Matthew 4:17 - ASII LAKDAP Bible (BSI)

¹⁷ Kra akhing miiphat sanha, Jesuq riishe nokmaiqse ma trahoke wan jaqsham ka akhiishe phahoto: “Namshiq ngarai lam phan wa jang wan ronglaq. Jamkhano ngukla Ramungtan ka aje niishe!”

Hawa Naga Bible 2001

¹⁷ Kvruex baunglaung maq phaungc vtueq Yesu rueq bomjungc jungphvnx wvnc tueq kuex: “Raungx Mungtan kuex httuiuc wvnc yaq shex, nuimshiq mvrax wawc thuinz kvlayc wuez vtueq yek waung wuez luit!” ngoz tueq.

Muklom

¹⁷ Ethi rangham wang, Jesu aa phang phanchan ta, “Ngarey wang wel inn, chammatakoi rangmungtan rapney arelna!”

Matthew 4:17 Referencias Cruzadas

Matthew 10:7

Kirong laq. Lanta, ‘Ramungtan ka aje niishe!’ traho kirongkiq.

Matthew 11:12

Khamlamketi we Johan raq Ramungtan Tsütsa trahokuq wantaq kiimaq pha wan raüta, ümchaü ranaiq niitaq saüli, Ramungtan sham akai ka pinthum chiq are raq along aliiq li tiichamchao wanto.

Matthew 13:11

Kiijiishe Jesuq raq treto, “Ramungtan sap wan anyan phaqchi apaü raüta athü kra namshiq miika kuqto she. Shatmaq tsangshiq miika tiichhikuq mak dea.

Matthew 13:24

Jesuq raq tsangshiq ma shiiton manphan bomtsi ashi maq hali phankuq nongto: “Ramungtan ngutlaq ka akha. Bom shiiton maiq weshi raq awak na bunwong lai laihea wiq ka wankito ngu i.

Matthew 13:47

“Kiimahali Ramungtan ngutlaq ka akha: Ngiq khupti raq tsangshiq chiiq jong kaü kriimaq thamchum kaü mong na khup raüta, phanrap phanrii ngiq ka chiiq mong na tiinyap wanto.

Matthew 13:9

Kiimaq Jesuq raq abom ka akha shatto, “Juwa ni asi, kriiti raq tiitsang tairong laq!”

Matthew 25:1

“Kra akhing na Ramungtan ngutlaq ka akha miraq. Kriika ara shiiton manphan chong tiikai akha miraq: Akhing ashi na junrii nyungroqshi ka maiqmii lemtem doraq maq rohunti we kra humkai nguta kito.

Matthew 3:2

“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”

Matthew 6:10

ümmungtan kli misaülaq; Ramungtan na ümniiraq athithi shamtlaq kiikha mangjong hiq niimin mishamlaq.

Matthew 9:13

Asii bomtsi na, ‘Ngi miika mangchan tsii li ra tlo, honglu ngamrea thop ka riimak!’ nguta chongtlaq arka jamlai ngo wa, kra namshiq raq samhea phat rong laq. Lanta kra liichum ka takwan han jaq ahea miraq. Ngi ka chiisan maiqsetiim heakai akiha riimak; ashleq arbaiqti thun kra triichom sheakai kikang.”

Luke 15:10

Ngi chongpha, tai ronglaq, ikhiisii hali, Shiikeawe rasetiim kiimin, ngarai maiqse ashi raq tsantsii klai raü la, kai michochi!”

Luke 15:7

Ara chongtiikang akhiisii hali, ramungtan niika, ngarai tiidii ra mak kechu maiqse nguta tiima raüta, maiq roqtiikaü ri tiikaü sitlaq kra thaq na, maiq weshi ngarai maiqse tsantsii klai tlaq kra chhi raüta, apa michochi.”

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

Luke 3:23

Jesuq raq apaiq traho jaqsham phaho akhing na, apaiq rawii ka wiiroqtsam tin she riito. Apaiq ka nanok raq, Joseph se nguta tiima wanto. Joseph ka Heli se.

Luke 5:32

Ngi ka lüsaü wase sitlaq kriiti ngarai diike kai akiha ka riimak. Shatmaq, anun phan nai ashleq arbaiq maiqse sitlaq, kriiti ngarai diike kai akiha.”

Luke 9:2

Raütiishe, apaiq raq tsangshiq ka, Shiikeawe Mungtan bom tra hokekai thaüto. Kiimaq atsi asititi thun kra tiiheake kai miitu tiikito.

Acts 11:18

Tsangshiq raq ara Petar raq chongkuqtaq tsütsa kra tai raütiishe, tsangshiq raq Petar shra bom nyantaq kra diibaiqto. Kiimaq, “Ikhiijiika, Shiikeawe raq ara Pongnok phan maiqse miimin, tsangshiq ngarai kra tiidii miitu, tsangshiq miimin kilü ka dikuqto she dea. Raüta tsangshiq miimin, atra maq si miitu rilung lam she tankuq wanto!” nguta tsangshiq raq Shiikeawe kiishe tiitsam kamto.

Acts 17:30

Riita, maiqse raq man na lea wantaq pat achat na, Shiikeawe lamphan ka sap wan mak maq siwantaq thun akhing kriika, apaiq raq raüpot kha mak she. Shatmaq, ümchaü ka apaiq raq tsangshiq tarü kunli raq abi ngarai lamphan kiiwa tsantsii klai rongliishe nguta aming ka kuq tlo.

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

Acts 3:19

Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

Hebrews 6:1

Lo ta, ikhiijiika, nashiq ka sinkhu na wawan ruq li warong i. Laita maiqla raq phaqsea chang, atsaü bomtsi kriishe phaqsi laita si rong i. Man niiwa, nashiq Phung na shang pha wa, atiicham pha chang, Phungmaiqse rilung tsütsa tai kai kriika, ümchaü bliiq chongki nong mang she. Namshiq riimin kra apha wan chang hiqkhu phishi kiijiili ka naq nga rai rongkiq she. Ra na dü wan chang. Ümchaü nashiq riika apha wan tsantsii klai wan laita, thiihü rilung jaqsham ka miimthü kai she. Laita Shiikeawe wokhong na nyap wan kai she.