Matthew 5:8 - Hawa Naga Bible 2001

⁸ Thuinz vmungx kvsawc nawc jix kuex thuinhvlx yaq; yvmx khoc lac ngoz ruiux lec tsuingshiq rueq Tishox khiz lvp shuex!

ASII LAKDAP Bible (BSI)

⁸ “Juwa tsantsii asii kriiti ma chochi; tsangshiq raq Shiikeawe michhi!”

Muklom

⁸ Tin asang tey tang ma sunmaan, chammatakoi ning aa Shkewa sha ukhi eq na!

Matthew 5:8 Referencias Cruzadas

RAPHA HIQWA LAK 32:30

Yaku rueq, “Ngaz rueq Tishox kuex htvlx rvhumc hungx khiz tauk, ngaz muinz vtvraungx shauk doc httax vtaungx,” ngoz tueq kvruex baung kuex Peniel ngoz tueq muingc tueq.

2 SAMUEL 22:27

Mnoz rueq vsawc jix muex vsawc thuinz tvkhic kuq ruiux muinz, honc bac jix muex kuex ralx tvyaungx vshuiux.

Tvtsvmc 15:2

Phvnx ruip saz nuex Tishox kvjaz tay jix waz kuex tsuingrux yauk shuimc mkaq muinz shuimx vtueq, piq rueq jungx yaq kvjaz muinz vlvmx nuiyc kenrix yaq ningkhvnc nuex,

Tvtsvmc 18:26

Thuinz vsawc jix htenc muex vsawc thuinz mnoz rueq tvkhic vshuiux, yuq muinz layx bac jix htenc muex vtuing vshaung thuinz mnoz rueq tvkhic vshuiux.

Tvtsvmc 24:4

Honc vtharc nuiyc tvmaung rvwvlc lvmz nuex vsawc jix htenc, yac yuimx htenc muex nawk palx muq jix, rot vkaq bomkhvmc kuq muq jix htenc rvtueq.

Tvtsvmc 51:10

O Tishox lex, vsawc thuinz vmungx ngaz muex tvdung sung kuq koq, tvmtuing httax yaq siyac nuiyc thuinz vnyalx ngaz muex kuq koq.

Tvtsvmc 51:6

Mnoz rueq thuinz vrux lvmx nuiyc rvkhauk laz lvmx kuex thoz vshuiux ningkhvnc nuex; ngvy thuinz mungx nuex mnoz taksux tharc tvmvrc kuq koq.

Tvtsvmc 73:1

Tishox rueq thuinz vmungx vsawc Israel miqsaz htenc muex vsuing kejux kuq yaq.

TAKSU LAK 22:11

Vsawc thuinz vmungx nuiyc nueyx yaq kvjaz kuex mnoz rueq lungwawx ruiux yuq, hokhvmx waz doc muinz kungjix muex yaungx tuex.

Acts 15:9

Taungjix rueq tsuingshiq nuiyc nuiyshiq hvlwvl nuex rv-ngvlc muq juing ruez muq, tsuingshiq kvmluimx ningkhvnc nuex tsuingshiq mvrax kuex dawc kuq gay tueq.

1 Corinthians 13:12

Majuiuc naungshiq rueq khiz vshix kuex, jamnac nuex kvkhic yaq vyac htenc khiz shix ikhoc tsuirmuirx rawmawz dvyx kvkhic yaq, yix maq kuex naungshiq htvlx rvhumc rvkhic lvp tix. Majuiuc ngaz rueq tuiuz vshaungx kuex vhtuimx vhtaq dvyx rvtueq; kvkaq kuex Tishox rueq ngaz kuex tuiuz tay yaq ikhoc ngaz rueq muinz tvsawc ric tuiuz tay wvnc shaungx.

2 Corinthians 7:1

Lungwawc kungjix bix lex, vruex bomkhvmc lotlaz kuex naungshiq tvkoc rvtueq. Kvkhoc rvtueq naungshiq rueq miqmac shauk pumz nuiyc siyac muex tvshuy shac yaq phvnx ruip saz kuex tvsawc nawc gay ruiux, Tishox muex hiyaz tvtsanc nganc vtueq vsawc pinhtumc maq rullungx tvraungx httax wuez ix.

Titus 1:15

Miqmac shauk pumz vsawc jix htenc tvkoc kuex phvnx ruip saz vsawc jvnc yaungx yaq; yuq muinz miqmac sawc muq raz tueq Taungjix Yesu muex kvmx muq waz tvkoc kuex yvmx yuq muinz sawc muq jvnc rvtueq. Yvmx khoc lac ngoz ruiux lec tsuingshiq thuinz kvmungx lvmx nuiyc vhvlx vbac thvl httauk thuinz kuex vshuy vshac ningkhvnc nuex rvtueq.

Hebrews 10:22

Kvkhoc rvtueq naungshiq rueq mvrax lvp vshix thuinz vmungx kuex tvsawc nawc gay ruiux, naungshiq gvnngvmx kuex vsawc yuix maq hoal vtueq yaq rax miq kvmluimx thuinz vmungx maq Tishox kox nuex kvnvp wvnc wuez ix.

Hebrews 12:14

Miq ruip rawx nuex nomic httax lvp laz muinz, vsawc rullungx tvraungx lvp laz juing muinz thuiyx wuez shuinz, yvmx khoc lac ngoz ruiux lec kvkhoc rullungx tvraungx lvmx rvmuq ngoz ruiux uraq muinz Taungjix kuex khiz lvp muq.

Hebrews 9:14

Christu tvguiy kuex kvruex htauk nuex jvnc vtueq mtanc khvnc lac tvsawc lot khvmz tvnx! Christu kuex pattup Siyac maq vpiq shauk pumz kuex hungx htaungx yaq shomc nawk kuy juing ikhoc maq Tishox muex shomc kuq tueq. Tvraungx Tishox muex naungshiq rueq shuimx lvmz kuq lvp laz Christu tvguiy rueq naungshiq thuinz vmungx kuex khuec guez nawk palx htungx vlayx phvnx yaq wawc tvsawc nawc wvnc phuex.

James 3:17

Yuq muinz raungwawc vhttuiuc kaz taksux tharc kuex vphaungc shauk vsawc rvtueq, kvruex yimaq nomic yaq, kenrix thuinz nyenz nuiyc kungjix kamjix tvyaungc yaq kvdvyx muinz rvmuq, lungwawc menjenc thuinz mvrc vtueq vhvlx phvnx shuimc vkay ngoz yaq vpuic vthuey htenc kuex tvyaungc kuq yaq; kvruex kuex htvlx phawc thvlc httauk nuiyc kvyonc yuk lvmz lomx muq.

James 4:8

Tishox kox nuex kvnvp wuez kuinz; kvkhoc ngoz ruiux jix vpiq muinz nuimshiq kox nuex httuiuc kaz tuex. Mvrax vhttax jix htenc lex, nuimshiq yauk kuex hoal wuez shuinz, kvyonc yuk thuinz httaz jix htenc lex, nuimshiq thuinz vmungx kuex tvsawc wuez shuinz.

1 Peter 1:22

Majuiuc nuimshiq rueq tsuingrux lvmx kuex phvnx vtueq nuimshiq shauk vgvnz htenc tvsawc wvnc ruiux, nuimshiq kvmluimx jix kungjix kamjix htenc kuex vsuing lungwawx vshuinx, kvkhoc rvtueq nuimshiq vdvmz dvmz thuinz vmungx lotlaz maq rvlungwawc wuez kuinz.

Revelation 22:4

Tsuingshiq rueq vpiq htvlx phawc muinz khiz lvp shuex, tsuingshiq khaungkuimx nuex vpiq muingc kuex tvkop wuiyq taq shuex.