TAKSU LAK 8:18 - ASII LAKDAP Bible (BSI)

¹⁸ Ngi raq tsiiq nai shreng mikuqha, chiithe lüwa ma tiijalata, phanrap na mitii ongha.

Hawa Naga Bible 2001

¹⁸ Luiz waungx nuiyc tvtsanc nganc lvmx, rungwanx juing nuiyc lotlaungc juing lvmx kuy tvkoc muinz ngaz rueq lvp vshaungx.

TAKSU LAK 8:18 Referencias Cruzadas

Tvtsvmc 112:3

Apaiq jamkun ka chiithe lüwa tajam miraq, kiimaq apaiq ka pattup thummak rongboq miraq.

Tvtsvmc 36:6

Ümnaq kechu ka pum thun ikha diiluhea; ümniiraq tingting khapho tlaü ka khamjong chum ikha tsaühea. Maiqse nai nyamse thun ka ümniiraq rümtlaü.

TAKSU LAK 11:4

Ningthoi ranaiq tsiiqtum raq, ümrilung tiichhii lot mak. Kechu jaqsham raq üm rilung mitiichhiilot.

TAKSU LAK 24:4

Khok thun ka, phanrap phanrii athuk atsom, araa phan ngachang, tiihong raüta tiisapdatlo.

TAKSU LAK 3:16

Anyan phaqchi raq ümniima rilung kuqtlo, kiimaq tsiiq nai shreng manto kuq tlo

Matthew 6:33

Ara rii na, Shiikeawe mungtan nai kechu maiqse ma jawan riiwe kli rit rong laq. Raüla, arthun arka mikuq wan dongdii.

Luke 10:42

Shatmaq, ümniima phanshi dea ra tlo. Meriq riika, riikhaqli phan tsea wanto. Kiimaq arka apaiq jaq wa, jurmin nyeaho lot mak she miraq.”

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

2 Corinthians 6:10

Naishiq ara acha apa ranaiq min, khoqriiq shishiiq miili sitiikai. Naishiq arka miitsan miijan maiqse ikhli sirai tiikai. Shatmaq naishiq raq maiq pahea ka chiithe lüwa ma tiija kuq wan tiikai. Naishiq ka jaqhü jihü ngo chang chang ikha sirai tiikai; shatmaq naishiq jaq na phanrap asi.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

Philippians 4:19

Arai mren, Khristo Jesuq lümaq, ngi raq shomnoq tiikang, i Shiikeawe raq, apaiq tsiiqchong nyamchong ümchuwa, atum atum maq to raüta rüm tlaq kriiwa, namshiq ma phanrap ümchuwa rong ra tlaq kra, apaiq raq chomkuq wan ruq miraq.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.