TAKSU LAK 28:4 - ASII LAKDAP Bible (BSI)

⁴ Jurwa thungtri raü jin tlaq, kriiti ka ashutti rai pongti; shatmaq jurwa tri wokhong na sitlaq, kriiti ka ajiq kiimungti kra ngengtlo.

Hawa Naga Bible 2001

⁴ Tvrac kuex mnoz rueq tvtsanc muq ngoz ruiux yuq, mnoz kuex layx bac jix miqsaz kox nuex httax vtuiux; yuq muinz tvrac kuex mnoz rueq phvnx vshuiux ngoz ruiux yuq tsuingshiq kuex mnoz rueq khawx vshuiux.

TAKSU LAK 28:4 Referencias Cruzadas

1 HOKHVMX 18:18

“Ngi ka mungbraktiwe riimang,” nguta Elija raq apaiq bom ka treto. “Ümniikhata —ümwe namnai khata mungbrakti ka. Ümnaq nai ümwe tahii jamti raq khata Tatiwe aming thun tleati ka. Lantea Baal sumla phra phong kra shomnoq tlan kata.

1 HOKHVMX 18:21

Kiimaq Elija ka mungmaiqse tho na wato. Raüta akha nguto, “Riita namshiq raq ara tiima anai ka ümtincho na saüli wa mithühan? Tatiwe kiidea Shiikeawe jiika apaiq kli shomnoq ronglaq; kiimaq Baal kiidea Shiikeawe jiika, apaiq kli shomnoq ronglaq!” Shatmaq maiq thun riika poshi min bom mak riito.

NEHEMIA 13:15

Ngi raq kra akhing na, Juda wang na siti Israilnok raq, Asii Niitiitsak Ranaiq ranaiq na spiqtsi tsai ka tiikit nyat tlo chhikang. Kiimaq mungmaiqse abiti riika, püwong, che, spiqtsi, phupmuptsi, kiimaq laihin huk asam thun kra, tsangshiq kumtoq kaütiim raikhü na miirea chhikang. Raüta tsangshiq raq kra hupsam thun ka, Jerusalem na hoho tlo chhikang. Kra chhilatiishe, ngi raq tsangshiq ka kiq atsin maq ason riikang. Kiimaq Asii Niitiitsak Ranaiq ranaiq na jamlai phan min ari athii shata raamak nguta aming kuqkang.

NEHEMIA 13:28

Riita, tiinanpot ajiq pinthum she ka, Joiada ka Ramwe Ajong Pinthumwe Eliashib se riito. Shatmaq, Joiada setiim phong wa weshi riika, Beth Horon chela na siti welawe, Sanballat se kra lamto. Kriikha niishe, ngi raq Joiada ka Jerusalem wa jobaiq kang.

Tvtsvmc 10:3

Abi maiqse ka apaiq raq ashut ramho rümtlaq kra miitu shiikongkhiq sitlo; Shakaqwe riika manson kiqsü riitlo raüta Tatiwe ka shipoq baiqtlo.

Tvtsvmc 49:18

Maiqse ashi ka apaiq atra siji na, chamtraq li sirai raü min kiimaq apaiq ka phanrap pok wan ruq kha maq maiq raq tiitsamsiq raü min,

JEREMIA 5:30

Phiiptsi chang kiimaq akiinyii chang mra jonghea armung arjaq pin wanto:

Matthew 14:4

Kriikha na kongkhuji na Khamlamketi we Johan raq, “Ümniiraq ümno chhi-nyung Herodias rom wan laü kriika, thungtri na hong mak!” nguta Herod ma tsii chongke apaiq ka sonto.

Matthew 3:15

Shatmaq Jesuq raq abom ka akha treto, “Ümchaü lak na riiwe ka ngi raq ümniima jamlai wa thaü tiikang, kli sham laq. Arka, Shiikeawe raq kechu jaqsham kiimung ümchuwa thapthi wantaq kra tiikupi wan jaqsham.” Riita, krai mren Johan raq apaiq ma jaq ka sham kuq wanto.

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Acts 12:22

Apaiq traho bom chongke kra tai raüta, mungmaiqse raq, “Arka maiq bom ka riimak. Shatmaq rakaü hiq we bomchong!” nguta apaiq somra gitrang siqto.

Acts 15:2

Paul nai Barnabas ka tsangshiq rai ara bomtsi khuthaq na, pinthum achaq awaq maq riikhiito. Kriikha miishe, ikhla Paul nai Barnabas rai Antiok phungtu wa maiqlare wiijam ka Jerusalem na kilanta kiimwebi nai maiqlare rai bom ka riiwaiki rongkiq ngutiishe bom ka riichongto.

Acts 19:9

Shatmaq, kiiwa nokwe phong wa maiq wiijamti tsantsii ka wanshakshak, tsinhea riito. Kiimaq Paul raq tsütsa chongkuqtlaq kiima kam mak riito. Kiimaq kriiti raq nokwe tarü man na, Tatiwe Lamphan khuthaq na bom ka abi-ati she bomhoto. Kriikha miishe, Paul raq tsangshiq ka miimthüto. Raütiishe, apaiq rai phunainotiim kra sheahoto. Kiimaq ranaiqtek apaiq raq Tiranas raq mungmaiqse pahea tiithung raü raüta trahoke wan chang jamkaü jonghea ashi asi, kra jam maq Shiikeawe lamphan manphan kra phanchan kuq lili riito.

Romans 1:32

Tsangshiq raq Shiikeawe tri na, akha ngarai tang wantibi ka, atsai lam mirhum nguta chong tlo nguta kiimin asap. Kra sapshat shat taü maq dongdii min, tsangshiq raq ngarai thun kra tang wan ruq miili sitlo. Kli min riimak; nanok ahinti raq ngarai klo tlaq, kriimin asom li riidam tlo.

Ephesians 5:11

Nanok raq amiinu ahü, ranyaq jaqsham thun jamlai wa sham tlaq, kriika alii min naqlii ki dam rongkiq. Kra rii na, ranyaq jaqsham thun kriika, rawü li na khot lanta, tiichhikuq ronglaq.

1 Thessalonians 2:2

Naishiq ka namshiq phana, Thesalonia chela na misaü wan hai shaq niiphü, Philipia chela maq, Tsütsa Ahea chongke wan kha na, maiqse raq pinthum ngeng raüta, tiitsü ngii wanto, kiimaq shummiito, kra tsütsa ka namshiq raq atai wishe dongdii riilan. Kiimaq naishiq ka namshiq phana saü wan kai akhing niimin, Tsütsa Ahea chongke lam kra tangtati, maiq ka pahea asi riito. Li jiimin, Shiikeawe raq naishiq ma ningkun kewan kha maq, Tsütsa Ahea Shiikeawe apaiq nübok wa adong bomtsi kra, namshiq ma chongkuqkai.

1 John 4:5

Riita ara chongtiikai arot shammibi thun riika, ara mangjong hiq wa rilung lamphan kli chongphan kuq tlo. Kiimaq mangjong maiqse raq tsangshiq bom ka tai tlo. Jamkhano ngukla, tsangshiq ka mangjong hiq rii.

Jude 1:3

Lungwii phunainotiim lei, nashiq raq tiichhii wan rilung lap wan kai kra thaq na seng lata, ngi raq namshiq ma lak ashi, tlothit li waiq tlo ha jiilei nguta tiima wan kang. Arka, Shiikeawe raq nashiq asengi ma, pattup pat-sa kamasham kuqtaq, ara awongsii maq rüm laita siwan miitu, rekhat wanruq maq sichang nguta tsaido jido bom chongke lak waiq wan tiima kang.