Matthew 5:9 - Hawa Naga Bible 2001

⁹ Miq muex tvrungx raz thenc vtueq thuinz tvhvlc kuy jix kuex thuinhvlx yaq; yvmx khoc lac ngoz ruiux lec tsuingshiq kuex Tishox sahez ngoz tueq kvmuingc tuex!

ASII LAKDAP Bible (BSI)

⁹ “Jurwa mungtsing miitu jaqshamtlaq kriiti chochi; Shiikeawe raq tsangshiq ka asetiim mingu!”

Muklom

⁹ Karok karatey tang ma sunmaan, chammatakoi ning tha Shkewa sa tang ta halna!

Matthew 5:9 Referencias Cruzadas

1 KAÜWA WERAÜ 12:17

Dawid rueq tsuinghez humc kay kaz wvnc vtueq, “Kungjix ikhoc ngaz muex romc kuy tvkoc nuimhez kaz ruinx ngoz ruiux kuex, vbaung vmaq nuimhez kuex humc wvnc vphaungx. Nuiyhez rulc lomx naungx kuit! Yuq muinz ngaz rueq nuimhez kuex tvthuiuz sac mauk yuq muinz nuimhez rueq ngaz kuex ngvy ralx htenc yauk nuex lekuy gay muex kvmungx vshuinx ngoz ruiux kuex, naungshiq jix vwaz tamx Tishox rueq vruex lvmz kuex tuiuz kuq vtueq nuimhez muex murx tvgurc kuq kv-phuinx,” ngoz tueq jungx tueq.

Tvtsvmc 120:6

Ngaz kuex nomic lvmx shuiuc jix miqsaz rulc vdvmz loayc hvlc httax ngaungc wvnc tauk!

Tvtsvmc 34:12

Nuimshiq vkoz vkez rullungx kuex raungc raq vshuinx haz? rullungx vluz nuiyc thuinz hvlc juing kuex nuimshiq rueq roc vshuinx haz?

Matthew 5:45

Kvkhoc ngoz ruiux yuq, raungmungx nuex httax yaq nuimshiq Waz vpiq saz muex yaungx lvp tuinx, yvmx khoc lac ngoz ruiux lec miqhvlx nuiyc miqbac lotlaz khux htauk nuex vpiq shalx tvkawc kuq yaq, vhvlx yauk shuimc jix nuiyc vbac yauk shuimc jix lotlaz khux htauk nuex raungx tvyunc kuq yaq.

Matthew 5:48

Kvkhoc rvtueq raungmungx wawc nuimshiq Waz kuex hunghtaungx yaq rvtueq rulc rv-ngvlc nuimshiq muinz hunghtaungx wuez kuinz!

Luke 20:36

Tsuingshiq kuex raungkamx bix ikhoc yaungx wvnc vtueq pattup vthueyc ngoz tueq vguez shex rvtuex, tsuingshiq kuex vthueyc wawc yuing kvtenc wvnc jix ningkhvnc nuex Tishox sahez rvtueq.

Luke 6:35

Kvkhoc rvtueq nuimshiq ralx waz kvmac lungwawx kuq shuinz, tsuingshiq muex vhvlx phvnx yauk shuimc shuimx kuq shuinz; phvnx shishiz tvyez lvp yek tvkoc nauk tvmaung kaz maq tvnvmc kuq shuinz; kvkhoc shuimx kaz ruiux yuq kuex nuimshiq rueq yauk noalc yunghvlc lvp vtueq, Johvlc Pinhtumc wawc Tishox vpiq sahez muex yaungx wuez tuinx. Yvmx khoc lac ngoz ruiux lec vpiq kejux tuiuz muq jix nuiyc layx bac jix muex muinz kejux yauk shuimc shuimx kuq yaq.

Acts 7:26

Nvp yix raungnuiyq muinz Israel miq wanueyc rvthvy yaq kuex khiz vtueq Moshe rueq, ‘Nuimshiq kuex saqphuz saqnox vdvmz dvmz yvmx ngoz tueq lac rvthvy vtuinx?’ ngoz tueq pec tueq.

Romans 12:18

Miq tek vtueq lot shuinx tanc maq nomic httax wuez kuinz.

Romans 8:14

Tishox Siyac rueq shunshvlc rvhumc jix htenc kuex Tishox saz hez rvtueq.

Romans 8:16

Naungshiq kuex Tishox saz hez rvtiq lvmz Tishox Siyac rueq naungshiq siyac rulc vdvmz nuex hakhix khvmc yaq.

Romans 8:19

Tishox rueq vpiq saz hez muex tvkhic kuq shuex lvmz kuex, tvdungc sungc rvhumc tueq mungkawx lotlaz rueq pinhtumc tvluimc bvmc wuez yaq.

1 Corinthians 6:6

Kvkhoc ruec tvraung, Christan phunox washiz rueq vdvmz dvmz rvshawk tvkoc tvrac rungx nuex kaz vtueq kvmluimx muq miqsaz muex khac kuex tv-phox yaq nyix!

2 Corinthians 13:11

Ngvy phunox bix lex, majuiuc nuiyshiq rueq gvnhttuingc ngoz vphix! Hungx laz htaungx laz yaungx lot laz juing hunglaungx wuez kuinz; ngaz rueq kvmenc jenc jungx vphaungx kvjaz kuex tay vtueq, vdvmz dvmz thuinz vshiz maq httax ruiux nomic httax wuez kuinz. Kvkhoc httax ruiux yuq jix lungwawc nuiyc nomic httax yaq waz Tishox kuex nuimshiq rulc vdvmz nuex httax tuex.

2 Corinthians 5:20

Kvkhoc rvtueq nuiyshiq kuex Christu kamx waz hez ikhoc maq nuimshiq muex jungx vphix; Tishox vpiq rueq doc muinz nuiyshiq maq raz tueq nuimshiq muex jungx yaq kvkhoc nuiyshiq rueq jungx vphix. Nuimshiq kuex Tishox ralx yaungx tuit kvwawc kungjix muex kvlayc wvnc kuinz ngoz tueq Christu laung nuex nuiyshiq rueq jungx vphix!

Galatians 5:22

Yuq muinz Siyac vthuey vngoz kuex lungwawc lvmz, kokez lvmz, nomic lvmz, thuinz tvluz vtueq nanx lvmz, menjenc lvmz, vhvlx lvmz, tvmtuing httaz lvmz,

Ephesians 4:1

Kvkhoc rvtueq Taungjix yauk shuimc ningkhvnc nuex khoktep nuex shuiuz rvhumc jix waz ngaz rueq nuimshiq muex tvhonc tvsvmc jungx kuq vphaungx: nuimshiq kuex Tishox rueq thvlc gvlc wvnc rvhumc tuit rulc rv-ngvlc rullungx tvraungx wvnc wuez kuinz.

Philippians 4:2

Eodia nuiyc Sintikhe nuimnueyc kuex Taungjix nuex saqnyaz yaungx tuit rulc rv-ngvlc vrungx vraz httaz tvkoc ngaz rueq jungx tvtay vphaungx.

Colossians 3:13

Nuimshiq vdvmz dvmz mvrax rv-nyvnc juing httax ruiux yuq, nanx thuinz maq mvrax rvdawc wuez kuinz, Taungjix rueq nuimshiq muex mvrax dawc kuq kv-phuinx kvkhoc nuimshiq muinz vdvmz dvmz mvrax rvdawc wuez kuinz.

Hebrews 12:14

Miq ruip rawx nuex nomic httax lvp laz muinz, vsawc rullungx tvraungx lvp laz juing muinz thuiyx wuez shuinz, yvmx khoc lac ngoz ruiux lec kvkhoc rullungx tvraungx lvmx rvmuq ngoz ruiux uraq muinz Taungjix kuex khiz lvp muq.