Matthew 6:33 - ASII LAKDAP Bible (BSI) Ara rii na, Shiikeawe mungtan nai kechu maiqse ma jawan riiwe kli rit rong laq. Raüla, arthun arka mikuq wan dongdii. Hawa Naga Bible 2001 Kvruex tvraung, nuimshiq rueq Tishox Mungtan nuiyc vpiq tsuingrux lvmx kuex kungkhux thuiyx shuinz, ngoz ruiux vganc rax yaq htenc kuex vpiq rueq nuimshiq muex tvrvp kuq kv-phuinx. Muklom Etharin nim aa jakho Shkewa mungtan ni piq asing shi bi inn; etho piq aa nim ma iri tang thaji raa kopha nin. |
“Naqhaikiq,” nguta Elija raq apaiq ma nguto. “Walaq. Laüta namnai phaqsea chang winsü kra lum wakiq. Shatmaq ümjaq na jamlai wa asi kriiwa apha na ralangse aranse winsü phushi ka kongkhu lumlaq. Laüta ana ngi ma kongkhu kuqkikiq. Laütiitiq abung tiichong tlaq kriimaq ümse namnai rii kriishe lumlaq.
Apaiq jamkun ka chiithe lüwa tajam miraq, kiimaq apaiq ka pattup thummak rongboq miraq.
Ngi ka ümchaü ka tikii she; ngi ka rilung luhea sikang, shatmaq ngi raq kechu maiqse ka Tatiwe raq tiishaübaiq wan chhi mang shaq riimakla asetiim ka maiq dungja jaüsea chhimang.
Tatiwe raq kechu maiqse ka, amang maq tiisimak. Shatmaq apaiq raq ashut kloti ka, tsangshiq raq jamlai wa rittlaq, kriika kuq mak.
Jurwa kechu maiqse ka, lamjiq na sheaho tlaq, kriiti ka maiqmii thiikho na, maiqmiili midea wa. Shatmaq mitting maiqse raq poksi milap.
Taksu maiqse riika jamlai wa athuk atsom kriili misham. Shatmaq maiqjiqti riika ashut jaqsham kli miklo.
Rawa thung niimin itsan imong wiita kuq lata, ümniikli lungwii tiikang, ümtiikiiwa ümniiraq mangjong hiq kha miphohaü, kiijiiqtiq tsangshiq wiita raq tingting khapho ka jamlai wa kra misap.
Raüta mung ka mungtsing maq miriim wan. Apaiq raq asenginok ka wranaiqshe tiiwongkuqtlo. Kiimaq tsangshiq ma taksu tsü kiimaq anyan phaqchi kuqtlo. Tsangshiq ma tsiiq tum ajong pinthum ka tsangshiq raq Tatiwe shrengtlaq kra.
“Tsangshiq raq Ngi lümaq lam lam li, rekhat mitang kiimaq ningkun milap wan; shatmaq Ngi ngengti thun ka tlotli raq jea mingaü.
Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.
Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.
Kiimaq maiq khumtek raq ngi miitu, maiqmii jam lo, aphu anotiim lo, ashea-nyungtiim lo, anyung nai awe lo, asetiim lo, awak ajam lo miimbaiq thütiiti thun miika, kra thaq niimin apa achan ana, ahing ashi maq mitliip kuq. Kiimaq tsangshiq ma pattup pat-sa rilung kra mikuq.
Kra akhing miiphat sanha, Jesuq riishe nokmaiqse ma trahoke wan jaqsham ka akhiishe phahoto: “Namshiq ngarai lam phan wa jang wan ronglaq. Jamkhano ngukla Ramungtan ka aje niishe!”
“Jurwa Shiikeawe raq thapthi tlaq kra sham tsan tiitsitlaq kriiti ma chochi; Shiikeawe raq tsangshiq ma, tsan tiiheali mikuq!”
Tsangnai wiita ka Shiikeawe maklii na kechu maiqse sii riito. Tsangnai ka Tatiwe tri raütu nai aming thun kra, kunkun lang raüta siti maiqta ashi.
Kriikha maq, namshiq ka, Shiikeawe Mungtan miituli tiima tsantsii ka atsi maq thü lanta sironglaq. Kiimaq apaiq raq namshiq ma arthun arka mikuq dongdii.
Jamkhano ngukla akhing khing na Tatiwe rase ka thamchum na satki lili raüta kham ka tiibrak tlo. Raüta atsiti juwa thamchum tiimejai na sinkhu na thamchum mong na satkitlaq kriiti thatsi ka heakitlo.
Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”
“Ngi raq khumshkhum maq, namshiq wiitarü ma, Shiikeawe Mungtan tsütsa kra chong kuq kang she. Riita ümchaü sanha, namshiq phong wa jurmin, i sham ka chhi nong man she mirhan nguta ngi raq asapha.
Raüta apaiq raq tarü ma, Shiikeawe Mungtan bom ka trahokuqto kiimaq Tati Jesuq Khristo tsütsa kra achaq awaq maq nai jamlai tiibanbi min ahü maq shrinkuqto.
Jamkhano Tsütsa Ahea na ningkun asi ngukla, Tsütsa Ahea na ngarai maiqse ka, Asii Shiikeawe raq apaiq rai wehea ma jamkho shram wan tlaq, kra lamphan ka tiichhi kuq tlo. Ara Shiikeawe rai wehea shram wan tlaq arka, apha maq riita atiisup na saüli, maiqse raq Shiikeawe ma kamtsantsii thü tlaq, hiqkhu phi kra miili dü wan chang nguta chong tlo. Arka asii bomtsi na chongtlaq, kra phan phan hongtlo. Asii bomtsi na akha chongtlo, “Jurwa Shiikeawe ma kam tlaq, kriiti ka Shiikeawe raq apaiq rai wehea miishe tiija wantlo. Raüta kamtsantsii lümaq atra misi wan.”
Shiikeawe raq maiqse ka jamkho kechu maiqse ma tiija wan tlaq, raüta apaiq rai wehea miishe tiija wan tlaq, raüta awura maq tiiham wan tlaq, kra tri lamphan ka tsangshiq raq takmak miili sirai tlo. Tsangshiq riika Shiikeawe raq atankuq wan riikhaqli tri lam kra phan wan rii na, tsangshiq maiqmii tri lam tan raüta, kra lam ka phan raüta sitlo. Krai mren, tsangshiq raq, Shiikeawe raq atan kuq riikhaqli kechu maiqse ma jawan lam, kriika phan mak riitlo.
Shiikeawe sengi ma jawan rilung ngutlaq kriika, phaqsea khamnyang tiitsak khok wan khuthaq na seng raüta siwan rilung ka riimak. Shatmaq, ating arai, khusang rakhang, kiimaq chojong chise maq siwan rilung, kra chong tlo. Riita, arthun arka maiqse rilung na, Asii Wenyi riitiq, tiitsi ngo wan phan.
Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!
Shatmaq Shiikeawe raq namshiq ka Jesuq Khristo rai pumshi hanshi she tiija wanto. Kiimaq Shiikeawe raq Jesuq Khristo ka nashiq ma pinja kaüshe tiija kuqto. Apaiq lümaq nashiq ara Shiikeawe rai wehea she tiija wanto. Nashiq ka Shiikeawe sengi asii arai maiqsetiim she jawan kai. Kiimaq nashiq ka ümchaü aki miikiim maiqse siisaq she jawankai. Thawe dikong ka riimai she. Nashiq ka Jesuq Khristo raq ngarai mong wa adaa wan wishe.
Paul ngu i na, Apolo ngu i na, kiimaq rawiichii saü wan tlaq maiqpat kra ngu i na. Arthun wiitarü arka namshiq rii siisaq li.
Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.
Kiimaq klang maq, apaiq rai tiipum tlii maq siwan miitu tsuqbaiq kang. Thungtri lang lata alap wan kechu rilung ka, i khum na ahü she. I khum na, ümchaü sitlaq kechu rilung arka, Khristo ma kamtsantsii thü kangta akuq kechu rilung kriili she sitlo. Arka kamtsantsii khuthaq na seng raüta, Shiikeawe raq akuq.
Riita, arthun chongtiikai ara miili she, Shiikeawe raq kha phokuq tlaq arka, tingting maq shin raütiidea phokuq tlo nguta, nashiq raq sap tiikai. Kiimaq ümchaü namshiq chamchao tlan arkha maq, namshiq ka apaiq Mungtan na, awokhong na, awongsii asengibi ma mitiija wan.
Nashiq raq han-ngam maq ümchuwa jaqsham tiikai ara riika, nashiq han-ngam khum ara aphin tiija tlo. Narii tiihong tlo. Shatmaq, arthaq na kaü raüta, athii atsin ka, nashiq raq kamasham jaqsham tiikai ahata rahea phan jaqsham. Ara riika, nashiq rilung na, phanrap lam na awongsii ma tiija wan tlo. Kriika, ara mangjong han-ngam miituli min riimak. Rawiichii nashiq wenyi rilung miitu amet jonghea tiitsingo wan tlo.
Ngi, Simon Petar, jaqshise kiimaq Jesuq Khristo kiimwe raq-- Jumiiwa nashiq Shiikeawe kiimaq Chhiiti Jesuq Khristo kechu lümaq athii tsinhea naishiq ma kuqtaq kiikha kamasham kuqwataqtibi ma:
Akha sihan jiila, Shiikeawe raq namshiq ma nashiq Tati Jesuq Khristo sichang pattup mungtan jam kiijaq siwan dam miitu kilü dije maq mikhe.