ISAIA 26:10 - ASII LAKDAP Bible (BSI)

¹⁰ Ümniiraq abi maiqse thun kra mangchantlaü; li jiimin tsangshiq raq riikhaqli jaqsham ka ümtiikiimin tlang mak. Ara kechu maiqse hiqshong na dongdii min, tsangshiq riika ajiq kriili shamtlo; tsangshiq raq ümnaq jonglu ka sap wan ro mak shipoqtlo.

Hawa Naga Bible 2001

¹⁰ Mnoz rueq miqyaq jix muex menjenc kuq ruiux muinz, tsuingshiq rueq tsuingrux yauk shuimc tvkoc mkaq muinz tvluingc muq. Tsuingrux miq httax yaq vruex ghaq vraungx vyuq doc muinz, tsuingshiq rueq vyaq yauk shuimc kuex shuimx kaz wuez yaq; tsuingshiq rueq mnoz yungx luz vtuiux lvmz kuex lvp wvnc tvkoc tvdux gay yaq.

ISAIA 26:10 Referencias Cruzadas

2 HOKHVMX 13:6

Shatmaq kra taü maq dongdii min Hokhamwe Jeroboam raq tsangshiq ka jamkho ngarai lam na shun sheataq kriithun lamphan wiika jai na jang mak dea riito. Shatmaq tsangshiq raq kriithun ngarai ka klo ruqli kloto. Kiimaq jechak phrakaü Ashera sumla ka Samaria chela na siruq li riito.

Tvtsvmc 106:43

Tati raq asenginok jang pahea khupwongto, shatmaq tsangshiq raq akiqkhii kli sru wanto, raüta ngarai thiikho tsaühea mong na deawanto.

Tvtsvmc 143:10

Ümniika i Shiikeawe; ümniiraq athithi na jaqsham miitu ngi ma shrinkuqlaq. Ngi ma ahea klokuqlaq, laüta ngi ka hansang lamphan na shunshealaq.

Tvtsvmc 69:27

Tsangshiq ngarai thun ka wiita raüpot laüta thülaq; ümnaq tiichhiiwan saqseng ka tsangshiq ma naq kuqkiq.

DUNGWVNC 8:15

Kiimaq hokhamwe raq makphang thun jiimtaq kra chhito. Kiimaq apaiq ka wanshak shak hali tsinki nongto. Arka Tatiwe raq chongtaq kra phan phan wankito. Kiimaq hokhamwe raq Mosheq nai Aron bom ka taimak hali lanki nongto.

DUNGWVNC 9:30

Shatmaq ngi raq asapha, ümnaq nai ümsengi ajong alabi thun ka Tatiwe Shiikeawe ma haisong tsantsii thü man shaqli.”

DUNGWVNC 9:34

Shatmaq hokhamwe raq kriithun ka chhi raüta, apaiq raq ngarai hali tang nongto. Apaiq nai asengi ajong alabi thun ka kongkhu na jamkhiiwa kiikhiili wanshak shak wankito.

TAKSU LAK 1:32

Taksu tsii ritmak, tamtang maiqse ka tsailam mirhum. Jamkhano ngukla tsangshiq raq, nyan phaqchi shipoqto. Angi nolakong ka athen mirki, tsangshiq tsii ahü kha maq.

THARC TVLUINGC 3:16

Kriithaq niimin, ngi raq chhikang, mangjong hiq na ashut klotlo, tri ka tingting maq langrii na, tri jin raüta ajiq khoti klotlo.

THARC TVLUINGC 8:11

Maiqse raq mat atsa ka jeriiqriiq hea jam nguto tangtla? Tri jinti ashutti ka jaqlo thit thit tsangshiq kha kra phokuq mak, raüta tsasha mak kha maq, mat atsa pahea tang wan tlo.

ISAIA 1:21

Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

ISAIA 2:10

Tsangshiq ka kin thun kiina longraq kam na chongkhong longsha bok thun kiiniishe mitiipaü wan. Riimakla tsangshiq raq hiq na hiqshakho bok thu raüta, Tati tsankhiq walü nyaitlaq kriiwa tiichhii wan miitu, kiimaq apaiq ningkun wa nyai tlaq kiimaq apaiq khushü ngao chhaitlaq kriiwa tsangshiq khum tiichhii wan miitu mitiipaü!

ISAIA 24:5

Maiqse raq Shiikeawe tri jin raüta kiimaq apaiq raq pattup pat-sa miitu tongshong wantaq tri ka jin raüta hiqraikhü ka tiisheshibaiqto.

ISAIA 27:13

Kra ranaiq akhing she saüwa raüla, nüchhong lerong tsü raüta, Israilnok ka tlotli Asiria mung wa nai Ejip mung wa munglu shumwi ma atsuq wan kra mihea. Kiimaq tsangshiq ka miwa. Raüta asii hiqlam Jerusalem maq Tatiwe ka mishomnoq wan.

ISAIA 32:6

Maiqjiqwe riika ajiq aphiqli mibom. Kiimaq ajiq jaqsham kli tiimatlo. Raüta ajiq kiimung kra süriitlo. Apaiq raq jamlai jaq wa shamtlaq kiimaq anü maq jamlai wa bomtlaq kriika Tatiwe shummii bom siisaqli bomtlo. Kiimaq apaiq raq ümtiikiimin amang aleiti ka dunghiq mak phan. Kiimaq khamnyang wiikiitsi chamchaotlaq kriima min khan kok tsiim kuq mak phan.

ISAIA 32:7

Maiqjiqti ka abi. Krai mren ashut li kiimungtlo. Apaiq raq arot chong raüta miitsan maiqse ka tiithenbaiq tantlo kiimaq tsangshiq raq lap phaqsea chang kriimin tangta baiqtlo.

ISAIA 5:12

Namshiq raq poi klo tlan akhing na, phaqlamtoro thun, kiimaq jaqsinpin nai paimin thun tsülanta che kla baknyang polo lantli mochii tlan. Shatmaq Tati raq jamlai wa kiimungtlaq kriika sapphaq man.

JEREMIA 2:7

Ngi raq tsangshiq ka hiqpo hiq win mung na tsuq wan kang, aphe arong ma shongnga wan miitu ahea awa phan lap phaq sea wan miitu. Shatmaq tsangshiq raq ihiqshong ka khoti tiithen baiqto; ngi raq tsangshiq ma akuqha mung ka tiisheshi baiqto.

JEREMIA 31:23

Tati Ningkun Ajongwe, Israilnok Shiikeawe raq ngutlo, “Ümtiikiiwa Ngi raq mungmaiqse tsangmung niishe mitiishong wanha, tsangshiq raq Juda mung maq nai Juda mung na chela thun kiimaq akha mingu, ‘Tatiwe raq asii Jerusalem hiq lam ka mishman kuq laq, apaiq sichang asii hiqshong ba kra.’

Hosea 11:7

Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.

Hosea 13:6

Tsangshiq hiqpo hiqwin mung niishe saüto. Tsangshiq wok phetaktak she riito. Awintsi ma ashkong she riikito. Tsangshiq raq ngi alaqshe riibaiqto.

Hosea 9:3

Israilnok ka Tatiwe raq akuq tsangmung na silu mak she miraq. Tsangshiq ka re raq Ejip mung na hali mitsuqho nong. Kiimaq Asiria mung niishe mitsuq wan. Raüta kiijaq apii chang phan kriishe miphaqsiq wan.

Mikha 2:10

Tiido ronglaq! lanta namchiim jintlo ronglaq. Namshiq chapngachang ka ajaq ahüshe. Namshiq maiqmii thiikho thülan, kiijiishe midea wan han. Lanta laimiq ümwa wan han.

Matthew 4:5

Kra jai miishe, Thawe raq Jesuq ka Asii chela Jerusalem niishe shea wanto. Raüta apaiq ka Shomjam wukhupong diilu pinthum ba kiiniishe shea wan raüta tiichapto.

TRI CHONGKE 32:15

“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.

Revelation 2:21

Ngi raq apaiq ngarai ka tiidii wan miitu akhing kuq kang she. Shatmaq, apaiq ka apaiq sethoq ngarai lamphan wa jang wan ro mak.

1 SAMUEL 15:17

Kiijiishe Samuel raq treto, “Ümniiraq ümniika aki miikiimwe riimak ikhli tiima wan haü jiimin, ümniika Israilnok maiqphan thung khuthaq na tuwejong. Tatiwe raq ümniika Israilnok mung thaq na hokham ma ramkham maq ramram raüta shongto.