LEWI 1:10 - ASII LAKDAP Bible (BSI)

¹⁰ Kiimaq kriiwe raq honglu na asku phong wa sku ashi lo riimakla achhechhi kong wa ashi takuqtlaq jiila, kriika apongwe kiimaq akhum nyeajokjok ami atsi jammin ahü riichang.

Hawa Naga Bible 2001

¹⁰ Piq rueq khelbuenx, rvmuq ngoz ruiux khelkhix maq shomc kuy roc ruiux kuex, kvruex kuex vmac vtsac vguez vpung ruec rax.

LEWI 1:10 Referencias Cruzadas

RAPHA HIQWA LAK 4:4

Kiitiikaq Abel raq apaiq sku kong phongwa apha shaq shaq ase anyung skuse ka lam wanto. Raüta tato. Raüta kriiwa ngam ahea pinthum ba ka lam raüta honglu na kuqto. Tatiwe ka Abel ma nai ahonglu kuqtaq kiima atsan ahea riito.

RAPHA HIQWA LAK 8:20

Nowaq raq berong-wacha ashi Tatiwe miitu haito. Raüta apaiq raq asii sii phan nyamse nai wushi kong kriiwa kaüshi shi lamto. Raüta wiipumtam-chaqtlii honglu na berong-wacha kiijaq chaqto.

DUNGWVNC 12:5

Namshiq raq nyamse ka skuse lo riimakla chhechhise tsea mimai. Shatmaq kriika apongse arawii wiishi akhum ka nyeajokjok phintsaqtsaq jamlai ami atsi ahü riichang.

EJEKIEL 43:22

Kriimaq napjai ranaiq na ümniiraq chhepongwe ashi nyeajokjok hea adü na jamlai kojo min ahü kra lamho laüta ngarai miitu honglu na mitaakuq haü. Laüta kra ngam tiijai maq berong-wacha kiijaq minsaü tiijai neilaü kra phan phan minei haü. Laüta berong-wacha ka mitiisii haü.

LEWI 14:10

Ratiichat ngo ranaiq na apaiq raq wiishi sku pongse arese nai anai kiimaq skuse are se skushii akhum nyeajokjok, jamlai ami atsi ahü, kiimaq bunwong win kilogram atsam ka olip tai rai shot raüta lam wan chang, kiimaq olip tai ka litar shi wa mantsam na tiikho raüta manshi kra lam wan chang.

LEWI 16:3

Apaiq ka apaiq raq minsaü pongwe ashi ka ngarai-honglu miitu kiimaq skure pongse ashi ka chaqtlii-honglu miitu kra lam wan jaitiq, Asii Pinthum Khok na nyapwa mimai.”

LEWI 16:5

Kiimaq Israilnok mungmaiqse raq Aron ma ngarai-honglu miitu chhehhi pongwe anai, kiimaq chaqtlii- honglu sku pongrese ashi kechang.

LEWI 22:19

Honglu ka tao wan li chang miitu, kra nyamse ka aliwe wiishi nyamse akhum nyeajokjok ami atsi ahü riichang.

LEWI 23:12

Tsam honglu ka kuqtlan ranaiq, arawii wiishi sku pongse akhum nyeajokjok ami atsi jamlai min ahü ka chaqtlii-honglu na takuq ronglaq.

LEWI 3:1

Ümtiikiiwa maiq ashi ra raq aminsaü kong wa ashi ka rintii-honglu na kuq jiiq, kriika minsaü pongwe riimakla akaü akhum nyeajokjok ami atsi jam min ahü riichang.

LEWI 4:23

kiijiishe apaiq ma apaiq ngarai kra tiichhi keri li she, apaiq raq apaiq honglu ka chhechhi pongwe ashi akhum nyeajokjok ami atsi jam min ahü kra lam wan chang.

LEWI 4:3

Kiimaq Ramwe Ajong Pinthumwe raq ngarai tang raüla mung khuthaq ashut klo raüla, apaiq raq minsaü pongwe are, akhum nyeajokjok ami atsi jam min ahü kra lam wan raüta apaiq ngarai miitu Tatiwe ma honglu na take chang.

LEWI 5:15

Maiq ashi ra raq sapmak lam maq Tatiwe ma asii honglu ake chang wa kuqmak dea laq baiq raüla, apaiq raq kra kuq mak dea riitaq kra miitu Tatiwe ma tiitham-honglu kenong chang. Kriika sku pongwe ashi riimakla chhechhi akhum nyeajokjok ami atsi jam min ahü kra kechang. Kra thii ka mung raq langtlaq thii riikhaq li maq kechang.

LEWI 9:2

Raüta apaiq raq Aron ma nguto, “Minsaü pongwe are ashi kiimaq sku pongwe arese ashi akhum nyeajokjok jamlai ami atsi ahü kra lam wan laq. Laüta kra Tatiwe ma honglu na takuqlaq. Minsaü pongwe ka ngarai-honglu miitu kiimaq sku pongwe kriika chaqtlii-honglu miitu.

MALAKI 1:14

Jurwa anyamse kong wa, ahea awa nyamse ashi honglu na mikuq ha nguta, ngi ma kiqkham keje she taü maq, ara arot akiq laopha hupsam wa laplu raüta, kuq tlaq, kriiti miika, imanson homa klishe misi! Jamkhano ngukla, ngi ka ajong pinthum hokhamwe. Kiimaq ra raq aham mangjong maiqse kunli raq ngi ma haisong tsantsii rümtlo.”

WEAWEA 19:2

Israilnok ma arthun tri raütu ara kuq ronglaq nguta aming kuqto. Mosheq nai Aron ma minshii kaü ashi akhum nyeajokjok ami atsi jammin ahü kiimaq maiq raq jaq tiisham mak shaq atang kra lam kuq wan ronglaq.

WEAWEA 6:14

Raüta apaiq raq Tatiwe ma nyamse atsam ami atsi ahü nyeajokjok kra honglu na kechang: arawii wiishi skupong se ka chaqtlii-honglu miitu, arawii wiishi skushii arese ka ngarai-honglu miitu, kiimaq skupongre se ka rintii-honglu miitu kechang.

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

1 Peter 1:19

Kra ri chang ka athii tsinhea, Jesuq Khristo ka skuse ashi, akhum na jamlai phan kojo min ahü, siirairai rilung khum ka honglu na takuqtaq kra lümaq ari wan.