Matthew 5:11 - ASII LAKDAP Bible (BSI)

¹¹ “Namshiq ka isenginok ngo kha maq, maiqse raq namshiq ka shummii raüla, kiimaq tiichamchao raüla, kiimaq namshiq khuthaq phanrap phanrii abi arot akiq nyan raüla, chochi ronglaq.

Hawa Naga Bible 2001

¹¹ “Ngvy tvkoc nuex miq rueq nuimshiq kuex shummarc guirguenz vtueq, vrot vkaq kvjaz maq mvrax phvnx ruip saz tvgurc ruiux yuq nuimshiq thuinhvlx lvp shuinx.

Muklom

¹¹ “I tungkang o, miqtang aa nim sha junnam phin jo etho tahikham phin jo etho thaji jashit hutdip kup eq bat ajo, nim ma sunmaan.

Matthew 5:11 Referencias Cruzadas

Tvtsvmc 35:11

Abi kiimungti raq ngi ngeng ma saqse kuqtlo kiimaq ngi raq asap min sap mang kha thun nyantlo.

Tvtsvmc 44:22

Shatmaq ümmang na naishiq ka wranaiqshe tsatbaiq wantlo, naishiq ka sku kong ataaphaq ma hithotlaq ikha hithotlo.

ISAIA 25:8

Ajong Thaq na Ajong Pinthum Tatiwe raq atsai ningkun ka pattup pat-sa miitu she mitiithen baiq! Apaiq raq maiq loweatek theaphi wa makphai satlaq kra tiisiirai mitatkuq. Kiimaq asenginok raq mangjong tlot li na jeasi khatamshi howantaq thun kra wiita alam she mirbaiq. Arka Tatiwe apaiq raq ngutlo!

ISAIA 51:7

“Ibom tai ronglaq, namshiq riikhaqli jaqsham saptlanti raq, jurwa ngi raq ashrinkuqha tri ka tsan na shaqtlanti raq. Naqhai rongkiq maiq raq namshiq slailiitlaq raüta shummiitlaq na;

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

JEREMIA 37:14

Kiijiishe ngi raq trekang, “Kriika riimak! Ngi raq chela ka tiishaübaiq mang.” Shatmaq Irija raq ibom ka taimak. Kra rii na apaiq raq ngi ka lapto. Raüta siihiipbi jaq na kiinong kuqto.

Matthew 10:18

Namshiq ka i sengi kha maq wanghuptibi nai hokhambi rung na mitiichap. Kriika namshiq raq tsangshiq ma nai tsangshiq sengibi ma kiimaq Pongnok phan ma Tsütsa Ahea kra chongke wan miitu.

Matthew 10:22

Maiq wiitarü raq namshiq ka i mang na makshu rashe mingeng. Shatmaq jurwa atiithum ranaiq na saüli nin wan tlaq, kriiti kli mitiichhii.

Matthew 10:25

Kriikha maq chong mang ka ashrinti we pumkhü kra sam raüta siwan miitu chochi khiq maq si chang li. Kiimaq dise riika atijong we pumkhü kra sam raüta sichang. Jamtati we nang santla Tha Mungtu we nguta slailii tlaq jiika, apaiq jamti thun thaq niika kra thaq niimin tiinanpot naolaq mang abi miishe mimang wan!”

Matthew 10:39

Jurwa maiqmii rilung ka tiihang wan la nguta tiima wan tlaq, kriiti raq maiqmii rilung ka atiimo mirbaiq. Shatmaq jurwa maiqmii rilung ka ngi miitu tiimo baiq tlaq, kriiti raq maiqmii rilung ka milap wan.

Matthew 19:29

Kiimaq maiq khumtek raq ngi miitu, maiqmii jam lo, aphu anotiim lo, ashea-nyungtiim lo, anyung nai awe lo, asetiim lo, awak ajam lo miimbaiq thütiiti thun miika, kra thaq niimin apa achan ana, ahing ashi maq mitliip kuq. Kiimaq tsangshiq ma pattup pat-sa rilung kra mikuq.

Matthew 24:9

“Kra akhing she saü wan raüla, maiqse raq namshiq ka alap mirwan. Raüta namshiq ka mitiichamchao kiimaq atsea mirbaiq. Namshiq ka i sengi ma jawan tlan kriikha maq maiqphan angu wiita raq namshiq ka ashu ashe mirwan.

Matthew 27:39

Kiimaq, maiq kra lam maq lea wanti raq, Jesuq ka chhi raüta, tsangshiq raq apaiq ka thophi riiqphi, tokbai laqbaiq raüta slailiisiqto.

Mark 13:13

Wiitarü raq, namshiq ka ngi miitu mingeng. Shatmaq, jurwa atiithum na saüli nin wan ruq maq ngi ma kam wan tlaq, kriiti ka mitiichhii wan.”

Mark 13:9

“Arkha maq, namshiq ka honkamshat maq shongnga rong laq. Namshiq ka maiq raq alap miwan kiiphan. Raüta, rung na mihit wan. Namshiq ka sinagok maq atea miraq. Namshiq ka mung welabi nai hokhambi man na, i mang miitu rung na mitiichap. Tsangshiq rung phong na, namshiq raq Tsütsa Ahea kra michong kuq han.

Mark 4:17

Shatmaq, tsangshiq tsan mong na atsaü shang mak dea. Kriikha maq, alu tsing mak. Tsangshiq raq Shiikeawe bomtsi ma kamwan kha na, chamchao litkot akhing she saü raüla, Shiikeawe ma kamwan tsii ka athaq she riibaiq tlo.

Mark 8:35

Jurwa atsitsü ka tiichhii tiima tlaq, kriiti raq apaiq rilung ka atiimo mirbaiq. Shatmaq, jurwa apaiq rilung ka i jai phan miitu nai Tsütsa Ahea ara chongke miitu, tiimo baiq tlaq, kriiti raq apaiq rilung ka mitiichhii.

Luke 21:12

Riita, arthun mra ara mipin wan shaq na, namshiq ka maiq raq alu aban miraq. Raüta, mitiichamchao. Namshiq ka sinagok thun na mitiichap. Raüta, namshiq kha ka mipho. Kiimaq phaqtek mong na mishaq. Namshiq ka hokhambi nai welabi man na, i mang chong ara miitu mitiichap.

Luke 21:17

Namshiq ka ngi tingkhu na maiqse angu wiitarü riishe mishushe wan.

Luke 6:22

“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!

Luke 9:24

Ara jamkhano chongtiikang ngukla, jurwa maiqmii rilung ka tiichhii wanla nguta tiima tlaq, kriiti raq, arilung ka atiimo mirbaiq. Shatmaq, jurwa arilung ka ngi miitu tiimo baiq tlaq, kriiti rilung ka atiichhii mirkuq wan.

John 15:21

Shatmaq, namshiq ka i sengi ngo kha maq, tsangshiq raq namshiq ka mihaihii wan. Ara jamkhano chongtiikang ngukla, tsangshiq raq ngi tiikaiti we ka juwa sap mak.

John 9:28

Kra tairaütiishe, tsangshiq ka akhiq she riito. Kiimaq apaiq ka akha sonto, “Ümniili tiina kriiwe jai phanti, apaiq jaqshise. Shatmaq, naishiq ha Mosheq jaqshisetiim.

Acts 9:16

Kiimaq, apaiq ka ngi miitu, ümtinkhan chamchao chang wa, kra ngi raq apaiq ma mitiichhi kuqha.”

Romans 8:36

Asii bomtsi na akha nguta chongtlo: “Namshiq khum tiikhup wongke miitu, naishiq arka wranaiqshe, maiqse raq atsea ata wan ma tiiphiip jiip wan tlo. Naishiq arka skuse kong ataaphaq ma khaban je ikha, maiqse raq tiichamchao wan tlo.”

1 Corinthians 4:10

Khristo miitu naishiq ka angok angi ikha sitiikai. Shatmaq namshiq ka Khristo puk na nyap kha maq, tsüwe tsitwe siisaq she jawan lan! Naishiq ka ningkun ajom. Shatmaq namshiq ka ahong ala! Naishiq ka maiq thoda thaq na che tiikai. Shatmaq namshiq ka aki miikiim siisaq she!

2 Corinthians 4:11

Naishiq rilung na, wranaiqshe maiqmii miisaq ka jaqphi na chiim lai tli khum tiikai. Arka Jesuq Khristo miitu khamwan tiikai. Riita, arka Jesuq rilung ka naishiq khum hiqda howan tiikai arjaq tiichhike miitu chamchao tiikai.

Philippians 1:29

Ara jamkhano chongtiikang ngukla, Shiikeawe raq namshiq ma thek tlaq Khristo shiililii jaqsham kuq wantaq kriika, apaiq ma kamwan lamlam li ka riimak. Shatmaq, apaiq miitu chamchao wan kiimin adam na kuqto.

1 Peter 2:23

Shatmaq, maiq raq apaiq ka kai shummiito. Li jiimin apaiq raq tsangshiq ka shummii mak. Tsangshiq raq apaiq ka kai tiichamchaoto. Shatmaq apaiq raq tsangshiq ma atham mirkuq ha nguta tiiphiipjiip mak. Shatmaq apaiq raq arilung ka Tingting Phowe, Shiikeawe jaq na wiita apkuq raüta, anin li riito.

1 Peter 4:14

Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.

Revelation 2:3

Namshiq raq phanrap chamchao ka nin tlan. Ngi miitu namshiq kai chamchao wan lan. Li jiimin, namshiq raq kamtsantsii ka thaq man maq sitlan.