John 7:7 - ASII LAKDAP Bible (BSI)

⁷ Phiijawa raq namshiq shulii chang lamlu ka ahü. Shatmaq, ngi ka tsangshiq raq shulii tlo. Arka ngi raq tsangshiq ngarai lamphan ka abi nguta chongkuq tiikang kriikha maq ngeng tlo.

Hawa Naga Bible 2001

⁷ Mungkawx rueq nuimshiq kuex shuiuc pac lot muq; ngaz muex dvyx shuiuc pac yaq. Kvkhoc shuiuc pac yaq lvmx kuex tsuingshiq mvrax ngaz rueq tvkhic kuy ningkhvnc nuex rvtueq.

Muklom

⁷ Mingkang miqtang eq nim raa jin miiksuk pha min, etharin ning aa nga miiksuk phang chammatakoi ning jaksom aja ta nga miikkhi kot ang.

John 7:7 Referencias Cruzadas

1 HOKHVMX 21:20

Kiitiikaq Ahab raq Elija ka chhi raüta, apaiq raq nguto, “Ijaqtiwe loi, ümniiraq ngi hali chhirat wa nong laü nya?” “O, tengto. Ngi raq ümniika humrat kang,” nguta Elija raq treto. “Ümniiraq ümrilung ka Tatiwe makki na jamlai wa ashut kra klowan niilishe dea kiinong kuqbaiq laü kata.

1 HOKHVMX 22:8

Kiijiishe Ahab raq treto, “Shammi weshi ri dea asi. Apaiq ka Imla se Mika. Shatmaq ngi raq apaiq pinthum shutiikang. Jamkhano ngukla apaiq raq ngi miitu ka jangshi ra dongdii min riisham bomchong ahea ka chongkuq mak. Apaiq riika jangwrap she abi riisham bom kli tiithaitlo.” Kiijiishe, “Ümniiraq kiikhii ka naq ngu kiq!” nguta Jehoshaphat raq treto.

Tvtsvmc 109:5

Ngi raq tsangshiq ma ahea klo kuqkang, tsangshiq raq ngi ma abi klokuqtlo, ngi raq tsangshiq lungwii wan kangta tsangshiq raq ngi ka angeng khoti riiwanto.

TAKSU LAK 15:12

Khünga maiqse riika, tsii achongkuq ka tairo mak. Tsangshiq riika taksu maiqse rai, hon atsii riiwaiso mak phan.

TAKSU LAK 8:36

Jurwa ngi hummak dea, kriiwe ka mo hophaqtlo, jurwa ngi ngengtlaq, kriiti ka tsailam lungwiitlo.

ISAIA 29:21

Shiikeawe raq maiq chong seatibi ka mishthenbaiq, matsaü tsaseti kra tiiwongketibi kiimaq arot saqse kuq raüta maiq setu sepiiti raq kha tsangshiq raq tang changwa tiitang mak riitaqti thun ka wiita mitsatbaiq.

ISAIA 49:7

Israilnok asii Shiikeawe kiimaq chhiitiwe raq ngutlo maiq raq saisitliiqwe kiima, maiq mung thun raq ngengtlaqwe kiima, kiimaq mung pengtibi jaqshise kiima: “Hokhambi raq ümniika phaqtek mong wa tiidongbaiq wan kra michhi; kiimaq tsangshiq ka tiidorang raüta ümniima shreng manto mitiichhi; hokhamsetiim maiqwe sere riimin kra michhi wan; kiimaq tsangshiq ka ümjichong na bum raüta minoqpi wan.” Arthun ara mihongtha wan jamkhano ngukla Tatiwe raq ajaqshi se ka tsea wanto; asii Israilnok Shiikeawe raq apaiq kiqkham ka riikhaqli tiihongtlo.

JEREMIA 20:8

Ngi raq ümtiikiiwa bom chong tiikang na, ngi raq tiihong lata, “Mat dong wanto! Mungthen wanto!” nguta agilülü riimtiikang. Tatiwe lei, ngi ka maiq raq jang wrapshe thophi riiqphi shummiitlo; jamkhano ngukla ngi raq ümtsütsa ka chiiriim lata chongkuq tiikang.

LEWI 13:10

Apaiq raq kriiwe khum ka mishri ra lii. Riita kriiwe khum wa ami ka lüdiidii akhü na mitlaq jiila, raüta ami ba wa abin thun ka lüdiidii la jiila, kiimaq kra ami ba ka atsam asi jiila,

JEKERIA 11:8

Shatmaq ngi ka sku rümti maiq wetsam kriirai, kiq ram wan lot mang she riikang. Tsangtsam raq ngi ka kai ngeng seng wanto. Kriikha niishe, jipi lüshi liipan niili, ngi raq tsangtsam ka ajo riibaiq kang.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Luke 6:26

“Ümchaü nokwe raq maiqshaq dea nguta shomra tlaqti ma, phiiptsi chang jonghea. Tsangtitiim riimin la arot shammibi ka, akhiisii shomra siq wanto.

John 17:14

Ngi raq tsangshiq ma ümbomtsi ka chongkuq kang she. Kriikha maq, mangjong maiqse raq, tsangshiq ka ngeng tlo. Ara jamkhano ngukla, ngi ka mangjong hiq rii riimang. Krai mren, tsangshiq kiimin mangjong hiq rii riimak.

John 3:19

Shiikeawe raq mangjong maiqse shin chang kappe ka ara: Rawü ka mangjong hiq na saükito she. Shatmaq, mangjong maiqse raq ranyaq mong na si kli lungwiitlo. Kra jamto lungwiitla ngukla, tsangshiq ka ashut jaqshamti kha maq lungwiitlo.

Romans 8:7

Arkha na tiina, juwa maiqmii han-ngam tiima tsantsii jaqkhon mong na sitlaq, kriiti ka Shiikeawe ma wesang. Ara jamkhano chongtiikang ngukla, apaiq ka Shiikeawe thungtri wokhong na silot mak. Kiimaq apaiq riika, ümkhiiriita jiimin, Shiikeawe tri aming ka lang lotmak.

Galatians 4:16

Riita, ikhiijiika, ngi raq namshiq ma tengman tlaq bomtsi kra chongkuq kang, kriikha na, ümchaü sanha, ngi ka namshiq ma, wesang ralii we kaü miishe sha jaki kang?

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

1 John 4:5

Riita ara chongtiikai arot shammibi thun riika, ara mangjong hiq wa rilung lamphan kli chongphan kuq tlo. Kiimaq mangjong maiqse raq tsangshiq bom ka tai tlo. Jamkhano ngukla, tsangshiq ka mangjong hiq rii.