LEWI 1:11 - ASII LAKDAP Bible (BSI)

¹¹ Apaiq raq nyamse ka berong-wacha shekhu nü siim na tachang. Kiimaq ramwebi raq ngam tiijai ka berong-wacha siimblai ri wiita na miwan.

Hawa Naga Bible 2001

¹¹ Piq rueq shomc kuy juing kuex shomrawx khux kox nuex thvy rax. Shomc waz bix rueq vtvguiy kuex shomrawx samx bvlic nuex buit rax.

LEWI 1:11 Referencias Cruzadas

DUNGWVNC 24:6

Kiimaq Mosheq raq nyamse ataakuq ngam tiijai thun ka man nai wa manshi lamto. Raüta nüchhong winpin thun na thiito. Kiimaq ngam tiijai khoko kriika berong-wacha kiijaq raüto.

DUNGWVNC 40:22

Kiimaq apaiq raq chamrii ka Tombutiip mong na khetuk kilü chantaq kriimaq kinphai na shekhu nü siim na tothüto.

EJEKIEL 43:18

Tati Rakaü Hiqwe raq ngi ma nguto, “Maiqse lei, Ngi raq jamlai wa chongtiikang tiitsang tailaq. Ümtiikiiwa berong-wacha ka haijiiq, ümniiraq nyamse honglu na ataakuq kra arjaq wa na chaq laüta kiimaq ngam tiijai maq nei laüta kiinongke chang.

EJEKIEL 8:5

Shiikeawe raq ngi ma nguto, “Maiqse lei, shekhu nü nü kiina liilaq.” Krai mren, ngi raq liikang. Liikangta kiijaq kilam chong tho na berong-wacha tho kiijaq Shiikeawe mak lii na riikhiq pinthum sumla phra kaü ashi tiichap raü chhikang.

LEWI 1:5

Apaiq raq kra minsaü pongwe ka kiijaq ataa miraq. Kiimaq Aron phan ramwebi raq ngam tiijai ka Tatiwe ma mikuq. Raütiishe Tombutiip kilamchong tho na berong-wacha sitlaq kra arong shokblai ri wiita na ngam tiijai ka miwan.

LEWI 14:13

Raüta apaiq raq kra sku pongse ka asii ba ngarai-honglu nai chaqtlii-honglu tachang ba kiijaq mitaa. Apaiq raq arka klo raa dongdii. Jamkhano ngukla thiitham-honglu ka ngarai-honglu ka ramwe rii kiimaq arka pinthum asii.

LEWI 4:29

Raüta apaiq raq ajaq ka chhechhi kaü khupo na misham. Raüta kra nyamse thun chaqtlii-honglu thun take chang berong-wacha maq shekhu nü siim kiijaq mitaa.

LEWI 6:25

Aron nai asetiim ma ngarai-honglu thungtri arthun ara kuqlaq nguta chongto. Ngarai-honglu ma akuq nyamse ka berong-wacha maq shekhu nü siim na wa na chaq chang nyamse honglu thun takuqtlaq kriiba na ta chang. Arka asii pinthum honglu.

LEWI 7:2

Ara honglu na akuq nyamse ka berong-wacha maq shekhu nü siim na, nyamse thun chaqtlii-honglu tatlaq kriiba kiijaq tachang. Raüta kra ngam tiijai ka berong-wacha siimblai wiita na raübaiq chang.

LEWI 8:19

Raüta Mosheq raq kra tato. Raüta kra ngam tiijai ka berong-wacha siimblai wiita na wanto.