Matthew 15:14 - ASII LAKDAP Bible (BSI)

¹⁴ “Tsangshiq Phorisinok miitu ka namshiq naq brorii rongkiq! Tsangshiq ka maiqse makchuk jaqmiiti kong kra shun shea wanti, makchuk welabi kong. Maiq makchuk weshi raq makchuk weshi kra shun shea raüla, tsangnai anai jongri ka khobok niili midia wan.”

Hawa Naga Bible 2001

¹⁴ Kvkhoc rvtueq tsuingshiq tvkoc nauk rvwvl kaz, tsuingshiq kuex muik mawz jix muex lvmx shvlc kuy jix muik juk jix htenc rvtueq. Muik juk washiz rueq vganc muik juk waz muex lvmx shvlx kuq ruiux yuq, tsuingnueyc wanueyc wvtaungx htawc khurx mungx nuex dvy wvnc tuex,” ngoz tueq tvralc tueq.

Muklom

¹⁴ Req ning raaq ri lakchak inn! Ning aduk tang ma aduk bantey! Etho aduk eq adak aduk ma lam takhi ajo ning ni haqbing náng qhat wang na.”

Matthew 15:14 Referencias Cruzadas

ISAIA 31:3

Ejip mungti ka tisho kong ka riimak. Tsangshiq ka miinan han-ngam maiqse siili. Tsangshiq kumrangkong ka winjikong ka riimak. Ümtiikiiwa Tatiwe raq chongwai shamjiiq, maiq mung ningkun jonghea rümti mung kiimin wiita miqchup mithenki. Kiimaq ningkun ajom mungti tsangshiq tijong horaüta siti ka wiita miqchup mithen wan. Tsangshiq mungnai wiita khoshi na mitiideabaiq. Raüta mithen.

ISAIA 42:19

Ijaqshise makchuktlaq arthaq niimin makchukti maiq ashi ra asi shea? Nibii thaq niimin biila, Ngi raq atiikiha itsa soqtiwe khan asi shea?

ISAIA 56:10

Apaiq raq ngutlo, “Welabi tlotli, namshiq ka isenginok ma hon atsii chongketi nguraü, namshiq ka makchuk kong siisaq! Tsangshiq raq jamlai min saptsin mak. Tsangshiq ka jamkheti kuku kong aso min somak ikha. Tsangshiq ka akonseali kiimaq rawa ma na lin konseali. Tsangshiq ka akonseali polotlo!

ISAIA 9:16

Ara mungmaiqse shunsheatibi raq tsangshiq ka lamjiq na shunsheato. Raüta tsangshiq ka wiita tiimangmii baiqto.

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

JEREMIA 6:15

Riita tsangshiq raq atin khan maiqphai asi ashut klowan raüta, tsangshiq ka tiijeasi tlaq shea? Tiijeasi mak. Tsangshiq ka tiijeasi mak. Tsangshiq riika atiijeasi ngutlaq ka jamlai nang wa ngutlaq kriimin sap phaq mak. Arningkhan tsangshiq kiimin nanok abiti thun jamkho miqphaq wantaq, kiikhiisii mimiq phaq wan. Ümtiikiiwa ngi raq tsangshiq ma imo mitiiho ha, kra akhing kriishe tsangshiq thum wan akhing miraq. Arka Ngi, Tatiwe raq ngutiikang.”

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

Hosea 4:17

Ephraim ka sumla phra puk niishe shang wanto. Ahea bam-ümkiho laq, maiqmii raq thithi.

MALAKI 2:8

“Shatmaq, ümchaü namshiq ramwebi ka tamlamlam maq, itri tingting lamphan kra jinbaiq wan lan. Lanta namshiq raq ajiq shrinkuq tlan kra lümaq, nokmaiqse pahea raq ajiq ashut klotlo. Ngi raq namshiq ma tongshong raü khakuq wan kang kra wiita she jin baiq wan lan.

Luke 6:39

Kiimaq, Jesuq raq tsangshiq ma ara manphan maq shiiton chongkuqto: “Makchuk we raq makchuk we ka shealot mak. Shea raüla, tsangnai wiita khobok na midia wan.

John 9:39

Jesuq raq apaiq ma chongto, “Ngi mangjong hiq na kikang arka, maiq chechiip kai kikang. Krai mren, makchukti ka makpiiq ma mija wan. Kiimaq makpiiqti ka makchuk ma mija wan.”

1 Timothy 6:5

Raüta maiq rai, ranaiq rawa arkhii wa trangli sitlo. Tsangshiq ka tsiihü angikong. Tsangshiq ka ajiq alam min sapmak, abom nguli bomtlo. Tengteng bomtsi lamphan ka tsangshiq raq sap mak. Tsangshiq tsan niika, kechu maiqse ma ja hai jiila, pinthum chiithe jong ma mija rong i nguta tiima raüta sitlo.

2 Peter 2:1

Man na Israilnok phong na arot shammibi pahea asi riito. Kra niq riri sii hali, jai maq namshiq Phungmaiqse phong niimin arot shrabi pahea midong. Raüta tsangshiq raq namshiq Phungmaiqse phong na ajiq bomtsi michong kuq wan. Tsangshiq raq arot akiq kiimaq kamtsantsii tiithen baiq chang bomtsi kra michong kuq. Raüta namshiq liipan na ajiq bomchong kriimaq mitiinyam. Raüta tsangshiq ngarai mong wa Chhii wanti Jesuq Khristo kra dongdii min wiita Tatiwe riimak nguta mishipoq. Raüta tsangshiq ka tiihang hiiq miili tiimiqchup thenkai chang thiikho bok kra mithu.

2 Peter 2:17

Ara arot shrabi thun arka khamrai arü arki, jükhü sitlaq ikha süpotpot. Kiimahali tsangshiq ka phumlü da, ra na rahai raq pan tlaq ikha, khampü ahü phumda sitlaq ikha. Shiikeawe raq tsangshiq ka Phangthum Khapho Ranaiq, ranyaq tangtang mong kiina mitiidea baiq.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.

Revelation 22:15

Shatmaq chela phai na ashang baiq wanti maiqse thun kriika, ajok aliiq kiimaq maiqwuq maiqlongti, sethoq sepii jati, kiimaq showe lumwe ma jati, sumla phra noqtibi kiimaq abom asa na kiimaq jaqsham kaiwa na arot akiq wanti bi thun ka miraq.