Matthew 5:7 - ASII LAKDAP Bible (BSI)

⁷ “Jurwa nanok ma tiihang mangchan tiichhi tlaq kriiti ma chochi; Shiikeawe raq tsangshiq ma tiihang mangchan mitiichhikuq!”

Hawa Naga Bible 2001

⁷ Menjenc thuinz httaz jix kuex thuinhvlx yaq; yvmx khoc lac ngoz ruiux lec Tishox rueq tsuingshiq muex menjenc kuq shuex!

Muklom

⁷ Manchan kottey tang ma sunmaan, chammatakoi ning aa manchan kapna!

Matthew 5:7 Referencias Cruzadas

2 SAMUEL 17:28

Tsangshiq raq sorea winpin thun, hamlii tak thun, akonchang kheathum thun, kiimaq Dawit nai asenginok miitu lamsea: bunwong, jaili, tü adung aja, wa na atiishin ko winsii, motortsi, cherongtsi, ngiq ngu, chis, krim, kiimaq sku wiijam lamho raüta kito. Tsangshiq raq Dawit nai asenginok ka kumtsaiphii wang na ramtsi, khamnyangtsi, kiimaq anü makaiq chhaq sham nguta asap.

2 SAMUEL 22:26

O, Tatiwe lei, ümniika ümwokhong na, tsapkapkap maq siti ka, tsapkapkap maq rüm tlaü. Kiimaq minhapri maq tingting siti ma, pinthum tingting ahea klo tlaü.

Tvtsvmc 112:4

Kechu maiqse miika ranyaq mong miimin rawüli asi miraq; jurwa tiihang kuqtlaq, mangchantlaq kiimaq tingting klotima.

Tvtsvmc 112:9

Apaiq raq atsiiq anyam ka litkot chamchao maiqse ma, jaqchii jichii maq pheanyin pheashi khrum kuqtlo; apaiq mangchan ka laqthaqmak phan; apaiq ningkun ka ajong miraq kiimaq maiq raq apaiq ka kai mishreng.

Tvtsvmc 18:25

O, Tatiwe lei, juwa ümwokhong na tsapkapkap sitlaq kriiti ka ümniiraq tsapkapkap liikuqtlaü; juwa minhap kriiti rai thepsang klokuq tlaü.

Tvtsvmc 37:26

Apaiq raq wranaiqshe phemaq kuqtlo kiimaq maiq ma tiinam kuqtlo, krai mren asetiim ka shiiman jonghea.

TAKSU LAK 11:17

Maiqrai riilung riiwii siti miika, maiqmii miili liip. Maiq rai riikungtati miika, maiqmii riili maiqmo miho.

TAKSU LAK 11:25

Jurwa phongtsoktsok kuq tlaq, kriiti ka chiithe jong ma jawan wan miraq. Jurwa nanok khrum tlaq, nanok raq apaiq mikhrum.

TAKSU LAK 14:21

Khoqriiq shishiiq si lungwii tlaü jiila, miitsan maiqse kra khrum laq, Maiq ma saisi ka ngarai.

TAKSU LAK 19:17

Jurwa miitsan maiqse khrum kuq tlaq. Kriika Tatiwe ma ke riito. Tatiwe raq apaiq ma mipai kuq.

ISAIA 57:1

Maiqshaqti ka tsaitlo. Shatmaq jurmin tak mak. Kiimaq jurmin broriimak. Shatmaq ümtiikiiwa tsangshiq she tsaitlaq, jamlai chamchao sangrai riimin tsangshiq ka tiichamchao lot mak she.

DANIEL 4:27

Riita kra ningkhan, Chaü lei, ngi raq tsii chongtiikang ara lang laüta silaq. Ngarai naq tangkiq she. Tingting kappe kriili lang laq. Kiimaq miitsan maiqse ka mangchan laq. Kra klo haüla, ümniika chiithe arong awin ma tiija wan ruq miraq,” nguta Daniel raq nguto.

Hosea 1:6

Kriijai maq, Gomar raq ase ashi hali hum nongto. Ara lak niika jechakse she humto. Tatiwe raq Hosea ma, “Ümse mang ka ‘Lungwiimak’ nguta mang laq, jamkhano ngukla, israilnok ma lungwiitsii ka thümang she. Kiimaq tsangshiq mra ka diikuq mang she.

Hosea 2:1

Kriikha na namphu namno Israilnok ka “Shiikeawe sengi” kiimaq “Tatiwe raq Lungwiiheanok” ngutiishe mingu wan.

Hosea 2:23

Kra akhing na Ngi raq isenginok ka, Israil mung na mitiichhanchhi wanha. Kiimaq tsangshiq ka chiithe lüwa mitiija wanha. Lata “lungwiimak” anguti ka milungwiiha. Kiimaq, “Isengi riimak” anguti ka, “Namshiq ka isengi” ngutiishe minguha. Kiimaq tsangshiq raq Ngi ka, “Ümniika i Shiikeawe’’ ngutiishe mihea wan.

Mikha 6:8

Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.

Mark 11:25

Kiimaq ümtiikiiwa, namshiq raq achu jaütlan na, tsan na kongti weshi ra rai tsan riibi asi nguta tiido kiiphan la, kra mra ka adü riibaiq ronglaq. Kra riihan jiitiq, üm We Shiikeawe, ramungtan na siti riimin ümngarai thun ka midii kuq.

Luke 6:35

Riimak! Kiikhiika riimak! Namshiq ma wesang raliiti ka mangchan ronglaq. Kiimaq shamhea kaiwa kli shamkuq ronglaq. Tiinam kuq ronglaq, shatmaq atham jaü ka, naq tiima rongkiq. Namshiq akha sihan jiitiq, poksi jonghea milap han. Kiimaq, namshiq ka Ajong Shiikeawe setiim ma mija han. Ara jamkhano chong tiikang ngukla, apaiq riika kechutum sap makti nai abi maiqse tarü ma, maklii ashi maq mangchantlo.

Romans 11:30

Riita, ija, namshiq Pongnok phan maiqse raq richü pat niika, Shiikeawe kiq khü wan lanta siwan lan. Shatmaq ümchaü sanha, Jehudinok raq Shiikeawe kiq khü wan kha maq, namshiq raq Shiikeawe mangchan she lap wan lan.

1 Corinthians 7:25

Riita ümchaü namshiq raq maiq milam shaqti nai maiq ma miwa shaqti miitu bomtsi wai lan irshe chongkuq pha. Riita ara miitu ngi ma Tatiwe nü wa kiq tiidea kla saü mak dea. Li jiimin, I tsan na jamlai wa ahea nguta tiima tiikang kra chong kuq pha. Ngi raq jamlai wa chongtiikang arka Tatiwe kaphap mangchan wokhong maq akam sia chang bomtsi kli chongkuq tiikang.

2 Corinthians 4:1

Shiikeawe raq apaiq lungwiitsii jaqkhong maq, naishiq ma ara Tsütsa Ahea ara chongke wan jaqsham kra kewan kha maq, ara jaqsham wan lam maq naishiq ka akhiismin tsaiji tran mai phan maq shiichaq tiikai.

Ephesians 4:32

Kra rii na, ümchaü sanha, namshiq liipan na, riimang riichan, kiimaq riilung riiwii miishe shongnga ronglaq. Shiikeawe raq Khristo mang na, namshiq ngarai thun ka jamkho diikuqtaq, kiikhiisii hali, namshiq liipan niimin, ngarai ka riidü riidü lanta, kaütak rishi miishe shongnga ronglaq.

Colossians 3:12

Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.

1 Timothy 1:13

Ngi raq man na, phung na mishang wan ha shaq na, apaiq ka shulii wan kang. Kiimaq apaiq ka ngeng wan kang. Lata Phungmaiqse ka shiikeng miileng, rachhai ralüp longliiq wankang. Li jiimin, Shiikeawe raq, ngi ma apaiq mangchan tsii kli khoti tiichhikuqto. Ara jamkhano chongtiikang ngukla, kra akhing na ngi raq, i shutphit lam ka chhi phaq mang dea lea wan kang. Jamkhano ngukla, kiitiikaq ngi raq apaiq ma mikam wanha shaqli riikang. Kriikha maq, ngi shut lam ka sap mang dea lea wan kang. Kiitiikaq i tsii ka chhi mang shaqli lea wan kang.

1 Timothy 1:16

Shatmaq, Shiikeawe raq ngi akhnok maiqse ashi ma, atinkhan achong lot mai apaiq tiihangke mangchan tsantsii ka jonghea thü wanto. Arka i rilung ara lümaq, Jesuq Khristo raq, ngi akha ngarai bu hoti maiqse shunshea wan lam maq, apaiq raq pinthum anin wan chang dong tlo, nguta kra manphan ashi ma tiija wan miitu riito. Ara ngi ma, atinkhan mangchan wantaq arka, jai na rawiichii pat na, ngarai maiqse ümchu riiwa, Jesuq Khristo ma mikam wan, raüta pattup pat-sa rilung milap wan, kriiti thun ma hakhi ashi tiija miitu riito.

Hebrews 4:16

Riita ümchaü sanha, nashiq ka tsan asang miishe, Shiikeawe wokhong na tiisot laita, nyap wan rong i. Apaiq raq nashiq ka, apaiq kaphap khoqramkii maq keishat rüm tlo. Kiijaq nashiq ka, tiihang mangchan kiimaq kaphap mangchan tiiwong niishe misi rong i. Nashiq ma raa tlaq phan ka Shiikeawe raq mikhrum kuq.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

1 Peter 2:10

Man na akhing ashi na, namshiq ka Shiikeawe sengi ka riiman. Shatmaq, ümchaü sanha, namshiq ka apaiq sengi she jawan lan. Man na akhing ashi na, namshiq ka Shiikeawe kaphap mangchan, namshiq ma thü tlaq kriika sap man riilan. Shatmaq, ümchaü ka, namshiq apaiq kaphap wokhong mong niishe nyap wan lan. Apaiq raq namshiq tsea wantaq arka, apaiq raq awang chang tiichhii wan jaqsham wantaq, kra nanok ma chongke wan miitu she tseatsiiq wanto.