Matthew 19:28 - ASII LAKDAP Bible (BSI)

²⁸ Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Hawa Naga Bible 2001

²⁸ Yesu rueq tsuinghez muex, “Ngaz rueq nuimshiq muex vsuing jungx kuq ix, Ghaq Vnyalx kvlayc wvnc tuex pat nuex, Miq Saz vruex kuex ngauz vngax mvrc yaq hoc daungraungc nuex ngaungc tuex kvkaq, nuimhez ngvy kungjix bix rokshiz rac wanueyc muinz hoc daungraungc rokshiz rac vnueyc nuex ngaungc naungx vtueq, Israel phvnx waruiuz rokshiz rac vnueyc kuex guimz lawc shuinz.

Muklom

²⁸ Jesu aa batta, “Nga asing bat phang, mingkang anal rangham tho, Miqna Sa lungwang ang eq phun amun tongching na tong ajo, nim asi ani i jiphantey tang sha asi ani tongching na tong eq, Israel asi ani phan sha khaphung nin.

Matthew 19:28 Referencias Cruzadas

1 HOKHVMX 18:31

Raüta apaiq raq longkaü kaüroqshi ri kaünai doto. Arka maiqphan phanroqshi ri phan nai kra miitu, phanshi miitu longkaü ka kaüshishi phongto. Arka Jakob setiim weroqshiri wenai mangtaq kra phan phan phongto. Jakob mang ka Tatiwe raq Israil ngutiishe mangto.

2 KAÜWA WERAÜ 9:19

Kra hiqkhuphi thun kiijaq hangsi sumla kaütiim ka kaüroqshi ri kaünai riito. Hiqkhuphi phishi siimhapri tiisup niika hangsi sumla kaüshi shi asi rito. Ara hokham ngacho atin khan tsom ka hokham maiq mung ahin na juwe riimin klo mak dea riito.

EJRA 6:17

Tsangshiq raq Shomjam wa poi klo wan miitu, minsaü pongwetiim ka shishi, skukong ka shinai, kiimaq sku aransetiim ka shiblai honglu na na tato. Kiimaq hali, chhechhi ka roqshi ri anai kra tsangshiq ngarai tiidii wan miitu takuqto. Arka Israilnok maiqphan phanroq shi ri phannai sitlaq kra miitu, maiqphan phanshi miitu chhechhi ka kaüshi shi wea raüta takuqto.

DUNGWVNC 15:27

Kriimaq anap ranaiq miishe tsangshiq ka Elim hiq niishe saühoto. Kiijaq tsiimse raisetiim roqshi ri anai asi riito. Kiimaq palm chong ka chong roq miishi riito. Kiijaq tsangshiq ka tsiimse raikii na piitiip teito.

DUNGWVNC 24:4

Kiimaq Mosheq raq Tatiwe raq akuq aming thun ka wiita waiq thüto. Kriimaq nap jai ranap chu maq apaiq raq kra pumji na berong-wacha ashi haito. Kiimaq longkaü roqshiri kaünai, Israilnok maiq phan phan roq shi ri phan nai kra miitu maiq phantek miitu kaüshi shi shongto.

DUNGWVNC 28:21

Ara longseng po thun armong niika Jakob setiim weroqshi ri wenai mang thun ka longseng poshi mong na weshi shi mang khat waiq raüta shaqbaiq chang. Raüta Israilnok maiqphan thun kra mang chong la na sichang.

ISAIA 65:17

Tatiwe raq nguto, “Ngi raq hiq ka anye kiimaq ramungtan thun kiimin anye she tiiqtiikang. Man niiwa mrong mra ümchuwa pin wantaq kriika tiisiirai alaq she mirbaiq wan.

ISAIA 66:22

“Hiq anye kiimaq ramungtan thun anye ka jamkho iningkun wokhong maq pattup pat-sa mingang wan, kiikhiisii hali ümsaü ümsetiim thun nai ümmang ka mingang wan.

LEWI 24:5

Bunwong win kilogram roqshi ri anai lam laüta winsii ka roqshi ri anai kolaq.

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 19:27

Kiijiishe Petar raq treto, “Riita naishiq ha? Naishiq raq phanrap miimthü laita ümjai she phan wan kai ahata. Naishiq raq jamlai phan wa milap wan hai ta?”

Matthew 20:21

Kiijiishe, Jesuq raq, “Ümniima jamlai phan wa ra tla?” nguta kra nyung ma waito. Apaiq raq treto, “Ümtiikiiwa ümniika Hokham ma jatlaü, kra akhing na i se nai arka jaqtsi na weshi, jaqpha na weshi mitiinga wan ha nguta kiqkham kuqlaq.”

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

Matthew 6:33

Ara rii na, Shiikeawe mungtan nai kechu maiqse ma jawan riiwe kli rit rong laq. Raüla, arthun arka mikuq wan dongdii.

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Mark 10:37

Tsangnai raq treto, “Ümniika ümtiikiiwa Hokham Ajong ma ja laüta mangjong hiq ka milang haü, kra akhing na ümniirai, nainai siphu armin, ashi jaqtsi na, ashi jaq pha na tiinga haü jaq ahea nguta tiima tiikai.”

Acts 3:21

Shiikeawe raq awokhong na siti asii shammibi nübok maq, man na rathup rapha richü pat na, riisham bom tiichongtaq kra phanphan, Jesuq ka ramungtan na siruqli she misi wan. Apaiq ka Shiikeawe raq, ara phanrap ra nai hiq sitlaq ara, tingsang anye ma tiija wan rahiq akhing saü tlaq kiijaq saüli, ramungtan niili she mitiisi.

2 Timothy 2:12

Kiimaq nashiq raq phanrap chamchao, nin wan ruq maq siwan hai jiila, nashiq riimin, apaiq rai mung milang wan dam rong i. Kiimaq nashiq raq apaiq ka, Tatiwe riimak nguta tiishaü hai jiila, apaiq riimin, nashiq ka Khapho Ranaiq mitiishaü baiq.

JOSHUA 3:12

Riita ümchaü min, Israilnok maiqphan phanroqshi ri phan nai kiiwa, phanshi wa maiq weshishi kra tsea rong laq.

2 Peter 3:13

Shatmaq nashiq riika, Shiikeawe raq ra thun ka anye kiimaq mangjong hiq diim ka anye she mikuq ha nguta nashiq ma kiqkham kuqtaq kra miitu, khe tiikai. Kra chongtlaq, ra thun anye kiimaq hiq anye tiiq wan tlaq kiijiika, Shiikeawe sengi kechu maiqsetiim siisaq li she misi.

Revelation 11:16

Kiijiishe, welabi nyungwere roqnairi weblai, Shiikeawe khaki na tsangshiq maiqmii hokham ngachang na ngaraqraqti raq, tsangshiq ka hiq na bumrang raüta, Shiikeawe ka shomnoqto.

Revelation 12:1

Kiijiishe, pinthum awang chang jonghea rawang win na tiijikito chhikang. Kiijaq maiqnyung ashi, apaiq miirii ka rashe kaü samraü, kiimaq jipi kaü thaq na ahok ka tiida raüta nga raü chhikang. Kiimaq apaiq hokham khuphok phok tlaq kriika raiqsaiqpo roqshi ri anai maq tiimii raüta ahai riito.

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.

Revelation 21:5

Kiijiishe, hokham ngacho na ngati we raq nguto, “Ümchaü ngi raq phanrap ka anye she tiiq tiikang!” Apaiq raq ngi ma hali thaüto, “Ara bomtsi ara waiq thülaq. Ara bomchong ara tengteng kiimaq akamsea chang.”

Revelation 22:2

Raüta chela mong na lamjong tingting maq jükok ka kihoto. Kra jürai siimhap ri takii niika, rilung tsitsü petsi chong chap raqraq. Kra pechong raq rawiishi niili, jangroq shi ri jangnai nai nai, jipitek na jangshi shi tsitlo. Kiimaq ajaq thun ka maiqmung ümchuwa sitlaq kra, atsi asi tiiheake miitu.

Revelation 22:5

Kiijiika ranyaq mak she miraq. Kiimaq tsangshiq ma piijongteng lo, rashe kii lo kiimin raa mak she miraq. Jamkhano ngukla, Tati Shiikeawe kli she tsangshiq ma rawüli miraq. Kiimaq tsangshiq ka hokham ma jaraüta, pattup pat-sa mung she misiq wan dam.

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.

Revelation 4:4

Hokham ngacho komtam na, hokham ngachang ngacho ahin ka roqnai ri blai asi. Kiijaq nyungwere shiilangbi roqnai ri weblai ngaraqraq riito. Tsangshiq miirii ka alü, kiimaq tsangshiq ka chaq khuphok phok raq raq.

Revelation 7:4

Kiijiishe ngi raq, Israilnok phan wiita wa Shiikeawe sil maq khakam na raiwaiqtaq thun tlotli ka 144,000 saüto nguta chongto taikang. Tsangshiq ka Israilnok kaüwa weraü roqshiri anai wiita wa rai wanto.