JEREMIA 23:6 - ASII LAKDAP Bible (BSI)

⁶ Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.

Hawa Naga Bible 2001

⁶ Piq hokhvmx yaungx yaq nuex Yuda miqsaz vhvlx kvguing httax wuez tuex, Israel miqsaz kuex nomic httax wuez tuex. Piq kuex ‘Naungshiq Palc daungc Yehowa’ ngoz tueq gvlc rvhumc tuex.

JEREMIA 23:6 Referencias Cruzadas

1 HOKHVMX 4:25

Apaiq ka atra sishat wiiwii Juda mungti nai Israil mungti mungmaiqse ka khusang rakhang maq sito. Maiqta khan aweatek jaq na maiqmiimii spiqro bagan kiimaq phupmup tsiro bagan asi chhaq siisaq riito.

Tvtsvmc 45:5

Ümliqsin thun ka sihea, ümjaqtinok tsan mong na kholam kholiiq nyapwatlo; maiq mung thun ka ümjichong na bum wantlo.

DUNGWVNC 9:26

Israilnok shongchang, Goshen wang kra lamlam niili tsak-hiiq rok mak riito.

ISAIA 2:4

Apaiq raq maiq mung jonghea hea liipan na kha dongtlaq kra miphokuq wan. Tsangshiq raq tsang nep jasai thun ka thaiwi pen thun miishe mitiiq wan, kiimaq tsang piq thun ka adongton chang saikiip thun miishe mitiiq wan. Maiq mung thun liipan na re dongmak she miraq, chiq chap rechap ka ümtiikiimin sürii mak she miraq.

ISAIA 32:1

Akhing ashi misaü wan, raüla hokham weshi midong. Apaiq raq mung ka tingting tri raütu sham raüta mipeng. Kiimaq mungtubi raq mung ka riikhaq tri raütu sham raüta mirüm wan.

ISAIA 32:18

Shiikeawe senginok ka chamchao chapa ahü she miraq. Tsangshiq jamkun na nai hiqshong na khusang rakhang miraq.

ISAIA 33:22

Kra mokkiitu thun thaq na shongtlaq khea chan chang raütu phong chantlaq kriika atuli she miraq. Khea rahai ma tiithu raüta mokkatu tiikhum chang kriimin chanlot mak she miraq! Nashiq raq renok mokkiitu wa tsiiq tum thun ka tlotli milap wan rong i. Kra sepat lopi tsiiq ka pahea kha maq aküwe rii saqseng min asi. Tatiwe apaiq kli she na mung na hokham miraq. Apaiq raq nashiq mipeng wan. Kiimaq nashiq ka mitiiwong kuq wan.

ISAIA 33:5

Tatiwe ka pinthum jonglu! Apaiq raq phanrap kunli pengtlo. Apaiq raq Jerusalem ka tingting jaqsham kaiwa maq nai athuk atsom jaqsham maq mitiima wan.

ISAIA 35:9

Kiijiika hangsikong min ahüshe miraq, ngamthaiq phan ka kra lam maq khummak she miraq. Tatiwe raq chhiitaqti thun ka, kra lam maq jam na miwa.

ISAIA 42:6

“Ngi, Tatiwe raq ümniika heawan kang lata ningkun kuqkang, hiqraikhü na mung ka tingting kappe maq peng wan miitu. Ümnaq lümaq ngi raq maiq phan tlotli rai tong mishongha; ümnaq lümaq Ngi raq maiq mung thun na rawüli mitiichhikuqha.

ISAIA 45:17

Shatmaq Israil ka Tatiwe raq chhiikuqto, kiimaq apaiq raq rekhat tangtlaq kriika pattup misi wan; asenginok raq jea ngaü mak she miraq.’”

ISAIA 54:17

Shatmaq jamlai chuntsi nyiimwin riimin ümdü na tiimitsi mak miraq; ümnaq shrati tlotli loweatek ma ümkiq khiichang bom asi miraq. Ngi raq ijaqshisetiim ka mitiichhii wanha, lata tsangshiq ma rekhat ka mitiitangha.” Arka Tatiwe raq ngutlo.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

JEREMIA 29:11

Ngi raq namshiq tiijonglu wan miitu ahang sürii lata thütiikang kriika Ngi riili saptiikang. Kra ahang thun ka namshiq ka chiithe ma tiija wan miitu, atiithen jen miitu riimak. Namshiq raq rawiichii miitu ran tsantsii rümtlan thun kra tiikupi wan miitu thütiikang.

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 31:23

Tati Ningkun Ajongwe, Israilnok Shiikeawe raq ngutlo, “Ümtiikiiwa Ngi raq mungmaiqse tsangmung niishe mitiishong wanha, tsangshiq raq Juda mung maq nai Juda mung na chela thun kiimaq akha mingu, ‘Tatiwe raq asii Jerusalem hiq lam ka mishman kuq laq, apaiq sichang asii hiqshong ba kra.’

JEREMIA 32:37

Ngi raq itsankhiq tsi ma nai itsankhiq walüwa hengtsi ma pongmung thun pahea na barapse na nyinshin baiq kang Israilnok ka adam na arjaq hali mitriichom wan nongha. Lata Ngi raq tsangshiq ka arhiq na mishea wan nongha. Lata tsangshiq ka hansang rakhang miishe mitiishong nga wanha.

JEREMIA 33:15

Kra akhing na, Ngi raq Dawit saüse phan wa, kechu hokhamwe ashi mishongha. Kra hokhamwe raq tingting kappe sham raüta mung tlot li ka mipeng wan.

JEREMIA 33:16

Juda mungti nai Jerusalem chelati ka mitiichhii kuq wan. Raüta tsangshiq ka khusang rakhang maq mishong nga wan. Chela mang ka, ‘Tatiwe ka Nashiq kechu,’ nguta mingu.

EJEKIEL 21:27

Thento! Thento! Tengto. Ngi raq chela ka mishthen baiqha. Shatmaq shiithenbaiq akhing ka, Ngi raq ara chela ma mo tiihoke juwa shongkang kriiwe ka misaü wan shaq wiiwii mra ka pinmak miraq. Kiijiishetiq, Ngi raq ara chela ka apaiq jaq niishe mikuqha.

EJEKIEL 28:26

Tsangshiq ka kiijaq hansang rakhang miishe misi wan. Tsangshiq raq jam awak thun mihai wan. Kiimaq spiqtsi ro kra michhi jang wan. Ngi raq tsang mung tro na siti maiq mung thun raq tsangshiq ka thophi riiqphi haihü wanti thun wiita ma, Ngi raq mo mitiihoha. Kiimaq Israil mung ka khusang rakhang miishe mishong nga wan. Tsangshiq raq Ngi ardea tsangshiq Tatiwe tsangshiq Shiikeawe nguta misap wan.”

EJEKIEL 38:14

Kra ningkhan Tati Rakaü Hiqwe raq Gog ma jamlai bom wa chongtlaq kra ngi ma tiichongkito: “Ümchaü i sengi Israilnok ka hansang maq aheawiq shongngatlaq akhing na,

EJEKIEL 48:35

Chela trotam na siimblai ri wa kiitelong peruk ka alu nü na tlotli mitar hingtiikaü. Kiimaq chela mang ka ümchaü armiishe, “Tatiwe-KA-ARJAQ ASI!” nguta miraq.

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

DANIEL 9:7

Ümniika Tatiwe, ümniika phanrap tingting tri raükha tiipha shatti. Shatmaq naishiq riika maiqmii khu na, jeasi thoda hophaq wan laitli wranaiqshe siwankai. Arka tengto dea. Naishiq wiitarü raq hophaq tiikai. Juda mung na siti ngu i kiimaq Jerusalem na siti ngu i, kiimaq tlotli Israilnok mungmaiqse thun, ümniiraq pongmung na, aje na nai maiqmung thun luhea na, tiipin jobaiq laü. Jamkhano ngukla tsangshiq ka ümwokhong na simak riito.

Hosea 1:11

Juda mungti nai Israil mungti ka adam niishe mipong wan. Raüta nokshi hiqshiti miishe mija wan. Raüta tsangshiq raq tsangshiq khuthaq na mungtuwe weshi she mishong wan. Krai mren tsangshiq ka jangshi ri hali mipuchi wan nong. Raüta chiithe lüwa ajong ala miishe mija wan nong. Tengto, Jejreel wangti ka pinthum ajong ala wang miishe mija wan!

Hosea 1:7

Shatmaq ngi raq Juda mungti miika lungwiitsii mitiichhikuqha. Ngi tsangshiq Tati Shiikeawe raq tsangshiq ka mitiichhiikuq wanha. Shatmaq kra tiichhii wan jaqsham ka re tiidong lata jasam piqsii lata tiichhiike wan ka riimak. Ko aliq miika riimak. Kiimaq kumrang thaq chaoti sreabi kong lümiika riimak,” nguta Shiikeawe raq ngutlo.

Hosea 2:18

Kra akhing na ümmiitu, Ngi raq rumnyamsekong nai ra na biti wushi rai, kiimaq hiqraikhü na khumti jongsaü jüse wiita rai, wehea riijawan miitu tong she mishong wan ha. Lata isenginok sichang mung wa, chiqdong redong, ko aliq, ja apiq thun ka wiitashe milam baiq wan ha. Lata Ngi raq ümniika hansang miishe mitiikon kang. Kiimaq ahai asong ahü miishe mitiishong nga wan kang.

Obadia 1:17

“Shatmaq Jajon hiqlam na wiijam mitiipaü wan, kiimaq kriika asii hiq ba she miraq. Kriika Jakob sengi raq milap wan. Kriika tsangshiq tachong hiqshong.

Obadia 1:21

Jerusalem chelati ka rekhat tang wan raüta, arü ariiq wawan tlaq kong raq, Edom mung ka mikhat wan. Raüta mitang wan. Raüta Edom mung ka misiq wan. Kiimaq kra akhing na, Tatiwe apaiq kli Hokhamwe ma mija wan,” nguta Tatiwe raq chongtlo.

JEPHANIA 3:13

Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

JEKERIA 10:6

“Ngi raq Juda mungti mitiitsing ngangha, Ngi raq Israil mungti ka mitiichhii ha. Ngi raq tsangshiq ka mimangchanha, Lata wiitarü tsangmung niishe mitsuq wan ha. Tsangshiq ka ngi raq jangshi min tiishaübaiq mang dongdii ikhiishe, ikhuk na mipom wan ha. Ngi ka tsangshiq Tati Shiikeawe. Ngi raq tsangshiq achu jaü mitreha.

JEKERIA 3:10

Kra ranaiq she saü raüla, namshiq ashi maq riita ashi raq, maiqmii jamthaq jamkiqti ka mihea han. Lanta chojong chise maq, kiimaq hansang maq, nam jamkea tro na, spiqro nai phupmupro mong niishe mishong wan han,” nguta Tatiwe raq ngutlo.

Romans 3:22

Shiikeawe raq maiqse ka, Jesuq Khristo ma kamtsantsii thü tlaq kra lümaq, apaiq rai wehea she, kechu maiqse she nguta shramtlo. Maiqse ümchu riiwa, Jesuq ma kamtsantsii thü tlaqti thun kunli ka, Shiikeawe raq apaiq rai wehea she nguta shramtlo. Jehudinok phan nai Pongnok phan maiqse liipan na, jamlai phan atiikhothiq chang min ahü she. Wiitarü adam ngarai maiqse siisaq li sitlo.

1 Corinthians 1:30

Shatmaq Shiikeawe raq namshiq ka Jesuq Khristo rai pumshi hanshi she tiija wanto. Kiimaq Shiikeawe raq Jesuq Khristo ka nashiq ma pinja kaüshe tiija kuqto. Apaiq lümaq nashiq ara Shiikeawe rai wehea she tiija wanto. Nashiq ka Shiikeawe sengi asii arai maiqsetiim she jawan kai. Kiimaq nashiq ka ümchaü aki miikiim maiqse siisaq she jawankai. Thawe dikong ka riimai she. Nashiq ka Jesuq Khristo raq ngarai mong wa adaa wan wishe.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

Philippians 3:9

Kiimaq klang maq, apaiq rai tiipum tlii maq siwan miitu tsuqbaiq kang. Thungtri lang lata alap wan kechu rilung ka, i khum na ahü she. I khum na, ümchaü sitlaq kechu rilung arka, Khristo ma kamtsantsii thü kangta akuq kechu rilung kriili she sitlo. Arka kamtsantsii khuthaq na seng raüta, Shiikeawe raq akuq.