Mikha 3:4 - Hawa Naga Bible 2001

⁴ Nuimshiq rueq Yehowa kox wawc ramc thoz jauz shex httuiuc wvnc yaq, yuq muinz vpiq rueq nuimshiq muex tvralc shuex rvmuq. Vpiq rueq nuimshiq vjux thoz bomc kuex tay shuex rvmuq, yvmx rvtueq lac ngoz ruiux lec nuimshiq rueq layx vbac shuimx gay tuit ningkhvnc nuex rvtueq.

ASII LAKDAP Bible (BSI)

⁴ Namshiq ningthoi ranaiq ka saü wanto she. Kra akhing na namshiq ka, mihoq phaq han. Shatmaq Tatiwe raq namshiq achu jaü tremak miraq. Apaiq raq namshiq achu jaü ka taimak she miraq. Jamkhano ngukla namshiq raq ashut thunglai pahea klo lan.

Mikha 3:4 Referencias Cruzadas

YOBA 27:9

Vkuilc vdaz httuiuc tuex nuex, tsuingshiq rueq ramc thoz yaq kuex Tishox rueq tay shuex haz?

YOBA 35:13

Kvkhoc guyc sez ruiux muinz tsuingshiq tvkoc khuec guez dvyx rvtueq; Tvphaungc Tvsuip Tishox rueq tsuingshiq kuex khiz muq, tsuingshiq tvruingc kuex tay muq.

Tvtsvmc 18:41

Romc kuy tvkoc tsuingshiq guyc koq muinz, tsuingshiq kuex uraq muinz palc wvnc muq; tsuingshiq rueq Yehowa kuex gvl tueq, yuq muinz vpiq rueq tvralc kuq muq.

TAKSU LAK 1:28

Kvkaq jix mnoz rueq taksux tharc kuex gvl shuiux, yuq muinz ngaz rueq tvralc phaungx rvmuq. Mnoz rueq ngaz kuex baung ruip saz nuex thuiyx phux, yuq muinz ngaz kuex humc lot muq.

TAKSU LAK 28:9

Tvrac kuex mnoz rueq phvnx muq ngoz ruiux, mnoz rueq vjux thoz shuiux htenc kuex Tishox rueq shuiuc pac juing kvjaz dvyx rvtueq.

ISAIA 1:15

“Nuimshiq rueq yauk phac tv-phop vtueq vjux thoz shuinx nuex, ngaz rueq nuimshiq kuex lawc phaungx rvmuq. Nuimshiq rueq mtanc dvyx thoz ruiux muinz, ngaz rueq tay kuq phaungx rvmuq, yvmx khoc lac ngoz ruiux lec nuimshiq yauk htenc nuex tvguiy kawp yaq.

ISAIA 3:11

Yuq muinz layx bac miq kuex vphoc rvhumc wuez yaq; tsuingshiq rueq miq vganc muex rvkuq wvnc tueq rulc rv-ngvlc tsuingshiq nuex muinz majuiuc dvyx rvhumc wvnc tuex.

JEREMIA 11:11

Kvkhoc rvtueq majuiuc ngaz, Yehowa rueq tsuingshiq kox nuex tvbac gay juing tvkaz vtueq honc tvsvmc vshaungx, tsuingshiq yuz wvnc lot tuex rvmuq. Tsuingshiq romc kuy tvkoc ngaz kox wawc ramc thoz phuex yuq, ngaz rueq tsuinghez tvruingc kuex tay kuq shaungx rvmuq.

JEREMIA 14:12

Tsuingshiq rueq phuiuz svy mamc vtueq ngaz rueq romc kuy tvkoc tsuingshiq rueq thoz ruiux muinz tay kuq shaungx rvmuq; tsuingshiq rueq ngaz muex wvr maq jauk shomc kuy nuiyc vruiy vwungx shomc kuy shomc kuq ruiux doc muinz ngaz rueq raungc raq shaungx rvmuq. Kvkhoc ngoc mvnx, ngaz rueq tsuingshiq kuex ralx lungc, khvmc vrvmc nuiyc vmac vtsac htenc maq thvt gay shaungx,” ngoz tueq.

JEREMIA 33:5

Wvyvmc rueq Babelon miqsaz kuex khvt wuez ruiux muinz ngvy thuinkhvy nuiyc thuinkhvy phuk vtueq ngaz rueq vthvt gay miq maungx htenc maq yuimx htenc nuex tvmvrc shaungx. Vruex ghaqyungx miqsaz rueq layx bac yauk shuimc ningkhvnc nuex, ngaz rueq vruex ghaq kuex shungnungx shung gay shec shaungx.

JEREMIA 5:31

shvmmax bix kuex vrot vkaq kvjaz maq lvy vtueq yvmx muinz jungx muq; shomc waz bix rueq muinz shvmmax bix rueq nvr yaq rulc rv-ngvlc guimz lawc yaq, ngvy miqsaz htenc rueq tvwanc juing lvmz yvmx muinz vguez. Yuq muinz vtvsuip nuex vruex lvmz htenc lotlaz yaungx wvnc tuex nuex tsuingshiq rueq yvmx lac shuimx shvnx?” ngoz tueq jungx tueq.

EJEKIEL 8:18

Tsuingshiq rueq ngvy thuinkhvy phuk yaq lotlaz kuex rvhumc phauk tuex. Ngaz rueq tsuingshiq kuex tvraungx taq shaungx rvmuq, tsuingshiq muex menjenc shaungx rvmuq. Tsuingshiq rueq ngvy kox wawc tsuingshiq guyc lot tuex tanc khvnc maq ramc thoz shuex, yuq muinz tsuingshiq rueq thoz yaq kuex ngaz rueq tay kuq shaungx rvmuq,” ngoz tueq jungx tueq.

Mikha 3:7

Max kox tvkoc nuex rawshvmx shvmx jix hez kuex tsuingshiq rueq vjungc tvyaq ningkhvnc nuex yvlc svy rvhumc tuex. Tishox rueq tsuingshiq kvjaz tvralc muq ningkhvnc nuex tsuingshiq lotlaz shummarc rvhumc tuex.

Mikha 7:13

Yuq muinz kvruex mungx miqsaz htenc tharc vbac ningkhvnc nuex tsuingshiq httaz juing baung htenc kuex kumtsvy tvnx muex yaungx wvnc tuex.

JEKERIA 7:13

Ngaz rueq jungx koq tueq tsuingshiq rueq tay muq ningkhvnc nuex tsuingshiq rueq thoz yaq kuex ngaz rueq tvralc mauk.

Matthew 7:22

Muingphoc raungnuiyq httuiuc tuex nuex, ‘Taungjix lex, Taungjix lex! Mmuingc jungx vtueq Tishox bomjungc kuex jungphvnx vshix nuiyc mmuingc maq htaungc paunghvlc yurc gay ruiux, mmuingc maq vwangc juing paunghvlc shuimx wvnc tiq,’ ngoz tueq miq paunghvlc rueq ngaz muex jungx wuez shuex.

Luke 13:25

Yuimx jungx jix waz kvtenc vtueq kaluix kuex shauk gay shuex; kvkaq nuimshiq kuex yuz phic kox nuex jvp vtueq kaluix kuex wung tvruingx ruiux, ‘Jiyungx waz lex, nuiyshiq muex daz kuq koq!’ ngoz tueq thoz koq tueq kvruex waz rueq nuimshiq kuex m-wawc lac rvtuinx ngaz rueq tuiuz mauk,” ngoz tueq nuimshiq muex tvralc kv-phuinx.

John 9:31

Mvrax vhttax jix kvjaz kuex Tishox rueq tay kuq muq kuex naungshiq rueq tuiuz vshix; vpiq muex tvtsanc vtueq vpiq thuinroc shuimc kay jix htenc kvjaz kuex tay kuq yaq.

James 2:13

Yvmx khoc lac ngoz ruiux lec Tishox rueq menjenc thuinz vguez jix waz muex menjenc thuinz vguez maq phox kuq shuex: yuq muinz menjenc kuy lvmx rueq vphoc rvyaq kuex taungx gay lot yaq.

1 SAMUEL 8:18

Ekvkhoc httuiuc wvnc tuex nuex, nuimshiq miqmac rueq thvl wvnc tuit nuimshiq hokhvmx waz ningkhvnc nuex, khuip khaq laz juing nuimshiq kvbot nyvnx wuez tuinx, yuq muinz Yehowa rueq nuimshiq kvbot nyvnx tuinx kuex tay kuq kv-phuinx rvmuq,” ngoz tueq jungphvnx kuq tueq.