Luke 12:31 - ASII LAKDAP Bible (BSI)

³¹ Kriikha maq, namshiq ka, Shiikeawe Mungtan miituli tiima tsantsii ka atsi maq thü lanta sironglaq. Kiimaq apaiq raq namshiq ma arthun arka mikuq dongdii.

Hawa Naga Bible 2001

³¹ Nuimshiq rueq vpiq Mungtan kuex thuiyx wuez shuinz, kvkaq rax yaq htenc kuex nuimshiq muex kuq shuex.

Muklom

³¹ Etharin Shkewa mungtan shi bi inn, etho piq aa nim ma iri tang thaji raa kophanin.”

Luke 12:31 Referencias Cruzadas

Tvtsvmc 34:9

Tatiwe shreng ronglaq, asenginok tlotli raq; apaiq aming wokhong na sitibi ka winkhiq sitlo.

Tvtsvmc 37:19

Rahiq abi akhing ranaiq min tsangshiq ka chamchao mak miraq, ramdong raü min tsangshiq ka phaq asea chamtraq miraq.

Tvtsvmc 37:25

Ngi ka ümchaü ka tikii she; ngi ka rilung luhea sikang, shatmaq ngi raq kechu maiqse ka Tatiwe raq tiishaübaiq wan chhi mang shaq riimakla asetiim ka maiq dungja jaüsea chhimang.

Tvtsvmc 37:3

Tatiwe ma kamlaq, laüta shamhea kaiwa shamlaq; laüta mung na hansang maq shonglaq.

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

ISAIA 33:16

Kra riihan jiila namshiq ka mitiichhii kuq wan. Namshiq ka trotam maq kiitelong maq peruk weshaüje chela mong na siti ikha ahai song chang min ahü miraq. Namshiq ma phaq nai sea kiimaq kham anyang chang chamtraq asi miraq.

Matthew 6:33

Ara rii na, Shiikeawe mungtan nai kechu maiqse ma jawan riiwe kli rit rong laq. Raüla, arthun arka mikuq wan dongdii.

Luke 10:42

Shatmaq, ümniima phanshi dea ra tlo. Meriq riika, riikhaqli phan tsea wanto. Kiimaq arka apaiq jaq wa, jurmin nyeaho lot mak she miraq.”

Luke 12:30

(Ara jamkhano chong tiikang ngukla, ara mangjong hiq wa thatsang maiqse angu kli tiina, wranaiqshe, arthun ara miitu chapa siq tlaq.) Namshiq ma arthun arka ra tlo nguta, nam We raq asap.

John 6:27

Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

1 Timothy 4:8

Nashiq raq han-ngam maq ümchuwa jaqsham tiikai ara riika, nashiq han-ngam khum ara aphin tiija tlo. Narii tiihong tlo. Shatmaq, arthaq na kaü raüta, athii atsin ka, nashiq raq kamasham jaqsham tiikai ahata rahea phan jaqsham. Ara riika, nashiq rilung na, phanrap lam na awongsii ma tiija wan tlo. Kriika, ara mangjong han-ngam miituli min riimak. Rawiichii nashiq wenyi rilung miitu amet jonghea tiitsingo wan tlo.

Hebrews 13:5

Kampho ma naq sü ramrai rongkiq. Kra rii na, namjaq na jamlai wa asi, kra sham lantli, chochikhiq maq si ronglaq. Jamkhano ngukla, Shiikeawe raq, “Ngi raq namshiq ka ümtiikii jiimin, amang ale maq tiichamchao mang. Ngi raq namshiq ka ümtiikii jiimin, tiishaü baiq mang,” nguta ngutlo.