Matthew 5:10 - Muklom

¹⁰ Asing o qhing rangma tahikham kaptey tang ma sunmaan, chammatakoi Rangmungtan sha ning ma angna!

ASII LAKDAP Bible (BSI)

¹⁰ “Juwa Shiikaewe raq thimitlaqq kra shamlam khana maiqse raq tiichamchaotlaq, kriiti ma chochi; Ramungtan ka tsangshiq rii!”

Hawa Naga Bible 2001

¹⁰ Tishox thuinroc shuimc kay ningkhvnc nuex taruiyx guirguenc rvhumc jix kuex thuinhvlx yaq; yvmx khoc lac ngoz ruiux lec raungx Mungtan kuex tsuingshiq mungtan rvtueq!

Matthew 5:10 Referencias Cruzadas

Matthew 10:23

Ning aa nim ma ashey samhaq na thahikham phin jo, nim adak samhaq náng jol chuwang inn. Nga nim ma asing batphang, Miqna Sa thuwey pha moq jakho, Israel mung thaji samhaq náng nim ka min ang nin.

Matthew 19:14

Jesu aa batta, “Iri nijang tang ri ijamnáng takat phin, ning ri ijamnáng kat ma nak táng inn, chammatakoi Rangmungtan sha ning mal rima.”

Matthew 25:34

Esho Lungwang eq jakqhak kowang tang thima batna, ‘Nim thaji Iwa sunmaan kaptey tang, wangphin. Nim mingkang haq hun tok wang nga nim ma shing táng, nim mung shináng wang inn.

Matthew 5:3

“Utin na tharangka moq tey tang ma sunmaan, chammatakoi Rangmungtan sha ning ma angna!

Mark 10:14

Etho Jesu aa esha khi eq, piq tinkha eq ujiphantey tang thima batta, “Nijangsa tang ri irelnáng katma ko inn, etho ning ri nak táng inn, chammatakoi Shkewa mungtan sha ning mal miqtang ma hun angna.

Mark 10:30

piq aa juk shashey him, uno tang nia una tang, nu nia wa, usa tang, pik nia haq tang iri thaji sha tahikham jamoq iri mungna kap na etho pattuk rollung tho ukap eq na.

Luke 21:12

Irimal ang jakho, nim raa lo eq tahikham eq phanin; nim raa synagogue etho chuk náng sakchak phanin; i miing rangma lungwang tang nia jaktáng o shingtey jakho o thalang phanin.

Luke 22:29

Etho Iwa aa nga ma jaqhal jaktáng o shing ma kotphang, req nga tho irimal hun nim ma jaktáng o shing kopha náng.

Luke 6:20

Jesu ujiphantey tang chingko thináng siin eq batta, Nim tangshi tangma sunmaan; chammatakoi Shkewa mungtan sha nim rang hun angna!

Luke 6:22

Miqna Sa rangma nim sha miqtang aa miiksuk phin jo, latchak phin jo, etho junnam phin jo, etho nim ma thip athang ta raaq phin jo, nim ma sunmaan.

John 15:20

Nga nim ma bat eq taphang raaq shi tasik inn, ‘Qha sha tangteywa pheynáng eq ajong ang moq.’ Ning aa nga tahikham taphang jo nim tho tahikham eq phanin, ning aa iraaq tat ajo nim raaq tho utat eq na.

Acts 5:40

Ning aa apostle tang tha himmong náng halta etho kan eq watta. Jesu miing o somlo eq miqtang ma bat moq angma ning ma batta; etho ning tha kat ma kot ta.

Acts 8:1

Saul piq tatik thina rokrum angta. Ethi saal tho Jerusalem mondoli rapney tahikham tsamnang angta. Apostle tang tha dak chak eq adak uhan miqtang Judea nia Samaria mung na phalta.

2 Corinthians 4:17

Etho iri aming nia chomwey rangma tsamnang bara í aa thanan chey i, eshiwang rapney ajong pattuk phun amun thupha na, bara í tsamnang wang rapney ajong angna.

Philippians 1:28

Ralwa tang ma nim amaan tho nak cho inn. Irimal ang ajo, ning uthun angna etho nim aa ulun kap nin ta ning aa usam eq na. Shkewa hun irimal somlo aa.

2 Timothy 2:12

Hiqtang tinthanan chey ijo, hiqtang piq jamoq thaji sha jaktáng o shing ni. Hiqtang aa piq shima ulik ang ijo piq tho hiqtang shima ulik angna.

2 Timothy 3:11

Nang aa i tahikham nia itsamnang tho usam eq u. Antioch, Iconium, etho Lystra samhaq na nga chamtan tahikham taphang tha nang aa usam eq u. Etharin Teyhungwa iri thaji tsamnang wang nga thalun taphang.

James 1:12

Bari miq raa tsamnang na tong aa, eshi miq sha Shkewa sunmaan aa; chammatakoi piq tari wang thalat eq rollung cha khopok kap na, eshi cha khopok shima Teyhungwa piq tinmat tang shima kotma rangtum ta.

James 5:11

Siin inn, hiqtang aa barey thanan shing aa ning sungrang ang aa ta tathin i. Hiqtang aa Job thanan tung aa raaq tha utat eq ti etho Teyhungwa uthun na piq ma chamlang kongpha kota sha usam eq i. Teyhungwa manchantey etho tinshit takhi aa.

1 John 3:12

Nim Cain mal ang ching ang moq; piq thangwa wang angta etho piq aa uno Abel tha tatik chakta. Cain aa chamlang ma piq tha tatik ta? Chammatakoi piq aa chamlang somlo ta tang sha jashit angta etho piq no somlot tang tha asing angta.

Revelation 2:10

Bari tsamnáng raa nang aa kap nu, eshima nak cho u. Nim tari ma thangwa aa nim wang chamtey sha chuk náng shak phanin; etho nim aa saal asi náng thula tsamnáng sha nan ching. Utik náng thula kam u, etho nga nang ma rollung khopok kot phanáng.