LEWI 4:3 - ASII LAKDAP Bible (BSI) Kiimaq Ramwe Ajong Pinthumwe raq ngarai tang raüla mung khuthaq ashut klo raüla, apaiq raq minsaü pongwe are, akhum nyeajokjok ami atsi jam min ahü kra lam wan raüta apaiq ngarai miitu Tatiwe ma honglu na take chang. Hawa Naga Bible 2001 Mkhoc shoc maq Shomc Wayungx kuex nawk palx htungx vlayx nuex yaq phaq gay vtueq mvrax yaq gay ruiux yuq, miq htauk nuex muinz mvrax httuiuc juing ningkhvnc nuex, piq rueq vmac vtsac vguez manx vroalc kuex miqmac mvrax kvdawc tvkoc Yehowa muex shomc kuy rax. |
Kiimaq hokham tahii jamtitiim ngarai shiikhoi miitu kiimaq Juda mungti ngarai shiikhoi miitu, kiimaq Shomjam kra tiisii wan miitu tsangshiq raq honglu na take chang minsaü pongwetiim miishi, skukong miishe, sku aran setiim miishi, kiimaq chhechhi kong miishi lam wanto. Raüta hokhamwe raq ramwebi ma, Aron saüse phan kiima nyamse thun ka berong-wacha na wiipumtam maq chaqtlii honglu na takuq ronglaq ngata chongto.
Kra lot jaishe, munglu wansha asiwa wa ajang wanti thun raq, Israilnok Shiikeawe ma, wa na chaq chang honglu thun kriishe kuqto. Tsangshiq raq Israilnok miitu ka, minsaü pongwetiim 12 kuqto. Kiimaq, sku apongsetiim ka 96, kiimaq sku aresetiim ka 77 kuqto. Kiimaq tsangshiq maiqmii ngarai tiisii miitu chhechhi 12 kuqto. Ara nyamse thun arka Tati ma honglu na wa chaq tlii kuqto.
Shatmaq minsaü pongwe angam thun, akhü thun, kiimaq apukji thun, ka piitiip phai na lamho laüta wa maq chaqbaiqlaq. Arka ramwebi ngarai thun kra tiisiiwan miitu honglu.
Kiimaq berong-wacha kiiwa tiijai wiijam ka lamlaq. Kiimaq ram ram chang tel kiiwa wiijam lamlaq. Laüta kriimaq Aron nai apaiq khea thun kiijaq kiimaq asetiim dü na kiimaq tsangshiq khea thun kiijaq bat kuqlaq. Kiimaq, apaiq, nai asetiim ka kiimaq tsangshiq khea thun kriika ngi ma akiinongke kun asii she miraq.
Kra laütiishe khum na nyat chang ramkham tel kriishe akhupo na nyuklaq. Laüta apaiq ka ramtel maq nyat laüta ramwe ma shonglaq.
Wiishi na jangshi Aron raq berong-wacha ara tiisii wan miitu ngarai miitu honglu na ataakuq ngam tiijai ka arongblai kiijaq nyatlili riichang. Arka rawiitek pattup pat-sa miitu klo wanruq riichang. Ara berong-wacha arka pinthum asii, Ngi, Tatiwe ma akiinong kuq.”
Ara among na nyap wan chang khok na chamrii ka blai asi. Khok mong na siimko nairi na chamrii ka anainai asi. Arthun chamrii thaq na tiibum raüta nyamse thun honglu na kechang kra tatlo. Wa na wiipumtam maq chaq chang lo, ngarai miitu take chang lo, riimakla thiitham khatham honglu thun kra arjaq tatlo.
Lewi phan wa Jadok saüse phan wa ramwebi kriili ngi man na wa raüta Ngi shiililii jaq misham wan. Arka, Ngi, Tati Rakaü Hiqwe raq aming kuq tiikang. Ümniiraq tsangshiq ma ngarai miitu honglu kechang ka minsaü pongwe arese ashi mikuq haü.
Kra lot jai shetiq apaiq ka Shomjam rinkea wang mongti khok na nyapwa nong mimai. Raüta akhum kra tiisii miitu honglu kewa chang. Kra lot jaitiq apaiq raq Ngi ka Shomjam maq mishiili wan lot. Arka, Ngi, Tati Rakaü Hiqwe raq chongtiikang.
Kiimaq kriiwe raq honglu na asku phong wa sku ashi lo riimakla achhechhi kong wa ashi takuqtlaq jiila, kriika apongwe kiimaq akhum nyeajokjok ami atsi jammin ahü riichang.
Apaiq raq aminsaü kong wa ashi ka wiipumtam maq chaqtlii honglu na takuqtlaq akhing na, apaiq raq minsaü pongwe ka nyeajokjok hea jamlai ami atsi min ahü kechang. Apaiq raq kra Tatiwe asi Tombutiip rinkea na kewan ratlo. Kra raütiq Tatiwe raq apaiq ka mitao wan.
Riita ümtiikiiwa saüla pongwe kra apaiq miitu nai ajamtitiim miitu ngarai-honglu na tatlaq,
Apaiq ka apaiq raq minsaü pongwe ashi ka ngarai-honglu miitu kiimaq skure pongse ashi ka chaqtlii-honglu miitu kra lam wan jaitiq, Asii Pinthum Khok na nyapwa mimai.”
Kiimaq Israilnok mungmaiqse raq Aron ma ngarai-honglu miitu chhehhi pongwe anai, kiimaq chaqtlii- honglu sku pongrese ashi kechang.
Raüta apaiq raq minsaü pongwe atha lamhü ashi kra apaiq maiqmii ngarai nai ajamtitiim ngarai tiisii miitu hong lu na mitaa.
kiijiishe ngarai ka klo kaidea nguta tsangshiq raq asapri li she, mungmaiqse tlotli raq ngarai miitu honglu ka minsaü pongwe are ashi ngarai-honglu kra ke chang. Tsangshiq raq kra Tatiwe asi Tombutiip na lam wan chang.
kiijiishe apaiq ma apaiq ngarai kra tiichhi keri li she, apaiq raq apaiq honglu ka chhechhi pongwe ashi akhum nyeajokjok ami atsi jam min ahü kra lam wan chang.
kiijiishe apaiq ngarai kra tiichhi keri li she, apaiq raq apaiq honglu ka chhechhi kaü ashi akhum nyeajokjok ami atsi jam min ahü kra lam wan chang.
Kra raütiishe Ramwe Ajong Pinthumwe raq minsaü pongwe tiijai ka wiijam milam. Raüta Tombutiip mong kiina milam wan.
Kiimaq apaiq ngarai kra tham miitu apaiq raq Tatiwe ma sku kaü ashi, riimakla chhechhi kaü ka honglu na kewan ratlo. Raüta kriiwe ngarai miitu ramwe raq nyamse ka honglu na mitaa.
Arka maiqpat ümchuwa saü wantlaq, kiijaq Aron saüse phan maiqwere thun raq Tatiwe ma akuq wa tsangshiq rii she apheakuq nguta phaqsiq wan ruq riichang. Maiq ahinti ashi ra raq ara phaqsea-honglu ara jaq miila sham raüla arjaq asii ningkun asi kriiraq kriiti ka mishthenbaiq.
Raüta apaiq raq Aron ma nguto, “Minsaü pongwe are ashi kiimaq sku pongwe arese ashi akhum nyeajokjok jamlai ami atsi ahü kra lam wan laq. Laüta kra Tatiwe ma honglu na takuqlaq. Minsaü pongwe ka ngarai-honglu miitu kiimaq sku pongwe kriika chaqtlii-honglu miitu.
Kra laütiishe Israilnok ma chonglaq, tsangshiq raq chhechhi pongwe ashi ka ngarai-honglu miitu, kiimaq wiishi minsaüse shi kiimaq wiishi skuse ashi kra wiinai ka akhum nyeajokjok jamlai ami atsi ahü kriika chaqtlii-honglu miitu lam wan chang.
Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”
Kra raütiishe tsangshiq raq minsaü pongwe arese kra lam wan chang, kiimaq tri na chongtlaq kra phan phan wong-honglu bunwong win olip tai rai shotje kra lam chang. Kiimaq ümniiraq minsaü pongwe ashi ngarai-honglu na kechang kriili lam wan chang.
Maiqse han-ngam ningkun ajom kha maq, Thungtri raq jamlai wa klo wan lot mak dea riitaq, kriika Shiikeawe riishe klo kuq wanto. Apaiq raq ngarai sitlaq kra, Ase shaq ka maiqse ngarai han-ngam ikha khum ashi na, tiipoki raüta, ngarai ka maiqse han-ngam wa, Ase tiikitaq kra lümiishe shra baiqto. Kiimaq, ngarai kharü ka chumbaiq wanto she.
Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.
Kriikha maq apaiq riika nokwe ngarai miitu lamlamli ka riimak, shatmaq apaiq maqmii ngarai miitu min, honglu kuq tlo.
Khristo ka ara chongtiikai jolitiip mong na pattup pat-sa siwan tlii miitu she honglu kewa nguta nyapwato. Raüta apaiq ka Asii Thaq Na Asii Khok mong niishe nyap wato. Kra nyap wantaq akhing honglu kewan chang chhechhi tiijai nai minsaü pongsetiim tiijai ka sham wan mak dea. Nyamse tiijai rii na, apaiq maiqmii tiijai kra sham raüta, ramungtan jolitiip mong kiijaq nyap wanto. Raütiishe, apaiq raq nashiq ka, kharü mong wa klang maq lakshi wa niili panthit, pattup pat-sa miitu dokdaa kuqto. Raüta, pattup thumki mak phan rilung tsitsü she kuqto.