Mikha 3:3 - ASII LAKDAP Bible (BSI)

³ Namshiq raq isenginok phaqbaiq holan. Namshiq raq tsangshiq ka, arii na saüli li tsiiq phaq tlan. Arok arii bunlaklak tiiq baiq tlan. Lanta angam ka chum phaq tlan.

Hawa Naga Bible 2001

³ Nuimshiq rueq ngvy miqsaz htenc kuex phauk gay tuit. Tsuingshiq khuix htenc kuex kawk gay ruiux ruk vrawz htenc kuex tv-ngawk soalc vtueq tuik nuex lumc tvkoc ngvmx jumz shix ikhoc tsuingshiq kuex jumz gay vshuinx.

Mikha 3:3 Referencias Cruzadas

Tvtsvmc 14:4

“Tsangshiq raq sap mak shea?” nguta Tatiwe raq waitlo, “Ara abi kiimungti kong ka tsang tsii ahü shea? Tsangshiq ka isenginok tek raüta tiidunghiq tlaq kata, kiimaq tsangshiq ka ijaq wa achu jaü mak phan.”

Tvtsvmc 27:2

Ümtiikiiwa abi ati kiimungti raq ngi ka atseabaiq tantlaq, tsangshiq ka akü raitlo raüta deawatlo.

TAKSU LAK 30:14

Maiq wiijamti ka phususang; tsangshiq raq miitsan maiqse ka, nanshanshan haihiitlo. Raüta tsangshiq chiithe ma jatlo.

ISAIA 3:14

Tati raq asenginok nyungwere thun nai mungtubi thun ka rung na khapho miishe tiichap wantlo. Apaiq raq tsangshiq ma kha ka ara nyantlo: “Namshiq raq spiqro thun ka wiita hukphaqsiq wan lan. Lantea namshiq jam thun ka miitsan maiqse jaq wa nyea wan lan tsiiq anyam raq amashe sitlo.

ISAIA 3:15

Namshiq raq isenginok ka ji maq nishishi tseabaiq ka thekmak arang ahü. Lantea miitsan maiqse thun ka nanshan shan haihü ka maimak. Ngi, Ajong Pinthum Tati raq toqtan tiikang.”

EJEKIEL 11:3

Tsangshiq raq ngutlo, ‘Nashiq raq jaqlo niili nashiq jam awak thun mihai rong i na. Ara chela ka ngam lum phaq chang hamlii tak ikha. Kiimaq nashiq ka tak mong wa ngam ikha. Shatmaq nashiq ka walü mong wa tiiwong kuqtlo.’

EJEKIEL 24:4

Laüta ngam ahea baba ka chum laüta thiilaq, aphaq ngam nai ahok pe thun kra, laüta ngam arii aheawiq ba ba thun kiimin chum laüta thiilaq.

AMO LUIK DVP (AMOS) 8:4

Amos raq chongtlo, taironglaq, namshiq chiithe lüwanok lei, jehin nore mungmaiqse ji maq nishishi, nibaiq wan tlantitiim lei,

Mikha 2:8

Tatiwe raq ngutlo, “Namshiq raq isengi ka re raq akhat ikha khattlan. Maiqwere ka re maq ajang wan, jamkun na khusang maq siwa nguta saü wantlo. Shatmaq namshiq raq tsangshiq raq, samtong jong adü na asam kra, chhut lanta nyea tlan. Lanta tsangshiq ka kheahü rasong tiichamchao tlan.

JEPHANIA 3:3

Apaiq sengi aki miikiimbi ka, hangsikong ikha ahok aho watrangli. Aphowebi ka shekong aramtsi khumtlaq ikha, süramhea ngamrii ka, anap ranap miitu min tiichong mak she phaqtlo.