Matthew 5:39 - ASII LAKDAP Bible (BSI)

³⁹ Shatmaq, ümchaü ngi raq namshiq ma chongpha: Jurwa namshiq ma shuttlaq, kra phuk ka naq lam rongkiq. Ashi ra raq namthea theatsi nü na riisiiq tsat raüla, theako nü kri chiim kuq ronglaq.

Hawa Naga Bible 2001

³⁹ Yuq muinz majuiuc ngaz rueq nuimshiq muex jungx kuq ix; nuimshiq muex yaq kuy jix waz muex yauk nauk tvyez kaz, mhtvlx phawc vkeq kox nuex thvt ruiux yuq, vphvrx kox kvrac noalc kuq shuiuz.

Muklom

³⁹ Etharin nga nim ma bat phang, nim jamoq tashit tey shima nak wey tashit inn. Chamtey tey nim aqhako sham phang o wat phin jo, piq ma hangko shi tho wey nol kot inn.

Matthew 5:39 Referencias Cruzadas

1 HOKHVMX 22:24

Kiijiishe shammiwe Jedekia ka Mika tho na chap wa raüta, atheaphi na riisiiq tsatto. Raüta apaiq ma, “Riita Tatiwe wenyi ka ikhum wa ümtincho wa kihota, raüta ümniiphana wawan raüta, ümniima bom ka chongkuqta?”

YOBA 16:10

Maiq raq ngi ka shummiikhiq li liitlo; tsangshiq ka ngi tro na riitam raüta itheaphi na siiqsiiq tsat tlo.

TAKSU LAK 20:22

Ashut kiimung ka, ashut maq naqsongkiq. Tatiwe ma kamlaq; apaiq riitiq miphokuq.

TAKSU LAK 24:29

“Apaiq raq ngi haihiitaq! kiikha ngi riimin apaiq ka, mihaihiiha!” nguta naq ngukiq.

ISAIA 50:6

Ngi raq itseati ma iraikhü chungkuqkang, Ngi raq tsangshiq ka tiiwin mang, tsangshiq raq ngi shummiito, tsangshiq raq inübin phaibaiqto, kiimaq itheaphi na tho maq thoto.

AJONJÜ 3:30

Nashiq ma apaiq mo tiiho wanto, raüta shummiito. Shatmaq nashiq raq, arka jiqkai dea nguta, apaiq bom ka tre wan changli she.

LEWI 19:18

Maiq ka ju jaq wiimin ümphuk naq lamkiq. Riimakla apaiq ka ngeng wan ruq ka naq ngengkiq. Shatmaq ümkhum ka ümniiraq jamkho lungwiitlaü kiikha ümjam thoti chiiti kra lungwiilaq. Ngi ka Tatiwe.

Mikha 5:1

O Jerusalem chelati lei, srea nolabi riichom ronglaq! Nashiq ha miqkai she! Chela trotam maq re raq kam wanto she. Tsangshiq raq Israilnok welawe khat wanto!

Matthew 5:40

Kiimaq ashi ra raq namsamtong kra apaiq raq lapho kham ma, rung na sheaho kiiphan jiila, nam kheathum kiimin apaiq miili chhutkuq ronglaq.

Luke 22:64

Tsangshiq raq amak ka khea maq job raüta, “Ümnaq bukti we ka juwa? Tak liita!” nguta apaiq ma waito.

Luke 6:7

Kiijaq, Thungtri shrinketi maiq wiijamti kiimaq Phorisinok phong wa wiijamti min asi riito. Tsangshiq raq, Jesuq ka tiishut haijaq nguta, lampu rit khekham maq kheto. Kriikha maq, tsangshiq ka Jesuq raq Asii Niitiitsak ranaiq na atsi asiti ka mitiihea kuq sha tiihea kuq mak wa riijiiq nguta khekham maq liito.

John 18:23

Kiijiishe, Jesuq raq abom ka treto, “Riita, ngi raq ajiq bomkang jiika, arjaq thung tlaq rung welabi man na, i jiq kra tiichhi kuq liina. Shatmaq, ngi raq ümchaü jamlai wa bomkang kra riikhaqli jiika, ümniiraq i dü na jaq ka jaram miiq wa?”

1 Corinthians 6:7

Namshiq liipan na kha dong tlaq kriiraq li she, namshiq ka Phungmaiqse singa maq siman nguta tiichhi wantlo. Ümniika tiijiq rat raü li jiimin, anin laüta sihaü jiiriiwe ka ahea riimak sha? Ümniika asum rai riiwe ka ahea miraq riimak sha?

1 Thessalonians 5:15

Namshiq phong wa jurmin, abi ka abi maq naq songkuq rongkiq. Shatmaq, wiitarü ma, kiimaq namshiq nai namshiq liipan na, sham akai ahea phan shamke wan kli, tsan mong na wranaiqshe thü lanta sham ronglaq.

Hebrews 12:4

Jamkhano ngukla namshiq raq ngarai rai riikhat lam maq, namshiq maiqmii miisaq thumli ka riilong liiq man shaq li.

James 5:6

Namshiq raq jam min sap makti, maiqsangti ka shaphaq baiq wan lan ihata. Kiimaq wiita atsea riibaiq wan lan ihata. Kiimaq tsangshiq raq namshiq jaq ka towan lot mak riito.

1 Peter 3:9

Bombi ka bombi maq naq songkuq rongkiq. Kiimaq manson ka manson maq naq songkuq rongkiq. Kra rii na manson ka achu shiiman ramram maq songkuq ronglaq. Jamkhano ngukla, Shiikeawe raq namshiq hea wantaq akhing na, namshiq ma achu shiimanke miitu hea wanto.