Matthew 5:6 - ASII LAKDAP Bible (BSI)

⁶ “Jurwa Shiikeawe raq thapthi tlaq kra sham tsan tiitsitlaq kriiti ma chochi; Shiikeawe raq tsangshiq ma, tsan tiiheali mikuq!”

Hawa Naga Bible 2001

⁶ Tishox thuinroc rulc rv-ngvlc phvnc tvkoc raungc raq jix kuex thuinhvlx yaq; yvmx khoc lac ngoz ruiux lec tsuingshiq rueq raungc raq shuex rulc rv-ngvlc hunghtaungx laz lvp wvnc shuex!

Muklom

⁶ Asing rangma junglal chamlal tey tang ma sunmaan, chammatakoi ning shima tashey kona!

Matthew 5:6 Referencias Cruzadas

Tvtsvmc 107:9

Apaiq raq letsiti ma kham tiinyangtlo kiimaq aramtsiti ma aheaphan phetak tiiphaqsiqtlo.

Tvtsvmc 145:19

Apaiq shreng raüta siti wiita ma rongraatlaq phan thun ka chomrom kuqtlo; apaiq tsangshiq hoqsiitlaq kra taitlo raüta tsangshiq ka chhiitlo.

Tvtsvmc 17:15

Shatmaq ngi riikla ümsham michhiha, jamkhano ngukla ngi raq ajiq klomang; kiimaq ümtiikiiwa ngi ka akon maq misamha, ümniirai mantut na peokhiq she misiha.

Tvtsvmc 63:5

Itsaiji ka ümwokhong na ngaraüta, wok phetaktak miphaqsiq kiimaq tsan na washasha rongboq misi, kiimaq ngi raq ümniima tiitsam shi thun chochikhiq mishiha.

Tvtsvmc 65:4

Kechu jonghea juwa ümniiraq tsea tlaü, tsangshiq ka ümniiraq asii ümjam na tiisi wan tlaü. Naishiq ka ümjam na athuk atsom thun kra miitu khoqriiqkhiq misi hai, asii üm Shomjam achu shiiman kra miitu.

Tvtsvmc 84:2

Ngi kiijaq si kai lungwiitiitang! Ngi Tatiwe jam na si kai lungwiitiikang. Ikhum wiita kuq lata atra Shiikeawe ma chochi ma shingetiikang.

TAKSU LAK 10:24

Kechu maiqse riika, jamlai wa rittlaq kra milap. Shatmaq abi maiqse riika, jamlai mo haisong tlaq kra mihum.

TAKSU LAK 21:21

Nanok rai riimang riichan, kiimaq tingting maq silaq; raüla rilung alu misihaü. Nanok raq ümniika mishreng, kiimaq ümniima maklii ahea mithü.

ASHICHONG 5:1

Ngi ka isonruk mong na nyapwa kang she, Irorii-nyung, ita-nyungnye lei. Ngi ka isüse nai ihomseng mura riichom tiikang. Ngi ka ingiqngu nyangshe peokhiq. Ngi ka ispiqtai nai minsaüpü nyang tiikang. siq ronglaq, lungwii kongtibi lei, nyang rong laq, tsan tiiheali, lungwii raq mipheshaq wiiwii!

ISAIA 25:6

Arjaq Jajon Pum na Tati Ajong Pinthumwe raq mangjong wa maiq mung thun tlotli ma phaqsea poi jonghea miklo. Kra phaqsea poi ka pinthum asum akam phaqsea. Kiimaq che min sumhea pinthum.

ISAIA 41:17

“Ümtiikiiwa isenginok raq tsangshiq letsi na kham jaüjiiq, tsang kham nyangtsi raq rot shin wan raüjaq, kiitiikaq Ngi, Tatiwe raq tsangshiq achujaü mitreha; Ngi, Israilnok Shiikeawe raq, tsangshiq ka ümtiikiimin tiishaübaiq mang.

ISAIA 44:3

“Ngi raq khamnyang tsitlaq mung na kham mikuqha, kiimaq shinriiqriiq hiqraikhü na jüseraisetiim mitiikiha. Ngi raq iwenyi ümsetiim khum na miraükuqha, kiimaq ümsaütiim ma ram miramkuqha.

ISAIA 65:13

Arningkhan na Ngi raq namshiq ma chongtiikang, jurwa Ngi shomnoq tlan kiimaq ibom tai lantea iwokhong na sitlanti thun ka arong awin, chenyang dungsea chamtraq misi wan han. Shatmaq namshiq ka amang alei songtsi ramtsi riili mitsai han. Tsangshiq ka chojong chise miraq. Shatmaq namshiq ka khushü ajam maq jea ngaü lantea misi han.

ISAIA 66:11

Namshiq raq apaiq rongwin chhilanta michochihan, noshiise anyung pü nyangtlaq ikha.

JEREMIA 31:25

Ngi raq ahun aniitsiti maiqse thun kiima nii mitiitsak kuqha. Lata songtsi ramtsiti ka wok phetaktak she midunghiq wanha.

Luke 1:53

Apaiq raq amang ale maiqse angu kra, wok phetaktak hea tiiphaqsiq wan tlo, shatmaq chiithe maiqse kra jaqmii maq tiiwa baiqtlo.

Luke 6:21

“Namshiq juwa ümchaü ramtsi kriiti ma chochi; namshiq phetak she mirhan! “Namshiq juwa ümchaü aho riitlan; namshiq ka anai anai she mirhan!”

Luke 6:25

“Ümchaü arong awin nguta sitlanti ma, phiiptsi chang jonghea. Namshiq ka songtsi ramtsi riili she micham chao wan han! “Ümchaü juwa naihü hihe maq sitlanti ma, phiiptsi chang jonghea. Namshiq ka maaho manyi li she michamchao wan han!”

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

John 6:27

Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”

John 7:37

Poi thum wan ranaiq ka poijong pinthum. Kra ranaiq Jesuq ka nokwe man na chap raüta, tiihong raüta kholam kholiiq akha trahokuqto, “Juwa kham nyangtsi, kriiti ka ngi phana warong ra. Lanta, i jaq wa kham ara nyang wa rongkiq.

Revelation 7:16

Tsangshiq ma songtsi ramtsi min ahü she, khamnyang wiikii tsi min ahü she. Chumtsi shekii min ahü she, rakii tsi riimin chaq mak she.