DANIEL 9:27 - ASII LAKDAP Bible (BSI)

²⁷ Kra tuwe ka mangjong hiq na siti maiqmung pahea rai, rawii wiimiishi na saüli pharang rang maq silu mirja. Kra rahiq akhing ka wiijam she nyiwanto angu na, apaiq raq nyamse honglu takuq wan tlaq kra nai laihin honglu kuq wan tlaq jaqsham ka atiitsaq she mirbaiq. Raüta Riiqkhiq Phiiptsi Chang Sumla Kaü kriishe diilu pinthum ba asii thaq na asii Shomjam khok kriijaq mishong wan. Kra Shomjam tiisheshi wantiwe ka, Shiikeawe raq mitsat baiq wan shaq wiiwii, kra Riiqkhiq Phiiptsi Chang Sumla Kaü ka tiingashat li miraq.”

Hawa Naga Bible 2001

²⁷ Kvruex guimz lawc jix waz rueq miq paunghvlc maq phaungc yaq vrungx vraz bomkhvmc kuex wawc mvshix taq shuex, kvruex vkhing rv-ngvlc shex lvy wvnc ruiux yuq, piq rueq shomc nawk juing htenc nuiyc shomc kuy htenc kuex tvmaq gay shuex. Vkawc Yawc Suirsac juing ikhoc waz kuex Shomc Yuimx johvlc baung nuex httax vtueq, Tishox rueq piq tvkoc vtvyoalc taq bac tac wvnc vkhing nuex httuiuc laz kvyuq dvyx httax tuex,” ngoz tueq jungx phuex.

DANIEL 9:27 Referencias Cruzadas

ISAIA 28:15

Namshiq ka namshiq raq atsai ningkun rai tongshongkai she kiimaq wulum mungti rai min kiq rikai she nguta tiitsakitlan. Namshiq ka phiiptsi chang mra pin wantlaq akhing na milun rong i dongdii nguta kamsiqtlan. Jamkhano ngukla namshiq ka arot bomchong ma kamtlan kiimaq namshiq ka laopha bomchong ma kamtlan kriiraq mitiichhiikuq nguta tiimatlan.

ISAIA 28:22

Ngi raq namshiq ma jamlai honlam bom wa chongkuq tiikang, kra miitu naqnai rongkiq! Namshiq ka anaila riihan jiila, namshiq hangkai chang lamlu ka ahü she miraq. Ajong Pinthum Tatiwe raq armung ka tlotli tiithenbaiq miitu tri ka toqtanto she taikang.

ISAIA 42:6

“Ngi, Tatiwe raq ümniika heawan kang lata ningkun kuqkang, hiqraikhü na mung ka tingting kappe maq peng wan miitu. Ümnaq lümaq ngi raq maiq phan tlotli rai tong mishongha; ümnaq lümaq Ngi raq maiq mung thun na rawüli mitiichhikuqha.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

ISAIA 55:3

“Taironglaq ümchaü, isenginok lei, lantea Ngi phana warong ra; warong ra, raüla namshiq raq rilung milap han! Ngi raq namshiq rai pattup pat-sa miitu tong mishongha, lata achu shiiman mikuqha, Ngi raq Dawit ma kiq akham kuqha kra.

JEREMIA 7:30

“Juda mungti raq abi jaq sham wanto. Tsangshiq raq I Shomjam na, ngi raq saisitiikang sumla phra phong kra thüto. Raüta Shomjam ka tiishe baiqto.

DANIEL 11:31

Apaiq phenlabi wiijamti raq Shomjam ka mitiishe baiq. Raüta tsangshiq raq Shomjam na ranaiqtek honglu kuq tlaq kra atiithaq mirbaiq. Raüta Riikhiq Phiiptsi Chang Sumlakaü she mitiinga shong.

DANIEL 11:36

“Siria mung hokhamwe raq, apaiq raq athithi kli miklo wan. Apaiq raq apaiq ka phra thun thaq niimin, ajong nguta mitiishom rasiq. Apaiq ka Ajong Thaq Na Ajong Shiikeawe thaq niimin ajong nguta mitsütsitsiq. Apaiq raq ara abi kiimung arka, Shiikeawe raq apaiq ma mo tiiho akhing ranaiq na saüli miklo wan. Shiikeawe riika apaiq raq jamkho thimi wantaq kra phanphan miklo wan.

DANIEL 12:11

“Ranaiqtek honglu kewan kra tangtabaiq wan jai maq, kriika, Riikhiq Phiiptsi Chang Sumla Kaü shong wantaq kra ranaiq akhing nang nga ngutlo, kra ranaiq maq phawan raüta, ranaiq 1,290 ranaiq na saüli miraq.

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

DANIEL 8:13

Kiijiishe ngi raq rase ashi raq rase ashi ma bom ka akha waito taikang, “Riita ara riisham mak maq tiichhikuq tlaq mra pin arka, ümtincho na saüli wa mipin wan? Ranaiqtek honglu kewan jaqsham ka, atinkhan abi riiqkhiq ngarai jaqsham maq ümtincho na saüli wa milai baiq wan? Kiimaq ramungtan phenlabi nai Shomjam ka ümtincho na saüli wa hok maq nishishi mihaihii wan?”

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

Matthew 24:15

“Daniel shammi we raq, ‘Riiqkhiq Ashe Sumla Ka Shomjam Na Miraq,’ nguta chongthütaq bomtsi kra kupi wan ka namshiq riishe michhi han. Kriika Shomjam mong na Asii khok kiijaq chap raü michhi han.” (Aphat wanti raq ara liichum arka samhea maq tak rong laq!)

Matthew 26:28

“Arka i tiijai, Shiikeawe Tongshong kra nei chang. Maiqse pahea ngarai thun diike miitu araübaiq.

Matthew 27:51

Liirong laq, kiijiishe Shomjam mong na achan kheathum kaü ka, ra nü maq riita hiq na saüli khonai ma tiikholiiq tiichai kito. Kiimaq hiqjong muwa trang liishe riito. Kiimaq longkaü thun kiimin kholam kholiiq wiita tiibun baiqto.

Mark 13:14

“Namshiq raq, ‘Shomjam Tiishechang Maiqphai Asi Sumla Kaü,’ ashi ka apaiq chapchang riimak ba kiijaq chap raü she michhihan.” (Aphatti ma: Ara liichum arka jamlai ngo wa chongtlaq kra riikhaqli tak rong laq!) “Kra chhanghang akhing ranaiq she la saüwa raüla, kra akhing na juwa Judia wang na siti, kriiti ka kin kiina tiipaü juwan chang miraq.

Luke 21:20

“Namshiq raq ümtiikiiwa Jerusalem ka phenlabi raq akom baiq rea wishe michhi han, kra chhihan jiila, chela tiithen baiq wan akhing ka saü wato she dea nguta misap han.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

Romans 11:26

Kra jai miishe ka, Israilnok kiimin Shiikeawe riishe mitiichhii kuq wan. Arka Asii bomtsi na chong tlaq kiikha miraq. Asii bomtsi na akha chong tlo, “Chhii wanti we ka Jajon chela wa midong wan. Raüta, Jakob lai ala phan maiqse raq, abi ati ümtinkhan wa, ngarai tang wantaq kra thun ka, kunli she mitiisii he wan.

Romans 5:15

Shatmaq, kra tsangnai wenai ka shamshi ngamshi ka riimak. Ara jamkhano akha chongtiikai ngukla, Shiikeawe raq phe maq akuq kongphiq ka, Atam ngarai kiikha ka riimak. Bomtsi ka tengto. Maiq weshi raq ngarai tang raüta, kra ngarai lümaq, maiq angu pahea raq tsailam humto. Shatmaq, Shiikeawe ramkhap mangchan ningkun ka, ngarai thaq na ajong pinthum. Riita, ara chongtiikai ramkhap mangchan arka, Shiikeawe raq maiqse angu pahea ma, maiq weshi Jesuq Khristo pum lümaq, asho awo she kuq wantlo.

Romans 5:19

Kiimaq, maiq weshi Atam raq Shiikeawe bom tlea raüta, kra lümaq mangjong maiqse kunli ka ngarai maiqse ma tiija baiqto. Riita, kra jai tiijo wan hali, maiq weshi Jesuq raq, Shiikeawe bom ka phaqchii nichii maq tai raüta jaqsham wanto. Kra jaqsham wantaq kra lümiishe hali, tsangshiq wiitarü thun ka, Shiikeawe man na kechu maiqsetiim she nguta, tsangshiq ka Shiikeawe rai wehea miishe mitiija kuq wan nong.

Hebrews 9:28

Arkha maq tiina, Khristo raq maiqse ngarai kra tiisiike miitu, klang maq lakshi wa niili panthit akhum ka Shiikeawe ma honglu na kuq raüta tsaitaq. Apaiq ka jai na lakshi hali misaüki nong. Kra saüki tlaq kriika, ngarai homa hokai miitu ka riimak she. Shatmaq, apaiq saükai kheti, maiqse ümchuwa sitlaq kra tiichhiike kai miituli she miki nong.