Matthew 5:5 - ASII LAKDAP Bible (BSI)

⁵ “Juwa saksi minmi sitlaq kriiti ma chochi; Shiikeawe kiqkham ka tsangshiq raq milap!”

Hawa Naga Bible 2001

⁵ Thuinz vnyenz jix kuex thuinhvlx wuez yaq; yvmx khoc lac ngoz ruiux lec tsuingshiq muex Tishox rueq bomkhvmc kuq tueq ruimrix kuex lvp wvnc shuex!

Muklom

⁵ Tinmang tey tang ma sunmaan, chammatakoi thaji mingkang sha ning ma angna!

Matthew 5:5 Referencias Cruzadas

Tvtsvmc 147:6

Apaiq raq wepuq weseti dopitlo, shatmaq abi kloti ka hiqrai shotbaiqtlo.

Tvtsvmc 149:4

Tatiwe ka asengi ma chochi; apaiq raq wepuq weseti ma tiitang kuqtlo.

Tvtsvmc 22:26

Miitsan maiqsetiim raq tsangwok phetak chhaq miphaqsiq; Tatiwe pha na wati raq apaiq mitiitsam, Tsangshiq ka pattup pat-sa she dea mirong winlaq!

Tvtsvmc 25:13

Tsangshiq ka miitut wantlii chiithe lüwajong miraq, kiimaq tsangsetiim raq mung ka misiq wan.

Tvtsvmc 25:9

Apaiq raq sobsob bombomti ka riikhaqli lam na shunsheatlo kiimaq tsangshiq ma apaiq rotlaq kra shrin kuqtlo.

Tvtsvmc 37:11

sobsob bombomti raq mung ka misiq wan raüta rongboq mipeo wan kiimaq hansang maq mishong wan.

Tvtsvmc 37:22

Tatiwe raq ju miiwa shiiman kuqtaq kriiti thun raq mung ka milap wan, shatmaq apaiq manson hotibi thun ka kra mung wa ajo mirbaiq wan.

Tvtsvmc 37:29

Kechu maiqse raq hiq ka milap wan raüta pattup pat-sa mishong wan.

Tvtsvmc 37:34

Ümranphan ka Tatiwe ma thülaq kiimaq apaiq aming thun ka langlaq; apaiq raq ümniima mung ka kuq raüta mishreng wan, kiimaq ümniiraq abi klotibi ka ajobaiq wan michhi haü.

Tvtsvmc 37:9

Jurwa Tatiwe ma kamtlaq kriiti raq mung ka milap wan, shatmaq abi kiimungtibi ka ajo mirbaiq wan.

Tvtsvmc 69:32

Maiq raq tiichamhaotlaqti thun raq ara chhi raüla; tsangshiq ka michochi; Shiikeawe shomnoqti thun tsaiji mijong.

ISAIA 11:4

Apaiq raq miitsan maiqse kha ka tingting miphokuq. Kiimaq ümkha ijasiqti maiqse arang ka mitiiwongkuq. Apaiq aming maq mungmaiqse ma mo mitiiho, krai mren abi maiqse thun ka mitsai.

ISAIA 29:19

Miitsan maiqse kong nai sobsob bom bom maq siti maiqse thun riimin thongshiri hali Tatiwe, asii Israilnok Shiikeawe raq kuq tlaq chochi rilung kra milap wan nong.

ISAIA 60:21

Ümsenginok tarü raq riikhaqli kli misham. Kiimaq tsangshiq raq nam mung ka pattup pat-sa she misiq wan. Ngi raq tsangshiq ka hiq na chhi wan kang she. Ngi raq tsangshiq ka phansang kang she. Arka Ngi jonglu kra maiqse kunli ma tiichhike miitu klokang.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

JEPHANIA 2:3

Tatiwe wokhong na jang rong laq. Namshiq tsannin woknin maq shongti, singmung maiqse lei; apaiq aming thun langtibi; tingting jaqkli sham ronglaq. Kiimaq Tatiwe makki na aran ma jaronglaq, jursap Tatiwe raq atsankhiq tiichhi tlaq ranaiq na, namshiq ka mipaükuq lo riila.

WEAWEA 12:3

(Mosheq ka tsan nin heawe, mangjong hiq na apaiq khan tsan nin pinthum ka maiq ahü.)

Matthew 11:29

Minsaü raq thaikii maq ni thu tlaq ikha, namshiq riimin i thaikii ara holanta sirong laq. Lanta i wokhong maq ngi raq namshiq ma shrinkuq tiikang bomtsi kra saptsin ronglaq. Ngi ka sobsob bombom maq nai tsan nin woknin maq siti. I wokhong na siti ka huntsak niitsak she mishong nga han.

Matthew 21:5

“Jerusalem chela ma chong laq, ‘Liilaq, ümhokham we ka ümphana watlo! Apaiq ka tsan nin woknin we, kumtoq kaü thaq na nga raü watlo, kiimaq kumtoq kaüse thaq na nga raüta watlo.’ ”

Romans 4:13

Akhing ashi na Shiikeawe raq, Abraham nai apaiq lai ala phan maiqse ma, ara mangjong hiq arka, tsangshiq rii she mija wan nguta, kiqkham kongphiq raüpot khakuqto. Shiikeawe raq ara kiqkham kongphiq raüpot khakuqtaq arka, Abraham raq Thungtri ka samheawiq maq lang tlo nguta akuq ka riimak. Shatmaq, apaiq raq Shiikeawe ma kamtsantsii thü wantaq, kra thaq na seng raüta, apaiq ka Shiikeawe raq kechu maiqse she nguta, apaiq rai wehea she tiija wanto. Kra ningkhan tiina, apaiq ma kra kongphiq khakuq wantaq kra.

Galatians 5:23

sobsob bombom, kiimaq kai stiq skhaq raüta shonga rilung. Ara chong kai thun, Asii Wenyi raq maiqse rilung na, tiitsi kuq tlaq arka, abi nguta tiishut chang thungtri ka ahü she.

Ephesians 4:2

Namshiq ka ümchaü sanha, wranaiqshe tsan na aranse ma ja lanta, sobsob bombom maq, kiimaq phanrap na, tsankhun maq, khe lanta si rong laq. Namshiq liipan na, phunainobi ma lungwiitsii rüm tlan kriika, tsangshiq rai chapshi ngashi maq sitlan kriimaq, tiichhikuq ronglaq.

Colossians 3:12

Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.

1 Timothy 6:11

Shatmaq, ümniika Shiikeawe jaqshise. Krai mren, ara chongtiikai ngarai rahai thun arka ümdü na naq tiisaükiq. Ümniiriika wranaiqshe, Shiikeawe raq jamlai jaqsham wa thikuq tlaq, kriili sham wan ruq maq si laq. Laüta, athuk atsom Phungmaiqse kechu rilung kra riikhaqli maq silaq. Khristo ma kamwan ruq maq silaq. Laüta, Phungmaiqse phunaino thun kra lungwii laüta, silaq. Laüta, phanrap haikaiq haike ümtinkhan wa saütlaq, kra anin riilaüta silaq. Kiimaq nanok tarü rai sobsob bombom maq silaq.

2 Timothy 2:25

Apaiq riika, apaiq ngengsengti ma tsii chongkuq tlaq akhing niimin, tsan nin woknin maq chongke lili chang. Jamkhano ngukla, jursap, apaiq raq akha bomnin se maq trap ru chongkuq tlaq kra lümaq, lamjiq na kaihotibi ka, Shiikeawe raq tsangshiq tsantsii ka klai wan miitu, akhing ahea moke wan miraq. Raüta, tsangshiq raq tengman tlaq bomtsi ka mosap wan miraq.

Titus 3:2

Tsangshiq ma tsii ka chongkuq wanruq riilaq. Tsangshiq raq nanok mungmaiqse jumiimin abi bomke ka raa mak. Shatmaq, nanok tarü rai ari aram, kiimaq sobsob bombom maq si ronglaq.

James 1:21

Arkha maq, namshiq tarü raq, maiqmii tsan mong na abi, ashe ashi tiima tsantsii sitlaq kra, kiimaq abi ati rong arai sitlaq thun kra, wiita tsuqsaiqsaiq riilanta, arang chong maq ba lanta, phai baiq ronglaq. Lanta, Shiikeawe wokhong na, phaqchii nichii maq nyap wan lanta, si ronglaq. Lanta Shiikeawe raq, apaiq asii bomtsi lai namshiq mongjii na chhi jang wan tlaq kra, lang lanta si ronglaq. Kra bomtsi raq, namshiq rilung ka tiichhii wan raüta tiichhan chhi wan tlo.

James 3:13

Namshiq phong na taksu maiqse, kiimaq anyan phaqchi rümti sitiikai nguta tiingoti weshi ra asi sha? Sitlan jiila, apaiq raq, apaiq ka taksu maiqse kiimaq anyan phaqchi rümti we dea nguta, apaiq rong arai ka ahea rüm raüta, nanok ma tiichhike chang. Kiimaq maiq rai sobsob bombom maq riibom nai tlaq kiimaq tiichhike chang. Nok abin ma athuk atsom jaqshamke ka tsapkapkap maq sham raüta misi laq.

1 Peter 3:15

Shatmaq, namshiq tsan mong na Khristo ma anato lanta sironglaq. Lanta apaiq ka Tatiwe nguta shreng shatmaq sironglaq. Maiq raq namshiq ma, Shiikeawe miika jamlai nguto kam tlan nguta, bom waiso raüla, bomtre miitu wranaiqshe khekham maq sirong laq.

1 Peter 3:4

Ara chongtiikai akha, sham tiitsom rom riita rai nam miikhoti, namtsan namtsii riiwe kra siirairai hea, rüm rong laq. Kra kata maiq raq, mak maq chhi mak phan, nam mongjii na tsomhea sitlaq kra. Namshiq tsan mong na, sobsob bombom hon atsii nai saksi minmi maq sitlan rong arai kata pattup thenki mak phan shamhea shamjü rilung miirii. Shiikeawe maklii na riikhaqli athuk atsom rilung shamhea ngutlaq ka ara chongtiikai.