JEREMIA 6:4 - ASII LAKDAP Bible (BSI)

⁴ Tsangshiq raq akha mingu, “Jerusalem khat ma tiije rongphiilii! Tiije ronglaq! Nashiq raq ranaiq shethung na mikhat rong!” Shatmaq kra nguraüta hali, “Ai, ümchaü ka rajishe. Rashe ka acha she. Kiimaq rashe chawan kiita rashe ban wanto.

Hawa Naga Bible 2001

⁴ Tsuingshiq rueq, “Yerusalem ghaq kuex khvt muex tvyoalc wuez shuinz! Shalhtungx baung nuex khvt ix!” ngoz shuex. Yuq muinz tsuingshiq rueq, “Shalx shex httvmx wvnc vtuex, raungyac kox shex ningkhvnc nuex kvyix hvlc shex.

JEREMIA 6:4 Referencias Cruzadas

YOBA 7:2

dise raq ra nyam ba na niitiitsak ro ikhli; ningchang shamti raq ranaiq jaq maq khephaq tlaq ikhli.

ASHICHONG 2:17

Ranap rawü mishaq, banram banriq na, jang wan laq kongtiwe lei, Bithar pum na chhingise nai, chokkaü adoq ikha.

JEREMIA 15:8

Nam mung na manti-nyungre ka, khamjong chum kii na kumtsai riiphongtlaq thaq na apa. Ngi raq nam mung wa jerobi ka jerojong na jiipbaiqkang, lata anyungre thun tiichamchao tiikang. Ngi raq tsangshiq ka tiihanghiiq miili tsan among bunlaklak, phiiptsi ma tiitsaitiikang.

JEREMIA 15:9

Asetiim wemiishi tsaitaqti ka atsitsü thiimtlo, pitlang pitthea atsitsü min healot mak she. Apaiq ma ranaiq shethung ka rawa thung ma jakito; kriinyung ka khushü jampaqpaq kiimaq atsanbi taqtaq. Ngi raq namjaqtinok ma ümchaü namshiq atrati thun ka mitiijiipbaiqha, Arka, Ngi, Tatiwe raq ngutiikang.”

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.

JEREMIA 6:23

Tsangshiq ka maiqmii liq pi raq chhaq kiimaq nepjasai kaütiim wiraq chhaq she. Tsangshiq ka maiq ngamsang phaqtinok kiimaq ralangse min mangchan ahünok. Tsangshiq ka kumrang thaq na chaoraq raq, khamjong chum trang wa ikha ramok rachhai saühotlo. Tsangshiq ka Jerusalem longkai tiijeshat saühotlo.”

JEREMIA 8:20

Mungmaiqse ka akha hoq trangtlo; “Raju min leawanto she, tsamjut min tumto she, shatmaq nashiq ka ümchaü min mitiichhii shaqli.”

Yoel 3:9

“Maiqmung thun na ara aming tiitai ronglaq. ‘Re riikhat miitu rechap sürii wan rong laq. Namshiq srea nolabi ka triitam hea ronglaq. Namshiq phenlabi ka triitam lanta, rechap tiipha ronglaq!

Obadia 1:1

Arka Ajong Thaq Na Ajong Pinthum Tatiwe raq Edom mungti miitu shammiwe Obadia ma atiichhikuq riisham bomchong. Tatiwe raq atsasoqti weshi mangjong hiq thun na tiikito. Naishiq raq apaiq tsütsa ka akha taikai: “Chap rong laq, singmung maiqse lei! Edom mung kra khatki rong i!”

Mikha 3:5

Isenginok ka shammibi raq laolii hoto. Shammi jaq maq keti miika, khu asang miraq nguta tam kuq tlo. Shatmaq jaqmaq kuqmakti miika, redong na mitsai han nguta shiikeng tlo.

JEPHANIA 2:4

Gaja chela na maiq ashi min tiichong mak she miraq. Ashkelon chela ka hiqmii she miraq. Ashdod chelati ka shethiq liipan niili mijobaiq. Kiimaq Ekron chelati ka wiita mijobaiq.