JEREMIA 23:5 - ASII LAKDAP Bible (BSI)

⁵ Tatiwe raq ngutlo, “Ngi raq Dawit saüse phan wa kechu hokhamwe ashi mishongha. Kra hokhamwe raq taksu tsü maq kiimaq tri raü ka riikhaqli sham raüta mung hamli ka aheawiq mipeng wan.

Hawa Naga Bible 2001

⁵ Yehowa rueq, “Dawid suiuz vsaz wawc tsuingrux hokhvmx vshiz ngaz rueq thvl taq shaungx vkhing httuiuc wvnc tuex. Kvruex hokhvmx waz rueq taksux maq guimz lawc vtueq wvmungx tuimx kuex tsuingrux nuiyc tvrac vlvmz maq guimz shuex.

JEREMIA 23:5 Referencias Cruzadas

2 SAMUEL 23:3

Israilnok Shiikeawe raq chongto; Israilnok tiikhup wongketiwe raq, ngi ma akha chongto: “Tri kappe tingting shamti hokhamwe ka, Shiikeawe aming phanphan, mung peng wantiwe ka,

Tvtsvmc 45:4

Rekhat tanglaü achhai anyii khushü thaq na chaolaq tengteng bomtsi nai tingting tri tiiwonglaq! Ümningkun maq rekhat thun jonghea mitanghaü!

Tvtsvmc 80:15

Kira laüta ara spiq tsung ümniiraq achhihaü kra tiichhiilaq, ara spiq tsung ümniiraq tiijonglu tlaü kra chhiilaq!

Tvtsvmc 99:4

Ajong Pinthum Hokhamwe lei, ümniiriika riikhaqli jaqsham lungwiitlaü; ümniiraq Israil mung na tingting tri raütu shonglaü she; ümniiraq kha ka tri maq phokuqtlaü kiimaq makliishi maq photlaü.

ISAIA 33:5

Tatiwe ka pinthum jonglu! Apaiq raq phanrap kunli pengtlo. Apaiq raq Jerusalem ka tingting jaqsham kaiwa maq nai athuk atsom jaqsham maq mitiima wan.

ISAIA 4:2

Akhing ashi misaü wan, kra saü wan raüla, armung na nai pechong aweatek ka Tati raq aheawiq jonghea luhea kiimaq alüsea chang tsomhea mitiijonglu wan. Israil mungti ümchuwa re jaq song tiichongtaq kriithun ka tsangshiq raq wak shamsiqtlaq kriiwa tü atsam thun rongboq tsosiq wantlaq kra chhi raüta pinthum khoqriiq shishiiq miraq. Kiimaq maiqmii hüko phok hihi she midoqsiq. Raüta misrasiq wan.

ISAIA 42:6

“Ngi, Tatiwe raq ümniika heawan kang lata ningkun kuqkang, hiqraikhü na mung ka tingting kappe maq peng wan miitu. Ümnaq lümaq ngi raq maiq phan tlotli rai tong mishongha; ümnaq lümaq Ngi raq maiq mung thun na rawüli mitiichhikuqha.

ISAIA 45:24

“Tsangshiq raq Ngi lümaq lam lam li, rekhat mitang kiimaq ningkun milap wan; shatmaq Ngi ngengti thun ka tlotli raq jea mingaü.

ISAIA 52:13

Tatiwe raq ngutlo, “Ijaqshise raq apaiq jaqsham na ong wan ruq miraq; apaiq ka maiqse raq pinthum mishreng wan.

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

ISAIA 53:2

Kriika Tatiwe apaiq raq dongdii thimi wanto, ajaqshi se ka pechamse ikha hiq shinriiqriiq ba na cham raüta arang ka hiq mong na cham chang nguta thapthi wanto. Apaiq sham ari ka achaq awaq ka riimak. Kiimaq shamhea shamjü alüsea chang ka riimak. Nashiq raq apaiq ka maiqse wiqwiq dea nguta chhiha wanli chang ka riimak. Apaiq sham na liiraüta atsomwiqse dea nguta maiq maklii ranphan chang ka ahü riito. Nashiq raq apaiq ma tsan tiitsi chang sham ka ahü riito.

ISAIA 9:5

Rewe phenlabi hokpa thun ka kiimaq tiijai da tamtili tsangshiq miirii thun ka, wa miishe chaq raüta mitiithenbaiq.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 22:15

Nanok thaq na ümjam ka maisak pe maq hai laütiisha, ümniika maiqshaq hokhamwe ma mija haü? Ümwe rilung ka aluwiq sito. Apaiq raq mung ka wranaiqshe tingting kiimaq riikhaqli tri maq pengto, krai mren apaiq raq jaqsham wantaq na, achu shiiman ramram asi riito.

JEREMIA 22:3

“Ngi Tatiwe raq namshiq ma jamlai wa tingting kiimaq riikhaqli kra sham ronglaq nguta aming tat tiikang. Wepuq weseti maiq raq laoliitlaq kriiwa, apaiq laotiwe jaq khon mong kiiwa tiichhii kuq ronglaq. Maiqse ka jimaq nishishi haihü maimak. Kiimaq pongmungti wanshawe kiimaq jechi nomisetiim kra, riimakla manti nyungre kra, nanshan shan haihü raamak. Kiimaq ara asii hiqshong arjaq maiqsang jamshut phit makti ka tsea baiq raamak.

JEREMIA 22:30

“Arwe arka tiidearok shra baiqto, asetiim ka apaiq raq asham chhimak she miraq, apaiq pum songti maiq ka ahüshe miraq. Apaiq saüsetiim Juda mung pengti, Dawit changkhü songti ka ahüshe miraq. Arka Ngi, Tatiwe raq toqtan tiikang.”

JEREMIA 23:6

Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.

JEREMIA 29:11

Ngi raq namshiq tiijonglu wan miitu ahang sürii lata thütiikang kriika Ngi riili saptiikang. Kra ahang thun ka namshiq ka chiithe ma tiija wan miitu, atiithen jen miitu riimak. Namshiq raq rawiichii miitu ran tsantsii rümtlan thun kra tiikupi wan miitu thütiikang.

JEREMIA 30:3

Jamkhano ngukla jai maq akhing saüwan raüla Ngi raq isenginok, Israil mungti nai Juda mungti ka tsangshiq hiqchü rachü kiina mitiishongnga wan nongha. Ngi raq tsangshiq ka tsangtitiim ma akuq wanha hiqshong rahai chü mung kiijaq mitsuq wan nongha. Krai mren tsangmung ka tsangshiq raq hali milap wan nong. Arka Ngi, Tatiwe raq ngutiikang.”

JEREMIA 30:9

Raüta tsangshiq raq Ngi ka, tsangshiq Shiikeawe she nguta mishli liiwan, kiimaq Dawit lai wa maiq weshi, Ngi raq hokham ma shong wan tiikang kra mishkum pan wan.

JEREMIA 31:27

“Ngi, Tatiwe raq ngutiikang, akhing ashi misaü wan, kra akhing na, Ngi raq Israil mung nai Juda mung ka maiqse maq nai nyamse maq mitiimaha.

EJEKIEL 21:27

Thento! Thento! Tengto. Ngi raq chela ka mishthen baiqha. Shatmaq shiithenbaiq akhing ka, Ngi raq ara chela ma mo tiihoke juwa shongkang kriiwe ka misaü wan shaq wiiwii mra ka pinmak miraq. Kiijiishetiq, Ngi raq ara chela ka apaiq jaq niishe mikuqha.

EJEKIEL 34:16

“Rum na miikitaq thun skusetiim ka arit mirkiha. Lata jam na misheawan nongha. Ami atsi tiibuktaq thun kra tsiq maq aphum mirkuqha. Lata ami ba ka khea maq ajop mirkuqha. Kiimaq atsi asiti thun ka atiihea mirkuqha. Shatmaq piitatati thun kra kiimaq ahong alati thun ka atsea mirbaiqha. Jamkhano ngukla Ngi ka riikhaqli tri maq skusekong rümtiwe.

EJEKIEL 34:29

Ngi raq tsangshiq ma hiqpo hiqwin hiqshong she mikuqha. Lata tsang mung na ram ka tiidong mang she mirha. Pong mungti thun raq tsangshiq ka thophi riiqphi shummii mak she miraq,

EJEKIEL 45:8

Ara binwiiq arka Israil mung na mung pengtiwe hokhamse sitlaq kra rii athiiq miraq. Krai mren apaiq raq asenginok ka jamsha raa mak she. Riishatmaq kriiwa chantlaq mung wa hiq thun ka Israilnok mungmaiqse maiq phan ümchuwa kra miitu she miraq.

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

Hosea 1:11

Juda mungti nai Israil mungti ka adam niishe mipong wan. Raüta nokshi hiqshiti miishe mija wan. Raüta tsangshiq raq tsangshiq khuthaq na mungtuwe weshi she mishong wan. Krai mren tsangshiq ka jangshi ri hali mipuchi wan nong. Raüta chiithe lüwa ajong ala miishe mija wan nong. Tengto, Jejreel wangti ka pinthum ajong ala wang miishe mija wan!

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

AMO LUIK DVP (AMOS) 9:11

Tatiwe raq ngutlo, “Ranaiqshi akhing saü wan tlo, kra ranaiq ngi raq, Dawit Hokham mungtan jam ari arwa hiq na, phintsiiptsiip bumtlaq kra, mitiichap kuq wan nongha. Ngi raq khetuk thun wiita arüm arki, wiitashe mitiihea hai wan ha. Man na rathup rapha ji na jamkho ajong ala sitaq, kiikha mitii jonglu wan ha.

Mikha 5:3

Arningkhan ümchaü sanha, Tatiwe raq asenginok ka, chiqse rewe jaq mong niishe milikuqbaiq. Arka chongkai jechak nyung raq, nowüchhi akhing misaüshaq wiiwii. Kiijiishetiq aphu ano munglu asiwati kiimin, tsangmung niishe adam misi wan.

JEKERIA 3:8

Arkha na, tailaq, Ramwe Jong Joshua lei. Kiimaq, Joshua jaq tiihapti ramwebi, namshiq riimin, namshiq ka rawiichii miitu miithii ashong. Jamkhano nguraü la, ngi raq jai na ijaqshise ashi saühotlaq, Pekü ngutlaqwe sham ka mitiichhi kuqha!

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Matthew 2:2

Raüta akha waito, “Jehudinok hokhamwe ma jati no dotaq kra ümchaü ümbano? Naishiq raq apaiq raiqsaiqpo ka shedong mung nü na atiiji arki chhi kai. Kra chhi laita naishiq ka apaiq shomnoq kai ana kikai.”

John 1:45

Kiimaq Philip ka Nathaniel rai riihumto. Raüta, apaiq ma chongto, “Naishiq raq Najareth hiqti Joseph se, Jesuq rai riihumkai. Apaiq miitu ka Mosheq raq Thungtri lakdap na waiq thüto. Kiimaq, shammibi riimin waiqthüto.”

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

1 Corinthians 1:30

Shatmaq Shiikeawe raq namshiq ka Jesuq Khristo rai pumshi hanshi she tiija wanto. Kiimaq Shiikeawe raq Jesuq Khristo ka nashiq ma pinja kaüshe tiija kuqto. Apaiq lümaq nashiq ara Shiikeawe rai wehea she tiija wanto. Nashiq ka Shiikeawe sengi asii arai maiqsetiim she jawan kai. Kiimaq nashiq ka ümchaü aki miikiim maiqse siisaq she jawankai. Thawe dikong ka riimai she. Nashiq ka Jesuq Khristo raq ngarai mong wa adaa wan wishe.

Hebrews 8:8

Shatmaq, Shiikeawe raq asengi nok khuthaq na atiishut wan bomtsi asi chong tlo chhitiikai. Asii bomtsi na akha bomthü raükha asi, “Jai maq akhing ashi na, Ngi raq Israilnok phan nai Judanok phan rai, tongshong anye miishe kha lata miri ram wan ha.

Revelation 19:11

Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.