Matthew 5:10 - Hawa Naga Bible 2001

¹⁰ Tishox thuinroc shuimc kay ningkhvnc nuex taruiyx guirguenc rvhumc jix kuex thuinhvlx yaq; yvmx khoc lac ngoz ruiux lec raungx Mungtan kuex tsuingshiq mungtan rvtueq!

ASII LAKDAP Bible (BSI)

¹⁰ “Juwa Shiikaewe raq thimitlaqq kra shamlam khana maiqse raq tiichamchaotlaq, kriiti ma chochi; Ramungtan ka tsangshiq rii!”

Muklom

¹⁰ Asing o qhing rangma tahikham kaptey tang ma sunmaan, chammatakoi Rangmungtan sha ning ma angna!

Matthew 5:10 Referencias Cruzadas

Tvtsvmc 37:12

Layx bac jix waz rueq vhvlx miqsaz kuex vbac kvmungx vtueq vshuiuc vpac thuinz maq lawc tvtsuingc yaq.

ISAIA 66:5

Vpiq muex hiyaz vtueq vpiq kvjaz tay jix hez lex, Yehowa rueq jungx yaq kuex tay shuinz: “Nuimshiq kuex ngaz muex tvmtuing httaz ningkhvnc nuex nuimshiq miq wvyvmc rueq nuimshiq kuex shuiuc vtueq tvdux gay wuez shuex. Tsuingshiq rueq nuimshiq muex shummarc ngoz ngax vtueq, ‘Nuiyshiq rueq nuimshiq kokez tuinx kuex khiz roc vshix, kvkhoc rvtueq Yehowa vpiq ngauz vngax yunghvlc maq nuimshiq kuex mpalc wvnc shueq,’ ngoz tueq ngoz yaq. Yuq muinz tsuingshiq kuex yvlc svy rvhumc wuez tuex!

Matthew 10:23

Miqghaq ghaqshiz maq nuimhez kuex wvlc guez waqguez guirguenz ruiux yuq, vganc nuex kvyenc wvnc kuinz. Nuimhez muex ngaz rueq vsuing jungx kuq ix, Israel miqghaq htenc lotlaz nuex nuimhez rueq shuimc juing yauk shuimc max lot shauk nuex dvyx Miq Saz vruex httuiuc kaz tuex.

Matthew 19:14

Yesu rueq, “Nosaz rulx kuex ngvy kox nuex mkaz rueq nauk tuingshaung kaz, yvmx khoc lac ngoz ruiux lec raungx Mungtan kuex vruex sahez vkhoc jix mungtan rvtueq,” ngoz tueq.

Matthew 25:34

Kvruex yimaq Hokhvmx waz rueq vpiq yauk keq kox nuex httax yaq jix htenc muex, ‘Iwaz kox wawc ruimrix lvp lvy jix htenc lex! Kaz wuez luit, mungkawx tvdung sung tueq maq phaungc vtueq nuimshiq tvkoc vtvyoalc taq mungtan ngoz yaq tsak vnyvmx kuex lvp wvnc wuez shuinz.

Matthew 5:3

“Siyac htauk nuex vhtemc vrvmc rvhumc jix kuex thuinhvlx wuez yaq; yvmx khoc lac ngoz ruiux lec raungx Mungtan kuex tsuingshiq mungtan rvtueq!

Mark 10:14

Yesu rueq kvruex khiz tueq rulc rv-ngvlc vthuinz kaq vtueq, vpiq sangac hez muex ngoc, “Nosaz rulx kuex ngvy kox nuex tvkaz shuinz, tsuinghez kuex nauk tuingshaung kaz, yvmx khoc lac ngoz ruiux lec Tishox Mungtan kuex vruex sahez vkhoc jix hez mungtan rvtueq.

Mark 10:30

vruex pat nuex vguirc vguenc rvhumc yaq rulc vdvmz, yuimx vwuik, phuz vnox, vsaz vshvlx, vnyuiuz vwaz, suiuz vsaz, htenc mvnz shashiz htauk nuex muinz vjvnc lvp wvnc shuex.

Luke 21:12

Kvruex lvmz htenc max yaungx wvnc nuex, miq rueq nuimshiq kuex lvp vtueq tvkuilc daz kv-phuinx; vjux thoz yuimx htenc maq phox vtueq khoktep nuex tvshauk gay kv-phuinx; ngvy ningkhvnc nuex hokhvmx bix nuiyc vyungx vlaungx bix khaungkac nuex httuiuc tuinx.

Luke 22:29

kvkhoc rvtueq Iwaz rueq ngaz muex guimz lawc vkhangx kuq phuex ikhoc, ngaz rueq muinz nuimshiq muex guimz lawc vkhangx kuq vphaungx;

Luke 6:20

Yesu rueq vpiq sangac bix kuex lawc vtueq jungx tueq kuex, “Nuimshiq htemc saz jix htenc kuex thuinhvlx yaq; yvmx khoc lac ngoz ruiux lec Tishox Mungtan kuex nuimshiq mungtan rvtueq!

Luke 6:22

“Miq Saz vruex ningkhvnc nuex miq rueq nuimshiq kuex shuiuc pac vtueq tvdux gay ruiux, yomnamc vtueq nuimshiq kuex ngoc ngac rvhumc ruiux yuq nuimshiq kuex thuinhvlx yaq!

John 15:20

‘Dax kuex jiyungx htauk nuex vyungx rvmuq,’ ngoz tueq ngaz rueq nuimshiq muex jungx kuq phaungx kvjaz kuex rvwvl wuez shuinz, mungkawx miqsaz rueq ngaz vruex guirguenz ruiux yuq, nuimshiq muinz guirguenz kv-phuinx, mkhoc shoc maq tsuingshiq rueq ngvy kvjaz vruex tay ruiux kuex nuimshiq kvjaz kvmuinz tay shuex.

Acts 5:40

Tsuingshiq rueq kamx waz hez kuex gvl vtueq wungthvt ruiux, majuiuc vmaq kuex Yesu muingc jungx vtueq tvluingc mvy muq ngoz tueq jungx kuq ruiux, tvkaz gay tueq.

Acts 8:1

Sholu muinz miq thvt gay tueq nuex raz naungx tueq. Kvruex raungnuiyq maq phaungc vtueq Yerusalem wawc phungc kuex pinhtumc guirguenc rvhumc phaungc wvnc tueq. Kvkhoc rvtueq tsuingshiq kuex Yuda mungx, Samaria mungx htenc nuex panx yanx rv-phvlc wvnc tueq, kamx waz hez dvyx shex kvjungx tueq.

2 Corinthians 4:17

Nuiyshiq vlosaz rvhumc vtix vjawz dvyx kuilc daz rueq mkaq muinz yungx luz yaq pattup ngauz vngax kuex nuiyshiq muex tvlvp luz wvnc phuex.

Philippians 1:28

Nuimshiq kuex ralx muex nauk hiz kaz; mkaq muinz khvmc thuinz httax wuez kuinz, kvkhoc ngoz ruiux yuq ralx kuex sumx wvnc vtueq, nuimshiq rueq taungx wvnc shuinx lvmx ralx muex hakhix tvkhic shuinx, yvmx khoc lac ngoz ruiux lec nuimshiq muex tvtaungx kuy jix waz kuex Tishox rvtueq.

2 Timothy 2:12

Naungshiq rueq tvhttoarc vtueq nanx ruiux yuq naungshiq vpiq rulc vdvmz nuex guimz wvnc lvp shix. Naungshiq rueq vpiq kuex tvdux gay ruiux yuq vpiq rueq muinz naungshiq kuex tvdux gay phuex.

2 Timothy 3:11

ngaz vguirc vguenc rvhumc wvnc tauk lvmx nuiyc vkuilc vdaz rvhumc tauk lvmx htenc hanglangc tuiuz toq. Antiok ghaq, Ikoni ghaq nuiyc Listra ghaq htenc maq kuilc daz lvmx htenc ngaz rueq nanx wvnc tauk lvmx kuex mnoz rueq lotlaz laz tuiuz yaq! Yuq muinz Taungjix rueq ngaz kuex kuilc daz htenc kvwawc palc wvnc phuex.

James 1:12

Mvyx tvy rvhumc ruiux yuq phaungx duingduing tvmtuing httax jix waz kuex thuinhvlx yaq, yvmx khoc lac ngoz ruiux lec piq rueq kvkhoc talx lawc yaq kuex lotlaungc wvnc shuex nuex Tishox rueq vpiq muex lungwawc jix muex kuq shaungx ngoz tueq bomkhvmc kuq shec tueq rullungx yauk mauk kuex lvp wvnc shuex rvtueq.

James 5:11

Tsuingshiq kuex nanx thuinz vhttax jix htenc rvtueq ningkhvnc nuex, tsuingshiq kuex thuinhvlx yaq ngoz tueq naungshiq rueq ngoz vshix. Yoba rueq nanx wvnc tueq lvmz nuimshiq rueq tay wvnc tuit, vtvsuip nuex Taungjix rueq piq muex yvmx khoc lac lawc mawc wvnc tvnx lvmz kuex nuimshiq rueq tuiuz yaq. Yvmx khoc lac ngoz ruiux lec Taungjix kuex lungwawx menjenc thuinz mvrc yaq waz rvtueq.

1 John 3:12

Naungshiq kuex Kain ikhoc yaungc mvy muq; piq kuex Htaungc kox wawc miq yaungx vtueq vnox Abel kuex thvt gay tueq. Kain rueq vnox kuex yvmx ngoz tueq lac thvt gay tvnx? Piq rueq shuimx yaq yauk shuimc kuex vyaq, vnox rueq shuimx yaq kuex vlvmx khuec nuex rvtueq.

Revelation 2:10

Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.