21

Namshiq akha chamchao tlan arka, Shiikeawe raq namshiq ma rilung holai akuq hekiilai. Jamkhano ngukla, Khristo raq namshiq miitu arilung na chamchao homa howan raüta lamshea tiichhikuq wanto. Khristo raq namshiq miitu jamkho chamchao wantaq, kra namshiq riimin apaiq jaiphan phan chamchao homa kra nin wan ruq maq howan raa tlo.

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.