Matthew 5:10 - ASII LAKDAP Bible (BSI)

¹⁰ “Juwa Shiikaewe raq thimitlaqq kra shamlam khana maiqse raq tiichamchaotlaq, kriiti ma chochi; Ramungtan ka tsangshiq rii!”

Hawa Naga Bible 2001

¹⁰ Tishox thuinroc shuimc kay ningkhvnc nuex taruiyx guirguenc rvhumc jix kuex thuinhvlx yaq; yvmx khoc lac ngoz ruiux lec raungx Mungtan kuex tsuingshiq mungtan rvtueq!

Muklom

¹⁰ Asing o qhing rangma tahikham kaptey tang ma sunmaan, chammatakoi Rangmungtan sha ning ma angna!

Matthew 5:10 Referencias Cruzadas

Tvtsvmc 37:12

Abiwe raq maiqshaqwe kra tiidea ma thiikho thutlo kiimaq amakshu tsi ma awi tiitsan raüta apaiq ka makbi maq liitlo.

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

Matthew 10:23

Namshiq ka chela ashi maq tiicham chao kiiphan jiila, chela ashi na juho lili ronglaq. Ngi chongpha. Namshiq raq traho bom chongke ka Israil mung chela thun lotli na michong kuq lot han shaq niili Maiq Se kriishe misaüho.”

Matthew 19:14

Kiijiishe Jesuq raq ajaqshisetiim ma chongto, “Nosere ka ana i phana tiiwa rong laq. Naq tiiwin rongkiq. Ramungtan ka juwa ara nosere akha siwan tlaq kriiti rii.”

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Matthew 5:3

“Jurwa tsangshiq ka wenyi na miitsan nguta tumtlaq, kriiti ka chochi; Ramuntan ka tsangshiq rii!”

Mark 10:14

Jesuq raq kra chhi raüta, tsangshiq ma akhiq riito. Kiimaq ajaqshisetiim ka akha sonto, “Nosere ka ana i phana tiiwa rong laq, naq tiiwin rongkiq. Ara nosere akha siti miitu, Shiikeawe Mungtan ka sitlo.

Mark 10:30

ara mangjong hiq amiili, achu shiiman pahea milap. Apaiq raq aroq ashi maq pat raüta, ajam, aphu ano, ashea nyungtiim, anyungtiim, asetiim kiimaq wak thung jan dam pahea milap. Kiimaq achamchao thun min mirhum. Kiimaq mungtan saüho tlaq akhing na, apaiq raq pattup rilung milap wan.

Luke 21:12

Riita, arthun mra ara mipin wan shaq na, namshiq ka maiq raq alu aban miraq. Raüta, mitiichamchao. Namshiq ka sinagok thun na mitiichap. Raüta, namshiq kha ka mipho. Kiimaq phaqtek mong na mishaq. Namshiq ka hokhambi nai welabi man na, i mang chong ara miitu mitiichap.

Luke 22:29

Kiimaq, i We raq ngi ka jamkho, Hokham ma shong wantaq, kiikhiisii hali, ngi riimin namshiq ka hokhambi ma mishong wan ha.

Luke 6:20

Jesuq raq ajaqshisetiim pha nü na lii raüta chongto, “Namshiq miitsan maiqse ma chochi; Shiikeawe Mungtn ka namshiq rii!”

Luke 6:22

“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!

John 15:20

‘Dise ngutlaq kriika atijong we thaq na ajong ka riimak,’ nguta bom tiihap hong chong tlaq bomtsi ka ngi raq namshiq ma chong kuq pha she ihata. Tsangshiq raq ngi santla tiichamchao wantaq jiika, namshiq kiimin mitiichamchao wan dongdii. Tsangshiq raq i bomchong ka tai raüta lang wantaq jiika, namshiq bomchong kiimin mitai wan, raüta milang wan.

Acts 5:40

Tsangshiq raq kiimwebi ka kinphai wa Rung khok na tiiheaki nongto. Raüta, chunpo-nyam chongwai maq petanok ma ninta tiitsatto. Raüta, tsangshiq ma aming atsin maq hali, Jesuq arang maq trahoke maimak nguta aming kuq nongto. Raütiishe, tsangshiq raq kiimwebi ka phaqtek mong wa tiidong baiqto.

Acts 8:1

Kiimaq Saul riimin apaiq tseabaiq na pong damto Kra ranaiq miili she, Jerusalem wa Phungmaiqsetiim ka pinthum tiichamchao pha wanto, kiimwebi kli Jerusalem na sito. Phungmaiqse abiti thun ka, wiita Judia nai Samaria wang na, barap binrii na pongpin riipin pin wanto.

2 Corinthians 4:17

Ümchaü nashiq raq chamchao litkot lea wan tiikai arka alose miituli. Kiimaq arthun chamchao arka jai na nashiq raq lap wan chang sitlaq kiimaq thi hai jiika aranseli. Ara chamchao tiikai ara tsingo ka, rawiichii nashiq raq rahea, jonghea phan lap wan chang sitlo. Kriika pattup thenki mak phan. Kiimaq nashiq raq pattup pat-sa rilung milap wan rong i. Laita Shiikeawe rai adam na misi rong i.

Philippians 1:28

Namshiq jaqtibi miika naqhai rongkiq. Jang wrap she srea nola ma ja lanta si ronglaq. Riita, arka tsangshiq ma hakhi ashi miraq. Tsangshiq riika tangmak miraq, namshiq riidea mitang han nguta misap. Jamkhano ngukla, namshiq rekhat ka Shiikeawe raq mitiitang kuq.

2 Timothy 2:12

Kiimaq nashiq raq phanrap chamchao, nin wan ruq maq siwan hai jiila, nashiq riimin, apaiq rai mung milang wan dam rong i. Kiimaq nashiq raq apaiq ka, Tatiwe riimak nguta tiishaü hai jiila, apaiq riimin, nashiq ka Khapho Ranaiq mitiishaü baiq.

2 Timothy 3:11

Maiqse raq ngi ka ümtinkhan wa tiichamchao wanto. Kiimaq tsaija chhunja chamchao litkot ahin thun min ngi raq jamkho lea wan kang, irthun irka, ümchaü sanha ümniiriiri kunli asap haü siisaq she. Shatmaq, atinkhan chamchao walü mong wa, Tatiwe raq ngi ka tiichhii kuqto. Ngi ma Antiok maq, Ikoniam maq, kiimaq Listra maq tsaija chhunja, pitlang pitthea, phiiptsi jiiptsi ümtinkhan wa, maiqse raq tiichamchaotaq, ira nin wan kang. Kriithun ka wiita, ümniiraq asap haü siisaq she! Shatmaq arthun litkot chamchao mong wa, Tatiwe raq ngi ka tiichhii kuqto.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

James 5:11

Nashiq raq tsangshiq ka kechu maiqsetiim dea nguta shreng tiikai. Jamkhano ngukla, tsangshiq raq chamchao walü wiita nin wan raüta siwanto. Job raq phanrap chamchao nin wanto. Krai mren, atiisup na Shiikeawe raq, apaiq ma pinthum achu shiiman kuqto. Kra bomtho ka namshiq raq asap han. Shiikeawe raq maiqse ma mangchan tsii rüm tlaq kriika, nashiq raq nü maq achong lot mai sitlo.

1 John 3:12

Nashiq ka Kain ikha siwan ka raa mak she. Apaiq ka aphaji miiphü Abi we kra ngam napti we dongdii. Kriikha miitiina, apaiq raq achhüthiq ano shaq, Abel ka tsat baiqtaq. Kain raq ano ka jamkhano tsat ta? Kain raq ano Abel tsattaq kriika, apaiq jaqsham ka ashut, ano jaqsham ka tingting. Kriikha maq, apaiq makshu tsi ninlot mak kha maq, ano ka tsat baiqto.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.