ISAIA 26:11 - ASII LAKDAP Bible (BSI)

¹¹ Ümjaqtinok riika ümniiraq tsangshiq ma mo mitiihohaü ngutiika sapmak. Tatiwe lei, tsangshiq ma jea tiingaülaq. Laüta tsangshiq ka tiichamchaolaq. Ümniiraq tsangshiq ma mo tiihochang tiije laü kra mihophaqlaq. Ümniiraq ümsenginok ka ümtinkhan wa lungwiitlaü kra tsangshiq ma tiichhikuqlaq.

Hawa Naga Bible 2001

¹¹ Mnoz rueq mralx hez muex murx tvgurc shuiux lvmz kuex tsuingshiq rueq tuiuz wuez muq. Yehowa lex, tsuingshiq kuex tvyvlc sac vtueq kuilc daz tvrvhumc shuiuz; mnoz rueq tvhungx toq murx kuex tsuingshiq muex tvgurc shuiuz. Mmiqsaz muex mnoz rueq mtanc lac lungwawx vshuiux lvmz kuex tsuingshiq muex tvkhic shuiuz.

ISAIA 26:11 Referencias Cruzadas

YOBA 34:27

jamkhano ngukla tsangshiq raq apaiq jai ka phan mak she tsaqkito kiimaq apaiq aming thun ka wiita shishe baiqto.

Tvtsvmc 10:12

O Tatiwe lei, kra abiwetiim kriima mo tiiholaq! Litkot chamchao maiqse thun ka tsan na tiitsang laq!

Tvtsvmc 21:8

Hokhamwe raq ajaqtinok wiita milap wan; apaiq raq apaiq ngengti ka wiita loweatek milap wan.

Tvtsvmc 28:5

Tatiwe raq ümtinkhan wa jaqsham kuqtaq kra shumii mak riimakla apaiq raq phansang wantaq kra chhimak; Arningkhan apaiq raq tsangshiq ka pattup miitu mishthenbaiq

Tvtsvmc 78:63

Jerobi thun ka re na jiimto, krai mren junriire kong ka alamti ahü she riito.

Tvtsvmc 86:17

Ngi ma ümnaq thuktsom kra tiichhilaq, Tatiwe lei; ngi ngengtikong ka ajeasi miraq ümniiraq ngi boqpumtlaü nai khrumtlaü kra chhi raüta,

DUNGWVNC 9:14

Ümchaü lak niika Ngi raq ümsengi ajong alabi nai ümsengi mungmaiqse lam lam li ma imo ka tiiho mang. Shatmaq imo ka ümniimiimin she mitiihoha. Krai mren ümniiraq ara mangjong hiq na Ngi khan ka jumin ahü nguta misap haü.

ISAIA 1:31

Tsamkü shin phong ka wapüse tiidea raüli, amok riidungli lüwan tlaq ikha, maiq ümtin khan ajong alabi nguta tiitsakitlaqti thun kriimin tsangshiq raq ajiq nai abi jaqsham wantaq kriiriili, tsangshiq ka miqchup mitiithenbaiq wan. Kriishe ngu raüla, tsangshiq then wan tlaq kiiwa jurmin tiikhup wongkuqlot mak she miraq.

ISAIA 10:16

Ajong Pinthum Tatiwe raq tha tiidong raüta ümchaü wok phetaktak siti kiima mo mitiiho. Tsangshiq khum na wa raq khiim wan tlaq ikha khiim wan ruq mikhiim.

ISAIA 10:17

Shiikeawe, Israilnok ma rawüli kriika wa miishe mijaki. Israilnok asii Shiikeawe ka walütu kaü miishe mijaki. Raüta ranaiqshi liipan niili wiita tiihihut, kiida shukrü thun nai chokmun rü thun kriimin wiita hihut mikhiimbaiq.

ISAIA 11:13

Israil mungti raq Juda mungti ka shuliimak she miraq. Kiimaq Juda mungti ka Israil mungti rai wesang riija mak she miraq.

ISAIA 18:3

Taironglaq, mangjong hiq na siti maiqse angu wiita raq! Pumkaütiim thaq na miithii tanglap ashi she mishong wan! Tiitsang taishat maq rekhat ho ma aranphan paison lerong tsütlo she!

ISAIA 37:32

Kiijaq Jerusalem na nai Jajon pum na mungmaiqse ka aso atiichongki asi miraq. Jamkhano ngukla Ajong Pinthum Tatiwe raq arthun arka hongtha wan raa dongdii nguta kha ka toqtan wanto she.

ISAIA 42:13

Tatiwe ka nolajong ikha rekhatkai kitlo; apaiq ka tiijeshat chochikhiq rekhatkai ma. Apaiq raq rechapho ma gitlo, re riim; apaiq raq aningkun heng ajaqtinok ma tiichhikuqtlo.

ISAIA 44:18

Akhnok maiqse kong ka angi ngila sang kong. Tsangshiq raq jamlai wa klotlaq kra sapphaq mak. Tsangshiq mak ka achuk kai kunshe. Kiimaq tsang khutsai kiimin abi kaikun she. Tengteng bomtsi ka tak wan lot mak she.

ISAIA 44:9

Sumla phra phong tiiqtibi ka thiihü. Kiimaq tisho kong tsangshiq raq pinthum shrengtlaq thun ka jam riichang min riimak atuli. Jurwa ara tisho phong ara noqtibi makchuk kiimaq tsiihü kong. Kiimaq tsangshiq ma jea mitiingaü.

ISAIA 5:24

Kriikha na ümchaü min, tsamkü dap nai sangphii shinriiqriiq shinkitlaq raüta wa na phongchaq tlaq ikha michaqbaiq. Nam rangchong thun ka anam she mirki. Raüta namshiq pülii rai tlan ka ashin she mirki. Raüta rahai raq mipan wan. Jamkhano ngukla, Ajong Pinthum Tati, Israilnok asii Shiikeawe raq nashiq ma jamlai wa shrin kuqtaq kra namshiq raq no na tsuqbaiqlan.

ISAIA 59:17

Apaiq raq tingting khapho tri ka samtong kaü rekhat chang liiq ma tiija raüta misam. Kiimaq maiqse tiikhup wongke wan ningkun tu ka jin khuphok kaü ikha akhu na phok raü miraq. Kiimaq apaiq tsan mong na mung ka riikhaqli tri maq peng wan miitu jaqkhon tiiphashat maq tri raütu kra milang wan. Raüta mungmaiqse tiichamchaoti, haihü wantibi ka mo jonghea tiiho raüta phuk milamkuq wan.

ISAIA 60:14

Ümnaq ji maq nishi haihiiti setiim thun misaü wan, Raüta ümji chong na bum raüta ümnaq mishreng. Man na akhing ashi na ümnaq saisiti raq ümjichong maq ümnaq mishomnoq, Tsangshiq raq ümniika, ‘Tatiwe chela’ nguta mingu, ‘Jajon ka, Israilnok asii Shiikeawe chela’ nguta mingu.

ISAIA 63:15

Tatiwe, naishiq ka ramungtan maq liilaq. Kiijaq ümniika asii arai kiimaq achhai anyii waheala sitlaü. Riita ümniiraq naishiq miitu ümtsan tsihea maq tiimatlaü irha ümbano? Ümningkun jong ira ümbano? Ümnaq mangchan tsantsii nai tsantsi mongtsi maq lungwii tsii riimtlaü ira ümbano? Naishiq ka naq shipoqkiq.

ISAIA 66:15

Tatiwe ka watu rai miki. Apaiq ka rathaiq raikhü na ngaraüta misaüho. Raüta apaiq rai tsan arkhiq sitlaqti thun kriima mo mitiiho.

ISAIA 66:24

“Tsangshiq laü wan tlaq akhing na, ikiq khiitibi maiq maa phong kra michhi wan. Tsangshiq maa phong kra phaqti ajong phong ka atsai min tsai mak phan miraq. Kiimaq tsangshiq tiikhiim chaq chang walü nyaitlaq kriimin ümtiikiimin tiimat baiq mak she miraq. Tsangshiq maa phong kra maiqse maklii jaina tiijangphat maiqphai asi miraq.”

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

ISAIA 9:18

Maiqse raq abi klotlaq ngarai walütu riika, wa raq shuktamrü nai chokmun rü khiimphaq wantlaq ikha nyaisiqtlo. Arka rum khiim wantlaq ikha khiimphaq wantlo. Raüta wakhuk mong wa ka ra ma hiq ma mong wantlo.

ISAIA 9:19

Jamkhano ngukla Ajong Pinthum Tatiwe ka atsan khiqhea, arningkhan tiina apaiq raq tsangshiq ma mo tiihotlaq wa ka tsang mung tlotli na wakchaq walü wa ikha tiinyai chaq wantlo. Raüta mungmaiqse ka wiita thumpak tsatbaiq wantlo. Kiimaq maiq pumsii loweatek ka apaiq miituli she sitlo.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 44:28

Shatmaq namshiq phong wa abungse, ralangse, aso se kli she tsaiman milun wan. Lanta Ejip mung wa Juda mung na mijang wan han. Kra aso tiichongki tlaq kriiti riishetiq, namshiq bom sha tengta, sha ibom wa tengtaq, kra misap.

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

Mikha 5:9

Israil raq tsangjaqti maiqmung thun, wiita thumthum mikhat wan, raüta mishthen baiq wan.

Mikha 7:10

Kra akhing na najaqtinok, nashiq nangnga, “Nam Tati Shiikeawe ka, ümbano?” nguta slaiti raq, nashiq tiichhii wan ka michhi. Raüta tsangshiq jea mingaü. Nashiq raq tsangshiq ka, re raq atang wan wishe, lam na boq jimaq nibaiq tlaq ikha michhi rong i.

Mikha 7:16

Pongmungti thun raq ara michhi. Raüta tsangshiq ka tsangshiq ningkun, hengrai raü min jam min riilot mak miraq. Raüta tsang jeasitsi ma tsang nü suk raq, tsangni jaq maq pangraq lishe.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Luke 16:23

Riita, apaiq ka wamungtan na tiiki baiqto. Kriijaq apaiq ka pinthum chamchao siwanto. Apaiq raq ra nü na liito. Raüta Abraham ka ratsan ramong nyang na nga raü chhito. Kiimaq, Lajaras ka Abraham tho na nga raü chhito.

Acts 28:27

Ara jamkhano ngutiikang ngukla, arnok sung atsii ka alamlatkai wishe; kiimaq tsangshiq ni ka alankai wishe. Kiimaq tsangshiq mak ka amiikai wishe. Kiikha riimak ngu raü ka, tsangshiq raq mak maq michhi wa, tsangshiq raq ni maq mitai wa, tsangshiq sung atsii ka tsangrakrak maq misap wan wa. Raüta tsangshiq ka ngi phana miwa wan wa, kiimaq ngi raq tsangshiq tsisi ka, wiita mitiihea kuq wanha chang wa, raüta tsangshiq ka, hansang maq singa wan chang wa,’ ” nguta Shiikeawe raq chongtlo.

2 Thessalonians 1:8

Tati Jesuq ka, kra akhing na, walüli rai tlaq ikha misaüho. Raüta apaiq raq Shiikeawe bomtsi shisheti thun nai nashiq Tati Jesuq bomtsi, Tsütsa Ahea kra lang makti thun ka, wiita mitiichamchao wan.

Hebrews 10:27

Kiikhiiti riika, saüho tlaq Khapho Ranaiq kra, haisi rasong mong na siraütli she mikhe! Kiimaq, Shiikeawe rai riilongliiqti kra tiibun chaq baiq chang, phiiptsi jiiptsi walü henghea sitlaq kra khe raüta si chang li she miraq!

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.

Revelation 3:9

Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.

1 SAMUEL 6:9

Lanta kra awa wan ka tiitsang lii ronglaq. Riita kra Beth Shemesh chela lam nünü kiina wawan raüla, nashiq ma phiiptsi chang thawa tiisaütaq kriika Israilnok Shiikeawe riidea tiisaüto nguta sap ronglaq. Kra riimak jiika, apaiq raq thadong ka tiisaü mak dea ngushat. Kriika miinan joli thadongto nguta misap rong i.”