DANIEL 10:1 - ASII LAKDAP Bible (BSI)

¹ Sairas raq Parsia mung na Ajong Hokham jaqsham wanli maq, rawiitsam she angu na, Daniel ma riishammakchhi ashi tiichhikuqto. Apaiq ka Belteshajjar ngutiimin ngutlo. Kra riisham bomchong ka tengteng. Shatmaq liichum ka atak ma tsinhea. Kra liichum ka apaiq ma riisham makchhi maq chongkuqto.

Hawa Naga Bible 2001

¹ (Persiaa honoc Kiru kuex hokhvmx yaungc wawc thuimx vngoz nuex Belteshazar ngoz yaq Daniel kox nuex bomjungc vshiz dung kaz tueq. Kvruex bomjungc kuex vsuing rvtueq, yuq muinz vtuiuz tvkoc gvrc hvlc rvtueq. Kvruex romzyac tvkhic vshiz kvyuq piq muex jalc tvkhic kuq tueq.)

DANIEL 10:1 Referencias Cruzadas

RAPHA HIQWA LAK 41:32

Tiithong kiki malaü kriika, Shiikeawe raq atiihong tha wan. Krai mren apaiq raq arka rawiichii na miklo dongdii.

2 KAÜWA WERAÜ 36:22

Parsia mung pengti ajong hokhamwe Sairas ka hokham ma shong wan li maq apha rawii na Tatiwe raq shammiwe Jeremia lümaq jamlai riisham bomtsi wa tiichongtaq kra riikhaqli she tiikupi wanto. Apaiq raq Sairas tsan mong na akha aming kuqlaq, laüta lak na waiq laüta barap binrii na tiihoho laq. Laüta apaiq mungtan wiitarü hamli na chii triim laüta agi lü lü tiiphat kuq laq nguta apaiq tsan ka tiichhii kuqto. Bomtsi ka akha:

EJRA 3:7

Ara chongtiikai arai mren, mungmaiqse raq longjam haiti tsiimwe khiiqwebi nai pe nai wii maq shamti thun kriima, kampho kuqto. Kiimaq hali mungmaiqse raq phaqnai sea rai awong, anyang chang, kiimaq olip-petsi tai thun kriimin kuqto. Riita arka Tajar nai Sidon hong na chela thun kiijaq tiiho wan miitu kuqto. Arka Shomjam hai ma Lebanon mung wa Sidar pe kra ri ma kuqto. Raüta ara maisak pe ara daq raüta, khamjong lam maq Jopa chela na lamho chang riito. Riita, ara chongtiikai sham akai thun arka, Parsia mung hokhamwe Sairas aming maq shamlam wanto.

EJRA 4:3

Shatmaq, Jerubabel nai Joshua, kiimaq Jehudinok kaüwa weraü welabi raq, tsangshiq bom ka akha treto, “Naishiq Tati Shiikeawe Shomjam haiwan jaqsham na naishiq ma namshiq raq khrum ka ramak. Parsia hokhamwe Sairas raq naishiq ma jamkho Shomjam haiwa miitu aming kuqtaq, kra phan phan naishiq riili mihai hai.”

EJRA 4:5

Kiimaq Parsia mung hokhamwe jaqtakiq na siti mung pengwanti munghupti jaqsham wantibi ajong alabi thun kriima kampho tsiiqlap kra kuqne wan lili raüta, Shomjam tiihea hai wan nong ramak nguta pahea lule klo raüta, Shomjam haiwan kra tiibanbi wanto. Tsangshiq raq ara Shomjam tiihea jaqsham tangta baiq wanto. Arka Sairas raq munglang wan tlaq kra pat maq phaho raüta Derias raq mung lang wantlaq pat na saüli tiibanbi wanto.

EJRA 6:14

Shammi Hagai nai shammi Jekeria raq, Jehudinok welabi ma tsaido jido traho bom chongkuq wan tlaq krai mren, tsangshiq welabi riimin, Shomjam tiihea hai wan kriika ahea thitthit maq shiingut wanto. Israilnok Shiikeawe raq tsangshiq ma aming kuq wantaq krai mren, kiimaq Parsia mung lang wanti ajong hokhambi Sairas raq, Derias raq, kiimaq Artajarses raq aming kuq wantaq krai mren, Jehudinok welabi riimin Shomjam tiihea haiwan kriika akhing riikhaqli na dea tlot wanto.

EJRA 6:3

“Apaiq raq munglang hokham jaqsham wantaq apha rawii na, hokham ajongwe Sairas raq Jerusalem Shomjam sitlaq kriika atra nyamse honglu kewan miitu, kiimaq wa na chaq wan chang honglu thun kra kewan miitu tiihea hai wan chang nguta aming kuqto. Kra Shomjam ka adii lu nü na mitar roqnairi miishi riichang, kiimaq ajong nü na mitar roq nai ri mitar miishe riichang.

ISAIA 44:28

Ngi raq Sairas ma ngutiikang, ‘Ümniiraq mung ka imang na mipenghaü; ümniiriika ngi raq chongtiikang kra phan phan mishamhaü; ümniiraq Jerusalem tiiheahai miitu aming mikuqhaü; kiimaq Shomjam jamkhü longkaü kra mitiishong wan haü.’”

DANIEL 1:17

Krai mren, Shiikeawe riimin kra jerobi weblai kiimiika, phaqchi kiimaq laktsin wan na taksutsii kiimaq rakaü hiqwe phaqchi kuqto. Kra thaq niimin, Daniel miika riisham bomchong nai rawa ma liichum chongke saptsin wan phaqchi kuqto.

DANIEL 1:21

Kiimaq Daniel raq hokhamwe rung na jaqsham ka Parsia mung hokham ajongwe Sairas raq Bebilon mung ka khat raüta, mung peng wantaq pat na saüli shamto.

DANIEL 1:7

Kra siihiipjongwe raq, tsangtsam mang ka anyeshe laikuqto: Belteshajjar, Shadrakh, Meshakh, kiimaq Abednego.

DANIEL 10:14

Ngi ümphana saükikang arka, rawiishiqwii namshiqnok ka jamkha jawan chang wa miraq kra ümniiraq sap wan miitu chongkekai kikang. Riita ara riishammakchhi arka rawiichii miitu tiichhi kuqto.”

DANIEL 11:2

Kiimaq ümchaü ngi raq ümniima jamlai bom wa chong tiikang arka tengteng.” Rase raq nguto, “Hokham wetsam raq hali Parsia mung ka misiq wan nong. Kra jai maq hokham weblai ngoja raq mung ka misiq wan. Apaiq ka anok tarü thaq na chiithe lin miraq. Kriiwe raq apaiq ningkun aheng pinthum bala nai chiithe pinthum jong tlaq bala, apaiq raq Grik mungti hokhamwe rai she mirkhat wan.

DANIEL 12:4

Apaiq raq ngi ma nguto, “Riita, Daniel lei, kra lakdamkom ka, ümchaü akom laüta shaq thülaq. Laüta phangthum akhing misaüho shaq wiiwii, sil maq trap laüta phan thü laq. Kiimaq kra liipan na maiqse pahea raq, jamlai mra wa pin tlaq kra, sap wan haijaq nguta atu na phaqchi rit, kai mihun niiwan.”

DANIEL 12:9

Apaiq raq treto, “Daniel lei, ümniika ümchaü awa wan chang she. Jamkhano ngukla ara bomtsi thun arka phangthum akhing misaü shaq wiiwii maiq ahinti ma tiisap raamak, ahukse maq apaü raütli thüchang.

DANIEL 2:21

Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

DANIEL 4:8

Kiijiishe Daniel ka ipha na wato. (Apaiq mang ka Belteshajjar ngutiimin ngutlo, kriika iphra kaü mang.) Apaiq khum niika asii phrakaütiim wenyi asi. Kriikha na ngi raq apaiq ma ngi raq ima jamlaiwa makang kra chongkang. Ngi raq apaiq ma akha ngukang:

DANIEL 5:12

Jamkhano ngukla, apaiq hon atsii ka tsaühea; kiimaq anyan phaqchi sapti; kiimaq rawama liichum chongke na asap atsin; kiimaq shiiwang bomtsi tiikho chongke saptsinhea; kiimaq amao chang jaqsham tru chongke na taksma. Apaiq mang ka Daniel; apaiq ka tiiheakikiq; hokhamwe raq apaiq ka Belteshajjar nguta mangto. Kiimaq apaiq raq kra liichum ka ümniima michongkuq.”

DANIEL 5:17

Kiijiishe, Daniel raq treto, “Ümkongphiq thun ka, ümniiriili thülaq, riimakla kriithun ka maiq ahinti ma kuqlaq. Ngi raq Chaü ma kra jaqwaiq ka miphatkuq kang. Lata liichum ka ümniima michongkuq kang.

DANIEL 6:28

Krai mren, Daniel ka Derias raq mung langtaq pat na, kiimaq Parsia mung hokhamwe Sairas raq mung langtaq pat na pinthum chetchito.

DANIEL 8:16

Kiijiishe ngi raq Ulai rai reko maq maiqbom ashi raq akha riimtlo taikang, “Gabriel lei, apaiq ma ariisham mak maq jamlai wa chhitaq kra liichum ka chongkuq laq.”

DANIEL 8:26

Riita ara ranap nai raji honglu kewan jaqsham riisham mak maq tiichhikuqto. Raüta chongkuqto. Arka tengteng miku wan. Shatmaq ümchaü ka apaü laütli thülaq. Jamkhano ngukla ara kupi wan miika rahiq luhea shaq dea asi.”

Luke 1:20

Shatmaq, ümniiraq i tsütsa arma kam maü. Arka akhing riikhaqli na mihong wan. Ümniiraq kam maü arkha maq, ümchaü sanha, ümnü ka atang she mirki. Ümniika i kiqkham ara miku shaq wiiwii, bomhü miili she misi haü.”

Revelation 19:9

Kiijiishe rase raq ngi ma chongto, “Ara waiq laq! Kechu jonghea ara khungron poi lomwa miitu raüpot laptibi ma!” Kiimaq rase raq, “Ara chongtiikai bomtsi arka Shiikeawe bomtsi,” nguta abom ka tiitsuqto.