LEWI 1:4 - ASII LAKDAP Bible (BSI)

⁴ Kriiwe raq nyamse khupo na ajaq maq sham chang. Kiimaq kra nyamse ka apaiq ngarai thun tiikhoi miitu takuqto nguta mitao wan.

Hawa Naga Bible 2001

⁴ Piq rueq vyauk kuex manx khux poz kvyuq tvdaungc ruiux yuq, kvruex kuex piq mvrax kvdawc shomc nawk juing muex yaungx wvnc tuex.

LEWI 1:4 Referencias Cruzadas

DUNGWVNC 28:38

Aron raq ara akhakam na pachang. Raütiq Ngi, Tatiwe raq, Israilnok raq honglu ümchuwa Ngi ma kiinong kuqtlaq thun kra, mungmaiqse raq honglu thun kuqtlaq akhing na phanshi ra tiishut raü min, Ngi raq mitaoha.

DUNGWVNC 29:10

“Minsaü pongwe ka Ngi asi Tombutiip rinkea na hit wanlaq. Kiimaq Aron nai asetiim raq tsangshiq jaq maq minsaü pongwe khupo kiijaq mishamlaq.

DUNGWVNC 29:15

“Kiimaq sku pongse nai kiiwa ashi kriishe lamlaq. Laüta Aron nai asetiim ma tsangshiq jaq maq sku pongse khu na sham ronglaq nguta chonglaq.

DUNGWVNC 29:19

“Kiimaq sku pongse ashiti kriishe lamlaq. Arti arka khum kiinongke honglu miitu. Kiimaq Aron nai asetiim ma tsangshiq jaq maq skupongse khu na sham ronglaq nguta chonglaq.

DUNGWVNC 29:33

Kiimaq tsangshiq raq tsangshiq ramwe ma shong wan akhing na ram ram ngamrea tsangshiq mrochhi chang ngamrea kra miphaqlaq. Ara phaqsea arka ramwebi lamlam riili phaqsea chang. Jamkhano ngukla arka asii.

ISAIA 56:7

“Ngi raq namshiq ka Jajon na, Ngi asii kin na mishea wanha. Ngi raq namshiq ma chochi jonghea ijam achujaü chang jam na mikuqha. Kiimaq namshiq raq Ngi ma berong-wacha na honglu akuq wanhan thun kra mitao wanha. I Shomjam ka mangjong maiqse tlotli miitu achu jaü chang jam ngutiishe mingu.”

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

LEWI 16:21

Raüta apaiq raq ajaq wiinai ka jaqko naita chhechhi kaü khupo kiijaq misham. Raüta Israilnok raq abi ümchuwa klo tlaq, ngarai thun tangtlaq, kiimaq Israilnok raq kiqkhiitlaq mra thun kra mitiidii wan. Raüta kra ngarai homa ka chhechhi kaü khupo niishe mitiiho kuq. Raütiishe kra miitu maiq weshi tiihongje we riishe chhechhi kaü ka kumtsaiphii rumnyangkhi binjü kiina mijobaiqki.

LEWI 16:24

Raüta apaiq raq ajü ka asii hiq ba na heraatlo. Raütiishe apaiq khu akhea kriishe samraatlo. Kra lot jaishetiq, apaiq ka Tombutiip mong wa kinphai niishe midongki. Raüta apaiq ngarai nai mungmaiqse ngarai tiisii wan chang chaqtlii-honglu kriishe mitaa.

LEWI 22:21

Ümtiikiiwa maiq ashi ra raq Tatiwe ma rintii-honglu kuqtlaq, sinkham raüpot diibaiq miitu lo, riimakla maiqmii tsantsii maq honglu kuqtlaq akhing na, kra nyamse ka akhum nyeajokjok ami atsi ahü ratlo. Kra raütiq honglu ka mitao.

LEWI 3:13

apaiq raq ajaq maq nyamse khupo na sham chang. Raütiishe nyamse ka Tombutiip rinkea na tachang. Raütiishe ramwebi raq ngam tiijai ka berong-wacha siimblai wiita na miwan.

LEWI 3:2

Kriiwe raq ajaq maq nyamse khupo na shamchang. Raüta nyamse ka Tatiwe asi Tombutiip na walam kilam chong kiijaq ta chang. Raüta Aron phan ramwebi raq ngam tiijai ka berong-wacha siimblai ri na miwan.

LEWI 3:8

apaiq raq ajaq maq nyamse khupo na shamchang, raütiishe Tombutiip rinkea na tachang. Raüta ramwebi raq ngam tiijai ka berong-wacha siimblai ri na miwan.

LEWI 4:15

Kiimaq mung welabi raq tsangshiq jaq maq kra minpongse khupo na sham chang. Raüta kra kiijaq ta chang.

LEWI 4:20

Raütiishe apaiq raq ngarai-honglu minsaü pongwe jamkho takuqtlaq kiikhiisii hali ara minsaü pongwe armin honglu na mikuq. Kiimaq apaiq raq akha mungmaiqse ngarai miitu honglu takuq tlaq arai mren tsangshiq ngarai ka midii kuq.

LEWI 4:24

Apaiq raq ajaq maq chhechhi pongwe khupo na misham. Raüta berong-wacha maq shekhu nü siim na, chaqtlii-honglu ke chang ba kiijaq mitaa. Arka ngarai tiisii miitu ataakuq honglu.

LEWI 4:26

Kra raütiishe apaiq raq ngampü thun ka tlotli, rintii-honglu nyamse ataakuq jamkho wa na chaqtlaq kiikhiisii hali, wa na michaq. Mungtuwe ngarai tangtlaq miitu ka ramwe raq akha ngarai miitu honglu take chang raüla apaiq ngarai ka adii mirkuq.

LEWI 4:29

Raüta apaiq raq ajaq ka chhechhi kaü khupo na misham. Raüta kra nyamse thun chaqtlii-honglu thun take chang berong-wacha maq shekhu nü siim kiijaq mitaa.

LEWI 4:31

Kra raütiishe apaiq raq ngampü thun ka wiita milambaiq. Arka rintii-honglu na ataakuq ngam maa thun wa jamkho lambaiqtlaq ikha milambaiq. Raüta apaiq raq ngampü thun ka berong-wacha na michaq. Krai mren ara khiimtsang ka Tatiwe ma tsan tiiheali miraq. Akha ramwe raq kriiwe ngarai miitu honglu ka mitaa kuq. Kiimaq apaiq ngarai ka midiikuq.

LEWI 4:33

Apaiq raq ajaq maq nyamse khupo na misham. Raüta kra berong-wacha maq shekhu nü siim na chaqtlii-honglu nyamse thun take chang ba kiijaq mitaa.

LEWI 4:35

Kra raütiishe apaiq raq ngampü ka wiita milam. Arka rintii-honglu na ataa sku ngampü lamtlaq ikha milam. Raüta apaiq raq wa na phaqsea-honglu krai adam na Tatiwe wa na michaq. Akha ramwe raq kriiwe ngarai miitu honglu ka mikuq. Kiimaq apaiq ngarai ka midiikuq.

LEWI 4:4

Apaiq raq minsaü pongwe ka Tombutiip rinkea na mihe wan. Raüta ajaq maq minsaü pongwe khupo na misham. Raütiishe kiijaq Tatiwe man na mitaa.

LEWI 5:6

Kiimaq apaiq ngarai kra tham miitu apaiq raq Tatiwe ma sku kaü ashi, riimakla chhechhi kaü ka honglu na kewan ratlo. Raüta kriiwe ngarai miitu ramwe raq nyamse ka honglu na mitaa.

LEWI 6:7

Ramwe raq kriiwe ngarai miitu honglu ka mitaakuq. Raüla apaiq ngarai ka midiikuq.

LEWI 8:14

Kra lot raütiishe Mosheq raq minsaü saüre pongwe kriishe lam kito. Arka ngarai-honglu na take miitu. Kiimaq Aron nai asetiim raq tsangshiq jaq ka minsaü khupo na shamto.

LEWI 8:18

Kra raütiishe, Mosheq raq sku pongse ka chaqtlii-honglu kra lamto. Raüta Aron nai asetiim raq tsangshiq jaq maq akhupo na shamto.

LEWI 8:22

Kra lot raütiishe Mosheq raq sku pongse ashiti kriishe lamki nongto. Kriiti ka ramwebi thun shong miitu. Kiimaq Aron nai asetiim raq tsangshiq jaq maq sku khupo na shamto.

LEWI 9:7

Raütiishe apaiq raq Aron ma nguto, “Berong wacha kiina walaq. Laüta ngarai-honglu nai chaqtlii-honglu kra kuqlaq. Arka üm ngarai thun nai mungmaiqse ngarai thun kra tiisiibaiq miitu. Ara honglu ka mungmaiqse ngarai thun kra tiikhoibaiq miitu Tatiwe raq aming kuqtaq kra phan phan kuqlaq.”

WEAWEA 15:25

Ramwe raq mungmaiqse khuliiq mrochhi poi kra miklo kuq. Kiimaq tsangshiq ngarai ka midiikuq. Jamkhano ngukla kra shut wantaq kriika hemak lam maq shutto. Kiimaq tsangshiq raq tsangshiq ngarai-honglu ka phaqsea-honglu ikha Tatiwe ma kuqto.

WEAWEA 15:28

Berong wacha kiijaq ramwe raq kra mrochhi khuliiq poi ka kriiwe ngarai tiisii wan miitu miklo kuq. Kiimaq apaiq ngarai ka midii kuq.

WEAWEA 25:13

Apaiq nai asaü asetiim ka Ngi raq pattup pat-sa miitu ramwebi miishe shongtiikang. Jamkhano ngukla apaiq raq Ngi ngachang jiiti lai hin phra ka ninlot mak riito. Kiimaq apaiq raq jaqsham raüta mungmaiqse ngarai kra dobaiq wan miitu lam tanto.”

WEAWEA 8:10

Raüta Israilnok raq tsangshiq jaq ka Lewinok khupo na tiida chang.

WEAWEA 8:12

Kiijiishe Lewinok raq tsangshiq jaq maq minsaü pongwe nai khupo na misham. Kiiwa pongshi ka ngarai-honglu na take chang kiimaq pongshiti ka chaqtlii-honglu na kechang. Arka Lewi phan khum tiisii wan miitu khuliiq.

Romans 12:1

Riita, ija, ümchaü sanha, phunainotiim lei, Shiikeawe raq nashiq ma atinkhan jong tiikhup tiiwong maq mangchan tlaq arkha maq, ngi raq namshiq ma tsii chongkuq tiipha ara tai ronglaq: Namshiq raq maiqmii khum kriika, Shiikeawe ma atra maq honglu na wu tiida tlaq ikha kuq ronglaq. Lanta, apaiq rii she pong na, athiiq ikha siwan lanta, apaiq jaq kra sham wan lili ronglaq. Ahata riikhaqli maq Shiikeawe shomnoq rilung. Kiimaq apaiq rai tsanwa we ma jawan raüta siwan rilung.

Romans 3:25

Shiikeawe raq apaiq ka honglu na kuqto. Kriika apaiq honglu na tsaitaq, kriikha maq jurwa apaiq ma kam tlaq, kriiti ngarai ka tsangshiq kamtsantsii thü tlaq kra lümaq diike miitu she tsaito. Shiikeawe raq ara tiichhii wan lam tankuq wantaq arka, apaiq raq maiqse ka apaiq rai jamkhiiwa wehea ma tiija wan tlaq, kra tiichhikuq tlo.

Romans 5:11

Riita ara chong tiikai ara lamlam siili ka riimak. Arthaq niimin apa dea asi shaqli. Nashiq raq khoqriiq wan chang lamlu ka jonghea dea asi. Arka Shiikeawe raq Tati Jesuq Khristo pum lümaq, nashiq ka Shiikeawe khi alu bi miishe tiija kuq wantaq arkha maq khoqriiq siq tiikai.

Philippians 4:18

Lo ta, arjaq arshe namshiq kongphiq bomtre tiijang kuq tiikang ara. Namshiq raq ngi ma phanrap ümchu wa tiiho wan lan, irka wiita lap kang she. Arka ngi ma, ahong thaq niimin achan ana, asho awo she! Namshiq raq Epaphroditas jaq na, tiiho wan lan kongphiq irka, ahong thaq niimin achan ana she ngo li kha. Namshiq raq kongphiq ümchu wa, kuq lan thun kriika, Shiikeawe ma ahomwiq phan honglu ngamrea akuq ikha. Ara honglu kuq lan arka, Shiikeawe man na athuk atsom, kiimaq apaiq tiichochi chang honglu.

Hebrews 10:4

Ara jamkhano chongtiikai ngukla, minsaü pongwetiim tiijai nai chhechhi kong tiijai riika, ümkha riita jiimin maiqse ngarai ka tiisii he lot mak.

1 John 2:2

Khristo apaiq tiijai maq nashiq ngarai khum na nei raüta, nashiq thaq na Shiikeawe tsankhiq sitlaq kra tiishi kuqto she. Arka nashiq ngarai lamlam tiisii miituli ka riimak. Jesuq tiijai ka maiqse angu wiitarü ngarai tiisiike miitu sitlo.