LEWI 1:3 - ASII LAKDAP Bible (BSI)

³ Apaiq raq aminsaü kong wa ashi ka wiipumtam maq chaqtlii honglu na takuqtlaq akhing na, apaiq raq minsaü pongwe ka nyeajokjok hea jamlai ami atsi min ahü kechang. Apaiq raq kra Tatiwe asi Tombutiip rinkea na kewan ratlo. Kra raütiq Tatiwe raq apaiq ka mitao wan.

Hawa Naga Bible 2001

³ Piq rueq shomc nawk kuy muex manx kuex wvr nuex jauk shomc kuq ruiux yuq vmac vtsac vguez manx pung ruec rax. Yehowa rueq piq kuex lvp tvy tvkoc manx kuex Yehowa httax yaq Tap kaluix daungx nuex lvmc lvy rax.

LEWI 1:3 Referencias Cruzadas

RAPHA HIQWA LAK 22:13

Kiijiishe Abraham raq apaiq tro na liito. Riikiita skure se nyiimtam rum na arong maq akanrai kra chhito. Kiimaq apaiq ka kiraüta lapkito. Raütiishe ase rii na kra honglu na wiipumtam-chaqtlii takuqto.

RAPHA HIQWA LAK 22:2

Shiikeawe raq nguto, “Ümse ka shea wanlaq. Ümse sekhuq laq laq se Isak kra, ümniiraq pinthum lungwiitlaü kra. Laüta Moria wang kiina walaq. Kiijaq Ngi raq hiqlam ashi ümniima mitiichhikuq kang. Kiijaq apaiq ka Ngi ma honglu na takuq laq.”

RAPHA HIQWA LAK 22:8

Abraham raq treto, “Shiikeawe apaiq riitiq skuranse ka mikuq.” Kiimaq tsangnai ka adam na wawanto.

RAPHA HIQWA LAK 8:20

Nowaq raq berong-wacha ashi Tatiwe miitu haito. Raüta apaiq raq asii sii phan nyamse nai wushi kong kriiwa kaüshi shi lamto. Raüta wiipumtam-chaqtlii honglu na berong-wacha kiijaq chaqto.

2 KAÜWA WERAÜ 29:32

Tsangshiq raq minsaü pongwetiim ka roqmiishi, skukong ka shishi, kiimaq skukong aransetiim ka shinai thun ka Tatiwe ma wiipumtam maq chaqtlii honglu ke miitu lam wanto.

2 KAÜWA WERAÜ 35:12

Kra raütiishe tsangshiq raq mungmaiqse ka ata ata miishe kongshi shi na tiikho pheato, Raüta wiipumtam maq wa na chaqtlii honglu kechang nyamse kong kriishe pheakuqto. Kriika tsangshiq raq nyamse kong ka Mosheq ma akuqthü Thungtri na chongtlaq kra phan phan honglu take miitu tiije kuqto.

Tvtsvmc 110:3

Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.

Tvtsvmc 40:8

Ngi raq ümtsanroro jaqsham ka kai lungwiitiikang, i Shiikeawe lei! ümniiraq ngi ma shrinkuqtlaü ka imongjii na shaqtiikang.”

DUNGWVNC 12:5

Namshiq raq nyamse ka skuse lo riimakla chhechhise tsea mimai. Shatmaq kriika apongse arawii wiishi akhum ka nyeajokjok phintsaqtsaq jamlai ami atsi ahü riichang.

DUNGWVNC 24:5

Raütiishe apaiq raq jerobi wiijam ka tiiwato. Kiimaq tsangshiq raq Tatiwe ma honglu thun ataakuq kra wa na chaqto. Kiimaq minsaü wiijam thun ka rintii-honglu na takuqto.

DUNGWVNC 29:18

Laütiishe sku pongse ngam thun tlotli ka berong-wacha kiijaq phaqsea honglu ke la na wa maq chaqbaiqlaq. Ara honglu khiimtsang ka Ngi ma tsan tiiheali miraq.

DUNGWVNC 29:4

“Kiimaq Aron nai asetiim ka Ngi asi Tombutiip kilamchong kiina shea wanlaq. Kiimaq tsangshiq ma khum tiisii mrochhi khum tiisii he ronglaq nguta chonglaq.

DUNGWVNC 29:42

Arka pattup pat-sa na saüli ara wiipumtam-chaqtlii honglu arka imakki na Ngi asi Tombutiip kilamchong na kuq wan ruq riichang. Arba arjaq Ngi raq isenginok rai riihumki lili mirha. Kiimaq ümniirai mirbomha.

DUNGWVNC 32:6

Anap ranaiq ranap chu maq tsangshiq raq honglu na take ma nyamse thun wiijam lam wanto. Kiimaq nyamse wiijam ka rintii-honglu na kuq raüta aphaq ma lam wanto. Raüta mungmaiqse ka poi dung kra phaqsea she ngakito. Raüta kra poi ka chechok tsampii butja she tiipongpii wanto. Raüta hikong ikha sethoqja she kiicham wanto.

DUNGWVNC 35:21

Kiimaq maiq loweatek jurwa hongluke lungwiitlaq kriiti raq honglu ka achhuqchhuq hupsam lam wan raüta, Tatiwe asi Tombutiip kra hai miitu kuqto. Tsangshiq raq noqku na langchang hupsam ümchuwa rong ratlaq thun kra wiita kiimaq ramwebi rohun klo chang hupsam rong ratlaq thun kra kun kun lam wan raüta kuqto.

DUNGWVNC 35:29

Israilnok mungmaiqse tlotli raq, jurwa honglu kewan lungwiittlaqti raq, tsangshiq honglu thun ka Tatiwe jaqsham miitu lamkuq wanto. Arka apaiq raq Mosheq ma aming kuqtaq kra phan phan kloto.

DUNGWVNC 35:5

Tatiwe ma honglu kuq ronglaq. Maiq loweatek jurwa honglu ke lungwiitlaq, kriiti raq chaq, kampho, riimakla miiki lam wan raüta mikuqlaq;

DUNGWVNC 36:3

Tsangshiq raq Mosheq jaqwa Israilnok raq asii Tombutiip hai miitu ümchuwa honglu kuq wantaq hupsam thun kra jaüto. Shatmaq Israilnok mungmaiqse riika tsangshiq honglu ka Mosheq ma wranap tek kuq wan ruqli kuqto.

DUNGWVNC 38:1

Raüta Bejalel raq honglu thun kra chaq chang akasia pe maq berong-wacha ashi haito. Kriika tsingblai riito. Alu nü na 2.2 mitar kiimaq ajong nü niimin 2.2 mitar. Kiimaq adii lu nü niika 1.3 mitar.

ISAIA 1:11

Apaiq raq ngutlo, “Ümniiraq arthun honglu takuq tlaü arka Ngi raq rariq rattlo ngutiisha tiima tlaü? Ümniiraq shamhea shamjü skusekong ka honglu na takuq lata wa na ngampü chaqtlaü kra Ngi ma raamak she. Hongto she. Ngi ka minsaü pongwetiim nai skusekong kiimaq chhechhi kong taalaüta atiijai raükuq tlaü kra chhilata itsütsa she sikito.

EJEKIEL 20:40

Kiijaq, kra mung na, ihiq lam asii kiijaq, Israil mung na pum diiluwiq kaü kiijaq, namshiq Israilnok mung tlotli raq, Ngi she mishomnoq wan han. Ngi ka namshiq rai tsanhea she misiha. Kiimaq namshiq raq Ngi ma honglu thun she mitaakuq wan han. Namshiq raq ahea pinthum honglu kiimaq namshiq asii kongphiq thun kra mikuq wan han.

EJEKIEL 40:39

Ara among na nyap wan chang khok na chamrii ka blai asi. Khok mong na siimko nairi na chamrii ka anainai asi. Arthun chamrii thaq na tiibum raüta nyamse thun honglu na kechang kra tatlo. Wa na wiipumtam maq chaq chang lo, ngarai miitu take chang lo, riimakla thiitham khatham honglu thun kra arjaq tatlo.

LEWI 1:10

Kiimaq kriiwe raq honglu na asku phong wa sku ashi lo riimakla achhechhi kong wa ashi takuqtlaq jiila, kriika apongwe kiimaq akhum nyeajokjok ami atsi jammin ahü riichang.

LEWI 14:10

Ratiichat ngo ranaiq na apaiq raq wiishi sku pongse arese nai anai kiimaq skuse are se skushii akhum nyeajokjok, jamlai ami atsi ahü, kiimaq bunwong win kilogram atsam ka olip tai rai shot raüta lam wan chang, kiimaq olip tai ka litar shi wa mantsam na tiikho raüta manshi kra lam wan chang.

LEWI 16:7

Raütiishe apaiq raq chhechhi wiinai kra Tatiwe asi Tombutiip kilamchong tho kiijaq milam wan.

LEWI 17:8

Israilnok wa maiq weshi ra raq lo riimakla wanshawe pongmungti tsangshiq rai sidamti raq, jurwa chaqtlii-honglu riimakla laihin honglu kuqtlaq akhing na,

LEWI 17:9

Tatiwe asi Tombutiip rinkea ba kra tlea raüta hiq hin ba maq honglu kra takuq raüla, kriiti ka Shiikeawe sengi nguta weamak she miraq.

LEWI 23:12

Tsam honglu ka kuqtlan ranaiq, arawii wiishi sku pongse akhum nyeajokjok ami atsi jamlai min ahü ka chaqtlii-honglu na takuq ronglaq.

LEWI 23:18

Kiimaq kra winsii krai nokwe raq arawii wiishishi siisaq sku setiim miishi, minsaü pongwe ashi, kiimaq skure pongwe nai anai. Arthun wiitarü ka akhum nyeajokjok, ami atsi jamlai ahü siisaq kechang. Arthun arka Tatiwe ma chaqtlii-honglu na kechang. Arka wong-honglu nai spiqtai-honglu rai adam na kechang. Ara honglu khiimtsang ka Tatiwe ma tsan tiiheali miraq.

LEWI 3:1

Ümtiikiiwa maiq ashi ra raq aminsaü kong wa ashi ka rintii-honglu na kuq jiiq, kriika minsaü pongwe riimakla akaü akhum nyeajokjok ami atsi jam min ahü riichang.

LEWI 4:15

Kiimaq mung welabi raq tsangshiq jaq maq kra minpongse khupo na sham chang. Raüta kra kiijaq ta chang.

LEWI 4:23

kiijiishe apaiq ma apaiq ngarai kra tiichhi keri li she, apaiq raq apaiq honglu ka chhechhi pongwe ashi akhum nyeajokjok ami atsi jam min ahü kra lam wan chang.

LEWI 4:3

Kiimaq Ramwe Ajong Pinthumwe raq ngarai tang raüla mung khuthaq ashut klo raüla, apaiq raq minsaü pongwe are, akhum nyeajokjok ami atsi jam min ahü kra lam wan raüta apaiq ngarai miitu Tatiwe ma honglu na take chang.

LEWI 4:32

Kiimahali maiq weshi raq apaiq ngarai honglu na ke ma sku lam wan raüla, kriika akaü riichang kiimaq nyeajokjok akhum na jamlai ami atsi ahü riichang.

LEWI 5:15

Maiq ashi ra raq sapmak lam maq Tatiwe ma asii honglu ake chang wa kuqmak dea laq baiq raüla, apaiq raq kra kuq mak dea riitaq kra miitu Tatiwe ma tiitham-honglu kenong chang. Kriika sku pongwe ashi riimakla chhechhi akhum nyeajokjok ami atsi jam min ahü kra kechang. Kra thii ka mung raq langtlaq thii riikhaq li maq kechang.

LEWI 5:18

Apaiq raq ramwe ma thiitham-honglu kenong chang. Arka sku pongwe riimakla chhechhi akhum nyeajokjok ami atsi jam min ahü kra ke ratlo. Kra thii ka mung raq langtlaq tri maq riikhaqli kechang. Ramwe raq kra sapmak lam maq atang ngarai miitu honglu ka mitaakuq. Kiimaq apaiq ngarai ka midiikuq.

LEWI 6:2

Tatiwe ma honglu kechang miraq, maiq ashi ra raq ngarai tang raüjaq. Arka maiqmii Israilnok phan raq apaiq jaq na phanshi ra miitu kongphiq kha hupsam atiithü kra jangkuq mak raüjaq, riimakla arewe jaq wa phanshi ra hupsam huk raüjaq, riimakla arewe jaq wa phanshi ra laoho raüjaq,

LEWI 6:8

Tatiwe raq Mosheq ma aming kuqto

LEWI 7:16

Kiimaq maiq weshi ra raq, sin kiitiq kiq akham kra shiipai riimakla atsanro maq rintii-honglu kuq raüla, ngam ka kra honglu ke ranaiq li tiithum pak phaqrea ngomin raamak. Abung tiichongki tlaq kriika anap ranaiq niimin phaq sea mimai.

LEWI 8:18

Kra raütiishe, Mosheq raq sku pongse ka chaqtlii-honglu kra lamto. Raüta Aron nai asetiim raq tsangshiq jaq maq akhupo na shamto.

LEWI 9:2

Raüta apaiq raq Aron ma nguto, “Minsaü pongwe are ashi kiimaq sku pongwe arese ashi akhum nyeajokjok jamlai ami atsi ahü kra lam wan laq. Laüta kra Tatiwe ma honglu na takuqlaq. Minsaü pongwe ka ngarai-honglu miitu kiimaq sku pongwe kriika chaqtlii-honglu miitu.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

MALAKI 1:14

Jurwa anyamse kong wa, ahea awa nyamse ashi honglu na mikuq ha nguta, ngi ma kiqkham keje she taü maq, ara arot akiq laopha hupsam wa laplu raüta, kuq tlaq, kriiti miika, imanson homa klishe misi! Jamkhano ngukla, ngi ka ajong pinthum hokhamwe. Kiimaq ra raq aham mangjong maiqse kunli raq ngi ma haisong tsantsii rümtlo.”

WEAWEA 15:3

Minsaü pongwe ashi, skure pongwe ashi, sku ashi, riimakla chhechhi ashi kra Tatiwe ma chaqtlii-honglu na ke mimai. Riimakla sinkham tiikhoi honglu na mimai, riimakla maiqmii tsantsii honglu riimakla akhing khing na kamasham poi klotlaq kiijaq ke mimai. Ara phaqsea-honglu akuq khiimtsang ka Tatiwe ma tsan tiiheali miraq.

WEAWEA 15:8

Ümtiikiiwa minsaü pongwe ka Tatiwe ma chaqtlii-honglu na kuqtlaq riimakla sinkham tiikhoi honglu na kuqtlaq riimakla rintii-honglu na kuqtlaq,

WEAWEA 19:2

Israilnok ma arthun tri raütu ara kuq ronglaq nguta aming kuqto. Mosheq nai Aron ma minshii kaü ashi akhum nyeajokjok ami atsi jammin ahü kiimaq maiq raq jaq tiisham mak shaq atang kra lam kuq wan ronglaq.

WEAWEA 23:19

Shiikeawe ka maiq ikha riimak, arot chong ma; Apaiq ka maiqse ri riimak, atsantsii klai ma. Apaiq raq jamlai kiq wa khamtlaq, apaiq raq klotlo; Apaiq raq bomtlo, kra sham kuqtlo.

WEAWEA 23:27

Kiijiishe Balak raq nguto, “Ikhla ngi rai wara. Ngi raq ümniika hiq bahin niishe shea wan pha. Jursap tsangshiq ka ümniima Shiikeawe raq kriiba maq ngi miitu mitiison wa riila.”

WEAWEA 23:3

Raütiishe Balaam raq Balak ma nguto, “Ümniika ara chaqtlii-honglu ümniiraq kuqlaü arjiili chapli laq. Tatiwe ka ngi rai mirhumki sha riihumki mak wa, inii kiina walata liiwapha. Apaiq raq ngi ma jamlai wa tiichhi kuq jiiq kra ümniima michong kang.” Krai mren apaiq laqlaqse hiqlam ashi kriithaq kiina wawanto.

WEAWEA 23:30

Balak riimin apaiq ma jamkho chongtaq kra phan phan kloto. Raüta berong-wacha aweatek na minsaü pongwe ashi kiimaq skupongrese ashi honglu na tato.

WEAWEA 28:11

Tatiwe ma jinye dong wantek na chaqtlii-honglu kuqlaq: Minsaü pongre se anai, sku pongre se ashi, arawii wiishi sku pongsetiim miishi, arthun tarü ka akhum nyeajokjok adü na ami atsi ahü siisaq riichang.

WEAWEA 28:19

Tatiwe ma chaqtlii-honglu ka phaqsea-honglu ikha kuqlaq: minsaü pongwe are anai, sku pongre se ashi, kiimaq arawii wiishi sku pongsetiim miishi, arthun wiitarü ka akhum nyeajokjok ami atsi jamlai min ahü siisaq riichang.

WEAWEA 28:31

Arthun honglu kiimaq spiqtai-honglu ka joli ranaiqtek chaqtlii-honglu kiimaq wong-honglu kuqtlaü kriithaq na tiitsüq kuq laq.

WEAWEA 29:13

Ara poi pha wan ranaiq na Tatiwe ma phaqsea-honglu kuq ronglaq, apaiq ma akhiimtsang tsan tiiheali chang: minsaü pongre setiim roqshi ri atsam, sku pongrese nai anai, kiimaq arawii ashi shi sku pongsetiim roqshi ri blai, wiitarü nyeajokjok akhum na ami atsi ahü siisaq riichang.

WEAWEA 29:2

Lanta Tatiwe ma chaqtlii-honglu ka kuq ronglaq. Ara khiimtsang ka apaiq ma tsan tiiheali miraq: minsaü pongwe are ashi, sku pongre se ashi, kiimaq arawii wiishi shi sku pongsetiim miishi. Arthun wiita ka akhum nyeajokjok ami atsi ahü siisaq riichang.

Luke 1:35

Kiijiishe, rase raq abom ka tre nongto, “Asii Wenyi ka ümkhum na miki. Raüta, Shiikeawe ningkun ka ümhan na mishang. Krai mren, Asii no kriika, Shiikeawe Se nguta mingu.

John 1:36

Kra akhing na apaiq raq Jesuq ka lam na awarai chhito. Kra chhi raüta, “Liirong laq, ahata Shiikeawe Skuse!” nguta tsangnai rai riibomto.

John 10:7

Kriikha miishe, Jesuq raq tsangshiq ma akha chongkuqto, “Ngi raq chongtiikang arka tengteng: Ngi ahata skukhok kilamchong.

John 10:9

Ngi ahata skukhok kilamchong. Juwa ngi lümaq khok mong na watlaq, kriika khup wong kuqshat mirüm kom wan. Apaiq ka dongki dong wa mihaisiq. Apaiq dung chang nyiimrü ka tlung tiiwii mihum phaq.

2 Corinthians 8:12

Namshiq raq khoqriiq shishiiq maq kuq han jiila, Shiikeawe raq namshiq kongphiq jaqmiiq ka, chochi khiq ma mitao. Namshiq raq ümchuwa mitang han, kra kuq ronglaq. Namshiq jaq na jamlai wa ahü, kriika Shiikeawe raq asap.

2 Corinthians 9:7

Arkha maq, maiq khumtek raq juwe riiwa, maiqmii tsan na jamkha mikuqha nguta wa tiima tlan, kra phan phan kuq rong laq. Akhan anyan lam maq lo, kiimaq aming shiikhoi ikha tiima raüta kene ka riimak. Ara jamkhano chongtiikang ngukla, Shiikeawe riika jurwa tlungwii raüta kuqtlaq, kriiti ka lungwii tlo.

Ephesians 2:18

Riita, ümchaü sanha, ara chongtiikai Khristo lümiishe, nashiq wiitarü, Jehudinok kiimaq Pongnok phan maiqse wiitarü ka, Asii Wenyi lümaq, pumshi hanshi miishe jawan laita, Awe Shiikeawe man niishe chapnga lot tiikai.

Ephesians 5:27

Riita, ara hekuqtaq arka, phungtu ka apaiq miitu siirairai, shamhea shamjü, chiisan kiimaq jamlai shutphit min ahü, kiimaq jamlai phan na kojo min ahü maq, minhap ma tiija wan miitu hetse kuq.

TRI CHONGKE 12:27

Tatiwe berong-wacha na wiita chaqtlii chang honglu thun kra kiijaq takuq lili ronglaq. Kiimaq laihin nyamse honglu atiijai ka berong-wacha na raübaiq lanta, angam ka aphaq chang honglu thun kriimin kriiba kiijaq takuq lanta phaq ronglaq.

TRI CHONGKE 15:21

Shatmaq kra nyamse kong khum na abi ati asi, kra nyamse kong ka ahok akü, riimakla makchuk riimakla, phanshi ra akhum na dongbi ikha asi jiila, kiikha nyamse thun ka ümniiraq Tatiwe üm Shiikeawe ma honglu na take maimak.

TRI CHONGKE 17:1

Mosheq raq Israilnok ma nguto, “Tatiwe üm Shiikeawe ma minsaü lo, sku lo, akhum na ami atsi asi kra honglu na naq ta kuqkiq. Tatiwe raq akhnok ka asaisi riitlo.

Hebrews 7:26

Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.