Mikha 3:2 - ASII LAKDAP Bible (BSI) Shatmaq namshiq raq tingting tri ka ashishe riitlan. Lanta ashut tri kra lang tlan, Namshiq raq isengi mungmaiqse ka akhü koq lanta tiichamchao tlan. Kiimaq tsangshiq ka riitsi tsaitsiiq siphaq tlan! Hawa Naga Bible 2001 yuq muinz nuimshiq rueq vhvlx kuex shuiuc gay ruiux layx vbac kuex lungwawx vshuinx. Nuimshiq rueq ngvy miqsaz htenc kuex tvraungx tsuik tsuik vkhuix kawk vtueq ruk vrawz nuex kop yaq ngvmx kuex httueyc gay vshuinx. |
Kiitiikaq Ahab raq Elija ka chhi raüta, apaiq raq nguto, “Ijaqtiwe loi, ümniiraq ngi hali chhirat wa nong laü nya?” “O, tengto. Ngi raq ümniika humrat kang,” nguta Elija raq treto. “Ümniiraq ümrilung ka Tatiwe makki na jamlai wa ashut kra klowan niilishe dea kiinong kuqbaiq laü kata.
Shammiwe ashi, Hanani se Jehu ka hokhamwe phana kito. Raüta apaiq ma akha nguto, “Ümniiriika ajiq kiimungti ka akhrumke thektlo kiimaq Tatiwe ngengti krai pongdam thek tlo ngutiisha tiima tlaü? Ümniiraq jamlai wa klo laü kra lümaq ümkhu thaq na Tatiwe tsankhiq she tiisaü laü.
Shiikeawe raq juwa shiithoq baiqtaq thun ka apaiq raq saisitlo, shatmaq Tatiwe aming langti ka shrengtlo. Apaiq raq akiq khamkuqtaq miiphat wranaiqshe tiipoi mak shamkuqtlo, ümtinkhan athii atsinwiq jiimin shamkuq wan ruq riitlo.
Shiikeawe raq waitlo, “Tsangshiq raq sapmak shea? Ara abi klotibi ka lairap sapmak shea? Tsangshiq raq isenginok tek raüta tiidungtlo, kiimaq tsangshiq ka ijaq wa ümtiikiimin achu jaümak.”
Jurwa thungtri raü jin tlaq, kriiti ka ashutti rai pongti; shatmaq jurwa tri wokhong na sitlaq, kriiti ka ajiq kiimungti kra ngengtlo.
Namshiq raq isenginok ka ji maq nishishi tseabaiq ka thekmak arang ahü. Lantea miitsan maiqse thun ka nanshan shan haihü ka maimak. Ngi, Ajong Pinthum Tati raq toqtan tiikang.”
Namshiq ka miqlan she! Namshiq raq abi ka ahea ngutlan kiimaq ahea ka abi ngutlan. Namshiq raq ranyaq ka rawiili ma tiijatlan kiimaq ranyaq ka rawü ma tiijatlan. Namshiq raq akhapwiq phan kriika asumwiq ngutlan, kiimaq asumwiq phan kriika akhapwiq ngutlan.
Namshiq ngiika, namshiq raq jamlaiwa klotlan kriika riikhaqli nguta tiimatlan. Shatmaq Ngi raq namshiq hon aja kra ra na alin she mirbaiqha. Kiimaq namshiq sumla phra kong raq namshiq ka khrum kuqlot mak she miraq.
“Arningkhan, Ngi, Tati Rakaü Hiqwe raq ümniima ngutiitiikang. Ara chela ka ngam lum chang hamlii tak dea. Shatmaq ngam ka jamlai ngam wa? Namshiq raq ajiipbaiqhan maiq maa phong bumtlaq kra kata ngam ka! Namshiq ka ajaq silot man she. Ngi raq namshiq ka ara chela mong wa kinphai niishe midobaiqha!
Kiimaq munghupti ajong alabi thun ka shekong ikha, ngamkaütiim ka kaq raüta jamkho kholam kholiiq chai phaqtlaq ikha mungmaiqse ka kaqphaqtlo. Tsangshiq raq maiq miisaq tantlo. Raüta chiithe ma jatlo.
Laüta ngam ahea baba ka chum laüta thiilaq, aphaq ngam nai ahok pe thun kra, laüta ngam arii aheawiq ba ba thun kiimin chum laüta thiilaq.
Namshiq raq sku nyakpü ka nyangtlan. Sku bin maq ataq khea ka samtlan. Kiimaq skukong wa ahan aphin phinti kra tsea lanta taphaq tlan. Shatmaq namshiq raq skusekong ka ümtiikiimin samhea rüm man.
Amos raq jechakre ma ngutlo, Bashan tan wa minsaükaütiim kumchipo ikha jongtlo, Kiikha jongti lüsi lüwa nyungre Samaria chelati lei, miitsan maiqse ka ji maq nishishi, nanshan wantibi lei, ‘Ngi ka asum akam che maq dunglaq,’ nguta namwesetiim shiichut chatti lei.
Ashut lamphan shummii laq, Tingting lamphan lungwii laq. Rung maq tingting kha pho laq. Jursap, Tati raq, Joseph saüse aso atiichong ma, tiihang mangchan lo tiichhi jiiq.
Tatiwe raq ngutlo, “Namshiq raq isengi ka re raq akhat ikha khattlan. Maiqwere ka re maq ajang wan, jamkun na khusang maq siwa nguta saü wantlo. Shatmaq namshiq raq tsangshiq raq, samtong jong adü na asam kra, chhut lanta nyea tlan. Lanta tsangshiq ka kheahü rasong tiichamchao tlan.
Maiqshaq weshi min ahüshe mungkang hiq na, Shiikeawe tsanwa maiq ahüshe. Maiq angu tarü matsaü tsasekong siisaq. Weshi raq weshi tseabaiq wan kriili she rittlo.
Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.
Apaiq sengi aki miikiimbi ka, hangsikong ikha ahok aho watrangli. Aphowebi ka shekong aramtsi khumtlaq ikha, süramhea ngamrii ka, anap ranap miitu min tiichong mak she phaqtlo.
Shatmaq, tsangmungti raq apaiq ka kai ngengto. Kriikha maq, tsangshiq raq apaiq jai na, tsütsa ka, ‘Naishiq raq arwe arka, naishiq khuthaq na hokham ma tiija wan romai!’ nguta kiimwebi tat raüta bom ka tiichongkito.
Kiijiishe, “Raa mak! Apaiq ka raa mak! Naishiq ma Barabas kra tiidong kuq laq!” nguta, tsangshiq ka agi lülü, asii watrang lam miishe, Pilat bom ka treto. (Barabas ka thiimeaq jati we riito.)
Phiijawa raq namshiq shulii chang lamlu ka ahü. Shatmaq, ngi ka tsangshiq raq shulii tlo. Arka ngi raq tsangshiq ngarai lamphan ka abi nguta chongkuq tiikang kriikha maq ngeng tlo.
Tsangshiq raq Shiikeawe tri na, akha ngarai tang wantibi ka, atsai lam mirhum nguta chong tlo nguta kiimin asap. Kra sapshat shat taü maq dongdii min, tsangshiq raq ngarai thun kra tang wan ruq miili sitlo. Kli min riimak; nanok ahinti raq ngarai klo tlaq, kriimin asom li riidam tlo.
Maiq ma lungwii tsii ka siirairai hea thü wan lili ronglaq. Jamlai wa abi phan, kriika atsaihai rii ronglaq. Jamlai wa ahea, kra jaqkhon tiipha lanta shamshat maq si ronglaq.
Tsangshiq tsan na maiq ma mangchan tsii ka ahü she miraq. Maiq ka ji maq nishishi tiima tsii li she miraq. Maiq chongsea wa trangli she miraq. Jado piqdo, tatso roli she miraq. Kiimaq ramok rachhai, akhiq ariq wa trangli she miraq. Tsangshiq raq jamlai wa ahea kra angeng miraq.