LEWI 9:3 - ASII LAKDAP Bible (BSI)

³ Kra laütiishe Israilnok ma chonglaq, tsangshiq raq chhechhi pongwe ashi ka ngarai-honglu miitu, kiimaq wiishi minsaüse shi kiimaq wiishi skuse ashi kra wiinai ka akhum nyeajokjok jamlai ami atsi ahü kriika chaqtlii-honglu miitu lam wan chang.

Hawa Naga Bible 2001

³ Kvruex yimaq Israel miqsaz muex vkhoc jungx kuq shuiuz, khelkhix pungshiz kuex mvrax kvdawc shomc kuy muex, vmac vtsac vguez wawcshiz manx vshiz nuiyc khelbuenx vshiz kuex wvr maq jauk shomc kuy muex,

LEWI 9:3 Referencias Cruzadas

RAPHA HIQWA LAK 37:31

Kiijiishe tsangshiq raq chhechhi ashi tsatto. Raüta Joseph samtong jong kaü ka kra ngam tiijai na tsamto.

EJRA 10:19

Tsangshiq raq phowebi man na, tsang-nyungtiim ka amiim she mirbaiq hai nguta kiq kham kuqto. Raüta tsangshiq raq ngarai shiikhoi wan miitu, mrochhi alu na skupongwe ashi kuqto.

EJRA 6:17

Tsangshiq raq Shomjam wa poi klo wan miitu, minsaü pongwetiim ka shishi, skukong ka shinai, kiimaq sku aransetiim ka shiblai honglu na na tato. Kiimaq hali, chhechhi ka roqshi ri anai kra tsangshiq ngarai tiidii wan miitu takuqto. Arka Israilnok maiqphan phanroq shi ri phannai sitlaq kra miitu, maiqphan phanshi miitu chhechhi ka kaüshi shi wea raüta takuqto.

DUNGWVNC 12:5

Namshiq raq nyamse ka skuse lo riimakla chhechhise tsea mimai. Shatmaq kriika apongse arawii wiishi akhum ka nyeajokjok phintsaqtsaq jamlai ami atsi ahü riichang.

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

LEWI 10:16

Raütiishe Mosheq raq ngarai-honglu miitu kechang chhechhi kriishe waito. Kiimaq kriika wa na achaq kun she nguta sapto. Ara tai raüta apaiq ka Eleajar nai Ithamar ma akhiq riito. Kra ningkhan apaiq raq sonto.

LEWI 12:6

Riita ümtiikiiwa apaiq khuim tiisii wan akhing kra thumjiiq, ase maiqwese lo jechakse lo chiijai na, apaiq raq ramwe ma Tatiwe asi Tombutiip kilam chong na skuse arawii wiishi she kra chaqtlii- honglu kra mikuq wan. Kiimaq paro kaü riimakla haütaü kaü ashi ka ngarai-honglu miitu mikuq wan.

LEWI 14:10

Ratiichat ngo ranaiq na apaiq raq wiishi sku pongse arese nai anai kiimaq skuse are se skushii akhum nyeajokjok, jamlai ami atsi ahü, kiimaq bunwong win kilogram atsam ka olip tai rai shot raüta lam wan chang, kiimaq olip tai ka litar shi wa mantsam na tiikho raüta manshi kra lam wan chang.

LEWI 16:15

Kra lot jai she, apaiq raq chhechhi kaü mungmaiqse ngarai-honglu miitu kra mitaa. Raüta kra ngam tiijai ka Asii Pinthum Khok mong kiijaq milam wan. Raüta kra apang chang kiijaq ngam tiijai ka mibat. Kiimaq minsaü pongwe tiijai maq batlaq kiikha Tongshong Tek khaki niishe mibat.

LEWI 16:5

Kiimaq Israilnok mungmaiqse raq Aron ma ngarai-honglu miitu chhehhi pongwe anai, kiimaq chaqtlii- honglu sku pongrese ashi kechang.

LEWI 23:12

Tsam honglu ka kuqtlan ranaiq, arawii wiishi sku pongse akhum nyeajokjok ami atsi jamlai min ahü ka chaqtlii-honglu na takuq ronglaq.

LEWI 4:23

kiijiishe apaiq ma apaiq ngarai kra tiichhi keri li she, apaiq raq apaiq honglu ka chhechhi pongwe ashi akhum nyeajokjok ami atsi jam min ahü kra lam wan chang.

LEWI 4:3

Kiimaq Ramwe Ajong Pinthumwe raq ngarai tang raüla mung khuthaq ashut klo raüla, apaiq raq minsaü pongwe are, akhum nyeajokjok ami atsi jam min ahü kra lam wan raüta apaiq ngarai miitu Tatiwe ma honglu na take chang.

LEWI 9:2

Raüta apaiq raq Aron ma nguto, “Minsaü pongwe are ashi kiimaq sku pongwe arese ashi akhum nyeajokjok jamlai ami atsi ahü kra lam wan laq. Laüta kra Tatiwe ma honglu na takuqlaq. Minsaü pongwe ka ngarai-honglu miitu kiimaq sku pongwe kriika chaqtlii-honglu miitu.

LEWI 9:4

Kiimaq minsaü pongwe alai lamhü ashi, kiimaq sku pongwe ashi kra rintii-honglu miitu lam wan chang. Raüta tsangshiq raq kriithun ka Tatiwe ma honglu na wong-honglu rai tel maq shot raüta kechang. Tsangshiq raq arka keraa dongdii. Jamkhano ngukla Tatiwe ka ümchaü ranaiq tsangshiq rai mirhumki.”

Romans 8:3

Maiqse han-ngam ningkun ajom kha maq, Thungtri raq jamlai wa klo wan lot mak dea riitaq, kriika Shiikeawe riishe klo kuq wanto. Apaiq raq ngarai sitlaq kra, Ase shaq ka maiqse ngarai han-ngam ikha khum ashi na, tiipoki raüta, ngarai ka maiqse han-ngam wa, Ase tiikitaq kra lümiishe shra baiqto. Kiimaq, ngarai kharü ka chumbaiq wanto she.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.

Revelation 5:9

Atra ngam kaütiim nai nyungwere raq Skuse ma tiitsam shi anye ashi akha shito: “Maiqshaq ka ümniili ara lakdam kom jaüti. Sil atrap phan kra tiibun laüta lakdam kom linti ka ümniili. Ümniika maiqse angu khupi ma tsat baiqto, Ümniika honglu na tsai laü. Laüta ümtiijai maq rilaü Shiikeawe miitu, maiq aphantek wa, abomtek wa, amungtek wa, kaüwatek wa.