Maiq tseatsiiq ka ajiq. Shatmaq phowebi wiijamti riika, tsiiqlap siq raüta, kha ka ajiq photlo.
Mikha 3:5 - ASII LAKDAP Bible (BSI) Isenginok ka shammibi raq laolii hoto. Shammi jaq maq keti miika, khu asang miraq nguta tam kuq tlo. Shatmaq jaqmaq kuqmakti miika, redong na mitsai han nguta shiikeng tlo. Hawa Naga Bible 2001 Ngvy miqsaz htenc muex laulawc jix shvmmax bix kuex tsuingshiq muex kuq yaq jix htenc muex nomic lvp tvkoc bomkhvmc kuq yaq, yuq muinz vkuy vnoalc lvmz vguez jix tvkoc kuex jaq vralx maq tvhiz sungx yaq. Kvkhoc jix shvmmax kuex Yehowa rueq, |
Maiq tseatsiiq ka ajiq. Shatmaq phowebi wiijamti riika, tsiiqlap siq raüta, kha ka ajiq photlo.
Kampho tiinamketibi raq isenginok nyatshatshat tiichamchao wanto. Kiimaq tsangshiq ma kampho tiinamketibi raq tsangshiq ka laolii wanto. Isenginok lei, nam welabi raq namshiq ka lamjiq na shunsheatlo. Kra ningkhan namshiq riika ümnii lam na wachang wa kra sap man.
Tsangshiq raq tiimaka, tsangshiq raq isenginok ma rawa ma bomtsi chongkuq tlaq kra tai raüta, tsangwetiim raq ngi ka miimbaiq thü raüta, Baal phra shomnoq hotaq kiikha ngi ka alaq mirbaiq thü nguta tiimatlo.
Tairong laq, Ngi Tatiwe raq chongtiikang ara! Ngi ka shammibi ümriiti riiwa tsangshiq rawama, arot akiq thun kra chongketi kra pinthum ngeng tiikang. Tsangshiq raq ara rawa ma thun kra chongkuqtlo, kiimaq tsangshiq arot bomtsi chongkuqtlaq kiimaq tsangshiq shiikong tlaq kra lümaq isenginok ka lamjiq na sheahotlo. Ngi raq tsangshiq ka tiiki mangdea. Kiimaq tsangshiq ka kironglaq nguta aming min kuq mang dea. Kiimaq tsangshiq ka mungmaiqse ma jamlai achu min ahü. Arka Ngi, Tatiwe raq ngutiikang.”
Tsangshiq raq isenginok ngarai mitsi ka tsimak, akha ralang atiikhatja ikhli tiimatlo. ‘Ahea raq tarü ahea siisaq’ ngutli shipoq poqli liitlo. Shatmaq, tarü ahea ka riimak.
Tsangshiq raq akha mingu, “Jerusalem khat ma tiije rongphiilii! Tiije ronglaq! Nashiq raq ranaiq shethung na mikhat rong!” Shatmaq kra nguraüta hali, “Ai, ümchaü ka rajishe. Rashe ka acha she. Kiimaq rashe chawan kiita rashe ban wanto.
Ümshammibi raq ümniima, hon atsii chongke chang min ahü. Tsangshiq raq arot akiq li chongtlo. Tsangshiq traho bomtsi chong ka atuli, ümniili laoliitlo. Tsangshiq raq ümngarai ka khot chongmak dea, kriikha ümniiraq mra tiidii chang ahü riito.
Ngi raq namshiq arot riisham makchhi chongti, lanta maiq tiishon riisham bom maq tiithai tlan kra miitu mo she mitiihoha. Namshiq ka isengi Israilnok raq adam na mungthung raüta bom riichong raüta thapthi wantlaq kiijaq lomlot man she mirhan. Kiimaq nokti mang waiq lakdam na namshiq mang ka ahü miraq. Namshiq ka nam mung na ümkhii riita jiimin jang wanlot man she mirhan. Kiijiishetiq namshiq raq Ngi ardea Tati Rakaü Hiqwe nguta misap han.
Namshiq ramwebi raq ranaiq rawa ashut kiimung tlan. Kiimaq shammibi min namshiq thaq na holi riimak. Namshiq ka adamdam. Arningkhan namnyung jong Israil ka mishthen baiqha.
“Maiqmung thun na ara aming tiitai ronglaq. ‘Re riikhat miitu rechap sürii wan rong laq. Namshiq srea nolabi ka triitam hea ronglaq. Namshiq phenlabi ka triitam lanta, rechap tiipha ronglaq!
“Arnok riika arot akiq shammi bom chongketi, ‘Namshiq ma spiqtai nai laohu chamtraq misaü’ nguta chongketi shammi lungwiitlo.
Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.
“Shatmaq, ümchaü namshiq ramwebi ka tamlamlam maq, itri tingting lamphan kra jinbaiq wan lan. Lanta namshiq raq ajiq shrinkuq tlan kra lümaq, nokmaiqse pahea raq ajiq ashut klotlo. Ngi raq namshiq ma tongshong raü khakuq wan kang kra wiita she jin baiq wan lan.
“Tsangshiq Phorisinok miitu ka namshiq naq brorii rongkiq! Tsangshiq ka maiqse makchuk jaqmiiti kong kra shun shea wanti, makchuk welabi kong. Maiq makchuk weshi raq makchuk weshi kra shun shea raüla, tsangnai anai jongri ka khobok niili midia wan.”
“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.
Akha hon atsii rümti arka, nashiq Tati Khristo jaqsham kewanti ka riimak. Tsangshiq arka maiqmii wokpo tiipao wan lam lu kra rit wanti li. Tsangshiq raq bom ka kai tiisum raüta, chongkuq tlo. Kiimaq maiq ka jutjü wantlii maq shomrasiq wantlo. Akha trahokuq tlaq ara lümaq, tsangshiq raq, juwa ajiq alam kra tsea tsiiq wan tsin makti ka, tsangshiq raq lamjiq nü na laolii holili riitlo.