ISAIA 26:9 - ASII LAKDAP Bible (BSI)

⁹ Rawa thung niimin itsan imong wiita kuq lata, ümniikli lungwii tiikang, ümtiikiiwa ümniiraq mangjong hiq kha miphohaü, kiijiiqtiq tsangshiq wiita raq tingting khapho ka jamlai wa kra misap.

Hawa Naga Bible 2001

⁹ Raungwvrx nuex ngaz kuex mnoz muex ngvy thuinz vmungx lotlaz maq rvwvl vphaungx; ghaq nuiyc kvyuq httax yaq miqsaz htenc kuex mnoz rueq phox shuiux nuex, tsuingshiq lotlaz rueq tvrac vlvmz kuex yvmx lac rvtvnx tvluing wvnc wuez shuex.

ISAIA 26:9 Referencias Cruzadas

1 KAÜWA WERAÜ 16:14

Tatiwe ka nashiq Shiikeawe; Apaiq aming raütu ka mangjong maiqse kun li miitu.

Tvtsvmc 105:7

Tati ka nashiq Shiikeawe; apaiq aming raütu mangjong lotli miitu.

Tvtsvmc 119:55

Rawa niimin ngi raq ümnaq tiima wankang, Tati lei, lata ümtri raütu kra shiweasiq tiikang.

Tvtsvmc 119:62

Rawa thung na samki lata ngi raq ümnaq tiitsamtiikang, ümniiraq tingting kappe maq kha photlaü kra miitu.

Tvtsvmc 130:6

Ngi raq Tatiwe khetiikang, rawa kintsongtibi raq rawüho thengekhiq khetlaq kriithaq niimin achan lin khetiikang.

Tvtsvmc 58:11

Maiqse raq mingu, “Tengto kechu maiqse ma poksi ke ka thukto dea; mangjong maiqse kha phoketi Shiikeawe ka asi dea.”

Tvtsvmc 63:1

O Shiikeawe lei, ümniika i Shiikeawe, kiimaq ngi ka ümniima rantiikang. Ngi ka ikhum wiita kuqlata ümniirai sirohea; shinriiqriiq, hiqsiithung, kiimaq kham ahü hiq ikha, itsaiji ka khamnyang tsihea maq ümnaq rittlo.

Tvtsvmc 63:5

Itsaiji ka ümwokhong na ngaraüta, wok phetaktak miphaqsiq kiimaq tsan na washasha rongboq misi, kiimaq ngi raq ümniima tiitsam shi thun chochikhiq mishiha.

Tvtsvmc 64:9

Tsangshiq tarü ahai she miraq, Shiikeawe raq jamlai jaq wa shamtaq kra tsangshiq raq mitiima kiimaq apaiq jaqshamtaq thun kra michong.

Tvtsvmc 78:34

Ümtiikiiwa apaiq raq tsangshiq phong wa wiijam ka jiipbaiqtlaq, raüla tsangshiq phong wa maiq wiijam ka awokhong na jang wa nongtlo; tsangshiq ngarai ka tiidiitlo raüta tsan atsi maq apaiq jaq wa achu jaütlo.

Tvtsvmc 83:18

Tsangshiq raq ümniikli dea Tatiwe nguta misaplaq, mangjong tlotli pengti ajong pinthum nguta misaplaq.

TAKSU LAK 8:17

Ngi lungwiiti ka ngi riimin lungwii tiikang, Jurwa ngi rittlaq kriiti raq ngi mihum.

ISAIA 27:9

Shatmaq ümtiikiiwa thatsang maiqse raq phra thun shomnoq chang berong-wacha longkaü thun kra wiita hiqrai shottlii maq tiithenbaiq jüq, kiimaq homseng honglu chaq chang berongwacha thun nai Ashera phra nyung shomnoq chang berong thun kra apun tiichong mak tiithenbaiq jiiq, kra raüta Israilnok ngarai thun ka midiikuq.

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

ISAIA 55:6

Tatiwe wokhong na jang wan ronglaq, ümchaü apaiq ka aje na.

AJONJÜ 2:19

Waruru tiidokiki laüta, Tatiwe man na hoqsii wan laq. Laüta ümsetiim miitu, ümtsan tsii ka bunki namnam, Tatiwe jaq wa tiikhup wongkuq liidea, nguta achu jaü laq. Nosere ram raq chiiheawea lam jong na, küram liira jiim wanto!

AJONJÜ 3:25

Tatiwe ka apaiq ma, kamtsantsii thüti tarü ma ahea.

EJEKIEL 5:15

“Ümtiikiiwa Ngi ka itsankhiq tsi hea walü wa ikha ningkhan ümniima mo tiihotiikang kra chhi raüta, ümtro na siti maiq mungti thun ka phiip raq mitsai. Tsangshiq raq ümniika chuphit nüphit raüta milii kiimaq ümniika mislailii.

Hosea 5:15

“Ngi raq isenginok mimiimbaiqha, lata tsang ngarai miitu riitsi tsaitsiiq mitiichamchaoha, jursap, chamchaotsi ma tsangtsii lo chhijiiq riila, raüta ngi lo rit wan jiiq riila.”

Matthew 6:33

Ara rii na, Shiikeawe mungtan nai kechu maiqse ma jawan riiwe kli rit rong laq. Raüla, arthun arka mikuq wan dongdii.

Mark 1:35

Anap ranap na, wuwacho niili, Jesuq ka tiidohoto. Raüta, chela phai na, maiq akaiq kaiq ba na kihoto. Raüta achu jaüto.

Luke 6:12

Kiitincho ji, ranaiq shi, Jesuq ka hiqlam ashi na, achu jaüwa wawanto. Kiimaq apaiq ka rawa minru Shiikeawe jaq wa achu jaüto.

Revelation 11:13

Kra tsangnai wawan ri, tlothit li she henghea langlang hiqjong muto. Kra hiqmu raq chela ka manroqshi khu wa manshi rii ka tiithen baiqto. Kiimaq, maiq ka hingmiishi jiimto. Kiiwa chantlaq maiqse angu thun ka, kai phiip raq tsaito. Raüta, tsangshiq raq ramungtan wa Shiikeawe ningkun jonglu kra chhi raüta, apaiq ka tiitsamto.