Mikha 3:4 - ASII LAKDAP Bible (BSI)

⁴ Namshiq ningthoi ranaiq ka saü wanto she. Kra akhing na namshiq ka, mihoq phaq han. Shatmaq Tatiwe raq namshiq achu jaü tremak miraq. Apaiq raq namshiq achu jaü ka taimak she miraq. Jamkhano ngukla namshiq raq ashut thunglai pahea klo lan.

Hawa Naga Bible 2001

⁴ Nuimshiq rueq Yehowa kox wawc ramc thoz jauz shex httuiuc wvnc yaq, yuq muinz vpiq rueq nuimshiq muex tvralc shuex rvmuq. Vpiq rueq nuimshiq vjux thoz bomc kuex tay shuex rvmuq, yvmx rvtueq lac ngoz ruiux lec nuimshiq rueq layx vbac shuimx gay tuit ningkhvnc nuex rvtueq.

Mikha 3:4 Referencias Cruzadas

YOBA 27:9

Chamchao akhing na, tsangshiq hoqsii tlaq kra Shiikeawe raq mitai shea?

YOBA 35:13

Tsangshiq hoqtrang rai tlaq kriika atuli; Ningkun Ajong Shiikeawe raq tsangshiq ka chhi mak riimakla tai mak.

Tvtsvmc 18:41

Tsangshiq ka khrumti rit hoqtrangto, shatmaq jurmin tsangshiq ka tiichhiikuq mak; tsangshiq raq Tatiwe heato, shatmaq apaiq raq tremak.

TAKSU LAK 1:28

Kra akhing na ümniiraq taksu tsii mirit haü. Shatmaq ngi raq tre mang she. Ümniiraq ngi rit ka shokchhum nochhum miphe haü. Shatmaq ngi ka hum maü she mirhaü.

TAKSU LAK 28:9

Jurwa thungtri jin raüta sitlaq, kriiti achu jaü ka Shiikeawe raq, pinthum saisitlo.

ISAIA 1:15

“Ümtiikiiwa ümniiraq ümjaq ka ra na dolaüta achu mijaühaü, Ngi raq ümniika alü min liimang she mirha. Ümniiraq ümtinkhan li achu jaü raümin, Ngi raq tre mangshe. Jamkhano ngukla ümjaq ka maiq tiijai na atsam reawi she.

ISAIA 3:11

Shatmaq abi klotibi thun ka miqto she. Tsangshiq raq nanok ma jamlai ashut wa klotaq kriithun ka tsangshiq miishe mijang kuq wan.

JEREMIA 11:11

Arningkhan she ümchaü sanha, Ngi, Tatiwe, raq tsangshiq ka mitiithenbaiqha nguta honlam bom chongkuqtiikang. Kra then wan rahai saü wan raüjaq tsangshiq ka lunlot mak she miraq. Kra akhing na tsangshiq ka aho anyi raüta Ngi jaq wa khrum kuqlaq nguta mihoqtrang. Ngi raq tsangshiq bom ka taimang she mirha.

JEREMIA 14:12

Tsangshiq raq amang maq achu jaü raü min, ngi jaqwa khrum jaütlaq kra bom ka trekuq mang. Kiimaq tsangshiq raq ngi ma chaqtlii-honglu thun nai wong-honglu thun kuq raü min, ngi ka tsangshiq rai itsan riihea mang she. Kra rii na ngi raq tsangshiq ka re ma mitiijiipbaiqha, kiimaq ram tiidong lata mitiijiim baiqha kiimaq tha tiidong lata mitiijiimbaiqha.”

JEREMIA 33:5

Wiijamti raq Bebilon mungti rai mirkhat. Shatmaq tsangshiq raq re na atsai maiq maa phong kriimaq jam thun kra tuptup mitiima phong. Tsangshiq ka itsankhiq walü heng nyaitlaq kriimaq kunkun mijiipbaiqha. Ngi raq ara chela ka jainong maq ashungthü wishe. Jamkhano ngukla tsangshiq ara chelati raq abi kiimung pahea kloto.

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

EJEKIEL 8:18

Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”

Mikha 3:7

Riisham bom chongti raq jea she mingaü.” Jamkhano ngukla tsangshiq raq achongkuq riisham bomtsi ka teng mak. Tsangshiq ka jeangaü raütli she mitsai, jamkhano ngukla Shiikeawe raq, tsangshiq achujaü ka tremak.

Mikha 7:13

Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.

JEKERIA 7:13

Ngi raq tsangshiq ma tsii chongkuq kangta taiwi mak, kriikha niishe tsangshiq raq ümtiikiiwa achu jaü wan taq kriimin trekuq mangshe riikang.

Matthew 7:22

Phangthum Khapho Ranaiq na maiq pahea raq ngi nangnga, ‘Tatiwe loi, Tatiwe loi! Ümmang na naishiq raq Shiikeawe bomtsi chongkuq kai ihata! Kiimaq ümmang maq naishiq raq abi winji pahea jobaiq wan kai ihata. Kiimaq awang chang jaqsham pahea sham wan kai ihata!’ nguta mingu.

Luke 13:25

Jamchongti we ka tiido raüta, kilü ka ashaq she mirbaiq. Kiijiishe, namshiq ka kilam da na chap lanta, kilü na mibuk han. Kiimaq akha mingu han, ‘Shiilang we le, naishiq ma kilü dikuq laq!’ Shatmaq, apaiq raq namshiq ma, ‘Ngi raq namshiq ka ümba wa awa han wa sapmang!’ nguta mitre.

John 9:31

Nashiq raq asap i. Shiikeawe raq ngarai maiqse achu jaü ka tre kuq mak. Apaiq riika, juwa apaiq wokhong na sitlaq, raüta apaiq bom ka tai tlaq, kriiti achu jaü kli tre kuqtlo nguta asap i.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

1 SAMUEL 8:18

Ümtiikiiwa kra akhing she saüwa jiiq, namshiq maiqmii raq atsea han nam hokhamwe miitu, namshiq raq, makphai khüshang miishe mitiibot han. Shamtaq Tatiwe raq namshiq tiipaiqnea hoqtrang tlan ka, tre mak she miraq.”