Matthew 7:15 - Hawa Naga Bible 2001

¹⁵ “Nuimshiq kox nuex httuiuc kaz tueq raungx nuex khelbuenx mul svmx ruiux, vmungx nuex vphuiuz gay thuinz httax yaq shoalx rulc rv-ngvlc yaq shvmmax vrot hez kvmac honc lvmz hvt maq koayc shuinz.

ASII LAKDAP Bible (BSI)

¹⁵ “Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

Muklom

¹⁵ “Alik rangsamal tang wang rangtun eq tong inn. Ning kelwut sa tang mal takhi eq nim relnáng thupha na, etha otho ning tin mong sha jashit inkaku tang mal hun.

Matthew 7:15 Referencias Cruzadas

1 HOKHVMX 13:18

Kvkaq Bethel ghaq wawc shvmmax likawx waz rueq, “Ngaz muinz mnoz kv-khoc shvmmax washiz rvtauk, Yehowa rueq nvr tueq bomc nuex mnoz kuex ngvy yuimx nuex shvlx wvnc vtueq tv-phuiuz svy tvkoc raungkamx waz rueq ngaz muex jungx phuex,” ngoz tueq jungx tueq. Yuq muinz shvmmax likawx waz rueq vrot rvtueq.

JEREMIA 29:21

“Tvphaungc Tvsuip Yehowa Israel Tishox rueq, vpiq muingc ruingc vtueq vrot vkaq kvjaz maq nuimshiq muex jungphvnx yaq Kolaia saz Ahab nuiyc Maseia saz Zedekia nuex tvkop vtueq jungx tueq. Vpiq rueq Babelon Hokhvmx Nebukhadnezar yauk nuex lekuq gay ruiux, nuimshiq muik lawc nuex tsuingnueyc kuex thvt gay shuex, ngoz tueq Yehowa rueq jungx tueq.

EJEKIEL 13:16

lotlaz vbac jvnc rvtueq yuq muinz, lotlaz vhvlx jvnc ngoz tueq Yerusalem muex jungc tvtsuir jix shvmmax bix kuex htumx kaz shex!” ngoz tueq Johvlc Yehowa rueq jungx tueq.

EJEKIEL 13:22

“Ngaz rueq tvshirix roc mauk miq hvlx hez htenc kuex nuimshiq vrot vkaq kvjaz maq thuinz tvbac tvyomx vshuinx. Layx vbac miq htenc rueq layx vbac yauk shuimc kuex tvwanc muit maq, nuimshiq rueq tsuingshiq rullungx kuex tvsumx rumx vshuinx.

EJEKIEL 22:25

Tsuingshiq walaungx bix kuex vhuk raz tueq ngvmx htenc puinz kauk gay yaq hangsic htenc ikhoc rvtueq. Tsuingshiq rueq miq htenc kuex thvt gay ruiux, kuimphox nuiyc tsak vnyvmx htenc kuex taungx shuex tanc khvnc lvmz wvnc yaq, tsuingshiq rueq miq thvy ningkhvnc nuex mvntix nyuiuz hez paung yaq.

EJEKIEL 22:27

Gawamen vyungx vlaungx bix kuex ngvmx kauk vtueq tvhtaq tvruk puinz phauk gay yaq shoalx ikhoc rvtueq. Tsuingshiq kuex luiz waungx yaungc tvkoc miq thvy gay nuex yaq wuez yaq.

DANIEL 11:34

Rvthvy rvshuy thuiyc yaq nuex, Tishox miqsaz kuex romc kuy raungluingx lvp shuex, kvkhoc rvyruiux miq vpaung kox kuex miqmac laung dvyx tvmaung vtueq tsuingshiq rulc kvpop wvnc wuez tuex.

Mikha 3:11

Ghaqyungx mungx walaungx bix rueq khauloayc yauk noalc laung nuex guimz lawc yaq, shomc waz bix kuex yauk mauk tvkoc nuex Tvrac luik htenc vlvmz kuex tvluing kuq yaq, shvmmax bix kuex tsuingshiq rueq lvp juing kuimphox tvkoc tsuingshiq romzyac tvkhic htenc kuex kuq wuez yaq, tsuingshiq lotlaz rueq Yehowa kuex tsuingshiq rulc vdvmz httax yaq ngoz tueq jungx wuez yaq. Tsuingshiq rueq, “Naungshiq nuex yvmx muinz thuiuz sac tix rvmuq, Yehowa kuex naungshiq rulc vdvmz httax yaq,” ngoz tueq ngoz wuez yaq.

JEKERIA 13:4

Kvkhoc vkhing httuiuc ruiux yuq, shvmmax mruex jix waz muinz piq romzyac tvkhic muex kvsomraungc juing vguez, shvmmax washiz ikhoc shuimc mvy muq, miq htenc muex laulawc tvkoc ngoz tueq shvmmax khoz vkhvy kuex svmc mvy muq.

Matthew 10:17

Honc lvmz wuez shuinz, yvmx khoc lac ngoz ruiux lec tsuingshiq rueq nuimhez kuex lvp vtueq phoc waz rungx nuex lekuq gay kv-phuinx, vjux thoz juing baung htenc maq nuimhez kuex wungc tvlc guirguenz kv-phuinx.

Matthew 16:11

Wanx nuex seng vtueq ngaz rueq jungx mauk kuex nuimshiq rueq yvmx rvtueq lac rvwvl muit? Pharise nuk nuiyc Saduke nuk wisiz kuex koayc wuez shuinz, ngoz tueq ngaz rueq jungx vphaungx!” ngoz tueq.

Matthew 16:6

Yesu rueq tsuingshiq muex, “Pharise nuk nuiyc Saduke nuk wisiz kuex honc lvmz hvt maq koayc wuez shuinz,” ngoz tueq jungx tueq.

Matthew 24:11

Vrot vkaq shvmmax paunghvlc dung vtueq miq paunghvlc muex lvmx tvmawc shuex.

Matthew 7:14

Yuq muinz rullungx tvraungx juing nuex httuiuc juing kaluix kuex vtsaungx nuiyc gvrc hvlc rvtueq, kvruex humc wvnc jix miq kuex vthvp saz dvyx rvtueq.

Luke 12:15

Kvruex yimaq tsuingshiq lotlaz muex vpiq rueq jungx tueq kuex, “Phvnx ruip saz nuex kvkax wax yaq kvwawc nuimshiq shauk pumz kuex kvguing kvwungx ruiux honc lvmz hvt rvshuinz, yvmx khoc lac ngoz ruiux lec mtanc dvyx luiz waungx ruiux muinz, piq rullungx shauk kuex tsak vnyvmx htauk nuex httax yaq rvmuq,” ngoz tueq.

Luke 6:26

“Miq lotlaz rueq nuimshiq ngoc vhvlx ngoz tueq jungx ruiux yuq nuimshiq kuex kvhiz juing httax yaq; yvmx khoc lac ngoz ruiux lec tsuingshiq jix vwaz tamx rueq muinz vrot vkaq shvmmax bix kuex ekvkhoc tvtsvmc wvnc tueq.

John 10:12

Vshap vruex kolix waz kuex khelbuenx taungjix waz rvmuq, vtaungjix waz rvmuq ningkhvnc nuex shoalx kaz yaq kuex khiz ruiux yuq, khelbuenx htenc kuex gay shec ruiux piq vyuz rvwvnc tuex, shoalx rueq muinz khelbuenx htenc kuex tvpanc yurc vtueq kauk gay tsuiyc shuex.

Acts 13:40

Kvkhoc rvtueq shvmmax bix luik nuex jungx shec tueq kvjaz htenc nuimshiq htauk nuex hungx woz muq tvkoc honc lvmz wuez shuinz.

Acts 13:6

Tsuinghez rueq julc kvruex yanz laq vtueq Papho nuex khuemx kaz tueq, kvruex ghaq kvyuq vrot vkaq shvmmax washiz vmuingc Bar-yesu ngoz yaq waz Yuda miqsaz rvtueq mantan thenc hvlc waz muinz ruez, vrot shvmmax muinz ruez waz kuex humc tueq.

Galatians 2:4

miq vganc rueq kuex tvgvnc roc tueq. Miq htenc kuex nuiyshiq Christu Yesu rulc vshiz dvyx rullungx tvraungx ningkhvnc nuex nuiyshiq rueq lvp wvnc tiq freedom kuex si-khvyx tvkoc phungc miqsaz muex kvyaungx shaungx vtueq, ngvy phungc nuex vyumx maq nyuip waungc jix hez rvtueq. Tsuingshiq rueq nuiyshiq kuex dax muex tvyaungc roc tueq,

Ephesians 4:14

Kvkaq naungshiq kuex mungyumx thuinz maq miq muex lvmx tvyaq tvkoc rot kaq jungphvnc jix htenc kvjaz nuex raungguil kvwek wix koq yuq lomx wvnc naungx yaq nosaz rulc ikhoc yaungx wvnc tix rvmuq.

Ephesians 5:6

Ukhaq muinz khuec guez lvmx guez kvjaz maq nuimshiq kuex nauk kvlauc lawc kaz; kvkhoc yauk shuimc ningkhvnc nuex Tishox thuinkhvy kuex tay phvnx muq jix htenc htauk nuex httuiuc tuex.

Philippians 3:2

Honc vbac yauk shuimc jix htenc, guyhex htenc, miqmac shauk vgvnz kvgvnc jix htenc kuex koayc wuez shuinz.

Colossians 2:8

Christu kox wawc rvmuq maq, miqsaz htungx vlayx phvnx vtueq, khuec guez miqsaz taksux tharc maq laulawc lvmz muinz, raungwuilx wanc nuex httax yaq htaungc htenc kox wawc dung yaq tvluingc jungphvnc lvmz htenc rueq muinz, uraq muinz nuimshiq kuex dax muex tvyaungc muq mruez shueq, honc lvmz wuez shuinz.

2 Timothy 3:13

honc vbac jix htenc nuiyc tvrot kaq laulawc jix htenc kuex vbac htauk kvyuq muinz pinhtumc bac hvlc shuimx kaz wvnc shuex, tsuingshiq rueq miq laulawc shuex kvkhoc tsuingshiq muinz vlauc lawc rvhumc tuex.

2 Timothy 4:3

Miq htenc rueq vlvmx tvluing jungphvnx kuq yaq kuex tay muq maq, miqmac thuinroc lvmx phvnx vtueq tsuingshiq thuinz tay roc shuex lvmz htenc kuex tvluingc kuy jix tvluingc waz htenc tsuingshiq tvkoc pinhtumc paungc wvnc tvkoc thuiyx wuez shuex.

2 Peter 3:17

Yuq muinz kungjix bix lex, nuimshiq rueq vruex lvmx htenc kuex vtuiuz wuez shex rvtuit. Kvkhoc rvtueq nuimshiq kuex tvrac vguez jix htenc yaq tueq lvmx kvyuq phvnx wvnc muit tvkoc nuiyc miqmac phaungx duingduing hvlc jvp vtuinx kvwawc kvhttot kvyenc wvnc muit tvkoc honc lvmz wuez shuinz.

1 John 4:1

Lungwawc kungjix bix lex, Siyac lvp wvnc tiq ngoz tueq jungc jix miq lotlaz muex nauk kvmx kaz, tsuingshiq rueq lvp wvnc tiq ngoz yaq siyac kuex Tishox kox wawc vkaz shuex rvmuq lac kuex wisoz lawc shuinz. Yvmx khoc lac ngoz ruiux lec vrot vkaq shvmmax paunghvlc kuex baung ruip saz nuex httuiuc wvnc tueq.

Jude 1:4

Yvmx khoc lac ngoz ruiux lec tvrac vguez miqsaz htenc kuex naungshiq kox nuex kvhelc muq vyumx maq nyuip wvnc wuez yaq, tsuingshiq kuex tsuingshiq piauc juing lvmx phvnx yaq vbac honc vyaungc htenc kuex tvguing lot tvkoc naungshiq Tishox kejux nuex seng yaq bomjungc kuex miqmac rueq vroc ruip rux gay dvyx muinz rvmuq, naungshiq nuex vshiz dvyx rvtueq Taungjix Yesu Christu kuex tvdux gay wuez tueq. Tsuingshiq rueq lvp wvnc tueq vphoc vthamc lvmz kuex mvnnuex tvluz nuex phuex Rumvrc luik htenc nuex jungx shec tueq.

Revelation 16:13

Kvruex kaq lukburx ikhoc vshuy vshac htaungc vthuimx kuex ngaz rueq khiz tauk. Tsuinghez kuex yungrex nuix wawc muinz, svl vwvl nuix wawc muinz, vrot vkaq shvmmax bix nuix wawc muinz dung kaz wuez tueq.

Revelation 17:6

Yalxjuik nyuiuz kvraq Tishox miqsaz htenc tvguiy muinz, Yesu htauk nuex tvmtuing httaz ningkhvnc nuex vthvy gay rvhumc jix htenc tvguiy kuex nuingx vtueq jukpawx yaq kuex ngaz rueq khiz tauk. Piq khiz vtueq vsuing ngaz kuex vwangc rvtauk.

Revelation 19:20

Svl vwvl rulc vdvmz piq khaungkac nuex romzyac tvkhic jix vrot vkaq shvmmax kuex vkhvrc buinc rvhumc tueq. (Kvruex vrot vkaq shvmmax waz kuex svl vwvl lombot mvhttarc tvkop vtueq piq yac yuimx nawk jix htenc muex romzyac tvkhic ruiux lvmx tvmawc tvyaq jix waz rvtueq.) Tsuingnueyc wanueyc wvtaungx luic thuiyc yaq wvr jumx nuex vtvraungx maq tuip gay rvhumc tueq.

Revelation 20:10

Kvruex yimaq tsuingshiq muex laulawc jix waz Htaungc muinz kanz wvr jumx nuex tuip gay rvhumc tueq, kvruex wvr jumx kvyuq svl vwvl kuiux nuiyc vrot vkaq shvmmax bix muinz vtuip gay vrvhumc wuez shex; tsuingshiq kuex pattup pat-sac raungnuiyq raungwvrx tvkuilc daz guirguenc rvhumc wuez yaq.