Matthew 5:8 - ASII LAKDAP Bible (BSI)

⁸ “Juwa tsantsii asii kriiti ma chochi; tsangshiq raq Shiikeawe michhi!”

Hawa Naga Bible 2001

⁸ Thuinz vmungx kvsawc nawc jix kuex thuinhvlx yaq; yvmx khoc lac ngoz ruiux lec tsuingshiq rueq Tishox khiz lvp shuex!

Muklom

⁸ Tin asang tey tang ma sunmaan, chammatakoi ning aa Shkewa sha ukhi eq na!

Matthew 5:8 Referencias Cruzadas

RAPHA HIQWA LAK 32:30

Kiijiishe Jakob raq nguto, “Ngi raq Shiikeawe ka mantut na tiqtaq sham riichhi kang. Kra taü miimin ngi ka atrali sitiikang.” Kra ningkhan apaiq raq kra hiq ba ka Peniel nguta mangto.

2 SAMUEL 22:27

Asii arai maq siti miika, ümnii riimin siirairai tiichhi kuq tlaü. Shatmaq phususang maiqse miika, wesang ralii ma jatlaü.

Tvtsvmc 15:2

Jurwa phanrap na Shiikeawe aming langtlaq kiimaq wranaiqshe tri na riikhaqli kli shamtlaq, jurwa abom ka khaqkhaq kiimaq tingtingli bomtlaq,

Tvtsvmc 18:26

Ümniika juwa asii kriiti ma asii klokuq tlaü, shatmaq juwa abi kriiti rai wesang sitlaü.

Tvtsvmc 24:4

Juwa jaqsham na kiimaq tiima tsantsii na asii, jurwa sumla thun shomnoq mak riimakla arot kiqkham mak.

Tvtsvmc 51:10

Imongjii ka siirairai she tiijalaq, O Shiikeawe lei, laüta itsan mong na wenyi anye kiimaq ümniirai tiipumtlii siti wenyi thiikuqlaq.

Tvtsvmc 51:6

Ümniiriika tingting kiimaq tengteng kli rittlaü; ikhutsai ka üm taksu tsii maq tiimakuqlaq.

Tvtsvmc 73:1

Tengto Shiikeawe ka Israilnok ma ahea pinthum, tsantsii asiiti ma ahea.

TAKSU LAK 22:11

Tsantsii siirairai maq si raüta, maiqrai sobsob bombom maq riibomti ka, hokhamwe kongti ma mija.

Acts 15:9

Shiikeawe raq nashiq nok nai tsangshiq nok liipan na, jam lai min tiikhothiq mak dea. Tsangshiq raq Shiikeawe ma kamto. Krai mren apaiq raq tsangshiq ngarai ka diikuqto.

1 Corinthians 13:12

Nashiq raq ümchaü jamlai wa chhi tiikai, kriika chamni mong na mot maq maq atsaiji chhi tiikai ikha. Shatmaq kra akhing niika, nashiq raq apaiq rai adam na sham riichhishat miishe misi wan rong i. Ümchaü ngi raq jamlai wa sap tiikang, arka akho athiq li sap tiikang. Kra akhing niishe ka, Shiikeawe raq, ngi rai jamkho minhap maq tsanwa maq sap tlaq, kiikhiishe ngi riimin, apaiq ka tsanwa miishe misap ha.

2 Corinthians 7:1

Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.

Titus 1:15

Juwa tiima tsantsii asii maq sitlaq, kriiti miitu ka phanrap asii siisaq. Shatmaq ümriiti tiima tsantsii wa, ngarai raq atiisheshi baiq wishe, kiimaq krai mren, tsangshiq raq tengtlaq bomtsi ma kam mak maq sitlaq, kriiti miitu ka phanrap phanrii ka, ashe ashi siisaq. Tsangshiq miika apii ashan chang siisaq. Jamkhano ngukla, tsangshiq khutsai nai tsangshiq tsaiji ka, ngarai raq wiita atiishe shi baiq kun she.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

Hebrews 12:14

Wiitarü rai, ari aram maq si miitu, shiikut ronglaq. Kiimaq, asii arai, kechu rilung, jamlai kiqjiq ahü maq si ronglaq. Kechu rilung siwan hümiika, juwe riimin, Tatiwe rai sham ka riichhi lot mak.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

James 4:8

Arkha maq, namshiq ka Shiikeawe wokhong na nyap wan tlo ronglaq. Raüla apaiq raq namshiq ka awokhong na mitiisi. Ai! ngarai maiqse kong lei! Namjaq ashe kra he wan tlo rong laq! Mongnam nok loi!

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

Revelation 22:4

Tsangshiq raq apaiq sham ka michhi. Kiimaq apaiq mang ka tsangshiq khakam na miwaiq.