LEWI 9:4 - ASII LAKDAP Bible (BSI)

⁴ Kiimaq minsaü pongwe alai lamhü ashi, kiimaq sku pongwe ashi kra rintii-honglu miitu lam wan chang. Raüta tsangshiq raq kriithun ka Tatiwe ma honglu na wong-honglu rai tel maq shot raüta kechang. Tsangshiq raq arka keraa dongdii. Jamkhano ngukla Tatiwe ka ümchaü ranaiq tsangshiq rai mirhumki.”

Hawa Naga Bible 2001

⁴ manx pungshiz nuiyc khelbuenx pungshiz kuex lux rvyaungc shomc kuy muex mlvmz laq rueq. Tsuingshiq rueq vpuiz maq vshot vruiy vwungx shomc kuy juing kuex Yehowa muex shomc nawk kuy rax. Yvmx khoc lac ngoz ruiux lec majuiuc raungnuiyq Yehowa kuex tsuingshiq kox nuex kvkhic kaz tuex,” ngoz tueq jungx tueq.

LEWI 9:4 Referencias Cruzadas

DUNGWVNC 16:10

Aron raq mungmaiqse kunli ma bom chong kuqtaq krai mren, tsangshiq raq kumtsaiphii rumnyangkhi wang nü kiina liito. Kiimaq tiihanghiiq miili Tatiwe chhainyii makse chat-hit kra phumda dashi mong na chhai wanto.

DUNGWVNC 19:11

Raüta shinap ranaiq miitu tiijeshat misilaq. Kra ranaiq Ngi ka Sinai Pum na misat kiha. Kiijaq mungmaiqse tlotli raq Ngi ka michhi.

DUNGWVNC 24:16

Kiimaq Tatiwe asi makse chat-hit chhainyii ka pum thaq na saükito. Israilnok maklii niika kra walü li chhaitlaq kriika pum khuthaq na walütu kaü nyairaitlaq ikha riito. Phum raq pum ka ratrok na saüli pangbaiqto. Kiimaq ramiishi ranaiq she angu na Tatiwe raq phum mong maq Mosheq ka heato.

DUNGWVNC 29:43

Kiijaq Ngi raq isengi Israilnok rai mirhumha. Kiimaq Ngi asi kha maq makse chhat-hit chai nyii raitlaq kriiraq kriiba ka asii ma mitiija.

EJEKIEL 43:2

Kiimaq kiijaq ngi raq Israilnok Shiikeawe asi chhainyii makse chat-hit chhaitlaq kra shedong nü maq chhai wan tlo chhikang. Shiikeawe bomtsi kiqhang riinya watrang ka khamjong chum phom blun riinya trang tlaq ikha taikang. Kiimaq hiq ka makse chat-hit chhaitlaq kriiraq liliim wanto.

EJEKIEL 43:27

Ümtiikiiwa kra liipanshi kriishe thumjiiq, ramwebi raq mungmaiqse miitu kra berong-wacha na wa maq chaq chang honglu kiimaq rintii-honglu thun kra ta raüta kewan chang. Kiijiishetiq Ngi ka namshiq tarü rai tsan ahea miishe misiha. Arka, Ngi, Tati Rakaü Hiqwe raq ngutiikang.”

LEWI 2:1

Ümtiikiiwa maiq weshi ra raq wong honglu Tatiwe ma kuqtlaq, apaiq raq kra kongkhu wongwin ma thaü chang. Raüta apaiq raq olip tai nai homseng ka kriithaq na thiichang.

LEWI 3:1

Ümtiikiiwa maiq ashi ra raq aminsaü kong wa ashi ka rintii-honglu na kuq jiiq, kriika minsaü pongwe riimakla akaü akhum nyeajokjok ami atsi jam min ahü riichang.

LEWI 9:23

Raüta Mosheq nai Aron ka Tatiwe asi Tombutiip mong niishe nyap wato. Kiimaq tsangnai ka tiipmong maq kinphai na dongkito. Raüta tsangnai raq mungmaiqse ka shiiman kuqto. Kiimaq Tatiwe asi makse chathit chhainyii liliim ka mungmaiqse ma tiichhi kuqto.

LEWI 9:3

Kra laütiishe Israilnok ma chonglaq, tsangshiq raq chhechhi pongwe ashi ka ngarai-honglu miitu, kiimaq wiishi minsaüse shi kiimaq wiishi skuse ashi kra wiinai ka akhum nyeajokjok jamlai ami atsi ahü kriika chaqtlii-honglu miitu lam wan chang.

LEWI 9:5

Kiimaq tsangshiq raq phanrap khumkhum ka Mosheq raq aming kuqtaq kra phan phan Tombutiip rinkea na lam wanto. Kiimaq Israilnok tlotli ka kiijaq Tatiwe shomnoq miitu riitamto.

LEWI 9:6

Mosheq raq nguto, “Tatiwe raq namshiq ma arthun ara klo ronglaq nguta aming kuqto. Kra riihanla apaiq asi makse chathit liliim ka namshiq ma mitiichhikuq.”

WEAWEA 14:10

Shatmaq mungmaiqse tlotli raq tsangshiq ka long maq tiitsailaq tiiqbaiq rong i nguta danto. Shatmaq tiihanghiiq miili mungmaiqse raq Tatiwe asi makse chathit chhainyii raitlaq kra Tombutiip khuthaq na chhito.

WEAWEA 16:19

Kiijiishe Kora raq asengi kong ka wiinoktam kiijaq tiithungto. Raüta tsangshiq ka Mosheq nai Aron rai khariire na Tombutiip kilamchong na chapto. Kiijiishe tiihanghiiq miili makse chathit achhai anyii Tatiwe asi chhainyii ka tlotli mungmaiqse mak ki na saükito.