Matthew 7:15 - ASII LAKDAP Bible (BSI)

¹⁵ “Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

Hawa Naga Bible 2001

¹⁵ “Nuimshiq kox nuex httuiuc kaz tueq raungx nuex khelbuenx mul svmx ruiux, vmungx nuex vphuiuz gay thuinz httax yaq shoalx rulc rv-ngvlc yaq shvmmax vrot hez kvmac honc lvmz hvt maq koayc shuinz.

Muklom

¹⁵ “Alik rangsamal tang wang rangtun eq tong inn. Ning kelwut sa tang mal takhi eq nim relnáng thupha na, etha otho ning tin mong sha jashit inkaku tang mal hun.

Matthew 7:15 Referencias Cruzadas

1 HOKHVMX 13:18

Kiijiishe tikiiwe shammiwe Bethel chela wiiwe raq apaiq ma akha chongto, “Ngi arminla, ümniikiikha shammiwe sii ahata. Kiimaq Tatiwe aming maq rase ashi raq ngi ma ümniika ijam na sheawan laq nguta chongto. Kiimaq ümniika shiili liilaq nguta chongto.” Shatmaq kra tikiiwe shammiwe riika arot chongto.

JEREMIA 29:21

“Tati Ningkun Ajongwe, Israilnok Shiikeawe raq Kolaia se Ahab nai Maaseia se Jedekia raq apaiq mang na namshiq ma arot akiq bomtsi chongkuqtlaq kra miitu chongtlo. Apaiq raq chongto, apaiq raq tsangnai ka Bebilon Hokhamwe Nebukadnejar jaqkhon mong niishe mikiinong kuqbaiq wan. Raüta apaiq raq namshiq makki na tsangnai ka atsea mirbaiq.

EJEKIEL 13:16

Shammibi jurwa hansang riimak kiinang nga, Jerusalem ma ahea khusang, jamhaisong chang ahü nguta bom chongketi arot shammibi thun ka mithum wan!” Arka Tati Rakaü Hiqwe raq toqtantlo.

EJEKIEL 13:22

“Namshiq raq arot akiq bomtsi kra chongkuq lanta, Ngi raq tiichamchao romangti mungmaiqse maiqshaqti thun kiimin, tsangshiq tsaiji ka tran baiq wan tlan. Namshiq raq abi kloti maiqse ka tsangshiq raq ajiq aphiq jaqsham wan tlaq kra athaq baiq raüta; tsangshiq miisaq ka tiichhii wan chan wa; kriimin wiita namshiq raq tangta baiq wan tlan.

EJEKIEL 22:25

Mungtubi ka hangsikong raq ngam kaq raüta ngam riichhin phaqtlaq ikha ahok aho riitlo. Tsangshiq raq mung maiqse ka tsat baiqtlo. Raüta tsangshiq kampho kra nai tsangshiq tachong hupsam thun ka alaplap nyeahotlo. Kiimaq tsangshiq raq maiq tsatbaiqtaq raüta jechakre pahea manti nyungre ma tiijabaiqtlo.

EJEKIEL 22:27

Kiimaq munghupti ajong alabi thun ka shekong ikha, ngamkaütiim ka kaq raüta jamkho kholam kholiiq chai phaqtlaq ikha mungmaiqse ka kaqphaqtlo. Tsangshiq raq maiq miisaq tantlo. Raüta chiithe ma jatlo.

DANIEL 11:34

Kra re raq maiq jiipbaiq wan tlaq akhing na, Shiikeawe sengi raq khrum ka ralangse li milap wan. Li jiimin tsangshiq khrumti maiq apako riika, maiqmii wokpo miitu tiima raütli mikhrumkuq wan.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

JEKERIA 13:4

Kra akhing she saü raüla, shammibi raq riisham bomchong chongke miika ajeasi she miraq. Kiimaq shammi jamak she kiimaq shammi miirii min tiimii mak she. Mungmaiqse laolii mak she.

Matthew 10:17

Honkamshat rong laq. Namshiq ka maiq raq shumraü kharü maq mikha. Raüta rung na mitiichap wan. Kiimaq tsangshiq raq namshiq ka sinagok thun maq sintsang maq mitsat.

Matthew 16:11

Ngi raq namshiq ma winsii miitu chong mang. Kra namshiq raq akhiisiimin tak man ka jaro? Phorisinok nai Sadusinok pithob asi. Kriima namshiq ka maiqmii hon kamshat maq siwan lili ronglaq nguta tsii chongkuq tiikang ahata!”

Matthew 16:6

Jesuq raq, “Phorisinok nai Sadusinok pithob asi jo. Namshiq ka hon kamshat maq sirong laq,” nguta tsangshiq ma tsii chongkuqto.

Matthew 24:11

Kra akhing na arot shammibi pahea mipu wan. Kiimaq tsangshiq raq maiqse pahea lamjiq nü na mishon ronho.

Matthew 7:14

Shatmaq, rilung lam nü na wachang kilü ka atsase. Kiimaq arlam ka akhum ma ahawiq. Maiq atsapko riili arlam ka hum wan tlo.”

Luke 12:15

Kra ngu raütiishe, Jesuq raq tsangshiq tarü ma akha chongkuqto, “Sükha ramho kharü mong na dea man chang miitu, honkamshat maq si rong laq. Ara jamkhano chongtiikang ngukla, riikhaqli maiqse rilung ngutlaq kriika, ajaq na tsiiq anyam rüm tlaq, kra lamlam li ka riimak. Apaiq ka ümtinkhan chiithe we li jiimin ümriilaq.”

Luke 6:26

“Ümchaü nokwe raq maiqshaq dea nguta shomra tlaqti ma, phiiptsi chang jonghea. Tsangtitiim riimin la arot shammibi ka, akhiisii shomra siq wanto.

John 10:12

Maiq amaq kham miitu sku rümti kriika, skukong tati ka riimak. Kriikha maq, apaiq raq ümtiikiiwa she kaü ka skukong kaq wa, awarai chhi jiiq, kra chhi raüla, apaiq ka ahai sitsi ma, skukong kra jai na miimbaiq thü raüta, aju rai miraq. Krai mren, she kaü ka wa raüta skukong ka tiipin miijin jo raüta, wiita mikaq phaq wan.

Acts 13:40

Riita, arkha maq, namshiq raq tsii lam ronglaq. Riimak la, arka shammibi raq jamlai wa chongthütaq, kra namshiq dü nap miniki. Shammibi raq akha chongthüto:

Acts 13:6

Tsangshiq ka khamjong mung hiq kra konü siim na Paphos chela sitlaq kiina leaphok jojuju wawanto. Kiijaq tsangshiq raq mintin we ashi riihumto. Apaiq ka Jehudinok phan. Apaiq mang ka Bar Jesuq. Apaiq ka arot shammi we.

Galatians 2:4

O, kiitiikaq maiq wiijamti riika, apaiq raq atho ka han raa dea nguta bomwito. Shatmaq, han mak dea. Riita, jurwa akha tiima wantaq, kriiti thun ka, Phungkhü maq tiihong raüta siti riito. Tsangshiq ka naishiq phong na, siwe jawa nguta shang wa damto. Tsangshiq ka, naishiq raq Jesuq Khristo pum na, liisaü wase apeo rilung lap wankai, kra sikhai wa nguta tiina nyap wataq. Tsangshiq raq naishiq ka, Jehudinok thungtri kharü mong kriijaq kha raüta, thungtri dise ikhli sihaü jaq nguta tiima raüta wato.

Ephesians 4:14

Kra akhing na, nashiq ka nosere ikha, maiq bom maiqsa ma kona jon wa, kona shonki ka riimai she. Arot akiq maiqse, maiqlao liiti raq jamlai wa, arot akiq traho bomtsi shrinkuqtlaq, kra manphan jüche ka tai laita, nashiq ka shonbii kimai she. Tsangshiq riika laolot mak she.

Ephesians 5:6

Krai mren, namshiq ka arot akiq, joksaü liiqse bom na naqshon bii rongkiq. Ara chongtiikai ngarai thun arkha na, Shiikeawe tsankhiq walü ka, jurwa apaiq aming lang mak shishe tlaq, kriiti thun thaq na misaüho.

Philippians 3:2

Ara abi jaqshamtibi, hi kong, athohan tri ka lang raa dongdii nguta shiichuttibi, maklii wa hon kamshat sirong laq.

Colossians 2:8

Riita ümchaü ka namshiq maiqmii tsii lamshat maq sirong laq. Mangjong maiqse phaqchi taksma, athii arii min ahü manphan jüche, ashi ra raq chongphanke wan tsütsit kra tai lanta, naq shonbiiho rongkiq. Kra tsangshiq raq phanchan kuq tlaq manphan ka, rawang win na siti abi winji hokhambi, ara ra nai hiq ara jamshati raq rom wan raüta achongkuq bomtsi jo. Kriika Khristo raq achongkuq manphan ka riimak.

2 Timothy 3:13

Kiimaq arot abi shrabi, tiibainge rai tlaqtibi ka, tsangshiq kamasham rilung na, diikiq dea wan wan li she miraq. Tsangshiq raq nanok kiimin laolii tlo. Kiimaq maiqmii kiimin tlaophaq raütli she sitlo.

2 Timothy 4:3

Ara jamkhano chong tiikang ngukla, rahiq abi akhing ka jaqloli she misaü wan. Kra akhing saü wan raüla, kamasham awongsii bomtsi chongkuq tlaq kriika, Phungmaiqse raq tairo mak she mira. Kra awongsii, angu asi kra tairii na, tsangshiq riika, pongphan achhü shaqmii, kamasham lamphan, chongkuq tlaq kra khoti mitaiho. Krai mren, tsangshiq raq aroro lam na trahoketi shrabi ka pahea, tsangshiq raq mirchom hea. Raüta, tsangshiq traho ka mitai.

2 Peter 3:17

Shatmaq, kongtitiim lei, namshiq raq arka asap han she. Kiimaq namshiq ka namshiq kamasham rangchong phataqtaq maq sitlan kiiwa, ara ahea abi sapmak tri jinti kong raq ajiq lam phantlaq kiina namshiq kiimin dea wan man chang miitu honkamshat maq sironglaq.

1 John 4:1

Lungwii phunainotiim lei, Wenyi ningkun lapkai she nguta ümchuro tiitsaki tlaq, kriiti wiita ma akamsea nguli ka naq kam rongkiq. Shatmaq tsangshiq khum na sitlaq wenyi ka riikhaqli Asii Wenyi Shiikeawe raq akuq dea sha, riimak wa, kra samhea chechiip rong laq. Ara jamkhano ara chongtiikang ngukla, arot shammibi ka pahea powan raüta, barap binrii niishe nyam wanto.

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.

Revelation 16:13

Kiijiishe, ngi raq ashe ashi winji atsam kra chhikang. Tsangshiq sham ka jukmantsai kaü sham ikha. Tsangshiq ka prenkaü nübok, ngamthaiq kaü nübok, kiimaq arot shammi we nübok maq adong.

Revelation 17:6

Ngi raq kra nyung ka, asii maiqsetiim tiijai nai Jesuq hakhi ma jawanti tsatbaiq wantaq kra tiijai nyang raüta, chephe maakaiq chhikang. Ngi raq apaiq ka chhi lata pinthum awang raili she riikang.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.

Revelation 20:10

Kiijiishe tsangshiq laoti Thawe ka ngamthaiq kaü nai arot shammi we tiidea baiq chang nyiimwin walü ikha watum lü rai tlaq kiijaq mitiidea baiq. Kiijaq tsangshiq ka ranaiq rawa pattup pat-sa she mitiichamchao wan.