Matthew 5:7 - Muklom

⁷ Manchan kottey tang ma sunmaan, chammatakoi ning aa manchan kapna!

ASII LAKDAP Bible (BSI)

⁷ “Jurwa nanok ma tiihang mangchan tiichhi tlaq kriiti ma chochi; Shiikeawe raq tsangshiq ma tiihang mangchan mitiichhikuq!”

Hawa Naga Bible 2001

⁷ Menjenc thuinz httaz jix kuex thuinhvlx yaq; yvmx khoc lac ngoz ruiux lec Tishox rueq tsuingshiq muex menjenc kuq shuex!

Matthew 5:7 Referencias Cruzadas

Mark 11:25

Etho nim romtom chu rangma tong inn jo, chamtey tey nim ma jashit kap ajo tho, piq shi tol eq chak inn, eshimal ang ajo mungtan na tongtey nim Wa atho, nim ngarey sha tolchak eq phanin.

Luke 6:35

Etharin nim aa ralwa tangma tinmat inn etho ning ma jaqhal som ko inn; nam kot inn etho thawel kap eq ni ta nak tathin inn; eshimal ang ajo nim aa ajong kongpha kap nin, etho nim aa ajong Shkewa satang ang nin. Chammatakoi piq aa hanmoq tey nia miq jalak tang shima tho rapney manchan aa.

Romans 11:30

Nim Gentile tang jakho Shkewa raaq tat min ang tin; etharin thanga nim aa Shkewa tinshit kap inn, chammatakoi Israel miqtang Shkewa raaq sha tat moq angta.

1 Corinthians 7:25

Thanga, tharikwey moq miqtang tung aa raaq nga ma Teyhungwa ching kowang chamtho batpha mong, etharin i tinthin eq batphang, Teyhungwa tinshit wang i raaq jin han eq inn.

2 Corinthians 4:1

Shkewa í ma tinshit eq iri jaksom raa kot taphi, ethi rangma í tin thajungnáng ching ang moq.

Ephesians 4:32

Eshi kaley, ashey eq ashey ma tinshit nia tinthin jamoq tong inn, etho chammal Shkewa Khristo tungkang o nim tolchak taphin eshimal hun ashey eq ashey shi tolchak inn.

Colossians 3:12

Nim sha Shkewa tal taphin etho tinma taphin etho asang; eshirangma nim aa tinshit, tinmang, tinin, tinjung etho unan iri tang ri tun somlo inn.

1 Timothy 1:13

Nga jakho piq tung aa raaq jashit bat táng etho piq miqtang sha tahikham táng etho junnam táng. Etharin Shkewa nga ma tinshi taphang chammatakoi eshi tok o nga hantey ang mong ang táng, eshirangma nga bara som táng tha sammong ang táng.

1 Timothy 1:16

Etharin Shkewa ikhom o tinshit takhi ta, irimal ang eq Khristo Jesu ikhom o utinman sha rapney takhi na. Nga thaji phey náng eq rapney ngarey miq ang jo tho piq aa irimal somlo ta, irimal ang ajo utang eq piq ma han na etho pattuk rollung kapna, ning rangma nga thak battey mal ang náng.

Hebrews 4:16

Eshirangma hiqtang Shkewa ráng manchan tongching relnáng arong eq ka i, irimal ang ajo hiqtang ma cham tinshi phi etho uráa ang aa rangham sho hiqtang sha nong rangma piq ráng manchan kap ni.

Hebrews 6:10

Shkewa aja wang khaphung tey ang moq; piq rangma nim jaksom etho nim tinmat piq aa lakchak moq, esha nim aa piq miqtang nong etho unong eq chey aa sha takhi tin.

James 2:13

Chammatakoi barey tinshit moq, ning khaphung sha tinshit ahung na angna. Tinshit shey khaphung sha jin aa.

James 3:17

Etharin bari thunglam raa mungtan wang katapha sha phang tho asang ang aa, eshi jio nungmay, tinin, etho tinshit ang aa; eshiwang jaqhal uti ngo qhong aa etho irimal miqtang sha thaji jamoq arum dangjang aa etho takhi eq somtey ang moq.

1 Peter 2:10

Nim jakho Shkewa miq ang min ang tin, etharin thanga Shkewa miqtang sey, jakho nim aa manchan kap min ang tin, etharin thanga nim aa manchan kap sey tin.