Matthew 5:7 - Hawa Naga Bible 2001

⁷ Menjenc thuinz httaz jix kuex thuinhvlx yaq; yvmx khoc lac ngoz ruiux lec Tishox rueq tsuingshiq muex menjenc kuq shuex!

ASII LAKDAP Bible (BSI)

⁷ “Jurwa nanok ma tiihang mangchan tiichhi tlaq kriiti ma chochi; Shiikeawe raq tsangshiq ma tiihang mangchan mitiichhikuq!”

Muklom

⁷ Manchan kottey tang ma sunmaan, chammatakoi ning aa manchan kapna!

Matthew 5:7 Referencias Cruzadas

2 SAMUEL 17:28

Dawid nuiyc piq miq hez kuex yaruix rumz nuex phuiuz vsvy juing vguez rvtueq hunnyec hvlc lvmz kuex tsuinghez rueq tuiuz ningkhvnc nuex, khaq wanc, gvmtuik, dvmsez htenc muinz, Dawi nuiyc piq miq hez rueq phuiuz svy tvkoc nyensaz tsvmz, wanx tsvmz, tsvmz pvt, phirungx, phijalx, nyaq ngurx, puix wanx, kiauc nuiyc khelbuenx htenc kuex lvmz kuq laq tueq.

2 SAMUEL 22:26

O Yehowa lex, mnoz kuex tvmtuing httaz jix waz muex tvmtuing httax vtuiux, hunghtaungx jix muex jvnc vtueq vhvlx lvmz tvkhic kuq vshuiux.

Tvtsvmc 112:4

Menjenc thuinz httax ruiux lungwawc thuinz mvrc vtueq tvrac vlvmz httax yaq vhvlx miqsaz htenc tvkoc, raungwuic rueq raungx nyauk kuex tvwuic kuq yaq.

Tvtsvmc 112:9

Piq rueq rax yaq jix muex hunghtaungx laz kuq vtueq, piq menjenc lvmx kuex mkaq muinz komc kaz muq; piq kuex luimc vkawc yungx wvnc vtueq tvtsanc nganc kuy rvhumc tuex.

Tvtsvmc 18:25

O Yehowa lex, mnoz nuex tvmtuing vhttax jix htenc htauk nuex mnoz muinz tvmtuing httax vtuiux; hunghtaungx yaq jix htenc muex vhvlx kejux shuimx kuq vshuiux.

Tvtsvmc 37:26

Vpiq rueq vkhing ruip rawx vphungc vphawx kuq vtueq vganc jix htenc muex tvnvmc kuq yaq, tsuingshiq suiuz vsaz htenc muinz kejux yauk noalc yaungx wuez yaq.

TAKSU LAK 11:17

Miq muex menjenc kuy thenc jix waz kuex miqmac shauk pumz muex menjenc rvhumc lvmz shuimc dvyx rvtueq. Mkhoc shoc maq mnoz menjenc vguez ngoz ruiux, mshauk pumz kuex tvthuiuz sac vshuiux.

TAKSU LAK 11:25

Vkuy vnoalc roc thuinz maq kuy jix waz kuex vrungx wanx rvwvnc tuex. Miq muex romc kuy jix waz kuex vromc kuy rvhumc tuex.

TAKSU LAK 14:21

Thuinz hvlc lvmz kuex mnoz rueq roc ruiux, htemsuiuz rvmsaz jix muex menjenc shuiuz; ukhaq muex yuq muinz wvlc guez tvyaungc lvmx kuex mvrax rvtueq.

TAKSU LAK 19:17

Htemc saz jix muex mnoz rueq kuq noalx shuiux kuex Yehowa muex tvnvmc kuq shix rulc rv-ngvlc yaq, Yehowa rueq mnoz muex htuimz kuq yek shuex.

ISAIA 57:1

Miq hvlx jix thueyc kaz ruiux yuq, vshiz raung rueq muinz tuiuz tay muq, vlawc mawc muinz vguez. Yuq muinz tsuingshiq kuex thueyc kaz ruiux yuq, vkuilc vdaz rueq muinz tsuingshiq kuex tvthuiuz sac lot yaq rvmuq.

DANIEL 4:27

Kvkhoc rvtueq, Taungjix hokhvmx waz lex, ngaz rueq tharc jungx vphaungx kuex phvnx shuiuz. Mvrax lvmx kuex gay shec ruiux vlvmx yauk shuimc kuex shuimx shuiuz, htemc saz jix muex menjenc shuiuz. Kvkaq mnoz kuex tvhttoarc vtueq vrungx vwanx paung wvnc yek tuiux.”

Hosea 1:6

Gomer rueq vsaz vnueyc ngoc yaungc lvp tueq. Vruex lauk kuex yalxjuik saz rvtueq. Yehowa rueq Hosea muex, “Piq muingc kuex, ‘Lungwawx muq,’ ngoz tueq muingc shuiuz, yvmx khoc lac ngoz ruiux lec ngaz rueq Israel miqsaz muex lungwawc thuinz kuex taq mauk shex, tsuingshiq muex mvrax dawc kuq shaungx rvmuq.

Hosea 2:1

Kvkhoc rvtueq mphuz mnox Israel miqsaz htenc kuex, “Tishox miqsaz” nuiyc “Taungjix rueq lungwawx rvhumc jix hez,” ngoz tueq gvl shuiux.

Hosea 2:23

Ngaz rueq ngvy miqsaz htenc ghaq vraungx vyuq tvhttax ruiux tsuingshiq kuex tvrungx wanx shaungx. Ngaz rueq “Lungwawc vguez” ngoz tueq ngoc rvhumc yaq hez muex muinz, “Ngvy miqsaz rvmuq” ngoz tueq ngoc rvhumc yaq jix muex muinz lungwawc thuinz tvkhic shaungx, ngaz rueq, “Nuimshiq kuex ngvy miqsaz rvtuit” ngoz shaungx, tsuingshiq rueq, “Mnoz kuex nuiyshiq Tishox rvtoq” ngoz tueq tvralc wuez shuex.

Mikha 6:8

Rvmuq, Yehowa rueq naungshiq kuex vhvlx yauk shuimc tvkoc jungx shec phuex. Naungshiq kox wawc vpiq rueq thoz yaq kuex vruex rvtueq: tvrac vlvmz shuimc lvmx, lungwawc thuinz tvkhic lvmx, thuinz tvyomz vtueq naungshiq Tishox rulc lux rvyaungc vtueq httaz juing rvtueq.

Mark 11:25

Nuimshiq jvp vtueq vjux thoz shuinx nuex, miq vshiz shiz rueq nuimshiq muex vyaq kuq mvrax httax ruiux yuq, kvruex dawc kuq shuinz, kvkhoc ngoz ruiux jix raungmungx wawc nuimshiq Waz rueq nuimshiq mvrax kuex dawc kuq kv-phuinx.”

Luke 6:35

Kvkhoc rvtueq nuimshiq ralx waz kvmac lungwawx kuq shuinz, tsuingshiq muex vhvlx phvnx yauk shuimc shuimx kuq shuinz; phvnx shishiz tvyez lvp yek tvkoc nauk tvmaung kaz maq tvnvmc kuq shuinz; kvkhoc shuimx kaz ruiux yuq kuex nuimshiq rueq yauk noalc yunghvlc lvp vtueq, Johvlc Pinhtumc wawc Tishox vpiq sahez muex yaungx wuez tuinx. Yvmx khoc lac ngoz ruiux lec vpiq kejux tuiuz muq jix nuiyc layx bac jix muex muinz kejux yauk shuimc shuimx kuq yaq.

Romans 11:30

Nuimshiq Pungnuk miqsaz htenc kuex lvy wvnc tueq nuex Tishox kvjaz tay phvnx muit rvtuit; yuq muinz majuiuc Tishox rueq menjenc kuy lvmx, nuimshiq rueq lvp wvnc vshuinx kuex Yuda miqsaz rueq vpiq kvjaz tay phvnx muq ningkhvnc nuex rvtueq.

1 Corinthians 7:25

Majuiuc, nuimshiq rueq luik wuiyq vtueq wiz phuinx miqlvmc guez maq httaz lvmx nuex seng vtueq, ngaz rueq jungphvnx shaungx kvjaz kuex ngaz muex Taungjix rueq vjungx kuq kvjaz rvmuq; yuq muinz Taungjix menjenc thuinz maq kvmluimx miqsaz washiz ikhoc maq ngaz rueq tvmaung vshaungx lvmz kuex jungx kuq vphaungx.

2 Corinthians 4:1

Tishox rueq vpiq menjenc thuinz maq naungshiq muex vruex yauk shuimc kuex kuq shec phuex ningkhvnc nuex, naungshiq kuex thuinbac hungc vlaungc nulx juing vguez.

Ephesians 4:32

Nuimshiq vshiz maq vshiz rvlungwawc rvmenjenc wuez kuinz, Tishox rueq Christu maq nuimshiq mvrax dawc kuq gay kv-phuinx rulc rv-ngvlc, nuimshiq muinz vdvmz dvmz mvrax rvdawc wuez kuinz.

Colossians 3:12

Nuimshiq kuex Tishox miqsaz rvtuit, vpiq rueq nuimshiq kuex lungwawx vtueq, vpiq miqsaz muex yaungc tvkoc vthvlc tvy wuez shex, kvkhoc rvtueq lungwawc thuinz tvkhic kuy lvmx, menjenc kuy lvmx, thuinz tvyomx lvmx, thuinz tv-nyenc lvmx, thuinz tvloayc lvmz htenc kuex svmx wuez shuinz.

1 Timothy 1:13

ngaz rueq kuex lvy wvnc tueq vkhing nuex Taungjix muex shummarc ngoc ngac jix, yurc yawc guirguenc jix, yomnamc jix waz rvtauk. Yuq muinz Tishox rueq ngaz kuex menjenc yaq, yvmx khoc lac ngoz ruiux lec ngaz nuex kvmluimx max httaz shauk doc rvtueq ngaz rueq yvmx lac shuimx vshaungx ngaz rueq tuiuz mauk.

1 Timothy 1:16

Yuq muinz Tishox rueq ngaz muex menjenc kuq phuex, kvkhoc menjenc kuq phuex lvmz kuex yix maq Christu muex kvmluimx wvnc vtueq, rullungx pattup lvp wvnc jix htenc rawc nuex honc vlayx vshiz m-yaungx kueq, Christu Yesu rueq ngaz vkhoc mvrax vhttax jix htenc wawc bac hvlc waz htauk nuex vpiq thuinz vluz nanx yaq lvmz kuex tvkhic kuy rvtueq.

Hebrews 4:16

Kvkhoc rvtueq naungshiq khvmc thuinz maq Tishox hoc daungraungc khaungkac nuex nyuip wuez ix. Kvkhoc ngoz ruiux naungshiq kuex menjenc kuy lvmx rvhumc tix nuiyc rax yaq nuex naungshiq muex romc kuy kejux lvp wvnc wuez shix.

Hebrews 6:10

Tishox kuex tvrac vlvmz vguez waz rvmuq. Vpiq kuex nuimshiq rueq shuimx wvnc tuit yauk shuimc htenc muinz, vpiq muex lungwawx lvmx nuimshiq rueq tvkhic kuy tvkoc mvnnuex maq raz tueq majuiuc nuex httuiuc laz, Christan miqsaz vdvmz dvmz rvromc lawc yaq kvmuinz Tishox rueq lauk gay muq.

James 2:13

Yvmx khoc lac ngoz ruiux lec Tishox rueq menjenc thuinz vguez jix waz muex menjenc thuinz vguez maq phox kuq shuex: yuq muinz menjenc kuy lvmx rueq vphoc rvyaq kuex taungx gay lot yaq.

James 3:17

Yuq muinz raungwawc vhttuiuc kaz taksux tharc kuex vphaungc shauk vsawc rvtueq, kvruex yimaq nomic yaq, kenrix thuinz nyenz nuiyc kungjix kamjix tvyaungc yaq kvdvyx muinz rvmuq, lungwawc menjenc thuinz mvrc vtueq vhvlx phvnx shuimc vkay ngoz yaq vpuic vthuey htenc kuex tvyaungc kuq yaq; kvruex kuex htvlx phawc thvlc httauk nuiyc kvyonc yuk lvmz lomx muq.

1 Peter 2:10

Nuimshiq kuex mvnnuex laukshiz Tishox miqsaz htenc rvmuit, yuq muinz majuiuc kuex vpiq miqsaz htenc shex rvtuit, mvnnuex laukshiz nuimshiq kuex Tishox menjenc kuex tuiuz wvnc muit, yuq muinz majuiuc kuex vpiq menjenc lvp wvnc tuit.